رواية اخفاء فضيحه الفصل الثامن 8 بقلم جمانة السعيدي
رواية اخفاء فضيحه الجزء الثامن
رواية اخفاء فضيحه البارت الثامن
رواية اخفاء فضيحه الحلقة الثامنة
رهف بديت اجمع ملابسي واني ابجي معقوله بعد ما جنت عروسة امير
هسه اروح السيف
حتلو مو زواج حقيقي شلون راح اكدر اعيش ويااا
واتحمله
والنوب لا يوم ولا يومين ست اشهر
ليش هيج امير اعتب عليك
ليش خليتني بهيج موقف صعب
لا انت بقيت وياي وحميتني وحميت ابنك
ولا انت رحمتني من كلام الناس
شلون راح اعيش ويه سيف ولله خايفه منه
جمانه السعيدي
بليل اجا عمي وسيف وجابو وياهم شيخ يعقدلنا
بما انو احنا متفقين على كلشي بدا بلعقد
عقدولي واني لابسه اسود وخاله شال اسود على راسي
ودموعي اتصب
اذكرت العقد مالتي اني وأمير
شلون لبسني الذهب وشلون نركص اني وياااا
وشلون أهلنا فرحانيين
هاي تاليتي عقد بملابس سود والدموع تجري
خلص العقد وبدأ يعقد السيف
واني وامي رحنا للغرفه شبكت امي وكمت ابجي
وهي تهدي بيه
دك التليفون امي باوعت شافت اتصال خالتي هناء
اشرتلي اسكتي
ام رهف هلو ام امير شلونج
…شلوني تالي عمري ابو سيف رجعني الاهلي ويكلي بعد ما اريدج
…ليش شصار
…وللج جاب غرفه السيف ويريد يزوجه
…اي وشكو بيها
…شلون شكو بيها وللج دم امير بعده ما ناشف
ليش هيج يسوي بيه
….وانتي ليش هلكد ضايجه ترا زواج سيف لا يقدم ولا ياخر بعد العزيز راح
امير راح بعد كلشي ما يسوه من دونه
جمانه السعيدي
…وللج نار ومشتعله بكلبي اريد اموت
ما حسب حساب الحزني ولا كال خطيه توها انفجعت بابنها
…اتعوذي من الشيطان ورجعي البيتج
…ما يريدني لان كتله لازوج سيف
…تردين اني وأبو رهف نجي نرجعج
…لا اريدج تعرفيني منو العروسه
منو هاي بت الخايبه الي اطوها الهذا السكير
اريد اروح اخربها اني يطردني علمود سيف
ام رهف انت ليش كورج وكور هلولد عوفي بحاله
وحافظي على بيتج وجهالج
ام امير اريدج باجر ادزين ابو رهف يعرف العروسه منيين
وبعدين تجين ترحين وياي نروح نخرب العرس
امير مات وسيف يتزوج
شايف مصايب الدنيا
جمانه السعيدي
ام رهف ميخالف بسيطه اني اجيج الصبح تدللين
ام امير اهم شي تعرفين العروسه منيين
ام رهف صار من عيوني ديري بالج على صحتج لايصعد صغطج وتنجلطين وساعته ما يفيد كلشي
عندج ولد وبنيه محتاجينج
ام امير غير كون صلاح يخاف على صحتي لا هو طردني
ام رهف ميخالف باجر اجيج ونحله اني وياج
امي سدت التليفون ومحتاره شراح تكول الهناء
جمانه السعيدي
صاح بابا
…… بابا حضرتي نفسج عمج مستعجل
رهف مسحت دموعي وكتله اي بابا جاهزه
ماما تعاي وياي ولله اخاف من سيف
ام رهف اي اجي اوصلج وارجع
طلعت بثوبي الأسود ولافه شال على راسي ولابسه رداء اسود
وامي طلعت وياي
سيف أتقدم اخذ الجنطه من ايدي
ام رهف بلخير عليك وليدي مبروك الف مبروك
سيف شكرا خاله الله يبارك بيج
طلعنا كلنا حتى بابا اجا ويانه
وصلنا بابا للباب ووصا سيف عليه ورجع
امي وعمي دخلو ياي للمشتمل
امي دخلت الغرفة النوم وخلت ملابسي بلكنتور
وعمي وسيف يسولفون ما سمعتهم شيحجون
ابو سيف دير بالك على بت عمك خليها تنام بلغرفه وحدها انت نام هنا بلهول
باجر اجيبلكم مسواك من الصبح واجيبلكم ريوك
حاول تكون لطيف وياها لان مبين تخاف منك
سيف انشاء الله
ابو سيف باجر اجيبلكم مجمده زغيره تحتاجونها
سيف ولله ما اعرف شلون اجازيك الله يحفضك اليه
ابو سيف بعد ما أوصيك عليها
سيف لا توصي حريص
ابو سيف يله خويه ام رهف اوصلج للبيت
رهف يمه باتي يمي اليله ولله اخاف منه
ام رهف هو شنو وحش وتخافين منه
اطمني ما يقربلج ابد ابو وصاااا عليج
طلعت امي واني عيني عليها ودموعي نزلن ولله خايفه
ومآ حاسه بامان ابد
كله من ورا خالتي هي جانت دوم تخوفنا منه
رحت راسا قفلت بابا الغرفه عليه
وبقيت كاعده بلغرفه
اسمعه يحوس خدر جاي لان اجتني ريحة الجاي
وشغل التلفزبون اكو لعبه طالعه
بعدين صار هدوء وماكو حس
عرفت هو نام اريد اطلع للتواليت وجنت خايفه منه
فتحت الباب على كيف شفته مغطي راسه ونايم
طلعت امشي على كيف على أطراف اصابعي مثل الحرامي ورحت للتواليت
وفتحت الثلاجه شربت مي واخذت بطل مي وياي ورجعت للغرفه
ياربي ولله حاله إلى متى راح ابقى هيج
جمانه السعيدي
تمددت وتغطيت اباوع للغرفه حلوه
شيصير لو هسه امير يمي شيصير لو هسه مزوجين
ولا متخيله بيوم من الايام
اصير زوجت سيف واني ويااا نعيش تحت سقف واحد
تعبت ونمت سمعت الباب الخارجي اندكت
باوعت الساعه بلعشره الصبح
انتضرت سيف يفتح الباب ما كووو
كمت من الجربايه ورحت فتحت باب غرفتي على كيف
شفت سيف ماكو يمكن طالع
طلعت افتح الباب صحت منو
ابو سيف اني عمو افتحي الباب
فتحت الباب عمي جايب مسواك اشكال واللوان
وجايب كيمر وكاهي
دخلناها اني ويااا جوه
ابو سيف اذا اني عمج وتحبيني اكلي اتغذي زين
اريد ابن امير يطلع قوي
رهف بس هذا المسواك هواي
ابو سيف يله شوفيني طبخج اني بعد شوي اجي اتغدا يمكم اطبخي هاي الدجاجه
رهف صار عمو تدلل
عمي طلع واني بديت اطبخ ما اشتهي اتريك
امي ما اجتني يمكن راحت الخالتي
ام رهف قررت اروح الهناء واحجيله كلشي لان بيتها راح يخرب بسبب هاي الشغله
بلكت الله يهديها وتعقل وترجع البيتها
وتغير اسلوبها ويه زوجها وتحس بغلطها
وصلت لكيتها شاده راسها وعيونها مورمه من البجي
ام رهف شبيج
ام امير راسي يوجعني من البجي والقهر عرفتي العروسه منيين وبت منو
جمانه السعيدي
ام رهف اني اريد احجيلج موضوع مهم وانتي اكيد طرف بي اني ما جنت اعرف من زمان توني عرفته
ام امير شكووو احجي شصاير
ام رهف امير قبل وفاته بكم يوم تقرب الرهف ورهف طلعت حامل
ام امير يايمه عزاااا
ام رهف اسمعيني للاخر واني خفت ابوها يعرف ولله يذبحها ومآ يرحم حالها لان سمعتنا موهينه
واذا كبرت بطنها شراح نكول وشنحجي
اني رحت الابو سيف من ورا ابو رهف وطلبت منه يحل هاي المشكله بسرعه كبل لاتكبر بطن رهف
وساعته شلون نحلها
ابو سيف ما لكه غير حل كال ازوجها السيف ونداري على هاي الفضيحه
ام امير شلون تحجين صدك زوجت سيف رهف
عمت عيني عليك وليدي
اخذو عروستك
ام رهف اني مثلج ما حابه هاي الزواجه ابد
وسيف ما اطيقه ابد
بس ما لكيت غير حل رهف رادت تنزل الطفل واني ما قبلت كتلها هو هذا الشي الوحيد الي باقي من ريحة امير
ام امير كامت