رواية نارك جنة كامله وحصريه
سليمة : انزلي يابنية ..راكي اطيحي ..اكسر سعدك ..ايش رقاك فوق
جنات متشعبطة مع عريشة العنب وتقطع : اسكتي يا اجديدة
فضحتي بيا ..يسمعوا فيك الناس في الشارع ..نقطع كم عنقود عنب ونازلة
سليمة : ليش مارجيتي جلال لعند ايجي ..راه ركب فوق وقطعلك
جنات ضحكت بهزوا : جلال هههه ..ماندري عنه وين واخذ وجه ..مايجي الا عقاب الليل ..هذا كان جاك واعي لروحه
سليمة قمعزت تحت عريشة العنب وتنهدت بحزن : ااااه يهديه الله ويهديك …انزلي الله يربحك ..خلاص
جنات قطعت اخر عنقود عنب ونزلت : أني نزلت ..تريحي وأنتي ديما اتعيطي ورايا
سليمة : لاني خايفة عليك …وأنتي دايرة دوت القرد ديما متشعبطة من مكان لمكان
جنات ضحكت :
هذه اخرتها يا اجديدة ..قعدت قرد ..صحيت عليها ..عموما عمري ماشفت قرد يأكل في عنب 
سليمة : لمن تبيه هذا كله
جنات شايلة شكارة فيها عنب وجت قمعزت جنب اجديدتها وتحكي بصوت واطي : عيت عمي عبدالسلام عندهم عشاء ..ومودة قالتلي قطعيلي عنب تبيه بعد العشاء للضيوف
سليمة : من جائهم
جنات : اصحاب بوها ..عشاء رجالة يعني ..ريحي روحك مافيش عزومة
سليمة : حتى كأن عزموني ماني ماشية ..اعظيماتي وجعاتني
جنات ضحكت وصبت بأست راس جدتها : نجك ليا وأنتي بسرعة ماتزعلي ورأسك أنتي انطيبلك عشاء من لاخر ..كم عندي سلوما أنا
سليمة ابتسمت : والله اللسانك هذا مايقدر عليه واحد …وين ماشية ؟!!
جنات تلبس في سباطها كانت امحولته عشان ترقى فوق عريشة العنب ..وتبي تطلع من الباب : ماشية لمودة نعطيها العنب وانرد مش مطولة
سليمة : البسي وشاحك اكويس
جنات اقلبت عيونها بملل : ريتي هالجمال اللي خايفة عليه ..اخسارة ماني قاعدة في رقبتك ..واللي امدادي عندهن عرم اعيال
سليمة تنهدت : والله كان عليا نا ..مانيش كارهة قعدتك امعايا ..مونستني أنتي وخوك
جنات : أطمني شكلها امطولة الاقامة عندك …الرجالة توا يبوا غير البنت الصغيرة والسمحة
طلعت جنات للحوش جيرانهم عيت عبدالسلام لاصقين فيهم ..وفي نفس الوقت حوش صحبتها من هي صغيرة مودة
سليمة صبت وقعدت اتلم في جرت الورق والعنب اللي طاح من العريشة ..وهي تفكر في بنت بنتها جنات ..وتدعي ربي ايجيها نصيب ايعوضها الحزن اللي عشاته من وهي صغيرة
خليني انعرفكم ب بطلة القصة ..ولمحة سريعة عن حياتها
جنات بنت من #درنة ..مواليد 1989 ..عندها أخ واحد اكبر منها اسمه جلال مواليد 1987..أمها وبوها لما ماصارش حمل بعد ولادة جنات بكم سنة …ولما ملوا من العلاج والدواء ..قرروا ..يمشوا للمصر عشان يزرعوا …قبل ما يمشوا بيوم حطوا جنات وخوها جلال عند اجديدتهم سليمة أم امها في الليل …وثاني يوم الصبح بدري طلعوا…لكن للاسف في الطريق ..داروا حادث في #طبرق ..وماتوا على طول
خلاص جنات من يومها وهي عائشة عند جدتها سليمة . هي اللي ربتها هي وخوها ..كانت مازلت صغيرة في وقتها عمرها سبع سنوات ..مازلت مش عارفة ومش فاهمة شي …حتى بوها وأمها دوبها تذكرهم
جنات عندها خالة وحدة متزوجة لكن بعيد من درنة …وخالين هما لاثنين متزوجين وكل واحد عنده حوش بروحه …اعمام جنات وعماتها ..كلهم متزوجين وقتها …مافيش حد دورها بالعكس ماصدقوا أن جدتهم سليمة قالت هضوم اعيال بنتي وأمهم سيبتهم أمانة عندي ..وأنا نبي انربيهم ويعيشوا امعايا …طبعا كانت مازلت مراة صغيرة في العمر …مش نفس توا عجوز كبيرة
مانبيش انطول عليكن بالتفاصيل …مع الاحداث توا تعرفن كيف عاشت جنات وخوها أحداث حزينة ..من هما صغار
المهم جنات مش مكملة دراستها ..وصلت لعند خذت الشهادة الثانوية ..وبعدها وقفت …كانت مرهقة من الدراسة والتعب ..ومافيش حد حاس بيها لا أم ولا أب …حتى خوها مع الاسف كان ماشي في تيار ابروحه …حتى جدتها اللي كانت حنونة عليهم ماعبتش مكان بوها وأمها …لان مهما كان مافيش حد ايعبي مكانهم …وخاصة الام ..مع بنت مراهقة وفي مرحلة حساسة ..محتاجة لامها جنبها أكثر
جنات قرت شهر في الجامعة وبعدها سيبتها …حست أنها واعرة وماتقدرش عليها …وطبعا مافيش حد ينصحها او ايقولها لا …وهي اللي رأسها مصكر وعنيدة
موصفات جنات طولها متوسط عادي …حنطية اعيونها صغار نفس باقي ملامحها خشمها وفمها …شعرها لون اسود ناعم مرلت تخلي فيه طويل ومرات اتقصه ..جسمها رقيق ..يعني بنت عادية مش سمحة واااو ..بس في نفس الوقت مش شينة ..حانطة ..واللي امحليها خفة دمها وروحها
*********************************
جنات خشت عند جيرانهم عطت مودة العنب ..وهدرزت امعاها شوي وطلعت وهي طالعة شافت سيارة قزازها مظلم وتمشي بالشويا …وهذه مش اول مرة اتشوفها ..قبلها بيوم لما كانت في الصيدلية اتجيب في دواء السكر لجديدتها ..شافتها ..والسيارة لاحقتها لعند الحوش …ومع أن صاحب السيارة مادرش شي غير يلحق فيها …لكن جنات مش عارفة ليش جتها رهبة وخافت من السيارة ..وخشت للحوش بسرعة
صكرت الباب وخشت لاقت سليمة اتصلي في المغرب ..خشت توضت وصلت ..ومشت انصبت عشاء و طيبت قهوة وقمعزت اتفرج على التلفزيون
سليمة صلت وجت قمعزت امعاها : خوك ماجاش
جنات اتقلب في القنوات : لا
سليمة : كذا اتصلي بيه الله يربحك شوفي وين
جنات تنهدت : اوووفه ..أكيد ايدور مع الصياع اللي يتبع فيهم …ماتخافيش عليه
سليمة : غير كلميه ..قوليليه قلتلك حنك تعالى تعشاء
جنات اقلبت اعيونها وطلعت الفون من جيب التوتة واتصلت بيه
جلال : ها شن تبي
جنات : احكي اكويس …وين قاعد
جلال : قاعد في جهنم …أنتي شن دخلك …شن تبي
جنات : ماتخافش جهنم خاشها أكيد …تعالى تبيك اجديدة
جلال : باهي لمي فمك خيرلك…شن تبي حني
جنات : قالتلك وين ادور …تعالى تعشاء هنا ..وأنت واخذ قيس وجهك
جلال : حني اللي قالت الكلام هذا والا تخرطي من عندك
جنات : اهي امعاك احكي امعاها ابروحك
مدت جنات الفون لسليمة…..سليمة : ها وينك ياجلال …مغرب يا باتي روح الله ايربحك
جلال : لا عشاي برا يا حني …ماتعبوش بيا ..انروح متأخر
سليمة : الله يهديك يا وليدي …فكك من هالشلة اللي تبع فيها اتودرك امعاها
جلال نفخ معصب : خلاص فكوني من هالاسطوانة القديمة ..فلقتوا أمي بيها …توا انجي بعدين ..هيا اوكي
صكر جلال وسليمة مدت الفون لجنات : الله يعطيهم دعوة ..وهم ماطلقوه لين ضيعوه امعاهم
جنات خذت فونها وصبت شالت سفرة القهوة : تبي الحق ياجديدة ..جلال من يومه ضايع ومشاكله أكثر من شعر رأسه وما امدور حد
سليمة : والله ربيته كيف اولدي وأعز . غير الولد مش عارفة لمن طالع
جنات تلبس في سبطها : ماطلع لحد …جلال مالاقى حد يلمه من الشارع وهو صغير …العيل ديما يبي واحد ايتابعه برا الحوش …وهو كان واخذ طوله طول عصاته …وخوالي واعمامي ..حتى لما اتصير مشكلة ….مايحاولوش يحكوا امعاه ويعرفوا ليش دار هكي ..لا كان يضربوا فيه وخلاص ..وهو من تحت المكر ايزيد ضلال
سليمة طبست وتنهدت ..كان ديما وجعها حال جلال ….كل مرة امروح للحوش بشكل . والاكثر ديما من غير وعي ..ومشاكله ديما لاحقاته للحوش ..كل مرة يشكي منه واحد ..واحد متعارك امعاه و واحد يبي منه فلوس
وبرغم هذا كله جنات كانت اتحب خوها . لان خوها الوحيد …وجلال بكل اعيوبه من شرب ولبز …لكن كان طيب وحنون مع جنات ..وعمره ماضربها او عاملها بقسوة ..بالعكس كانوا ديما ايصبوا مع بعضهم …لانهم كانوا عارفين أن مافيش حد ايحبهم او ايخاف عليهم الا بعضهم ..وطبعا حنهم سليمة
***********************
مرن كم يوم ..وجنات نفس الروتين كل يوم اتنوض اتلم الحوش وسليمة اطيب الغداء …ولما اتكسد تمشي اتهدرز مع مودة من عند السور في الجنان ..ومرات حتى اتنط عندهم من السور
…لان جسمها خفيف ومساعدها
طبعا اغلب الوقت يحكن على الزواج وكيف أن قطار الزواج فات عليهن ..وشوفي بنت فلان مواليد كذا زوجت ..ولاخرى مش عارفة مواليد كم جابت بيبي
ويقعدن يعلقن ويسهوكن على اروحن …وفي النهاية تختم بجملة مش ضروري الزواج ..اهم شي الراحة
صاحب السيارة المجهولة كانت جنات شبه يومي اتشوف فيها في الشارع …لكن ماتشوفش في السواق
بعد كم يوم في العشية …دق الباب ومشت جنات افتحت ..لاقتها مراة غريبة اول مرة اتشوفها …مراة في نهاية الاربعين بداية الخمسين …بس شكلها مريب …جنات من اول ماشافتها مش عارفة ليش خافت منها …مع أن المراة كانت تحكي امعاها عادي …سلمت عليها وخشت…سلمت على سليمة وقمعزن في دار المقعد …ومشت جنات طيبت قهوة ..وضيفتها ..وحست جنات أن المراة اتبحت فيها بشكل غريب و تبي تحكي مع اجديدتها بروحهم ..لذلك طلعت لجنان ورقت على السور وقعدت اتهدرز مع مودة …بعد نص ساعة طلعت سليمة بعد ما ودعت المراة على الباب
جنات امصبية على سطل وتحكي مع مودة مع طلعت سليمة
جنات : كنك يا اجديدة تبي حاجة
سليمة وعلى وجهها ضحكة ماتفسرش : لا خلاص الولية عدت
جنات : من هذه يا يا اجديدة ..اول مرة انشوفها
سليمة : وحدة ماتعرفيهاش …بعد اتكملي هدريز مع صاحبتك تعالي نبيك
جنات حست أن في حاجة لكن سليمة ماتبيش تحكي قدام مودة …كملت بسرعة مع مودة وخشت لاحقت سليمة
قمعزت جنب سليمة : من هذه …شن تبي ؟؟!!
سليمة : والله حتى أنا اول مرة انشوفها ….اسمها منى
جنات : منى
منى من …شن تبي
سليمة ابتسمت : الولية مش من درنة …قالت كنا نسكنوا في #بنغازي ..وانتقلنا للمنطقة قريبة من درنة ..تقريبا قالت لنا أكثر من سنة محولين
جنات : باهي شن تبي …قصدي كنها عليش جتنا نحن
سليمة : قالت أنا وخوي عايشين مع بعضنا ..وبوي وأمي ميتين ..وعندها أخت وحدة متزوجة
جنات : اوووفه ..اجديدة أمتى قعدتي تشتغلي في السجل المدني ..أنا قتلك شن تبي ..ماقتلكش نبي كتئب العائلة
سليمة ضحكت : اصبري جايتك في الكلام وأنتي ديما بصلتك محروقة
جنات :
سليمة قربت منها : الولية جاية تطلب فيك لخوها
جنات بصدمة : تطلب فيا لاخوها
سليمة : اها قالت في عرب دلونا عليكم …ويشكروا في بنتكم
جنات : هربلا …يعني عرب درنة ماحد دورني ولايجيب عني علم ليا ثلاثين سنة امعاهم …وصيتي وصل لعند بنغازي …ننقاني خطيرة
سليمة : عطك حبة في لسانك …أنتي ماتفهميش والا شنو ..قتلك العرب منتقلين من بنغازي لهم فترة ويسكنوا قريب من درنة
جنات : عيب يا اجديدة حبة في لساني
سليمة : مش قصدي هكي غير أنتي اللي صايعة
جنات قربت من اجديدتها : باهي احكي احكي عادي خلاص نبي نزوج …كبرت
سليمة : كبيرة غير الجثة لكن مافيش عقل
جنات : والله جديات احكي ياسلوما الله ايربحك هيا
سليمة : ماعندي مانحكي ..الولية عطتني عنوانهم واسم خوها ..وقالت اسألوا علينا …وتوا انرد عليكم بعد كم يوم
جنات : شن اسمه خوها
سليمة : قالت اسمه توفيق
جنات : توفيق ليش مش احميده والا حمادي …اسمه ثقيل كيف نبي ندلعه أنا …لا لا مش موافقة
سليمة : غير فكينا من الدوة الزائدة توا …بكرا انكلم خوالك يسألوا عليه ويشوفوه
جنات : زعما شن شكله توفيق هذا …إن شالله مايشبهش أخته ..اتخوف بصراحة
سليمة : يعني أنتي مش موافقة
جنات صبت بسرعة : اصبري لا اله الا الله …انبصر راه …ماصدقت شميت بنة عريس
سليمة : إن شالله يبقى ولد حلال ..ويقعد نصيبك
جنات تنهدت : إن شالله …ماتخافيش يا اجديدة مانيش امسيبتك ..بعد نزوج توا انشوف في عائلتهم أكيد عندهم شايب عجوزه ميتة وقاعد عزابي ..ياخذك ونقعدوا سلفات
سليمة ابتسمت وتهز في رأسها : يستر الله امعاك أنتي ايجيبوك ليا من ثاني يوم من اللسانك
جنات تبي تطلع : عادي المهم نزوج حتى يوم واحد
سليمة : وين ماشية ..رد بالك تحكي لمودة
جنات : والله مانقدر يا اجديدة …اقسم بالله توا هذا انحس في لساني يحرق فيا …وصدري يبي ينفجر ..عرفتني ماندس عليها في شي وطلعت بسرعة
سليمة : يانعلي منك ..البنات كل حاجة بالسرقة وماحد يعلم بيها ..وهذه اللي اتصير امعاها تجري تحكيها لمودة
طلعت جنات تجري ..رقت فوق السطل وتنادي على مودة ..طلعت عليها
مودة : كنك
جنات : وأخيرا باركيلي
مودة : طلع اسمك في قرعة الحج
جنات : هاها بلاسماطة …إن شالله ياحنة …ليش لا خير من وجهك
مودة : والله جديات كنك
جنات : جاني عريس
مودة : كذابة تحكي جد
جنات : وربي مانكذب عليك …العقبالك
مودة : جنات بلا سماطة تحكي جد
جنات : كنك ياحنة مش مصدقة …وحياتك جبته من بنغازي هاذك اخرى
مودة : احم احم ..عليك كذب …نحن مالقينا حد ايقول خبزك بيش في درنة يبي ايجيك من بنغازي
جنات : وتربة أمي وبوي مانكذب عليك …بس صاح توا يسكن في منطقة قريب من درنة مش بنغازي
مودة : على كيفه راجل وخلاص …الف مبروك
جنات : لا جديات مازال اجديدة قالت نسألوا عليه قبل …صاح أنا نبي نتزوج كيف البنات لكن مانبيش نعزق روحي على اول راجل وخلاص
مودة : إن شالله خير …يارب يبقى اكويس ونفرحوا بيك
جنات : إن شالله
جنات انزلت : اوكي توا
مودة : تعالي وين ماشية ..احكيلي اخرى
جنات : مش فاضية نبي نفتح النت انشوف اقنعة ومسكات لوجهي مرات يقعد الفرح قريب
مودة تضحك : ووووه ماسرعك ميت ماعفرت …غير لعند ايصير منه قبل
جنات : لا والله نبي نمشي انشوف شن اندير عشاء
مودة : تمام
*******************************
#تسريع_للاحداث
فعلا ثاني يوم دزت سليمة على ولدها خال جنات الكبير وحكتله ..وهو حكى لخوه ومشى حكى لاعمام جنات …خلال ايام كانوا ماشيين واسألوا عليه …طبعا عرب المنطقة اللي يسكنوا فيها مافيش حد عرفهم واجد ..الا الجيران واللي يسكنوا قريب منهم …بس معلومات عادية ..قالوا الهم فترة هنا …والشاب في حاله وعمرهم ماسمعوا عليهم اي حاجة غلط ..واصلا ماعندهمش اختلط واجد ناس في حالهم …حاجة وحدة بس كان كبير اشوي في العمر ..بس مش مشكلة بالنسبة لجنات
عم جنات يعرف واحد من بنغازي دزه يسأل عليهم ..قالوله من عائلة كبيرة ومعروفة في بنغازي عائلة كويسة ..بس الشاب في حد ذاته مافيش معلومات واجد عليه
المهم بعد عشرة ايام ردت أخت توفيق عشان اتشوف شن ايقولوا …والمرة هذه حكت مع جنات …واتفقت امعاها على موعد ايجي توفيق عشان المقابلة الشرعية ..ويشوفوا بعضهم …وهذا كان شرط جنات الوحيد …قبل اتوافق ..وخذت منى رقم فون جنات عشان اتواصل امعاها
جنات قبل المقابلة بيوم حكت مع جلال ..وهو قاللها من حقك ..شوفيه وأنا توا نسأل عليه …لكن طبعا جلال في الليل ايقول كلام والنهار يكمل مرقد
جاء يوم المقابلة البست جنات سروال جينز ازرق وبلوزة بيضاء فيها ورد خفيف ..طولها وسط …حطت مكياج خفيف ولابست وشاح كانت امعاها مودة في الكوجينة …طيبت قهوة وشالتها للمربوعة خشت وكانت سليمة ومنى امقمعزات ايهدرزن ..قمعزت امعاهن جنات …وبعد فترة كلمت منى توفيق بالفون وقالتله تعالى …دق الباب وافتحت مودة ..وخش توفيق بعد طلعت عليه منى …خشت منى وسليمة جوا وخلت جنات مع توفيق
طبعا جنات اول ماخش ماقدرتش اتبحت فيه ..لعند جاء وسلم عليها بحتت فيه
شاب سمح ولابسته حلوة ..ومش باين عليه عمره شكله اصغر
قمعزوا …لكن جنات طول المقابلة كانت حاسة أن في شي غريب ..يعني يحكي كلمتين ويسكت ..وكان واضح أنه مرتبك او خايف ..وبسرعة ماطلع ..حتى ماحولش ايبحت فيها واجد
بعد المقابلة كانوا كلهم يستنوا في رد جنات …وهي قاعدة في حيرة …خايفة من حاجة مش عرفتها شنو ..وفي نفس الوقت خايفة ترفض اتكون هذه فرصتها الاولى والاخيرة ..ومعاش اتجيها فرصة ثانية
عموما بعد اسبوع ماكنش قدام جنات الا أنها اتوافق ..لان مافيش حاجة اتخليها ترفض ..غير خوفها الا مش لاقيتله مبرر ..لانه مجرد احساس
بعد وافقت أخت توفيق قالت نبوا الفرح بسرعة عطوها اقل من شهر ..كانوا مستعجلين …ويبوا ايديروا فرح مشترك ..قالوا ماعندناش كثرت معازيم ..عربنا في بنغازي عندهم حالة وفاة ..ومافيش حد الا الجيران هنا وعربكم بس
بدون مانكثر تفاصيل …بدأت جنات كيف اي عروس اتوتي في روحها للفرح اللي جاء فجاة وبسرعة ..والشي هذا خلاها زادت ارتبكت أكثر وخافت زيادة
وطبعا طول المدة هذه كان توفيق ديما ايتهرب منها لما تتصل بيه كل مرة بعذر ..ولما تبي حاجة ايقوللها كلمي منى وقوليلها ..وهي اصلا ماكنتش اتكلم فيه واجد لانها ماتعرفاش
حتى الدبش قالولها جيبي دبش خاص بيك ومافيش داعي لاي اثاث لان الحوش مأثاث من قبل ..وحتى دار النوم كاملة ومش ناقصها شي …ومنى كلمت جنات واتفقت امعاها على يوم اتجي فيه تاخذ منها الدبش وتشيله للحوش ..ومافيش داعي ليوم تفريش …يعني كل شي جاء بسرعة وغريب!!!
المهم جاء يوم الفرح …وجنات كل يوم اتخاف أكثر من قبل ..وخاصة لما قالولها أن العريس مايبيش ايخش للقاعة امتاع الفرح ومافيش حد من هل العريس الا منى وأختها المتزوجة اللي ماشافتها الا يوم الصالة وجيرانهم بس …وزاد خوفها لما اطلعت وركبت في السيارة ..ومالاقتش توفيق ..كانت منى راكبة مع واحد غريب اول مرة اتشوفه
طلعوا من الصالة واطلعوا من درنة …ومشوا شور حوشهم …كانت جنات مرة مرة تسأل في منى عشان تفتح امعاها موضوع …كان خاطرها تعرف وين توفيق ..ليش مش امعاها في السيارة …لكن تحشمت من السواق
وصلوا للحوش وانزلت جنات وساعدتها منى لعند خشت للحوش …ومافيش اي حاجة ادل أن الحوش كان فيه جو فرح …مشت منى معها لعند دار فتحتها ..وكانت دار النوم …خشت جنات …وهي ترجف ومستغربة من كل شي …ومنى قالتلها اشوي وتوا ايجيك توفيق وصكرت الباب وعدت
قعدت جنات اتراجي ..اتراجي لكن مافيش حد جاء …وهي بطنها وجعتها من الخوف ..والجو كان غريب …وبعدها صبت وقررت اتغير الفيلو لعند ايجي عريسها اللي مش عارفة وينه
لابست جنات بيجامة بيضاء وفكت التسريحة وطلقت شعرها ..وخشت غسلت وتوضت للصلاة ..وقمعزت على طرف السرير ..تستنى في توفيق
بعد ربع ساعة انفتح الباب وخش واحد …جنات اول ماشافته انفجعت وصبت تجري تبي تلبس اي حاجة
جنات تلبس في ملاية الصلاة : من أنت …شن تبي ..يا منى ..يامنى
الراجل خش وصكر الباب وقعد ايقرب منها ..وهي اتوخر وخايفة وتعيط لمنى ..راجل غريب ..وحتى شكله غريب
بعد اشوي دق الباب وهو مشى فتح الباب لاقها منى خشت
جنات مشت تجري شورها : من هذا ..وشن قصته
منى : كنك اتصرخي ..هذا توفيق راجلك
جنات اتبحت فيه واتهز في رأسها لا …مستحيل ايكون نفس الشخص اللي تقابلت امعاه …صاح أنا شفته مرة وحدة ..لكن مش هو ..هذا شكله غريب ونظرته غريبة ..ومافيش حتى شبه بسيط بينهم
جنات : اي توفيق ..مش هذا اللي شفته من قبل ..من هذا
منى مسكتها من يدها ودفتها على السرير : هذا توفيق راجلك ..وفكينا من دلع البنات ليش اتوافقي عليه من الاول …باهي اللي القيتي راجل ياخذك اصلا ..مانكش اصغيرة راه
جنات منصدمة واعيونها ملينات ادموع : ككك كيف…لكن هذا مش اء…
منى : خلاااااص يالله ..ارضي بنصيبك واسكتي والتفتت على توفيق… وأنت بسرعة شوف شغلك
واطلعت وخبطت الباب وراها
جنات اتبحت فيه ومن الصدمة مش قادرة اتحرك ..صدمتها في توفيق اللي طلع مش نفس الشاب اللي شافته …وصدمتها في منى كيف انقلبت لمراة ثانية اتخوف حتى ملامح وجهها تقريبا تغيرت
توفيق قرب عليها وهي اتوخر على السرير وبعدها صبت تجري ومشت لباب الدار لكن توفيق مسكها من لاورء وسحبها بالقوة لعند طرف ملاية الصلاة طار في يده وهي طاحت لوطى …وقعدت تبكي وتصرخ ..وهو هد عليها ومسكها وهي تضرب فيه ..: حول ..حول خليني ..
لكن توفيق كل ماتبكي وادف فيه ايتعصب أكثر وايديه يرجفن ويبحت فيها بطريقة غريبة ..واخر شي قعد يضرب فيها ويحول في دبشها..وهي تحاول تهرب منه وتصرخ
لعند افتحت منى الباب وجت قربت منهم وفنصت فيها : اسكتي ..ااااسكتي يسمعوا فيك الناس
ولما جنات مابتش تسكت تبكي وتصرخ ..منى ضربتها كف بالقوة لعند طاحت
منى تهزب في توفيق : مش هكي ..عليش اتفقنا نحن….مش قتلك بلا ضرب وبلا عياط ..كيف تفهم أنت حتى هذه مش قادر عليها
جنات اتحاول اتصبي ..لكن منى طبست عليها ومسكتها وجرتها لعند السرير ..وكتفتها بالقوة ..كانت اقوى منها ..منى طويلة وعريضة وحتى شخصيتها اتخوف
جنات حاولت تهرب بكل قوتها لكن منى كانت اقوى منها ..واخر حل قعدت اتصرخ ..لكن منى صكرت فمها وانزلت عليها معاش قدرت اتحرك ..الا اعيونها اللي من الخوف قريب يطلعوا واتبحت في توفيق وادموعها ينزلوا
منى مكتفة جنات ومصكرة فمها : تعال هيا بسرعة
توفيق ايهز في رأسه وايديه شابكهن في بعضهن ويرجفن …واعيونه ايحرك فيهم بسرعة ويرمش ويمشي في الدار جاي وغادي كان واضح أنه مريض نفسي او مش عارفة شنو لكن مستحيل ايكون طبيعي
جنات اتخبط في رجليها وتقاوم لكن من دون فائدة ..
منى : هيا توفيق ..تعال على الاقل ادخل عليها بس اليوم …هيا توفيق تشجع ..شن قتلك أنا ..ماتخاف من شي ..هيا توفيق..هذه فرصتك الاخيرة
لما منى قعدت اتعيط عليه بصوت عالي توفيق خاف وصكر اوذانه بيديه وقعد يتحرك بسرعة ..ويرجف ..وبعدها طلع يجري من الدار بسرعة ..وماردش على منى اللي اتعيطله
بعد طلع توفيق منى ضربت جنات على وجهها لعند حست بدوخة وخشمها دم ..ونادت على اختها المتزوجة ..كان اسمها هبة ..خشت ومنى طلبت منها تمسك ايدين جنات واتكتفها وماتخليهاش اتحرك
وفي ابشع صورة لاغتصاب ممكن حد ايصدقها …منى حولت سروال البيجامة امتاع جنات …وحاولت تدخل على جنات بالقوة …وجنات رغم أنها دايخة لكن قاومت لعند اخر نفس ..لعند حست بالالم قوي ..وجسمها كله فشل من الضرب والعنف …وبعدها منى وهبة سيبوها واطلعوا من الدار وصكروها من برا بالمفتاح
جنات بالغصب قدرت اتحرك واتلم جسمها على بعض وحركت يدها لعند امسكت الملاية وغطت جسمها من لوطى وهي تبكي بحسرة وقهر …وتشهق بصوت عالي
وبعدها حست بشي ساخن تحت منها والالم قوي …قمعزت بالغصب وتعب ..وحولت الملاية من عليها …وانصدمت لما شافت دم تحت منها ….بس كمية الدم كانت رهيبة ومش طبيعية
*******نهاية الحلقة #1
جنات متشعبطة مع عريشة العنب وتقطع : اسكتي يا اجديدة
فضحتي بيا ..يسمعوا فيك الناس في الشارع ..نقطع كم عنقود عنب ونازلة
سليمة : ليش مارجيتي جلال لعند ايجي ..راه ركب فوق وقطعلك
جنات ضحكت بهزوا : جلال هههه ..ماندري عنه وين واخذ وجه ..مايجي الا عقاب الليل ..هذا كان جاك واعي لروحه
سليمة قمعزت تحت عريشة العنب وتنهدت بحزن : ااااه يهديه الله ويهديك …انزلي الله يربحك ..خلاص
جنات قطعت اخر عنقود عنب ونزلت : أني نزلت ..تريحي وأنتي ديما اتعيطي ورايا
سليمة : لاني خايفة عليك …وأنتي دايرة دوت القرد ديما متشعبطة من مكان لمكان
جنات ضحكت :
هذه اخرتها يا اجديدة ..قعدت قرد ..صحيت عليها ..عموما عمري ماشفت قرد يأكل في عنب سليمة : لمن تبيه هذا كله
جنات شايلة شكارة فيها عنب وجت قمعزت جنب اجديدتها وتحكي بصوت واطي : عيت عمي عبدالسلام عندهم عشاء ..ومودة قالتلي قطعيلي عنب تبيه بعد العشاء للضيوف
سليمة : من جائهم
جنات : اصحاب بوها ..عشاء رجالة يعني ..ريحي روحك مافيش عزومة
سليمة : حتى كأن عزموني ماني ماشية ..اعظيماتي وجعاتني
جنات ضحكت وصبت بأست راس جدتها : نجك ليا وأنتي بسرعة ماتزعلي
ورأسك أنتي انطيبلك عشاء من لاخر ..كم عندي سلوما أنا سليمة ابتسمت : والله اللسانك هذا مايقدر عليه واحد …وين ماشية ؟!!
جنات تلبس في سباطها كانت امحولته عشان ترقى فوق عريشة العنب ..وتبي تطلع من الباب : ماشية لمودة نعطيها العنب وانرد مش مطولة
سليمة : البسي وشاحك اكويس
جنات اقلبت عيونها بملل : ريتي هالجمال اللي خايفة عليه ..اخسارة ماني قاعدة في رقبتك ..واللي امدادي عندهن عرم اعيال
سليمة تنهدت : والله كان عليا نا ..مانيش كارهة قعدتك امعايا ..مونستني أنتي وخوك
جنات : أطمني شكلها امطولة الاقامة عندك …الرجالة توا يبوا غير البنت الصغيرة والسمحة
طلعت جنات للحوش جيرانهم عيت عبدالسلام لاصقين فيهم ..وفي نفس الوقت حوش صحبتها من هي صغيرة مودة
سليمة صبت وقعدت اتلم في جرت الورق والعنب اللي طاح من العريشة ..وهي تفكر في بنت بنتها جنات ..وتدعي ربي ايجيها نصيب ايعوضها الحزن اللي عشاته من وهي صغيرة
خليني انعرفكم ب بطلة القصة ..ولمحة سريعة عن حياتها
جنات بنت من #درنة ..مواليد 1989 ..عندها أخ واحد اكبر منها اسمه جلال مواليد 1987..أمها وبوها لما ماصارش حمل بعد ولادة جنات بكم سنة …ولما ملوا من العلاج والدواء ..قرروا ..يمشوا للمصر عشان يزرعوا …قبل ما يمشوا بيوم حطوا جنات وخوها جلال عند اجديدتهم سليمة أم امها في الليل …وثاني يوم الصبح بدري طلعوا…لكن للاسف في الطريق ..داروا حادث في #طبرق ..وماتوا على طول
خلاص جنات من يومها وهي عائشة عند جدتها سليمة . هي اللي ربتها هي وخوها ..كانت مازلت صغيرة في وقتها عمرها سبع سنوات ..مازلت مش عارفة ومش فاهمة شي …حتى بوها وأمها دوبها تذكرهم
جنات عندها خالة وحدة متزوجة لكن بعيد من درنة …وخالين هما لاثنين متزوجين وكل واحد عنده حوش بروحه …اعمام جنات وعماتها ..كلهم متزوجين وقتها …مافيش حد دورها بالعكس ماصدقوا أن جدتهم سليمة قالت هضوم اعيال بنتي وأمهم سيبتهم أمانة عندي ..وأنا نبي انربيهم ويعيشوا امعايا …طبعا كانت مازلت مراة صغيرة في العمر …مش نفس توا عجوز كبيرة
مانبيش انطول عليكن بالتفاصيل …مع الاحداث توا تعرفن كيف عاشت جنات وخوها أحداث حزينة ..من هما صغار
المهم جنات مش مكملة دراستها ..وصلت لعند خذت الشهادة الثانوية ..وبعدها وقفت …كانت مرهقة من الدراسة والتعب ..ومافيش حد حاس بيها لا أم ولا أب …حتى خوها مع الاسف كان ماشي في تيار ابروحه …حتى جدتها اللي كانت حنونة عليهم ماعبتش مكان بوها وأمها …لان مهما كان مافيش حد ايعبي مكانهم …وخاصة الام ..مع بنت مراهقة وفي مرحلة حساسة ..محتاجة لامها جنبها أكثر
جنات قرت شهر في الجامعة وبعدها سيبتها …حست أنها واعرة وماتقدرش عليها …وطبعا مافيش حد ينصحها او ايقولها لا …وهي اللي رأسها مصكر وعنيدة
موصفات جنات طولها متوسط عادي …حنطية اعيونها صغار نفس باقي ملامحها خشمها وفمها …شعرها لون اسود ناعم مرلت تخلي فيه طويل ومرات اتقصه ..جسمها رقيق ..يعني بنت عادية مش سمحة واااو ..بس في نفس الوقت مش شينة ..حانطة ..واللي امحليها خفة دمها وروحها
*********************************
جنات خشت عند جيرانهم عطت مودة العنب ..وهدرزت امعاها شوي وطلعت وهي طالعة شافت سيارة قزازها مظلم وتمشي بالشويا …وهذه مش اول مرة اتشوفها ..قبلها بيوم لما كانت في الصيدلية اتجيب في دواء السكر لجديدتها ..شافتها ..والسيارة لاحقتها لعند الحوش …ومع أن صاحب السيارة مادرش شي غير يلحق فيها …لكن جنات مش عارفة ليش جتها رهبة وخافت من السيارة ..وخشت للحوش بسرعة
صكرت الباب وخشت لاقت سليمة اتصلي في المغرب ..خشت توضت وصلت ..ومشت انصبت عشاء و طيبت قهوة وقمعزت اتفرج على التلفزيون
سليمة صلت وجت قمعزت امعاها : خوك ماجاش
جنات اتقلب في القنوات : لا
سليمة : كذا اتصلي بيه الله يربحك شوفي وين
جنات تنهدت : اوووفه ..أكيد ايدور مع الصياع اللي يتبع فيهم …ماتخافيش عليه
سليمة : غير كلميه ..قوليليه قلتلك حنك تعالى تعشاء
جنات اقلبت اعيونها وطلعت الفون من جيب التوتة واتصلت بيه
جلال : ها شن تبي
جنات : احكي اكويس …وين قاعد
جلال : قاعد في جهنم …أنتي شن دخلك …شن تبي
جنات : ماتخافش جهنم خاشها أكيد …تعالى تبيك اجديدة
جلال : باهي لمي فمك خيرلك…شن تبي حني
جنات : قالتلك وين ادور …تعالى تعشاء هنا ..وأنت واخذ قيس وجهك
جلال : حني اللي قالت الكلام هذا والا تخرطي من عندك
جنات : اهي امعاك احكي امعاها ابروحك
مدت جنات الفون لسليمة…..سليمة : ها وينك ياجلال …مغرب يا باتي روح الله ايربحك
جلال : لا عشاي برا يا حني …ماتعبوش بيا ..انروح متأخر
سليمة : الله يهديك يا وليدي …فكك من هالشلة اللي تبع فيها اتودرك امعاها
جلال نفخ معصب : خلاص فكوني من هالاسطوانة القديمة ..فلقتوا أمي بيها …توا انجي بعدين ..هيا اوكي
صكر جلال وسليمة مدت الفون لجنات : الله يعطيهم دعوة ..وهم ماطلقوه لين ضيعوه امعاهم
جنات خذت فونها وصبت شالت سفرة القهوة : تبي الحق ياجديدة ..جلال من يومه ضايع ومشاكله أكثر من شعر رأسه وما امدور حد
سليمة : والله ربيته كيف اولدي وأعز . غير الولد مش عارفة لمن طالع
جنات تلبس في سبطها : ماطلع لحد …جلال مالاقى حد يلمه من الشارع وهو صغير …العيل ديما يبي واحد ايتابعه برا الحوش …وهو كان واخذ طوله طول عصاته …وخوالي واعمامي ..حتى لما اتصير مشكلة ….مايحاولوش يحكوا امعاه ويعرفوا ليش دار هكي ..لا كان يضربوا فيه وخلاص ..وهو من تحت المكر ايزيد ضلال
سليمة طبست وتنهدت ..كان ديما وجعها حال جلال ….كل مرة امروح للحوش بشكل . والاكثر ديما من غير وعي ..ومشاكله ديما لاحقاته للحوش ..كل مرة يشكي منه واحد ..واحد متعارك امعاه و واحد يبي منه فلوس
وبرغم هذا كله جنات كانت اتحب خوها . لان خوها الوحيد …وجلال بكل اعيوبه من شرب ولبز …لكن كان طيب وحنون مع جنات ..وعمره ماضربها او عاملها بقسوة ..بالعكس كانوا ديما ايصبوا مع بعضهم …لانهم كانوا عارفين أن مافيش حد ايحبهم او ايخاف عليهم الا بعضهم ..وطبعا حنهم سليمة
***********************
مرن كم يوم ..وجنات نفس الروتين كل يوم اتنوض اتلم الحوش وسليمة اطيب الغداء …ولما اتكسد تمشي اتهدرز مع مودة من عند السور في الجنان ..ومرات حتى اتنط عندهم من السور
…لان جسمها خفيف ومساعدهاطبعا اغلب الوقت يحكن على الزواج وكيف أن قطار الزواج فات عليهن ..وشوفي بنت فلان مواليد كذا زوجت ..ولاخرى مش عارفة مواليد كم جابت بيبي
ويقعدن يعلقن ويسهوكن على اروحن …وفي النهاية تختم بجملة مش ضروري الزواج ..اهم شي الراحة
صاحب السيارة المجهولة كانت جنات شبه يومي اتشوف فيها في الشارع …لكن ماتشوفش في السواق
بعد كم يوم في العشية …دق الباب ومشت جنات افتحت ..لاقتها مراة غريبة اول مرة اتشوفها …مراة في نهاية الاربعين بداية الخمسين …بس شكلها مريب …جنات من اول ماشافتها مش عارفة ليش خافت منها …مع أن المراة كانت تحكي امعاها عادي …سلمت عليها وخشت…سلمت على سليمة وقمعزن في دار المقعد …ومشت جنات طيبت قهوة ..وضيفتها ..وحست جنات أن المراة اتبحت فيها بشكل غريب و تبي تحكي مع اجديدتها بروحهم ..لذلك طلعت لجنان ورقت على السور وقعدت اتهدرز مع مودة …بعد نص ساعة طلعت سليمة بعد ما ودعت المراة على الباب
جنات امصبية على سطل وتحكي مع مودة مع طلعت سليمة
جنات : كنك يا اجديدة تبي حاجة
سليمة وعلى وجهها ضحكة ماتفسرش : لا خلاص الولية عدت
جنات : من هذه يا يا اجديدة ..اول مرة انشوفها
سليمة : وحدة ماتعرفيهاش …بعد اتكملي هدريز مع صاحبتك تعالي نبيك
جنات حست أن في حاجة لكن سليمة ماتبيش تحكي قدام مودة …كملت بسرعة مع مودة وخشت لاحقت سليمة
قمعزت جنب سليمة : من هذه …شن تبي ؟؟!!
سليمة : والله حتى أنا اول مرة انشوفها ….اسمها منى
جنات : منى
منى من …شن تبيسليمة ابتسمت : الولية مش من درنة …قالت كنا نسكنوا في #بنغازي ..وانتقلنا للمنطقة قريبة من درنة ..تقريبا قالت لنا أكثر من سنة محولين
جنات : باهي شن تبي …قصدي كنها عليش جتنا نحن
سليمة : قالت أنا وخوي عايشين مع بعضنا ..وبوي وأمي ميتين ..وعندها أخت وحدة متزوجة
جنات : اوووفه ..اجديدة أمتى قعدتي تشتغلي في السجل المدني ..أنا قتلك شن تبي ..ماقتلكش نبي كتئب العائلة
سليمة ضحكت :
اصبري جايتك في الكلام وأنتي ديما بصلتك محروقةجنات :
سليمة قربت منها : الولية جاية تطلب فيك لخوها
جنات بصدمة : تطلب فيا لاخوها
سليمة : اها قالت في عرب دلونا عليكم …ويشكروا في بنتكم
جنات : هربلا …يعني عرب درنة ماحد دورني ولايجيب عني علم ليا ثلاثين سنة امعاهم …وصيتي وصل لعند بنغازي …ننقاني خطيرة
سليمة : عطك حبة في لسانك …أنتي ماتفهميش والا شنو ..قتلك العرب منتقلين من بنغازي لهم فترة ويسكنوا قريب من درنة
جنات : عيب يا اجديدة حبة في لساني
سليمة : مش قصدي هكي غير أنتي اللي صايعة
جنات قربت من اجديدتها : باهي احكي احكي عادي خلاص نبي نزوج …كبرت
سليمة : كبيرة غير الجثة لكن مافيش عقل
جنات : والله جديات احكي ياسلوما الله ايربحك هيا
سليمة : ماعندي مانحكي ..الولية عطتني عنوانهم واسم خوها ..وقالت اسألوا علينا …وتوا انرد عليكم بعد كم يوم
جنات : شن اسمه خوها
سليمة : قالت اسمه توفيق
جنات : توفيق
ليش مش احميده والا حمادي …اسمه ثقيل كيف نبي ندلعه أنا …لا لا مش موافقة سليمة : غير فكينا من الدوة الزائدة توا …بكرا انكلم خوالك يسألوا عليه ويشوفوه
جنات : زعما شن شكله توفيق هذا …إن شالله مايشبهش أخته ..اتخوف بصراحة
سليمة : يعني أنتي مش موافقة
جنات صبت بسرعة : اصبري لا اله الا الله …انبصر راه …ماصدقت شميت بنة عريس
سليمة : إن شالله يبقى ولد حلال ..ويقعد نصيبك
جنات تنهدت : إن شالله …ماتخافيش يا اجديدة مانيش امسيبتك ..بعد نزوج توا انشوف في عائلتهم أكيد عندهم شايب عجوزه ميتة وقاعد عزابي ..ياخذك ونقعدوا سلفات
سليمة ابتسمت وتهز في رأسها : يستر الله امعاك أنتي ايجيبوك ليا من ثاني يوم من اللسانك
جنات تبي تطلع : عادي المهم نزوج حتى يوم واحد
سليمة : وين ماشية ..رد بالك تحكي لمودة
جنات : والله مانقدر يا اجديدة …اقسم بالله توا هذا انحس في لساني يحرق فيا …وصدري يبي ينفجر ..عرفتني ماندس عليها في شي
وطلعت بسرعةسليمة : يانعلي منك ..البنات كل حاجة بالسرقة وماحد يعلم بيها ..وهذه اللي اتصير امعاها تجري تحكيها لمودة
طلعت جنات تجري ..رقت فوق السطل وتنادي على مودة ..طلعت عليها
مودة : كنك
جنات : وأخيرا باركيلي
مودة : طلع اسمك في قرعة الحج
جنات : هاها
بلاسماطة …إن شالله ياحنة …ليش لا خير من وجهكمودة : والله جديات كنك
جنات : جاني عريس
مودة : كذابة
تحكي جدجنات : وربي مانكذب عليك …العقبالك
مودة : جنات بلا سماطة تحكي جد
جنات : كنك ياحنة مش مصدقة …وحياتك جبته من بنغازي هاذك اخرى
مودة : احم احم ..عليك كذب …نحن مالقينا حد ايقول خبزك بيش في درنة يبي ايجيك من بنغازي
جنات : وتربة أمي وبوي مانكذب عليك …بس صاح توا يسكن في منطقة قريب من درنة مش بنغازي
مودة : على كيفه راجل وخلاص …الف مبروك
جنات : لا جديات مازال اجديدة قالت نسألوا عليه قبل …صاح أنا نبي نتزوج كيف البنات لكن مانبيش نعزق روحي على اول راجل وخلاص
مودة : إن شالله خير …يارب يبقى اكويس ونفرحوا بيك
جنات : إن شالله
جنات انزلت : اوكي توا
مودة : تعالي وين ماشية ..احكيلي اخرى
جنات : مش فاضية نبي نفتح النت انشوف اقنعة ومسكات لوجهي مرات يقعد الفرح قريب
مودة تضحك : ووووه ماسرعك ميت ماعفرت …غير لعند ايصير منه قبل
جنات
: لا والله نبي نمشي انشوف شن اندير عشاءمودة : تمام
*******************************
#تسريع_للاحداث
فعلا ثاني يوم دزت سليمة على ولدها خال جنات الكبير وحكتله ..وهو حكى لخوه ومشى حكى لاعمام جنات …خلال ايام كانوا ماشيين واسألوا عليه …طبعا عرب المنطقة اللي يسكنوا فيها مافيش حد عرفهم واجد ..الا الجيران واللي يسكنوا قريب منهم …بس معلومات عادية ..قالوا الهم فترة هنا …والشاب في حاله وعمرهم ماسمعوا عليهم اي حاجة غلط ..واصلا ماعندهمش اختلط واجد ناس في حالهم …حاجة وحدة بس كان كبير اشوي في العمر ..بس مش مشكلة بالنسبة لجنات
عم جنات يعرف واحد من بنغازي دزه يسأل عليهم ..قالوله من عائلة كبيرة ومعروفة في بنغازي عائلة كويسة ..بس الشاب في حد ذاته مافيش معلومات واجد عليه
المهم بعد عشرة ايام ردت أخت توفيق عشان اتشوف شن ايقولوا …والمرة هذه حكت مع جنات …واتفقت امعاها على موعد ايجي توفيق عشان المقابلة الشرعية ..ويشوفوا بعضهم …وهذا كان شرط جنات الوحيد …قبل اتوافق ..وخذت منى رقم فون جنات عشان اتواصل امعاها
جنات قبل المقابلة بيوم حكت مع جلال ..وهو قاللها من حقك ..شوفيه وأنا توا نسأل عليه …لكن طبعا جلال في الليل ايقول كلام والنهار يكمل مرقد
جاء يوم المقابلة البست جنات سروال جينز ازرق وبلوزة بيضاء فيها ورد خفيف ..طولها وسط …حطت مكياج خفيف ولابست وشاح كانت امعاها مودة في الكوجينة …طيبت قهوة وشالتها للمربوعة خشت وكانت سليمة ومنى امقمعزات ايهدرزن ..قمعزت امعاهن جنات …وبعد فترة كلمت منى توفيق بالفون وقالتله تعالى …دق الباب وافتحت مودة ..وخش توفيق بعد طلعت عليه منى …خشت منى وسليمة جوا وخلت جنات مع توفيق
طبعا جنات اول ماخش ماقدرتش اتبحت فيه ..لعند جاء وسلم عليها بحتت فيه
شاب سمح ولابسته حلوة ..ومش باين عليه عمره شكله اصغرقمعزوا …لكن جنات طول المقابلة كانت حاسة أن في شي غريب ..يعني يحكي كلمتين ويسكت ..وكان واضح أنه مرتبك او خايف ..وبسرعة ماطلع ..حتى ماحولش ايبحت فيها واجد
بعد المقابلة كانوا كلهم يستنوا في رد جنات …وهي قاعدة في حيرة …خايفة من حاجة مش عرفتها شنو ..وفي نفس الوقت خايفة ترفض اتكون هذه فرصتها الاولى والاخيرة ..ومعاش اتجيها فرصة ثانية
عموما بعد اسبوع ماكنش قدام جنات الا أنها اتوافق ..لان مافيش حاجة اتخليها ترفض ..غير خوفها الا مش لاقيتله مبرر ..لانه مجرد احساس
بعد وافقت أخت توفيق قالت نبوا الفرح بسرعة عطوها اقل من شهر ..كانوا مستعجلين …ويبوا ايديروا فرح مشترك ..قالوا ماعندناش كثرت معازيم ..عربنا في بنغازي عندهم حالة وفاة ..ومافيش حد الا الجيران هنا وعربكم بس
بدون مانكثر تفاصيل …بدأت جنات كيف اي عروس اتوتي في روحها للفرح اللي جاء فجاة وبسرعة ..والشي هذا خلاها زادت ارتبكت أكثر وخافت زيادة
وطبعا طول المدة هذه كان توفيق ديما ايتهرب منها لما تتصل بيه كل مرة بعذر ..ولما تبي حاجة ايقوللها كلمي منى وقوليلها ..وهي اصلا ماكنتش اتكلم فيه واجد لانها ماتعرفاش
حتى الدبش قالولها جيبي دبش خاص بيك ومافيش داعي لاي اثاث لان الحوش مأثاث من قبل ..وحتى دار النوم كاملة ومش ناقصها شي …ومنى كلمت جنات واتفقت امعاها على يوم اتجي فيه تاخذ منها الدبش وتشيله للحوش ..ومافيش داعي ليوم تفريش …يعني كل شي جاء بسرعة وغريب!!!
المهم جاء يوم الفرح …وجنات كل يوم اتخاف أكثر من قبل ..وخاصة لما قالولها أن العريس مايبيش ايخش للقاعة امتاع الفرح ومافيش حد من هل العريس الا منى وأختها المتزوجة اللي ماشافتها الا يوم الصالة وجيرانهم بس …وزاد خوفها لما اطلعت وركبت في السيارة ..ومالاقتش توفيق ..كانت منى راكبة مع واحد غريب اول مرة اتشوفه
طلعوا من الصالة واطلعوا من درنة …ومشوا شور حوشهم …كانت جنات مرة مرة تسأل في منى عشان تفتح امعاها موضوع …كان خاطرها تعرف وين توفيق ..ليش مش امعاها في السيارة …لكن تحشمت من السواق
وصلوا للحوش وانزلت جنات وساعدتها منى لعند خشت للحوش …ومافيش اي حاجة ادل أن الحوش كان فيه جو فرح …مشت منى معها لعند دار فتحتها ..وكانت دار النوم …خشت جنات …وهي ترجف ومستغربة من كل شي …ومنى قالتلها اشوي وتوا ايجيك توفيق وصكرت الباب وعدت
قعدت جنات اتراجي ..اتراجي لكن مافيش حد جاء …وهي بطنها وجعتها من الخوف ..والجو كان غريب …وبعدها صبت وقررت اتغير الفيلو لعند ايجي عريسها اللي مش عارفة وينه
لابست جنات بيجامة بيضاء وفكت التسريحة وطلقت شعرها ..وخشت غسلت وتوضت للصلاة ..وقمعزت على طرف السرير ..تستنى في توفيق
بعد ربع ساعة انفتح الباب وخش واحد …جنات اول ماشافته انفجعت وصبت تجري تبي تلبس اي حاجة
جنات تلبس في ملاية الصلاة : من أنت …شن تبي ..يا منى ..يامنى
الراجل خش وصكر الباب وقعد ايقرب منها ..وهي اتوخر وخايفة وتعيط لمنى ..راجل غريب ..وحتى شكله غريب
بعد اشوي دق الباب وهو مشى فتح الباب لاقها منى خشت
جنات مشت تجري شورها : من هذا ..وشن قصته
منى : كنك اتصرخي ..هذا توفيق راجلك
جنات اتبحت فيه واتهز في رأسها لا …مستحيل ايكون نفس الشخص اللي تقابلت امعاه …صاح أنا شفته مرة وحدة ..لكن مش هو ..هذا شكله غريب ونظرته غريبة ..ومافيش حتى شبه بسيط بينهم
جنات : اي توفيق ..مش هذا اللي شفته من قبل ..من هذا
منى مسكتها من يدها ودفتها على السرير : هذا توفيق راجلك ..وفكينا من دلع البنات ليش اتوافقي عليه من الاول …باهي اللي القيتي راجل ياخذك اصلا ..مانكش اصغيرة راه
جنات منصدمة واعيونها ملينات ادموع : ككك كيف…لكن هذا مش اء…
منى : خلاااااص يالله ..ارضي بنصيبك واسكتي
والتفتت على توفيق… وأنت بسرعة شوف شغلكواطلعت وخبطت الباب وراها
جنات اتبحت فيه ومن الصدمة مش قادرة اتحرك ..صدمتها في توفيق اللي طلع مش نفس الشاب اللي شافته …وصدمتها في منى كيف انقلبت لمراة ثانية اتخوف حتى ملامح وجهها تقريبا تغيرت
توفيق قرب عليها وهي اتوخر على السرير وبعدها صبت تجري ومشت لباب الدار لكن توفيق مسكها من لاورء وسحبها بالقوة لعند طرف ملاية الصلاة طار في يده وهي طاحت لوطى …وقعدت تبكي وتصرخ ..وهو هد عليها ومسكها وهي تضرب فيه ..: حول ..حول خليني ..
لكن توفيق كل ماتبكي وادف فيه ايتعصب أكثر وايديه يرجفن ويبحت فيها بطريقة غريبة ..واخر شي قعد يضرب فيها ويحول في دبشها..وهي تحاول تهرب منه وتصرخ
لعند افتحت منى الباب وجت قربت منهم وفنصت فيها : اسكتي ..ااااسكتي يسمعوا فيك الناس
ولما جنات مابتش تسكت تبكي وتصرخ ..منى ضربتها كف بالقوة لعند طاحت
منى تهزب في توفيق : مش هكي ..عليش اتفقنا نحن….مش قتلك بلا ضرب وبلا عياط ..كيف تفهم أنت حتى هذه مش قادر عليها
جنات اتحاول اتصبي ..لكن منى طبست عليها ومسكتها وجرتها لعند السرير ..وكتفتها بالقوة ..كانت اقوى منها ..منى طويلة وعريضة وحتى شخصيتها اتخوف
جنات حاولت تهرب بكل قوتها لكن منى كانت اقوى منها ..واخر حل قعدت اتصرخ ..لكن منى صكرت فمها وانزلت عليها معاش قدرت اتحرك ..الا اعيونها اللي من الخوف قريب يطلعوا واتبحت في توفيق وادموعها ينزلوا
منى مكتفة جنات ومصكرة فمها : تعال هيا بسرعة
توفيق ايهز في رأسه وايديه شابكهن في بعضهن ويرجفن …واعيونه ايحرك فيهم بسرعة ويرمش ويمشي في الدار جاي وغادي كان واضح أنه مريض نفسي او مش عارفة شنو لكن مستحيل ايكون طبيعي
جنات اتخبط في رجليها وتقاوم لكن من دون فائدة ..
منى : هيا توفيق ..تعال على الاقل ادخل عليها بس اليوم …هيا توفيق تشجع ..شن قتلك أنا ..ماتخاف من شي ..هيا توفيق..هذه فرصتك الاخيرة
لما منى قعدت اتعيط عليه بصوت عالي توفيق خاف وصكر اوذانه بيديه وقعد يتحرك بسرعة ..ويرجف ..وبعدها طلع يجري من الدار بسرعة ..وماردش على منى اللي اتعيطله
بعد طلع توفيق منى ضربت جنات على وجهها لعند حست بدوخة وخشمها دم ..ونادت على اختها المتزوجة ..كان اسمها هبة ..خشت ومنى طلبت منها تمسك ايدين جنات واتكتفها وماتخليهاش اتحرك
وفي ابشع صورة لاغتصاب ممكن حد ايصدقها …منى حولت سروال البيجامة امتاع جنات …وحاولت تدخل على جنات بالقوة …وجنات رغم أنها دايخة لكن قاومت لعند اخر نفس ..لعند حست بالالم قوي
..وجسمها كله فشل من الضرب والعنف …وبعدها منى وهبة سيبوها واطلعوا من الدار وصكروها من برا بالمفتاحجنات بالغصب قدرت اتحرك واتلم جسمها على بعض وحركت يدها لعند امسكت الملاية وغطت جسمها من لوطى وهي تبكي بحسرة وقهر …وتشهق بصوت عالي
وبعدها حست بشي ساخن تحت منها والالم قوي …قمعزت بالغصب وتعب ..وحولت الملاية من عليها …وانصدمت لما شافت دم تحت منها ….بس كمية الدم كانت رهيبة ومش طبيعية
*******نهاية الحلقة #1
فصول الرواية: 1 2