رواية بيت البنات الفصل الأول 1 بقلم جمانة السعيدي
رواية بيت البنات الجزء الأول
رواية بيت البنات البارت الأول
رواية بيت البنات الحلقة الأولى
احنا بيت البنات البيت بي ٣ بنات
وهاي كانت اكبر ازمه بلنسبه الابوي
واكبر مشكله كنا نعاني منه ابوي مايريد البنات
يريد ولد
عبالك الولد نشتريهم او امي الي تختار البنات
رغم العلم يكول تحديد الجنس من الاب لان يحمل موجب وسالب والأم مجرد وعاء حاضن للنطفه
المشاكل بين بابا و امي مستمره ليل نهار
بحيث احنا كرهنا البيت وكرهنا حتى نفسنا رغم ولله احنا مودبات وحلوات والناس كله تحلف بااخلاقنا
بس ماعدنا حظ وياا ابونا
ولا يوم سمعنا منه كلمه حلوه
ولا حضن وحده ولا بأس وحده منا ولا سئل على نتيجة مدرسه
اكثر كلمه نسمعه على السانه الله ياخذجن ويخلصني منجن
اربي واصرف واكبر وانطي للزلم
جمانه السعيدي
اني زهراء الوسطانيه وفاطمه الجبيره ورقيه الزغيره
اني اكره ابوي اي اكرهه لان ماحسيت بحبه ابد ولا يوم
حسيت نفسي بنته
كلما اشوف وحدا ابوها يوصله للمدرسه
لو يشتريلها لو ينتظرها حتى يرجعها للبيت
شكد اضوج ووانقهر
من يصير اجتماع الآباء بلمدرسه ابقه محتاره
لان مايقبل يجي اصلا اخاف اكله تعال للمدرسه
رغم اني شاطره ونضيفه ومودبه
ثاني يوم تروح امي تسئل عني
اني وخواتي كنا نواجه نفس المشكله
ونفس المشاعر اتجاه ابوي
اصلا احنا مانفرق عندا ولا يوم حاول يشوف طلباتنه
اذا وحدا تتمرض يرفض ياخذها للطبيب
كان رده المشهور خلي تموت وونخلص منه
ويرفض ينطي امي فلوس حتى تاخذنا للطبيب
أحقر اب شافته عيوني اكرها اموت منه
امي كانت تتقرض فلوس من بيبي وتأخذنا للمستشفى
وبيبي اجيبلنا ملابس المدرسه
وجدي يتكفل باي حاجه نحتاجه
اما ابوي اب بس بلاسم
جمانه السعيدي
فاطمه اكبر مني بسنتين مواليد ٩٠
واني مواليد ٩٢
ورقيه مواليد ٩٤
كل مره بابا يتعارك وياا امي اكرها بلزايد
تحسينه انسان بلا مشاعر ولا احساس كنت اكول الامي
زهراء…ماما خل نروح نعيش بيت جدو اصلا احنا شمفتهمين منه طول النهار بس يتعارك ويانه
امي…الله كريم
زهراء…لو نقتله وندفنه ونخلص منه
امي…لا عيب لا تحجين هيج على ابوج
زهراء…لا تكولين ابوي هو هذا هم اب
رقيه…اني هم اكرها
فاطمه….حرام ينحسب علينا اب
امي…احنا اربعه منو يحملنا خلينا كاعدين وساكتين هنا
بلكت رب العالمين يفرجها علينا
بس ابد مااجه الفرج وبابا كل يوم يصير اسوء من اليوم الي قبله
الحد مااني وصلت صف سادس ابتدائي
وفاطمه ثاني متوسط
ورقيه بلرابع
بيوم توفة زوجت ابن خالة امي
بيبي اجت وكالت تعاي نروح للعزا
بابا كان ماموجود بلبيت امي كانت حيل متردده
وخايفه تطلع
بس بيبي صمتت تأخذها وياها
راحت امي وبعد ماطلعت من البيت بساعه رجع بابا
ولمن سئل على ماما
بابا…وين امجن
زهراء…زوجت خالو مهدي توفة وامي وبيبي راحن للعزا
بابا…ومنو سمحله تطلع شلون تطلع بدون ما تستئذن
اني هنا ك…و..ا..د شنو
فاطمه…شلون اتكلك وانت ماموجود وماتكدر تروح وحدها بعدين لان بيتهم بعيد
راحت وياا بيبي
بابا…اي هي بيبي هي المصيبه الجبيره كل مشاكلنا من ورا بيبي
زهراء…بابا بقه يروح ويرجع ويتوعد امي بس وصلت
للبيت لزمه ضرب واهاين
احنا البنات اتلاثتنا نريد نخلصه منه ماكو
عبالك منتضر هاي الفرصه
ضربنا اتلاثتنا موتنا تموت
بعدين طلعنا بلشارع
امي…حرام عليك يارجال فرجت الناس علينا
بابا…انتي طالق ومااريد اشوف وجهج انتي وبناتج بعد
واي وحده منكم تجي هنا اقتله خلاص
انتي وبناتج عار كافي صار ١٤ سنه متحملج
اطلعي من حياتي خل اشوف دربي
الشارع كله طلع يتفرج علينا امي لملمت نفسه بلعبايه
ودموعها عشره عشره
اني وخواتي نبجي على بجيه
موقف صعب ومحد يكدر يتحمله
جمانه السعيدي
نسوان الجوارين اجن عرضن عليه تروح وياهن بس ماقبلت
اخذتنا ومشينا وصلنا الراس الشارع واجرنا تكسي
ورحنا البيت جدووو
من وصلنا وشافونا بيبي وجدو تخبلو علينا
لان ماما ووجها كله كدمات وجروح اثر الضرب
وعينها زركه
واحنا بااخس حال مبهذلين من الضرب
وشعرنا مكطع من الضرب والجر
جدي راسا بس شافنا اتصل على خالو علي
امي عدها اخت وحيده ازغر منه مزوجه بغداد وعدها بنيه وحدا وأخ وحيد ازغر واحد
الي هو خالو علي
مزوج وعايش وياا بيبي وجدو بنفس البيت
عندا اطفال ثنيين
جدي اتصل على خالو علي واخذنا ورحنا المركز الشرطه حتى نثبت حاله
بعدين اشتكينا بلعنف الاسري على بابا
اربعتنا أكدنا دائما يضربنا ويعنفنا وبخيل بلمصرف ويانه
رجعنا البيت جدو والشرطه راحت تقبض على بابا
بليل كالو لزمو وباجر يبدون يحققون ويااا
يعني نام بلسجن بذيج اليله
رغم هذا اليوم الصعب الي مرينا بي
بس اني كنت فرحانه لان خلو بلسجن لو بيدي
يبقى بلسجن ولايطلع منه ابد
ثاني يوم دز المحامي حتى يتفاوض وياا جدي
يريد يطلع من السجن
جمانه السعيدي
المحامي….حجي اني جاي اسمع كل طلباتكم
جدي…بنتي تاخذ كل حقوقه ونفقه للبنات ويوفرلهن سكن
ويطلك لان الي يضرب بنتي ويعنفه ويفرج عليه الناس
مااريده بعد
المحامي…. اي حجي هو يريد يطلك ويدفع نفقه
بس خل يطلع من السجن شلون راح ينفذ طلباتك وهو داخل السجن
وقع بابا يدفع نفقه كل شهر وطلك ماما بلمحكمه
دفع نفقه اول شهر وطلب مهله يحضر سكن النا
وهو هذا الشهر الأول والأخير بعد ماشفنا بابا
ولا دفع النا اي شي
باع البيت وانتقل البغداد
وكلما يجي علي بلاغ مايلكونه باي مكان
كان مخطط الكلشي يخلص منا بدون مايدفع اي شي
كعدنا بيت جدو وجدي تكفل بكل مصاريفنا
كلنا كاعدين بغرفه وحدا
نقرأ بيه ونام بيه
صحيح جدو وبيبي زينين ويانه
بس زوجت خالي كانت مضايقه من وجودنا بلبيت
وتسمعنا حجي
هي موضفه ومن ترجع تلكه امي محضره الغدا تتغدا وتنام
بس بليل تنزل تساعد بلمطبخ
مع ذالك كانت ماراضيه
وتسمعنا كلام طول النهار
ساعه تكول البيت صار هوسه
ساعه تكول مو بيت هرج
ساعه تكول مايفيد تنضيف ولا ترتيب
ساعه تكول اروح الاهلي اريح راسي
امي كانت تضم بكلبه وتسكت بس حتى لا تصير مشاكل
لان ماله مكان ثاني تروح اله
ولا بيده مهنه ولا وضيفه واحنا هواي اربع نفرات
وبعدنا زغار
جمانه السعيدي
امي حيل تغيرت ودائما حزينه وشكله ذبلان
بعد ماكانت تسكن بيت وحدها وكلشي بايدها
صارت ضيفه ثقيله بهذا البيت
رغم قساوة ابوي بس عدنا مكان ساكنين بي
حتى احنا صعب نقرأ دروسنا مثل قبل
الطابق الثاني البيت خالوو مانصعد
والصاله للخطار مقفوله
وغرفة جدو وبيبي مانكدر نقرأ بيه
بس غرفتنا محبوسين بيه
ومانكدر نقر اتلاثتنا بهاي الغرفه
اني مستواي بلمدرسه حيل نزل
وخواتي نفس الشي
بعد ماخلصت ماما العدا سمعنا خلو مهدي ابن خالة امي الي توفت