رواية ضحية انتقامه الفصل الرابع 4 بقلم نور محمد
رواية ضحية انتقامه الجزء الرابع
رواية ضحية انتقامه البارت الرابع
رواية ضحية انتقامه الحلقة الرابعة
: انت ايه.. عاوز تقول ايه تاني.. اسمع ياعز انت هتروح فورا تصلح اللي هببته ده وتجيب البنت دي هنا عندي وتصلح غلطتك معاها او انت مش ابني والا عاوزه اعرفك تاني سامعني ياعز
عز بص عليها بصدمه كبيره وقال:انتي بتقولي ايه ياماما اجبها هنا؟!
نعمه ببرود:ايوه تجبها هنا وتجوزها كمان ياله دلوقتي هتروح تطلب ايدها للجواز واكتبلي العنوان بيتها هنا وانا هحصلك يابني ياله ياعز
تهند عز بضيق وقال:بس ياماما دي
قاطعته نعمه بحده:انا قولت ايه انت هتكسر كلامي ياعز قوم فورا اعمل زي مابقولك انا عارفه مصلحتك فين يابني بقلم نور محمد
عز بضيق حاول يخبيه علشان امه متزعلش منه وقال:حاضر ياماما انا هنفذ كلامك كله عن ازنك
نعمه ببسمه:ازنك معاك ياحبيبي وقلبي وربي رضيين عليك ياعز وربنا يجعلك في كل خطوه سلامه يابني
عز ابتسم لها قبل مايطلع قال:كفايه عليا الدعوات العسل دول منك ياست الكل
وسابها وخرج ونعمه بصت على العنوان اللي كتبه عز في ورقه قدامها وقالت بحزن:ياترى هقدر اشوفك تاني ياجمال او لا
وفي نفس الوقت في منزل فيروز
حياه بحزن ودموع:كان متخبي ليا فين ده بس ياربي منه لله اللي كان السبب في دخولك السجن ظلم ياجمال ياخويا حسبي الله ونعم الوكيل فيه
فيروز بدموع:كفايه بقى ياماما اوعدك عمو جمال هيرجع انا مش هسكت وهطلعه بأي تمن اوعدك
حياه بدموع:لا يابنتي انتي خليكي بره الموضوع ده انا خايفه عليكي من اللي اسمه عز ده وربنا موجود وهياخد حق جمال منه اكيد و
قاطع كلامها صوت جرس الباب فذهبت فيروز تفتح الباب وهنا تسمرت مكانها بصدمه لما لقت عز قدامها
فيروز بتوتر وخوف:انـت.. انت بتعمل ايه هنا ؟!
عز ابتسم بخبث وقال:جاي اطمن على ام ابني ايه مش من حقي يا عروسه
فيروز بارتباك وخوف:ا انا كويسه الحمد لله شكرا.. تقدر تمشي دلوقتي… بقلم الكاتبه نور محمد
عز بضيق:امشي فين وسعي كده من طريقي انا هنا علشان اشوف حماتي المستقبله
فيروز بصدمه:حماتك ايه اخرج بره حالا و
قبل ماتكمل جملتها عز دفعها برفق من قدامه ودخل عند حياه وقال بدون تردد:انا هكتب على بنتك النهاردا ياحماتي وامي جايه ورايا هنزل اجيب المأزون بس والشهود
حياه بصدمه:نعم تكتب على مين انا مش وافقه على الكلام ده
فيروز جرت على امها وبصت على عز بغضب وقالت:وانا كمان مش موافقه ايه هتتجوزني غصب زي مادمرت حياتي غصب برضو
عز بحده:لا طبعا بس هفضحك يافيروز والا انتي نسيتي ان معايا فديو ليكي ياحلوه
حياه بحده وغضب:انت كل شويه هتهددنا بالفديو ده طيب مش موافقين واللي عندك اعمله
عز اتعصب اوي من كلامها وصوتها العالي قدامه ولسه هيرد عليها سمع صوت الباب فتهند وخرج فتح الباب للأمه نعمه
نعمه ببسمه:السلام عليكم ورحمه الله وبركاته
حياه بضيق:وعليكم السلام انتي مين كمان؟
نعمه ببسمه:انا ام عز وجيت علشان اطلب ايد بنتك فيروز لابني عز حسب الاصول و عداتنا وتقليدنا ياام فيروز
حياه بحده:وانا مش موافقه ومستحيل اوفق بأبنك الحيوان ده بعد اللي عمله في بنتي
عز بحده:الزمي حدودك وانتي بتتكلمي كده مع امي يا..
قاطعته نعمه ببرود وقالت:عز انت ازاي تكلمها بطريقه دي…دي هتبقى حماتك ولازم تحترمها زي مابتحترم امك باظبط سامع
عز بأسف:حاضر ياماما انا اسف ياحماتي
نعمه ببسمه:ودلوقتي ندخل في المفيد ياام فيروز انا عارفه ياختي ان ابني غلط اوي في حق بنتك ومن حقك ترفضي جوازه منها بس فكري في الطفل البريئ ده زنبه ايه.. هيعيش اذاي بدون اب الابن مهما حصل بس محتاج ابوه جنبه لانه سنده وضهره في الدنيا
حياه تهندت بحزن وبصت على فيروز بدموع لان نعمه عندها حق في كلامها ونعمه بصت على عز اللي لمعت الدموع في عنيه من كلامها وهو بيتزكر طفولته واللي حصل معاه زمان
حياه ببرود:تمام انتي عندك حق ياام عز في كلامك بس انا عندي شرط الاول علشان اوفق على الجواز ده
عز بص عليها بضيق ونعمه ردت ببسمه:قولي ياحبيبتي واكيد احنا هنفذ ده حقك ياام العروسه
حياه بصت على فيروز اللي الدموع نزلت من عنيها وقالت:جوزي جمال يطلع من السجن الاول احنا ملناش غيره في الدنيا من بعد ربنا ومحتاجينه دلوقتي معانا… بقلم نور محمد
عز بصدمه وحده:لا ده مستحيل يحصل و
قالت نعمه بسرعه:حاضر ياام فيروز عندك حق في كلامك وعز هياخد فيروز ويسحب البلاغ عن جوزك وهيجبه معاه كمان
عز بغضب وحده:ماما انتي بتقولي ايه؟
نعمه بحده وأمر:بقول انك تاخد فيروز دلوقتي وتسحب البلاغ عن جوز امها وتجبه كمان معاك هنا ياعز مفهوم
عز كتم غضبه بصعوبه وقال بضيق:حاضر ياماما انا هنفذ كلامك كله
فيروز بفرحه:الحمد لله طيب ياله بينا نجبه بسرعه و
قاطعها عز وهو بيبص على لبسها بضيق:هتطلعي معايا كده يعني والا ايه بصي على نفسك ياهانم الاول
فيروز اخدت بالها انها ببجامه بيتي فقالت بحرج:احم عندك حق انا هدخل اغير بسرعه استناني هنا دقيقه بس
دخلت فيروز وبعد دقايق خرجت بدرس رقيق وشكله تحفه عليها وعز ركز نظره معاها بأعجاب واضح وقال:ياله بينا علشان منتأخرش هناك
فيروز ببسمه:حاضر
خرج عز ومعاه فيروز وحياه قربت من نعمه بفضول وقالت:انا ممكن اسئلك سؤال هو ابو عز فينه ياام عز ميت يعني او ايه؟!
نعمه بتوتر:لا ابو عز عايش ربنا يطول في عمره..وتهندت بتعب وقالت..تعالي معايا انتي كده كده مسيرك هتعرفي الحقيقه وانا هقولك علشان متنصدميش بعدين
حياه بعدم فهم:حقيقه ايه ياام عز؟!
نعمه بحزن ودموع:حقيقه عز وابوه يبقى مين؟
وبعد ساعه وصل عز للبيت بعد ماسحبو البلاغ عن جمال وجبوه معاهم و دخل عز البيت ومعاه فيروز وجمال جوز امها اللي اول مادخل تسمر في مكانه لما عنيه وقعت على ست فيها ملامح كتير من حبيبته القديمه فضل واقف مكانه بصدمه وزهول وعنيه معلقه بنعمه قدامه وحياه اخدت بالها من نظراته لنعمه وعنيها لمعت بالدموع
وعز قرب من امه نعمه وقبل ايدها وقال:انا نفذت كلامك كله ياست الكل المهم رضاكي عليا يأمي
نعمه ابتسم ليه وقالت: قلبي وربي ديما رضيين عنك يابن بطني
جمال سمع كلامها مع عز وهو مش مصدق عنيه ان حبيبته القديمه قدامه فعلا وقال بصدمه وفرحه كبيره: نعمه.. انتي نعمه صح؟؟
نعمه بصت عليه بحزن وجمال مقدرش يتمالك نفسه وانفجر من العياط قدامهم بقوه وحياه جرت عليه بصدمه هي وفيروز وقالت: مالك ياجمال ياخويا انت كويس بتعيط كده ليه؟
جمال مردش عليها وكان عنيه بصوبه بس على نعمه قدامه بندم وفرحه وشتياق مشاعر كتير جواه مش عارف يحدد هو حاسس بأي دلوقتي