رواية ابن دار الايتام الفصل الثاني 2 بقلم جمانة السعيدي
رواية ابن دار الايتام الجزء الثاني
رواية ابن دار الايتام البارت الثاني
رواية ابن دار الايتام الحلقة الثانية
قصي ودعت الدار بنضره اخيره ومشيت
امشي واباوع كلشي عليه جديد
عالم جديد بلنسبه اليه
كلشي ما اعرف عنه
امشي واباوع للناس الي تشتغل
شفت ناس تدفع عربانه وناس تبيع ماي وعصير
وناس شايله ملابس بيده وتبيع
وناس تبيع عطور
وبسطات مكياج
وعرباين تبيع اكل
بقيت النهار كله افتر
اكو شغل بس اني ما عندي راس مال
الشغل يريد راس مال
واني مااملك اي شي ابدي بي
لليل واني افتر طول النهار اكلت لفه وحده
اني عندي مبلغ كلش بسيط
الدار انطتنيا
بس ما اريد اصرفه كله بيوم واحد لان ما اعرف باجر شنو راح يصير
جمانه السعيدي
بليل تعبت فرشت كارتونه وخليت جنطتي جوه راسي ونمت
كعدت الصبح على صوت عركه
فزيت لكيت ولد ثنيين يتعاركون على المكان
ثنيينهم يبيعون مي وعصير
ويتعاركون على المكان
حسب ما افتهمت هذا المكان كان واحد منهم يبسط بي
وراح يشوف اهله
اجا هذا الثاني استغل الفرصه وكعد بي يبيع
اول واحد صاحب المكان كدر يسترجع مكانه والثاني اخذ
غراضه وبتعد عنه
كعدت شويه بعدين قربت منه وكتله
السلام عليكم
…عليكم السلام
…مديت ايدي اسلم علي وكتله قصي
…سلم عليه وكال اهلا وسهلا محمد
…اريد اسئلك سوال
…تفضل
….اذا واحد ماعنده راس مال يفتح مشروع شنو ممكن يشتغل
…انت منيين
…مو مهم اني منيين اريد اعرف من خبرتك
…لا لازم اعرف انت من بغداد لو محافصات
…لا من بغداد
…يعني ماعندك فلوس ابد
…اي ماعندي اي فلوس
… اني شفتك نايم بلشارع
…اي ولله لا عندي فلوس ولا مكان انام بي
…زين اني راح اساعدك
انطيك هذا سيت المي تروح تبيع بلتقاطع
على أصحاب السيارت
واذا بعته بسرعه ترجع تاخذ واحد ثاني
اني راح اخذ منك بس فلوس المي والربح الك
…اي ولله اكون ممنون منك
…بعدك ما متريك
…مو مهم الريوك خل اروح ابيع
…لا مهم نتريك حتى الدماغ يشتغل
…هاك روح جيبلنا لفتين فلافل
…
انطاني فلوس اخذتهن امشي واكول الله اذا احب عبدا سخر له عباده
اللهم انت اعلم بحالي يالله
جمانه السعيدي
جبت لفتين وكعدنا ناكل اني وياااا
بعدين شربنا جاي
اخذت السيت مال المي ورحت
اكو ولد يببعون اني ما حاولت احتك بيهم ابد خاف تصير مشكله مثل مشكلة محمد الصبح
وكفت بعيد واني شايل السيت بايدي
جان توكف كيه ناس رايحين للزياره
واكو مره صاحت عليه خاله بيش البطل
قصي …بربع
…جيب السيت كله
انطتني الفلوس واني من الفرحه ما صدكت نفسي
اخذتهن ورجعت طاير لمحمد
…كتله بعت السيت كله
محمد ضحكت وكتله زين عفيه هاك هذا السيت الثاني
قصي هاك فلوس السيت الي بعته
محمد اني وعدتك اخذ بس فلوسه والربح الك
هاي فلوس السيت وهذي الفلوس حلالك
قصي ما صدكت الي يصير وياي الحمد لله والشكر
شنو هذا اللطف الالهي
اخذت السيت الثاني ورجعت النفس المكان
اكو ولد بس شافني اجا عليه يركض
هو ازغر مني وشكله كلش وصخ
…انت شعندك هناااا
..اني كتله لاتصير عصبي كلنا رزقنا على رب العالمين
…هذا مكانه لاتوكف هناااا
…اني اشتغل ويه محمد واشرتله علي
…سكت وماحجه اي شي عافني وراح
بقيت واكف شويه
شويه ووكفت سياره حديثه ويطلع منها دخان صاحبه وكف بسرعه وفتح البنيد
ويريد مي يطفيه
اني بس شفته ركضت علي
فتحت سيت المي وكمت افتح بلبطاله واطفي بلنار
هو هم كام يسحب بلبطاله ويطفي بلنار
شويه وطفت
قصي الحمد لله على السلامه
…الله يسلمك يابطل شكرا للمساعده
…لا ما سويت شي تدلل
…طلع عشره ونطاني
….لا ما اخذ منك اني ما سويت شي ابد
…ولله اله تأخذه حلفت تأخذه لو ما انت جان ما لحكت عليه
…قصي فدوه اللك لا اضوج
…الحمد لله والشكر
…خله العشره بجيبي
يابه ما اوصفلكم حجم فرحتي فرحت لان كدرت اساعده
وفرحت بلعشره الي انطانياها
بقن عندي تقريبا اتلث ابطاله
وكفت شويه وبعتهم ورجعت لمحمد
اولا حجيتله على الولد الي ما قبل اوكف بلمكان
محمد مالك شغل بي بس يحجي وياك تعال كولي
هذا يسمونه ابو وصخه
شراني ويعارك بس اني ما يندك بيه ابد
وبعدين طلعت العشره
وكتله الله رزقني هاي العشره
محمد تستاهل انت مبين ابن حلال
اخذت السيت الثالث ورجعت النفس المكان واني كلي حماس وما مصدك رب العالمين شكد واكف وياي
للضهر حصلت ٢٥ الف رجعت لمحمد
محمد تعال خل نتغدا واستراح شويه
رحت جبت غدا من مطعم شعبي تمن وفاصوليا وشربنا جاي
ورجعت الشغلي
لليل حصلت ٤٠ الف
قصي باع محمد انت ساعدتني وانت ماتعرفني واني اريد اقسم ذني الفلوس وياك
محمد ابد ولله اني كتلك ما اخذ بس الفلوس الي اشتربت بيهن المي
انت انسان مرزوق واني مجرد سبب
تعشينا لفات
وبقيت واكف للساعه ١٢ بلشارع حصلت خير من الله
جمانه السعيدي
محمد تعال اخذك وياي اني ماجر غرفه بفندق رخيصه
اني وياي ثنيين من جماعتي
قصي بس تاخذ مني فلوس الاجار
محمد يمعود كلنا مأجورين ١٠٠ بلشهر هو فندق شعبي ورخيص
خلاص احنا صرنا اربعه ونتقاسم الاجار بينا
اخذت جنطتي ورحت وياااا
الفندق قديم وبسيط كلش
دخلت وتعرفت على الولد الي وياااا
كلهم من نفس محافضته طبعا ماكو اسره
كل واحد فارش بلكاع ونايم
والمكان عباره عن غرفه وصحيات وبس
يعني بس ينامون هنا الاكل كله برا
خل احجيلكم شويه عن محمد
محمد اكبر مني باربع سنوات مخلص اعداديه وظروفها ما سمحتي يكمل
هو من النعمانيه
وصار اكثرمن خمس سنوات يشتغل بهذا المكان
حتى من جان يدرس يجي يشتغل بلعطله
ينزل الاهله كل اتلث اشهر مره
عندا اخ اكبر منه عسكري مزوج وطالع
وواحد ازغر منه بعدا يدرس
واخوات ثنيبن طالبات
وابو عندا راتب تقاعد بلا ضافه عندا شغله ثانيه
يشتغل بمحصار حلال مال ناس شبعانين
وينطونه ٥٠ بليوم
بس محمد حاب يعتمد على نفسه ويشتغل ويكون مستقبله
جمانه السعيدي
محمد وانت منيين وشنو قصتك مبين شكلك نضيف
ومرتب
قصي اني من دار الايتام وما اعرف اهلي منووو
وتعرف سياسة الدار
الي بتمم ١٨ لازم يعتمد على نفسه
محمد بي هيج غلط اكو شباب اضيع ما تعرف ادبر نفسه
المفروض اكو مشاريع صناعيه
والشباب تتحول من الدار وتشتغل بيه
حتى يضمنون معيشه زينه الهم
قصي اي ولله عندك حق بس شنسوي هذا الموجود
محمد يله خل انام باجر ورانا شغل
باجر لبس تراك اريحلك من البطرون بلشغل
قصي اي عندي تراك
ولو ملابسي اليوم هنه سبب شغلي الناس تحب الانسان