متنسوش الفوت والمتابعة يا وليه منك ليها
ــــــــــــــــــــــــــــــــــــــــــــــــــــــــــــــــــــــ
+
تبلع صابرين ريقها وتقول.ملكش دعوه بيها يا صقر وملكش انك تعرف هي راحت فين
يدخل صقر المنزل ويقول بصوت عالي.لا انتوا شكلكم اتجننتوا خالص ايه هو اللي مليش دعوه يا صابرين
صابرين بغضب.زي ما سمعت يا صقر انت ملكش دعوه ببتول ولا ليك انك تعرف عنها حاجه ابعد عنها وسيبها في حالها بقا يا عم
يجز صقر علي اسنانه بقوه كبيره ويقول.لاخر مره هسالك بنتك راحت فين يا صابرين
صابرين بغضب اشد.هربت منك ومن قرفك يا صقر بتول مش هتفضل طول عمرها تحت رحمتك هي هربت علشان متفضلش معاك ولا تشوفك تاني سيب بنتي تعيش حياتها زي ما هي عايزه وملكش دعوه بيها تاني
ينظر اليها صقر وهو يستوعب حديثها ويمسك السيجاره ويطفيها بين يده ويرميها ويقول بصوت هز اركان المنزل.لا انتي ولا هي ولا جبته امه علي الدنيا لسه اللي يخليها تبعد عني يا صابرين بنتك ليا وبتاعتي من يوم ما أتولدت قوليلي هي فين دلوقتي علشان مش عايز انساه ان في بينا عيش وملح وانك شاركتي في تربيتي
تنظر اليه صابرين وتقول.ملكش دعوه ببنتي يا صقر هي نفسها زهقت منك ومن تصرفاتك دي يبقي تبعد عنها علشان تريحها منك وكفايه اوي اللي حصل لحد كده