رواية حب بعد الزواج الفصل الثاني عشر 12 بقلم جمانة السعيدي
رواية حب بعد الزواج الجزء الثاني عشر
رواية حب بعد الزواج البارت الثاني عشر
رواية حب بعد الزواج الحلقة الثانية عشر
نزل خلف الاهله طبعا همه متوقعين ينزل قبل هذا الوكت
بس لان الوحده مالته منقوله اتأخر هلكد
هلمره وصل بليل الساعه ثنتين وصل اهله كلهم نايمين
هو يعرف يفتح الباب من برا
فتحه ودخل كل الي بلبيت نايمين
راح الغرفته فتح الباب ودخل الغرفه بارده وبيه ضوه احمر هادء وبيه عطر نسائي طيب
اخذ ملابسه وطلع للحمام سبح ورجع للغرفه
الفراش الي جان ينام علي بلكاع ماكووو
دور علي ماكووو يمكن مطلعته رشا
طلع جرجف من الكنتور ونام على الجربايه بصف رشا
لان تعبان ونعسان واذا يطلع يدور على الفراش
احتمال اهله كلهم يكعدون
ماانتبه الرشا لان متغطيه ونايمه
وهي هم ماحست بي
الصبح كلب على المخده حس اكو شعر جو وجه صار
فتح عيونه وبعد وجه يريد يشوفه شنو
راسا على هاي الحركه رشا كعدت باوعت وجها بوجها
راسا عاط يمه
لان هي من يوم ازوجت لليوم تنام وحدها على الجربايه
كمزت وعاطت
خلف…شبيج اني
رشا كعدت وسحبت الغطى على جسمها يمته اجيت
خوفتني
خلف وهو مغمض شنو طنطل وخوفتج
رشا…ليش نايم هنا
خلف درت وجهي عنه مالكيت فراشي ونمت هنا
رشا…فراشك فوك الكنتور
خلف…راح اضلين تحجين اريد انام
رشا…اي نام منو لازمك
خلف…اسكتي شويه تعبان
هو دار وجه ونام وهي تغطت ونامت بلجه الثانيه
كعد الساعه بلعشره الصبح لكها مدنكه وتقرا
خلف…هاي شجاي تسوين
رشا…اقرا
خلف…حكيت شعري شتقرين
رشا…امتحاناتي قربت
خلف…شنو امتحاناتج انتي مراح تمتحنيين
رشا…اني كلت العمو وكال امتحني
خلف…بكيف عمج واني شنو شغلي
رشا…انت ماجنت موجود
خلف…اي تنتضريني لمن اجي
رشا…انت تعرف صار ٢١ يوم بلجيش جمانه السعيدي والامتحان الاسبوع الجاي
خلف…ولو اني الي اقرر
رشا…هي شنو شغلت عناد مثلا هذا مستقبلي
خلف…هااا مستقبلج
غسلتي ملابسي
رشا….لا بعدني
خلف…كل الملابس الي جبتهن البارحه اغسليهن
رشا…ميخالف بعد هذا الموضوع واكمل
خلف..كمت طلعت من الغرفه
امي بس شافتني حضنتني يايمه شكد مشتاقتلك
ليش اتاخرت
خلف…لكيت الوحده ناقلينه
امي…ابوك مايدري بيك اجيت كل يوم يسولف بيك
اخذت اجازت العرس
خلف…اي راح ابقه ٢١ يوم
امي…اي خوش اجازه
خلف كاعدين نسولف اني وامي جمانه السعيدي وجاي اتريك اجت رشا
لابسه ثوب وردي ضارب على وجه ورافعه شعرها والكذله نازله على عيونه
شكله طالع كلش حلو
رشا…خلف اكو بعيرصي بالحمام اريد اغسل الملابس واخاف منه
خلف…على الحايط لو بلكاع
رشا…على الحايط
خلف…بعد شكووو هو يخاف منج وصاعد على الحايط
رشا…لو اموت ماادخل للحمام تعال طلعه
خلف…خل اكمل
رشا…يله اريد اقرا
خلف…اجيت
رحت للحمام بس دخلت انهزم مني ودخل بفتحه على الحايط
خلف…تعاي انهزم
رشا…خاف يرجع يطلع مره ثانيه
خلف…لا اخذت علي تعهد مايطلع اذا انتي بلحمام
رشا…زين ابقه هنا علما اغسل الملابس
خلف…اني قريب بس يطلع صيحي عليه
ياربي اني بلعسكريه صنفي قوات خاصه والكل تخاف مني
عضلاتي واني
وهنا اركض ورا بعيرصي
راحت الهيبه ياجماعه
بس كعدت تغسل الملابس طلع البعيرصي وطلع وياا واحد ثاني وتعاركن البعيرصيه بينهن
راسا طفرت رشا عاطت بصوت عالي وركضت تريد تطلع من الحمام راسا زلكت والتفت رجله
خلف سمعته عاطت بصوت عالي عرفت الوحش المرعب طلع عليه
اني وامي كمزنا رحت لكيته ممطوله باب الحمام وتبجي
خلف…هااا خير
رشا…اي اي رجلي رجلي توجعني
خلف..شو كومي
رشا..مااكدر توجعني
خلف دنكت عليه وشلته دشداشته كله مي
…يمه جيبيله دشداشه نضيفه تعاي غسلي
رشا…ماادخل للحمام
خلف…اوكفي هنا الزمي الحايط دقيقه دخلت للحمام
راسا انهزم مني
رجعت عليه دخلته للحمام يله غسلي
امي جابتله دشداشه غسلت وطلعت
اني لازمه مستنده عليه منا لمن دخلته للغرفه
رجعت للحمام اني كملت غسل ملابسي وشريتهن
لو ادري اني من البدايه مخلص هاي المهمه الصعبه احسنلي
امي تطبخ غدا رجعت للغرفه
رشا…خلف اريد امي رجلي ورمت
خلف…شو خل اشوفه دنكت عليه صدك مورمه
امج شسويلج جمانه السعيدي اخذج للمستشفى احسن
بدلي ملابسج علما اطلع اجيب سياره
علما طلعت للشارع ولكيت سياره فوك النص ساعه رجعت لكيته تبجي
خلف…هاا ياستار ليش تبجين وجه صاير وردي من البجي
رشا…رجلي توجعني اريد امي
خلف…اي هسه يله نطلع السياره واكفه برا
طلعنا صعدت بلسياره
امي لبست عبايته وكالت اروح وياكم
خلف…لا ام رشا تروح ويانه انتي ابقي هنا خاف ابوي يرجع
للبيت ببتنا محد بي
دكيت الباب على ام رشا طلعت
ام رشا…هله خلف يمته رجعت
خلف…البارحه البسي عباتج وتعاي ويانه رشا وكعت ورجله انفصخت
ام رشا…ياستار وين هي هسه
خلف…بلسياره بسرعه
طلعت ام رشا ورحنا للمستشفى
دخلوها للأشعة طلع فصخ اعطوها ابره مهدي وعصاره
من رجعنا
رشا…خلف اني اروح وياا امي البيت اهلي
خلف…شعدها امج على الاقل اذا بيتنا عيني عليج
خاف تتخربطين هي امج تجي يمج
رشا..عفيه خل اروح البيت اهلي
خلف…ولج همه اهلج وين جمانه السعيدي بس الحايط بينا
وصلنا نزلته ودخلته للبيت وهي مستده عليه
ام رشا بقت يمنا بيومها حتى نهى هم اجت بقت يمنا
بله حمودي هو مايفاركنا ابد
لليل ام رشا كالت ارجع البيتي لان راسي يوجعني واذا تحتاجوني بس صيحي من الحايط اجيكم
بقت رشا كاعده على الجربايه وماده رجله وتقرا
خلف…اجا عليه حسن بليل كعدنا نسولف
بس يحجي باامل متخبله شلون خلف يطردني مااصدك هذا خلف متغير هواي
اني متأكده بعدا يحبني بس هو زعلان اني مراح اعوفه ابد
خلف…تعرف كل مااسمع سوالف امل وحجيه استغرب اني شلون جنت احبه ومتعلق بيه
يااخي شكد اكرها همزين ماارتبطت بيه
حسن…اي ولله رب العالمين شكد يحبك
طلع حسن واني رجعت للغرفه لاكتني رشا تريد تكوم تطلع
من الغرفه وماتكدر
خلف…وين رايحه
رشا…للتواليت واريد اغسل قبل لا انام
خلف…اني اساعدج هي واكفه بصفي خليت ايدي على خصرها وشلته بأيد وحده
هي مثل الي مامصدكه اني شلته باايد وحده تفاجئت
وصلنا للتواليت
رشا…اوكف شوف خاف اكو بعيرصي بلتواليت
خلف…اذا اكو واحد جوا شلون تبقين بدووون……. هههه
رشا…اي احبسه للصبح وماادخل
خلف…هاي ولله طلابه ولج هلمسكين شمسويلج
رشا…ما ما ادخل
خلف.. اوكفي هنا دخلت قبله كلش ماكوو
رشا…اي هسه ادخل
دخلت وخلف بقه واكف اله
ابو خلف شافه وكام يضحك
تعاي ام خلف
ام خلف…هااا شكو
ابو خلف….شوفي شلون منتضرها وبلعرس يكول مااريدها
ام خلف…لو تشوف اليوم شلون حاير بيه من وكعت
ابو خلف…الله يهديهم
طلعت رشا غسلت رجع شاله على جتفه منا لمن وصله للغرفه
رشا….اطلع اريد ابدل
خلف…اروح اغسل وارجع
رجع خلف لكنها لابسه ثوب اسود نص ردن ومدده
خلف…اخذتي العلاج
رشا…لا نسيت
خلف.. اخذي حبايه لان احتمال توجعج بليل
خل