رواية هوسي وعشقها الفصل الرابع 4 بقلم لي لي محمد (الرواية كاملة)

رواية هوسي وعشقها الفصل الرابع 4 بقلم لي لي محمد

رواية هوسي وعشقها الفصل الرابع 4

 هوسي وعشقها 💗💗

********************

اللهم صل وسلم وبارك على سيدنا محمد 🤍

الفصل الرابع

نظرت لها بخوف وهي تقول : 

_ الزفتة اللي اسمها ام زينب ، لقيتها بتخبط عليا في وقت الظهر كدة كنت لسة بقوم من على سجادة الصلاة لقيت كمية هبد على الباب ، يدوب والله فتحت الباب لقيت حرفيا بتمسكني وبتنزل فيا ضرب 

نظرت لها تيا بعصبية شديدة : 

_ وسكتيلها 

تحدثت بفخر كبير : 

_ لا طبعا ، دة انا جيبتها من شعرها هي وبنتها ونزلت فيهم ضرب لحد ما كانوا هيموتوا في إيدي 

_ ايوة برده اتعورتي ازاي ؟

_ ما هي زينب لما شافت امها بتضرب راحت جابت السكينة وحاولت تعورني بس الحمدلله جت في إيدي 

تحدث تيا وهي تمسك يديها وتقول بغيظ : 

_ آه لو كنت موجودة،  كان زماني موتهم هما الاتنين الحرباية وبنتها الحية دي 

_ خلاص يا تيا ما أنا قومت بالواجب وزيادة 

_ طب هي ضربتك لية ؟

_ بتقولي أن خطيب بنتها سابها اول ما شافني ، وقال إية حبني أنا 

قالت تيا بسخرية 

_ خطيب بنتها اللي اتمسك في قضية مخدرات قبل كدة ؟

جلست بأريحية وهي تفك طرحة شعرها بعد تأكدها من عدم وجود آسر : 

_ هو بعينه ، اصل انا على اخر الزمن هسيب كل رجالة الكرة الأرضية وهبص لسيد لية ان شاء الله بايرة ولا بايرة؟ 

قالت تيا وهي تنهض للتجه إلي المطبخ : 

_ لا يا حبيبتي مش بايرة ، هي بنتها اللي بتبقى مدلوقة على اي واحد ولما بيسيبها بتبقى عايزة تلبسها فيكي عشان بتغير منك 

حركت لمار شعرها يمينا وشمال وهي تنظر لنفسها في المرآة : 

_ ليها حق تغير يا حبيبتي انتِ مش شايفة جمالي ولا حلاوتي 

ضحكت تيا وهي تعود وتحمل طبق به الكثير من الفواكه وجلست وهي تضحك على صديقتها : 

_ يا بت هتبقى نرجسيه 

_طب بالزمتك مش من حقي اتغر 

_ لا حقك طبعا

جلست لمار بجانبها مرة أخرى وهي تقول : 

_ هتروحي الكلية بكرة ولا إية ؟

_ اه هروح ، وادهم وكايلا هيروحوا مدرستهم 

_ طب حلو ، بس مالك حاسة إنك مضايقة 

تركت تيا السكينة من يديها وهي تنظر للمار بحزن : 

_ بصي حاسة اني زهقت من فكرة اني مش من حقي امشي مع جوزي في الشارع ، أو اروحله وقت ما احتاجه انا حاسة إن الموضوع تقيل على قلبي 

_ ايوة يا تيا بس انتِ بقالك خمس سنين عايشة كدة إية اللي جد يعني 

نظرت تيا أمامها بغيرة : 

_ اللي اسمها رهف دي بقت بتحاول تلفت نظر أسر بأي طريقة وأنا خايفة يعني انه ….. مش عارفة يا لمار 

اقتربت لمار وضمتها بهدوء : 

_ تيا ، آسر عمره ما هيشوف واحدة غيرك ، وبعدين لو كان كدة كان بص من وقت ما كان عنده عشرين سنة مثلا وكان حجته هتبقى انك لسة صغيرة ، بس هو فضل عازب وعينه مبتشوفش غيرك لحد ما بقى عندك ١٨ سنة ، يعني عمره ما هيشوف غيرك 

ابتعدت عنها وهي تنظر لها بثقة عمياء : 

_ طبعا انا عارفة ان آسر عمره ما هيبقى لغيري ، انا مش قلقانة منه هو …. أنا مش فاهمة نفسي خالص 

ربتت لمار على كتفها وهي تنظر لعيونها بهدوء وكأنها تقول لها انها تفهمها : 

_ إنتِ عايزة تظهري للكل عشان يعرفوا ان آسر الطنطاوي بيحبك ويتعرف انه ملكك مش كدة 

_ اه 

ابتسمت إبتسامة واثقة : 

_ ودة هيحصل بس سيبي كل حاجة على ربنا 

تحدثت تيا بمرح لكي تغير الحوار : 

_ هتباتي معايا ، كدة كدة آسر مش هيجي انهاردة ونبقى نوصل الولاد الصبح ، ونروح على كليتنا 

_ حاضر 

قضوا وقتا ممتعاً حتى تأخر الوقت فقدمت تيا للمار ملابس مريحة بدلا من ملابسها واخذتها لغرفتها ، وذهبت هي ايضا لغرفتها لكي تنام ، ولكنها ارسلت رسالة صوتية لآسر وهي تقول : 

_ آسر ، لو صاحي كلمني …. عايزة اسمع صوتك 

بعدها بدقيقتين كان يصل إلى هاتفها صوت رنين المكالمة ابتسمت وهي ترد على اتصاله : 

_ كنت فاكراك نايم 

ابتسم وهو يعتدل في جلسته وهو يقول بهدوء وصوته رجولي حنون كعادته : 

_ نمت شوية وصحيت ، حسيت اني جعان فنزلت عملت سندوتش وشاي وطلعت اوضتي تاني وكنت هبعتلك بس انتِ سبقتيني

سكتت للحظات وبعدها قالت بشوق: 

_ وحشتني 

ابتسم بحب فهو يعشق منها كل كلمات شوقها وحبها لية ، فقال بمرح : 

_ لحقت اوحشك يعني 

ضحكت بخفوت وقالت : 

_ آه والله وحشتني ،  ومن كلامك بيدل اني موحشتكش خالص على فكرة ؟

تنهد بضيق وعشق وهو يقول: 

_ والله لو عليا مش عايز اسيبك أصلا ويولع كل حاجة بس نعمل إية بقى 

تكلمت بصوت حنون : 

_ هتروح الشركة بكرة؟ 

_ اة 

_ وانا للاسف هروح الجامعة 

_ للأسف؟ تيا انتِ بتروحي تضربي نص الجامعة وتيجي محسساني انك بتحضري محاضراتك يعني  

انتفضت وهي تدافع عن نفسها : 

_ لا والله بحضر ، وبعدين هما اللي بيستفزوني وأنا جوايا ست مؤدبة والله 

تعالت ضحكاته عليها وهو يقول بمكر : 

_ يا شيخة ، انتِ يا تيا شكلك لا يمت بصلة بتصرفاتك حرفيا بلطجية 

قالت ببراءة مصطنعة :

_ انا دة انا طيبة خالص ، وبعدين يعني أنا تربيتك منتظر من إية،  اقعد اعيط لما ضفري يتكسر زي البنات المايصة

ضحك بغلب على جنانها: 

_ عارفة يا تيا وبالرغم من دة بتعرفي في لحظة تبقي ست رقيقة وهادية نفسي أعرف بتبدلي بين شخصياتك ازاي 

_ لا يا حبيبي الست الرقيقة الهادية دي بتطلع قصادك انت بس لما اكون عايزة مصلحة مثلا ، أو عايزة اصالحك بص هي بتظهر معاك عموما 

_ طب حلو انها معايا انا بس 

_ طب أنا هنام بقه عشان الكلية بكرة ، وأنت نام بدري برده 

_ حاضر،  تصبحي على خير 

_ وانت من اهله يا حبيبي 

ذهبت في نوم عميق بعد اغلاق الهاتف 

*****************************************

وفي الصباح في قصر عائلة الطنطاوي في غرفة آسر، استيقظ بسبب طرقات على باب الغرفة فقال بصوت عالي: 

_ ميين 

نطقت الخادمة بخوف واحترام : 

_ عثمان بيه قالي اصحيك 

_ انزلي 

_ حاضر يا بيه 

اعتدل في جلسته وامسك هاتفه وبدأ بتسجيل رسالة صوتية لمعشوقته كما اعتاد كلما ابتعد عنها لكي تشعر بوجوده واهتمامه : 

_ صباح الخير يا قلب آسر ، كنت عايز اتصل بيكي بس أكيد نايمة فمحبتش ازعجك لما  تصحي ابقي ابعتيلي  

ابتسم ونهض من فراشه واتجه للحمام ليجهز نفسه ليوم شاق ، وبعد انتهاء أدى فرضه ونظر للهاتف فوجدها الساعة السابعة فاتصل عليها، وانتظر الرد فلم تجيب اول مرة فأعاد الاتصال مرة آخرة حتى وصل صوتها النائم لاذنه : 

_ ايوة مين معايا 

ضحك فهو يعلم انها عندما تستيقظ تاخد مدة لكي تستوعب ما يحدث حولها : 

_ أنا آسر يا تيا 

ردت بتوهان : 

_ آسر مين ، حبيبي؟

ابتسم بحب وهو يقول : 

_ آه آسر حبيبك فوقي بقه .

_ وانت بتصحيني لية ؟

_ انتِ وديتي الولاد المدرسة 

_ ولاد مين ؟

مسح وجهه وهو يضحك عليها : 

_ ولادنا يا تيا 

شهقت بنوم وهي ليست مستوعبة ما يحدث : 

_ ولادنا ازاي ، انا مخلفتش لا ثانية كدة أنا متجوزتش أصلا انت هتستعبط 

حقا لو سبها الان سيكون حقه : 

_ تيااااااا فوقي يا ماما وراكي كلية 

انتفضت على أثر صراخه وبدأت تستوعب ما يحدث : 

_ انت بتزعقلي لية؟

_  حمد الله على السلامة يا تيا اخيرا فوقتي

_ طبيعي افوق دة إنت صوتك سمع للناس المجاورة 

_ وصلتي الولاد 

وضعت يديها على وجهها وهي تقول : 

_ آه الباص جه واخدهم 

_ طيب اجهزي بقه وروحي الكلية وتفطري  كويس عشان مزعلكيش 

_ حاضر من عينيا الاتنين 

اغلقت الهاتف  ونظرت أمامها وهي تتعجب من عدم استيقاظ لمار ، غسلت وجهها وخرجت من غرفتها لتدخل غرفة لمار ولكن فجأة :

_ لماااار ………….يتبع