سكريبت هدوان السر (كامل) بقلم ولاء عمر (الرواية كاملة)

سكريبت هدوان السر (كامل) بقلم ولاء عمر

ــ من مظاهر الرجولة إنك تسيب كل حاجة في البيت على الست، مهو مفيش راجل يقف يساعد مراته حتى لو بتموت، مش كفاية بتطلع تشتغل وتتعب، ده اللي ناقص إنك كمان تساعدها.

مين قال بس إن عدو المرأة دايماً الراجل؟ بنسبة 90% في الأغلب بتكون ست زيها تعبت وعدت بتجارب أكتر منها، بس للأسف آثرت عليها بجانب سلبي وتشربت من عادات وتقاليد دمجت بين الحلو والوحش.

كل دا جه في بالي بعد ما سمعت كلام أختي، يمكن ساعات غصب عني بعذرها لأنها دماغها مختلفة عني، أنا ربنا من عليا واتعلمت وعرفت في أمور ديني، وهي مكملتش وطلعت من الابتدائية واتجوزت صغيرة.

و النهاردة راحنا عند بنتها نسأل عليها لأنها تعبانة من الحمل ومش بتقدر تقوم كتير.

ردت بنت أختي:

ــ ليه يا أمي بتقولي كده؟ 

قالت أختي:

ــ علشان إحنا طلعنا واتربينا كده، تيجي تقعد الفترة دي عندي، بدل ما تقعد واللي عاوزاه يتعمل لها بدل ما يقعد هو لخدمتها.

رد جوز بنتها عليها:

ــ لاء يا حماتي، وبعدين فيها إيه يعني لما اساعدها؟ دي مراتي واللي بعمله ميقلش من رجولتي، بالعكس ده أنا مأجور عليه عند ربنا وأنا بتبع سنة الرسول صلى الله عليه وسلم وبساعد أهل بيتي، ولا إيه يا خالتي؟