رواية حياة من بعد موت الفصل الأول 1 بقلم إيمان أحمد
رواية حياة من بعد موت الجزء الأول
رواية حياة من بعد موت البارت الأول
رواية حياة من بعد موت الحلقة الأولى
انا هروح زيارة النهاردة لسمية فى المستشفى تيجى معايا؟
ردت ليلى بضيق وهى تقوم من على الفراش: ايه الل فكرك بيها دلوقتي
عمرو: وانا من امتى كنت نسيتها ياليلى
كمل كلامه وقال.. هتيجى معايا ولا اروح لوحدي
ردت بلؤم: هاجى طبعا معاك اشوف صديقة العمر ومرات حبى فضلها قد ايه وتتكل
مسكها من دراعها بقسو*ة وقال وهو بيجز على أسنانه: قولتلك ميت مرة متتكلميش كدا عليها
قالت بألم وهيا بتحاول تفك دراعها: ايه هيا مش دى الحقيقة ماهى أخرتها هتمو*ت وكلنا عارفين كدا
شدد من مسكته وقال بغض*ب: سمية مش هتمو*ت ياليلى انتى فاهمه مش هتموو*ت
صرخ*ت بألم وقالت: عمرو سيب ايدى ياعمرو هتكسرها
تجاهلها وقال: اياكى اسمعك تقولى كدا تانى
طيب طيب انا آسفة والله سيب ايدى
سابها وبعدها خد نفس عميق وقعد على اقرب كرسى
جثت ليلى على ركبتيها بالقرب منه وقالت: عمرو انت ليه دايما محسسنى اننا بنغلط احنا مبنعملش حاجة غلط سمية مريضة بقالها اكتر من سنتين ياحبيبي وهيا بنفسها قالتلى أخد بالى منك
عمرو بندم: قالتلك تهتمى بيا كأخت لحد ماتقوم هيا بالسلامه بس احنا خدعنا سمية واجوزنا… سمية لو عرفت الل احنا عملناه ممكن تمو*ت فيها
قالت بصوت واطى: ماهى كدا كدا هتمو*ت
عمرو: بتقولى ايه؟
ليلى: بقول هتعرف منين ياحبيبي بس ربنا يقومها بالسلامه من الل هيا فيه
قال عمرو بحزن: يارب
حبت ليلى تصالح عمرو وتكسبه لصالحها فقالت: طيب انا هغير هدومى ونطلع على المستشفى نزور سمية
وبالفعل راحوا مع بعض
فى غرفة سمية
كانت سمية باين على ملامحها التعب والمرض وجسدها اصبح نحيل للغاية مجرد ماعمرو شافها بالمنظر ده مقدرش يمسك دموعه بس مسحها بسرعه قبل ماسمية تشوفها
ليلى: ياحبيبتي ان شاء الله تقومى بالسلامه وترجعى لبيتك وعيالك
سمية بتعب: العيال عاملين ايه ياعمرو بتروح تشوفهم
رد عمرو بحنية: العيال كويسين كنت عندهم من يومين وبيسألوا عليكى
ردت على الفور: اوعى ياعمرو تجيبهم انا مش عايزاهم يشوفونى وانا فى الحالة دى
عمرو ودموعه نازلة: حاضر ياسمية
كملت سمية ودموعها نازلة: قول لدعاء تاخد بالها كويس من العيال (دعاء تبقى مرات اخو عمرو وهيا الل بتهتهم بعيال سمية من يوم مادخلت المستشفى)
هز راسه ودموعه نازلة
بصت سمية لليلى وقالت بشكر: بجد شكرا ليكى ياليلى انا عمرى ماهنسالك وقوفك جمبى فى مرضى انتى مش صديقه انتى اختى الل مجبتهاش امى
ليلى بتمثيل: ياحبيبتي ياسمية ده واجبى انا لو فى ايدى اعمل اكتر من كدا هعمل
دخل الدكتور الل مسئول عن حالة سمية وقال
بعد اذنكم عايزين نعمل للمريضة بعض الفحوصات
قرب عمرو منها وباس راسها وقال: ان شاء الله هجيلك تانى ياحبيبتي
هزت راسها بابتسامه حزينة
بعدها خرج عمرو وليلى
فى منزل محمد
انت ياولا انت وهو مش قولت ميت مرة محدش يلعب كره فى الشقة الشاااااشه هتتكسر
أوسم باعتراض: احنا مش بنكسر حاجة ياماما
دعاء: اخرس يالا انا قولت مفيش لعب فى الشقة يعنى مفيش لع…. وانتى يابت بتعملى ايه يخربي*تك بوظتى صباع الروج
رقية بصوت طفولى: طعمه حلو ياطنط دعاء
دعاء بغيظ: انتى كلتيه! وحياة امك ليكون مخصوم من مصروفك…و يلا عشان تناموا وراكم مدرسة الصبح
فارس: بكرا اجازة ياطنط
دعاء: هاا اه طب ناموا عشان اوديكم عند امكم
ردوا بفرحه: بجد هنروح عند ماما
دعاء: ايوا ان شاء الله
رقية بلماضة: ولا زى المرة الل فاتت
بس يابت بطلى لماضة لو نمتم بدرى هوديكم لماما
راحوا الاتنين ناموا على الفور
دعاء: وانت واقف بتعمل ايه
أوسم: جعان ياماما
دعاء: انت يالا مش كلت مرة
أوسم: عايز اكل تانى
دعاء: ولا تانى ولا تالت يلا روح نام.. قال أكل قال نعمل عشا مرتين وخرا*ب بيوت بقا
فى المستشفى
سمية: يادكتور انا كنت عايزة طلب
الدكتور: اتفضلى يامدام
خرجت سمية ورقة ومدت ايدها للدكتور وقالت بتعب: انا كتبت هنا وصيتى الاخيرة انا عارفه ان مش هعيش كتير بعد ماموت ادى لعمرو الورقة دى او ليلى ارجوك يادكتور متنساش
خد منها الورقة بأسف وبعدها قال: فى حاجة مهمه حضرتك لازم تعرفيها يامدام سمية ممكن تغيرلك حياتك كلها وأسف انى مقدرتش اقولك عليها قبل كدا
بصتله سمية باستغراب وقالت: حاجة ايه دى يادكتور؟
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حياة من بعد موت)