رواية حب بعد الزواج الفصل السادس عشر 16 بقلم جمانة السعيدي
رواية حب بعد الزواج الجزء السادس عشر
رواية حب بعد الزواج البارت السادس عشر
رواية حب بعد الزواج الحلقة السادسة عشر
خلف…رجعت للبيت دخلت للغرفه ونمت بقيت كل النهار
بالغرفه ماطلعت كلما اكعد ارجع انام
اريد الوقت يخلص
بس اكعد راسا تصير صورته كدام عيني
خلص هذا النهار وبليل طلعت من الغرفه
امي…يمه خلف ليش ماتاكل موزين عليك من امس بدون اكل
خلف…مااريد اكل
ابو خلف…اتريد اروح وياك نرجع رشا
خلف…لا اني اروح وحدي اني الغلطان واني اتحمل غلطي
دخلت سبحت وبدلت طلعت دكيت الباب
حمودي فتح الباب
خلف…هلو حمودي شلونك
محمد…بخير الحمد لله
خلف…اريد رشا احجي وياها
حمود…رشا تعبانه ماتكدر تكوم
خلف…اني ادخل عليه
حمود…اوكف اروح اكلله وارجع
خلف…منتضرك
طبعا اني متوقع راح ترفض تشوفني بس اني لازم احاول
رجع عليه محمد
محمد… اتكول تعبانه ومااريد اشوفه
خلف…اني اريد اشوفه
محمد…ماتقبل كامت تصيح عليه تكول ليش فتحت الباب
خلف…منو يمها جوه
محمد…بس امي
خلف…اني راح ادخل عليه
دخلت واني اصيح رشا رشا
جانت كاعده على الفراش وامه كاعده يمه
راسا بس شافتني كامت تعيط اطلع برا اطلع برا مااريد اشوفك اطلع
خلف..بس احجي كلمتين واطلع
راسا ام رشا اخذت حمودي وطلعت من الغرفه
رشا…ماما لا تعوفيني هذا مجرم
بس طلعت ام رشا اني طبكت الباب وكعدت كباله
خلف…اعرف اني غلطان واعرف كلمة اسف مراح ترجع
اي شي بس اني كلش ندمان
رشا…واني بعد مااريدك افهم اني مااريدك اطلع من حياتي اني اكرهك
خلف…اريد تعرفين شي واحد اني احبج جمانه السعيدي اقسم بلله اني احبج وحياتي ماله معنى من غيرج
من البارحه لليوم مريض بسبب الي صار
الشيطان سيطر على عقلي
كلشي صار مو ذنبي ماكنت اكدر اسيطر على مشاعري
اني بهم وحزن وقلق من يوم االتحقت للجيش
لمن شفت سالم دخل للشارع
ماصار بعقلي غير هو جاي علمودج
يمكن خفت لا ترجعين تحبيه مره ثانيه
يمكن خفت لا يأثر عليج
اني احبج افهمي ومااكدر اتخيل مجرد تخيل انت تفكرين بواحد غيري
من شفته داخل للشارع اول مالتحقت بدا الشيطان يخليني اتخيل اشياء واشياء
واليوم الي رجعت بي جان الوقت متأخر الساعه ١٢ بليل
وهم شفته طالع من شارعنا
والي خبلني اكثر مالكيتج بلبيت
جنتي نايمه ببت اهلج ساعته مااعرف شلون صبرت على نفسي وسيطرت على غضبي وبس كمت اصيح عليج
بقؤت بقلق واني اراقب تصرفاتج
خفت اضيعين مني
ماكدرت اتحمل اكثر اريد انفجر من الغيره والشك
لمن طلعت للسوك
لكيت صديقه سئلته علي طبعا هو مايهمني واني ليش اسئل علي اصلا شنو علاقتي بي واسئل علي
بس الشيطان خلاني اسئل حتى هاي المشكله تكبر براسي اكثر واكثر
الي زاد الشك عندي صديقه يكلي مصادق وحده من شارعكم وبينهم علاقه غير شرعيه
ويروح الهم للبيت كلما يطلع زوجه
اني مااكدر اوصف حالتي شنوو
ولله مااعرف شلون وصلت للبيت جمانه السعيدي احس نار تمشي بجسمي
من وصلت وصحت علبج وانتي نزلتي
من فوك مبدله ومتمكبجه تخبلت
اي تخبلت مااعرف شصار بيه
هذا مو اني الي ضربج لان ساعته عقلي مو عندي
مجرد افكر اكو واحد غيري بحياتج هذا الشي شل تفكيري
تحولت الوحش
عندي تموتين ولا احس اكو واحد غيري بحياتج
اني هسه حجيت كلشي بخاطري اني صار شهر اتعذب من يوم التحقت لليوم
اعرف غلطت بحقج والي سويته مو من حقي
بس ولله احبج ومستعد الاي شي تردي
اطلبي اي شي واني كدامج
رشا…خلصت كلشي كلته مو مبرر للي سويته بيه
مو من حقك تضربني بعدين اني اذا مااحبك شنو تجبرني
احبك مثلا
هاي انانيه الحب شعور مو قرار
اني هسه مااريد منك شي غير اطلكني وتعوفني اعيش حياتي كافي الحد هنا
اني بعد مااكدر اتحمل اكثر
خلف…مستحيل اطلكج ولله لو اموت مااطلكج
تردين تبقين ترتاحين بيت اهلج
ماعندي مانع بس طلاك لا مااطلك
رشا…اطلك وغصبا ماعليك اني صوجي البارحه مااشتكيت عليك وكلت يضربني حتى اطلك بسرعه منك
خلف…مااطلكج لو تبقين العمر كله هيج لازم يوم تحسين بحبي اللج
سامحيني واني اوعدج مراح تتكرر مره ثانيه
رب العالمين يخلق البشر ويتعب علي والبشر يعصي ويغلط
ويسامحه واني ماغلطان بحقج قبل هاي اول واخر مره
بعد ماتنعاد ابد
أقسم بلله مامديت ايدي عليج غير من غيرتي عليج
مااتخيل ممكن تفكرين بواحد غيري
اني رحت على سالم للبيت ولله لو لازمه اله اموته على ايدي
حتى ارتاح اي اذا مات ارتاح
على الاقل ارتاح اذا اعرف ما تفكرين بواحد غيري
رشا…اني تحملت هواي اسلوبك العصبي وعنادك وتسلطك
وكلت ميخالف هسه يعرف طبعي ويتغير
لمن حسيتك شويه تغيرت فرحت
كلت خلاص طلع معدنه الاصلي
هلمره كنت متحضره كلت بس يرجع خلف راح اقرب منه
حتى يكون هذا الزواج حقيقي
خلف كلبه طيب وبعد احنا مزوجين
لمن اجيت مناك عصبي كلت ميخالف ايجوز واحد غاثه
او سامع شي لو تعبان
اني جنت تعبانه ومريضه بيومه وانت حتى ماكلفت نفسك تسئلني شبيج واني كتلك تعبانه
سكتت ونتضرتك تصالحني لان اني مو غلطانه
حتى أمس من ضربتني
اني رتبت الغرفه وسبحت وبدلت وتعطرت
وبقيت منتضرتك ردت اقرب عليك واشوف انت منو شنو
ضايج
خالتي كالت صعدي الفراش شري على السطح
صعدت الفراش واتفاجئت بيك تصيح عليه
نزلت وانت هجمت عليه
احنا من البدايه زواجنا كله غلط انت شاب ماناقصك شي
تكدر تزوج وتعيش حياتك
واني عوفني اعيش حياتي
نعتبره تجربه فاشله ومرينا ببهن
احلفك بكل غالي عليك عوفني جمانه السعيدي اني بعد مااكدر اتحمل اكثر
اني ضعيفه مو قويه حتى اكدر اتحمل
عوفني وعيش حياتك
خلف…كمت من مكاني وقربت عليه شلون اعوفج
ولله مااكدر
رشا…لا تكدر مثل ماكدرت اتمد ايدك عليه تكدر تعوفني
بلبدايه صعب بس بعدين راح تتعود
خلف…مستحيل مااكدر اعوفج مدت ايدي اريد الزمه راسا رجعت ليوره
رشا…لا تقرب عليه
خلف…اني مااريد اضغط عليج راح اعوفج ترتاحين
اني بس باجر هنا وعكبه التحق
فكري زين بس اريدج تعرفين شي واحد اني احبج
ومستحيل اكدر اعوفج بيوم من الايام
طلعت واني اكول بلكت الله يهديه وترجع وياي
واني قسما بلله بعمري مراح أمد ايدي عليه مره ثانيه
ثاني يوم بقيت بلبيت كاعد يم الحايط بلكت تطلع واسمع صوته
للعصر اجا حمودي كال اريد ملابس رشا وغراضه
شكد ضجت شنو تاخذ ملابسه وغراضه
خاف بعد ماترجع
جمعت كم قطعه ملابس وخليتهن بلجنطه ونطيته اله
وصل شويه ورجع
محمد…اتكول اريد كل غراضي وملابسي
خلف…حمودي ليش ازعل منك
محمد… تزعل مني
خلف…اي لاتاخذ كل ملابسه هي راح ترجع وتحتاجهن
محمد…ولله ماتقبل تكول اريد ملابسي كلهن وغراضي
جيبهن
خلف…. هاااي شلون