رواية نارك جنة الفصل الثامن 8
سفيان امصبي ومعصب على لاخر : اهو تفضلي شوف عليش تزوجتك ..وإن شالله يعجبك المنظر 
جنات ارفعت وجهها وشافت واحد راقد على السرير
جنات اتهز في رأسها وقلبها حست بيه وقف …واطرافها صقعن …ومش امصدقة اعيونها
توفيق راقد على السرير وكان وجه واضح أنه مريض وتعبان
ومنى أخته امقمعزة على كرسي جنب السرير واتبحت في جنات
جنات
سفيان : شوفي شن درتي في الراجل ..دمرتي حياته ..خليتيه مريض ..وماعنداش رغبة في الحياة …هذا كله عشان شنو…عشان تستري عارك وفضايحك …ليش تزوجتيه من الاول ..وأنتي ماتبيش حد يعرف تاريخك الاسود
جنات اتبحت فيهم ومنصدمة ..وأكثر شي صدمها كلام سفيان
منى صبت : ماتعبش روحك امعاها .لانها حقيرة وماتسوى
جنات خافت منها صبت وانطمرت وراء سفيان
سفيان حس بجنات لما جت ورأءه : عليش خايفة ….خايفة من الناس ومش خايفة من ربك على درتيه في ولد الناس ..وهو اللي ستر عليك ..وعلى عارك
جنات مسكت سفيان من كتفه : لا لا كذب ..واقسم بالله كك
سفيان شدها من اكتوفها وبرمها بالقوة : أااااسكتي..صكري فمك مانبيش نسمع شي ولا حرف منك
جنات ترجف وخايفة من سفيان كيف انقلب للشخص ثاني متوحش ويخوف : بببس بس أنا مادرت شي ولا قلت.ش..
سفيان مسك وجهها بيد وحدة وضغط عليه : قتلك أسكتي أنا مانبيش نسمع منك شي ..أنتي وحدة بلا شرف ولا أخلاق ..وياريت وقفتي لعند هنا …مش سأدك العار اللي دايرته ..مشيتي كذبتي على توفيق وطعنتي في رجولته وفي عائلته ..وخليتي اللي يسوى واللي مايسوى يدوي على شرف عائلتي اللي ليا أسنين انحاول انحافظ عليه من الناس اللي زيك
ودفها سفيان لعند طاحت ..رفعت رأسها لاقت منى واقفة فوق منها : أنا قتلك حتدفعي ثمن غلطتك وحتندمي على درتيه ..ومازال ماشفتي شي
جنات خافت منها وصبت مسكت يد سفيان اللي كان معصب وجسمه يرجف :وربي تكذب عليك ..والله العظيم ماقلت شي..أنا…
سفيان ضربها كف لعند طاحت : مازال قاعدة تكذبي ..الناس كلها تعرف شن درتي في توفيق ..ولو ناسية أنخليك تذكري
جنات يدها على وجهها وتبكي بقهرة
وطلع فونه من جيبه ..وعطاه لمنى : شوفي الفيديو في المحكمة وين بسرعة …منى افتحت الفيديو ..وسفيان خذا منها الفون وطبس على جنات شدها من ذراعها ورفعها لعند وقفت ..أسمعي ..أسمعي وشوفي كأنك ناسية
فتح سفيان على الفيديو
جنات : ههههههه أنتي شن عرفك للتربية …وحدة حيوانة …عدي ربي خوك قبل
منى : خوي متربي خير منك ياساقطة …ومعاش تلقي واحد ايلمك مرة اخرى
جنات : اللي كيف خوك مانبيشي ..خليه عندك
منى : صقع عليك لانك مش عارفة نحن من اي عائلة …نحن من قبيلة ***** من عائلة عيت *****
جنات ضحكت ضحكة مستفزة : هههههههههه عائلة ***** طز فيك وفي عائلتك كلها ….تعرفي لو يبقى معاش في رجالة في الدنيا كلها غير من عائلتكم …انموت ولا نأخذ واحد منكم لانهم مش رجالة ومرضى …عائلة زبالة
منى تعصبت وتبي اترد عليها لكن اتشوف في توفيق كيف تما يرعش من صوت العركة
قربت منها بتهديد : وربي اندمك على كلام هذا ..وتشوفي
كمل الفيديو …
جنات تسمع واتهز في رأسها : لا أنت فاهم غلط هما اللي ااا
سفيان مسك رقبتها : نحنا رجالة وغصبا عنك ..وماتجيش وحدة ساقطة كيفك اتقيمنا …ومكر فيك خذيتي واحد من العائلة اللي قلتي أنموت ولا ناخذ منهم أخرى …ومازال بتكوني خدامة تحت رجلين توفيق …لعند تعرفي قيمة الرجالة ومعاش تفتحي فمك عليهم مرة تانية
وشدها سفيان من رقبتها وطلع من دار توفيق ..وهي مخنوقة وتبي اتموت ..ومشى بيها لعند دارها دفها على الارض
سفيان : وين تليفونك
جنات يدها على رقبتها تمسح فيها من الالم : لل لليش
سفيان طبس وعيط عليها لعند اعروق وجه طلعوا : ووووين الخرا ..قتلك هاتيه
جنات التفت شافت فونها على السرير ..صبت بسرعة وعطاته له
سفيان رفع صبعه : مازال ماشفتي شي مني …تحسابي اللعب على الرجالة والضحك عليهم بيمشي بالساهل ..معاش بنسكت على حقارتكن وكذبكن ..معاش بنسكت على خيانتكن وطعنكن في شرف الرجالة …بندفعك ثمن أخطأءك وثمن أخطأء كل اللي كيفك …ومش حتشوفي من أسمك شي ..لان حياتك من اليوم بتصير نأر
وطلع سفيان وخبط الباب وقفله من برا
وهيا حطت رأسها بين ايديها تبكي ومنصدمة ..اتحاول تستوعب اللي صار …مئة سؤال في بالها ..أخر حد توقعت اتشوفه هنا توفيق ومنى شن علاقتهم بسفيان ..من وين يعرفهم …شن كذبوا على سفيان عشان انجن بالطريقة هذي وقاعد ينتقم منها
**************************
انردوا قبل عشر شهور شن صار
سفيان قاعد في مكتبه الصبح..وخش عليه فخري وفتح باب المكتب بالقوة : شيباني ..أخيرا القيتهم
سفيان رفع وجه مستغرب : من القيت ؟!!
فخري قرب من سفيان : منى وتوفيق ..القيتهم
سفيان صبا : وين ..وين القيتهم ..وين قاعدين خذني لهم توا
فخري حط يده على كتف سفيان : قمعز بالشويا خليني أنفهمك قبل
سفيان : أدوي بسرعة وين القيتهم
فخري : باهي توا انقول ..أهدأ بس …منى وتوفيق في درنة
سفيان : شنووو ..درنة ..شن جابهم لدرنة ..شن تحكي أنت
فخري : والله هذا اللي صار
سفيان : وأنتا من وين عرفت
فخري طبس ويحك في رقبته : شن انقولك …بصراحة هما في المستشفى
سفيان : مستشفى ..شن في… كنهم ..عليش ..؟!!
فخري : أهدا مافي شي …اللي فهمته أن توفيق حاول ينتحر ..وشالوه للمستشفى ..والحمدالله هوا بخير ..وقاعد في المستشفى
سفيان : تي هذا شنو …شن تحكي أنت ..كيف في درنة ..امتى طلعوا من بنغازي ..وشن جابهم لدرنة ..وكيف توفيق حاول ينتحر ..شن تخرط فخري ..فايق لكلامك أنتا
فخري : وربي حتى أنا مش فاهم شي ..بالصدفة القيت فيديو على النت ..ولما اتصلت على واحد صاحبي من درنة ..أكدلي الموضوع
سفيان تعصب : فيديو شنو ..ونت شنو ..شن هالتعجين اللي قاعد اتقول فيه ..معاش فمهت شي أنا
فخري : قمعز وأنا انفهمك
وقعد فخري يشرح لسفيان على الفيديو والاشاعات على توفيق في النت …وسفيان ماتحملش …وطلع في نفس اليوم شور درنة …وماوقفش الا في المسستشفى
منى قاعدة اتبحت في توفيق وقلبها نار حاقدة على جنات ..وتبي اتموت خاطرها اتشوفها وتنتقم منها …وناسية أن هيا سبب اللي فيه خوها ومش جنات
انفتح باب الدار وخش سفيان وفخري …ومنى صبت مفجوعة وترتعد من الخوف
فخري : اهم قاعدين هنا
سفيان : منى …توفيق
منى زمطت : ننن نعم
سفيان خش : وين توفيق
منى ترجف : اا اهو راقد على السرير
سفيان قرب من سرير توفيق …لمس رأسه وشعره بس توفيق كان راقد : شن جابكم هنا ..شن وصل توفيق للحالة هذه
منى وخرت خايفة : ااا تعال برا وأنا انفهمك
سفيان : فخري رد بالك منه
فخري قمعز جنب توفيق ويبحت في وجه كيف باين عليه المرض وتاعب ..ويحمد في ربه أن سفيان مش شايف شي
سفيان عض على فمه وطلع من الدار ..ومنى وراءه
سفيان وقف وبرم : أحكي نسمع فيك
منى زمطت : أنت عارف ليش طلعنا من الاول من المزرعة ..عش..
سفيان قاطعها رفع عصاته معصب وقرب منها : فوتي أمه الموضوع هذا ..مانبيش نسمعه مرة تانية ..شن جابكم هنا ..وكنه توفيق ..ليش دار في روحه هكي
منى وخرت خايفة : بباهي خلاص ..خلاص توا نحكي
سفيان تنهد : ادوي نسمع فيك
منى : كنا قاعدين في بنغازي ..وأنا كنت مقررة فترة بس لعند يهدأ الجو وانرد للمزرعة ..لعند بعد فترة توفيق تعرف على بنت ..وقعد يهدرز امعاها كل يوم ..وهيا قالتله تسكن في درنة …وبعد كم شهر ..توفيق جاني يوم وقالي نبي نمشي لدرنة …نحسابه زيارة يعني …لكن توفيق كان امصكر رأسه ينتقل ويعيش في درنة
سفيان ساكت ويسمع
منى : أنا طبعا في البداية رفضت ..وحاولت واجد نمنعه لكن هو طيب وعلى نياته والبنت عرفت تضحك عليه واتخليه ايصكر راسه ويمشي لدرنة
سفيان : كملي نسمع فيك
منى : خلاص أنا بعد حسيت توفيق امصكر رأسه وماعرفتش ننقنعه ..اضطريت نمشي امعاه ..لميت ادبشي أنا وهبة ومعتز (( زوج هبة )) ومشينا لدرنة …لكن ماحصلنش سكن اجار في درنة ..وسكنا في منطقة قريبة من درنة
سفيان خبط عصاته بالارض : وليش ماجيتي من اول يوم حكيتي امعايا قبل تطلعي من بنغازي
منى : سفيان نحن كنا متعاركين لو ناسي ..وبصراحة ماكنتش نبي نحكي امعاك في وقتها
سفيان معصب : كملي شن صار بعدين
منى : خلاص قعدنا كم شهر ..وتوفيق كل يوم يمشي ويشوف في البنت ويحكي امعاها ..وهي عرفت كيف تضحك عليه واتخليه يتزوجها …مشينا خطبنها من كم اسبوع ..ودرتله فرح سمح …والبنت ماكنش باين عليها أنها كذابة ..ووو صايعة
سفيان : لاخصي عطيني الزبدة شن صار
منى : الزبدة البنت طلعت حقيرة وتضحك على توفيق عشان لاقاته طيب و ولد حلال ..وكانت تبي ..تبي ..
سفيان : أحكي منى النم ..شن تبي
منى : تبي تستر فضيحتها …لان توفيق يوم الفرح عرف أنها مش بنت بنوت ..وانصدم المسكين فيها ..وهو اللي كان ايحبها ويموت فيها
سفيان قرب منها : منى متأكدة من كلامك اللي اتقولي فيه
منى : متأكدة ..وعندي حتى تقرير الدكتور اللي كشف عليها وقال أنها مش بنت ..بعد ما توفيق ضربها عشان عرف أنها ضحكت عليه وجبنها للمستشفى عشان انتأكدوا منها
سفيان : وهذا عليش توفيق حاول ينتحر …معقولة يقتل نفسه ويكفر بربه عشان وحدة ساقطة كيف هذه
منى : لا أكيد توفيق في البداية صاح انصدم ..بس بعدها حاول ايلم الموضوع ..لان خاف على البنت هلها يقتولها ..وقرر يستر عليها ويطلقها بالمعروف
سفيان : مافهمتش أنا شن علاقة الكلام هذا بالانتحار
منى : ماهو اللي صار بعد توفيق طلقها البنت يوم المحكمة فضحت بيه وتمت تكذب واتقول أن توفيق مش راجل ومريض..وسباته وسبت العائلة كلها …والناس صورت العركة وانتشرت على النت كله ..وتوفيق مرض من القصة هذه وجاته حالة نفسية ..وأخر شي حاول يقتل روحه عشان يرتاح
سفيان تعصب على الاخر وهو يسمع في كذب منى : من البنت هذه وشن اسمها
منى : أسمها جنات من درنة ..بنت حقيرة وساقطة واللي صار لتوفيق كله من تحت راسها …ضحكت عليه خذت افلوسه ..وخلاته يتزوجها عشان تستر عارها
سفيان ايفكر : كيف تستر عارها وهيا قالت مش راجل ..مافهمتش .. يعني لو تزوجت مرة اخرى زوجها حيعرف أنها مش بنت ..أحكي الحق منى
منى توترت : اا شن عرفني سفيان ..النوعية هذه توقع منها اي شي …وبعدين بعملية وحدة تقدر اترد بنت كيف ماكانت ..مش مشكلة يعني
سفيان مشى كم خطوة وبعدها برم وبحت فيها : خشي لمي حاجتك أنتي وتوفيق عشان نمشوا لبنغازي
منى : ببس نحنا اا
سفيان : مش وقت كلام منى ..بسرعة هيا
منى : حاضر
سفيان : منى
منى : نعم
سفيان : وين أختك ومعتز
منى : كانوا هنا الصبح وعدوا للحوش عشان هبة تغسل دبش توفيق واطيب عشاء
سفيان : كلميها خليها قاعدة في الحوش ..نمشي انشوف الدكتور ..كان سمحلنا ناخذوا توفيق وبكرا الصبح اتلموا دبشكم واتروحوا للمزرعة في بنغازي
منى : حاضر ..ربي يخليك لنا
سفيان طلع توفيق من المستشفى ثاني يوم ..لموا دبشهم وروحوا لبنغازي …واستقروا في حوشهم في المزرعة
طبعا توفيق ايكون ولد عم سفيان بس مش أخ بوه ..ولد عم بوه ..ولان توفيق كان طيب وماعنداش حد غير خواته لاثنين …سفيان قرر ايخليهم تحت عينه عشان يطمن عليه …لان أب سفيان كان هو المسؤل عليهم قبل ايموت …وفي يوم منى وسفيان تعاركوا على قصة ورث ..وقصص ثانية …ومنى خذت توفيق وأختها ..ومشت طلعت من المزرعة …وعشان تختفي من قدام سفيان لان في قصص اخرى توا نعرفوها في الحلقات الجاية طلعت من بنغازي ومشت أجرت في ضواحي درنة
والفترة اللي فاتت توفيق كان في مصر علاج هوا ومنى وهبة ومعتز …
**********************
جلال : غير بلا شورخ وأنتي ديما تتطايري
مودة : وأنت شن دخلك شن جاي تبي اتباوع في حياش الناس
جلال ارتفع وقمعز على السور : ريت هالبرنسيسة اللي خايفة واحد ايشوفها
مودة : بارد خزي عليك وجه
جلال : مودة فكيني من كثر الدوة وتناسيني عليش نبي نسألك
مودة خافت وتبي اتخش جوا : ماعندك عليش تسأل ..مش فاضية نبي نمشي أنشوف أمي
جلال : بت… أنتي يافرخة ..وربي انط عندكم وانجيبك من شعرك ..تعالي هنا
مودة وقفت : تقدر ..بعدها انحرش فيك اجديدة سليمة وجنات
جلال ايدير في حركات ايضحكن : وااااااو ..ياماما خوفتيني اتصدقي
ونط جلال من السور وقرب منها
مودة :
جلال قرب منها وصكر باب المطبخ اللي يفتح على الجنان : شفتي كيف خفت من كلامك
مودة : عطك كسرة في يدك ..توا كيف نبي انخش للحوش ..هالصايع هذا
جلال : مودة شن صار أمس
مودة قلبها طاح في بطنها : اءاء ..شن صار ماصار شي
جلال مسكها من ذراعها وضغط عليه : فكيني من الكذب ..قولي شن صار
مودة : ااه يدي يا بارد وجعتني ..هالخرا …شن تبي
جلال : مودة أمس تهايلي أنك كنتي في حوشنا تبكي ..نبي نعرف شن صار ..وعليش كنتي تبكي
مودة فكت يدها منه : تهااااايلي …شفت أنت غير تخرط ومش فاطن لروحك ..ماندري عنك شن اسمسمت ..وقاعد تخرف بيه
جلال ايبحت فيها بشك : يعني ماصار شي امعايا أمس
مودة : : وأنا شن عرفني ..اتشوف فيا انتبع فيك …كل يوم تطلع ماتجي الا اوجه الصبح ..عدي اسأل الصياع اللي ادور امعاهم
جلال : باهي خلاص صكري فمك ..راني انتش شعرك ..يا شتشوتا
مودة انحرجت واتلم في شعرها : وأنت شن دخلك بيا
جلال ضحك على منظرها :
مازلتي مضحكة وتصدقي في اي حاجة
مودة تعصبت منه : امشي ..اطلع برا جلال خير من انكلم أمي اتهزبك
جلال قرب منها : باهي عطيني بوسة
مودة ضربته على كتفه : تف عليك ..ياحقير ..والله انقول لجنات
جلال ضحك عليها كيف انحرجت..طبعا هما يعرفوا بعضهم من لما صغار ..وجلال لما يبي يعصبها ايقوللها عطيني بوسة وهي وجهها ديما يبقى أحمر وتعصب
جلال : أسمعي عارف أن في حاجة صارت أمس وأنتي ماتبيش اتقولي . لكن أنا نعرف كيف انخليك تحكي
مودة :
جلال مشى ورقى على السور وقبل ينزل : أنحبك يا شتشوتا وايجي يوم ونأخذ منك بوسة
ونزل بسرعة لان مودة تبي تضربه : حقير
بس مودة مش خايفة من شي الا أن جلال يعرف شن صار مع عيسى ويتعاركوا والمشكلة تكبر ويسمعوا هلها بالقصة
مودة مواليد : 92 اصغر من جنات لكن صحبتهن قوية ..لكن طبعها يختلف عن جنات ..مودة طيبة بكل وخوافة
***********************
جنات بكت بكت ورأسها صداع من التفكير…كل اللي اقدرت تفهمه أن توفيق وسفيان في صلة قرابة بينهم ..بس شن هيا مش عارفة …باهي ليش سفيان حاقد عليها ومتهمه بمرض توفيق وقال كلام واجد هيا مش عارفة شن يقصد بيه
الحاجة الوحيدة اللي قاعدة واضحة بالنسبة لجنات أن منى مهما كانت قايلة لسفيان فكلامها كله كذب
بس كيف تقدر جنات اتخلي سفيان يصدقها وهو مش راضي حتى يسمع صوتها
في الليل بعد العشاء جنات امقمعزة على الارض ومتكية على طرف السرير …انفتح الباب وخش سفيان
جنات صبت :
سفيان قرب منها ومدلها ورقة : من الليلة بابك حيكون مفتوح …هذه قائمة فيها علاج توفيق بالكامل و مواعيد الدواء …أنتي مسؤلة عنه وعن علاجه
جنات فكرة أنها اتكون مع توفيق مازال اتخوف فيها ..مشت بسرعة ومسكت يد سفيان : لا لا فكني منه كل حاجة الا توفيق ومنى انخاف منهم…الله ايخليك مانبيش انشوفهم ..واللي تبيه انديرا
سفيان نفض يدها من عليه : توا خايفة من توفيق …وما خافتي من ربك لما كذبتي عليه ودمرتي حياته …ماعليش هذا الجزاء من جنس العمل …تحملي نتيجة تصرفاتك ..وكذبك ..بالك تقدري اتعوضي ..وتبقي أنسانة مرة وحدة في حياتك
جنات : وربي يكذبوا عليك ..والله مظلومة سفيان ..خليني انفهمك شن صار من الاول
سفيان : شن مازال تبي تكذبي الزح ….بعد كل هذا ومازل عندك وجه تحكي وتبرري …مقوى عزمك الصراحة
جنات تعصبت : يكذبوا عليك سفيان يكذبوا عليك …وأنا مش مضطرة نسمع كلامك …طلقني خليني نمشي لاهلي …وكان في حق عليا ..انتفاهموا بالقانون ..ولو كنت غالطة انتحاسبوا
سفيان ضحك على الجنب : اي قانون يام قانون …هيا لبلاد فيها قانون …فيقي لروحك وين عايشة …وبعدين أنتي مضطرة وغصبا عنك …والا أنتي عارفة شن بيصير في خوك …ومش هذا بس بنحول حياتك لجحيم …وفي لاخر اتروحي لاهلك وأنتي شايلة عارك اللي حاولتي تستري عليه بزواجك من توفيق وكذبك عليه
جنات عارفة أن سفيان يقدر فعلا ايحول حياتها لجحيم …هيا من قصة طلقها الاولى والناس بدأت تطمع فيها ..كيف لو روحت مرة اخرى بفضيحة نفس هك ..أكيد مافيش حد ايصدقها
جنات : اي عار حرام عليكم والله حرام عليكم ..وربي أنا مظللومة ياويلكم من ربي
سفيان مش قادر يسمعها تبكي ..وزاد عصب : باللهي خلاص بطلي كذب وجو دراما …هن كلمتين ..أنا منى طلبت منها اتريح وأنتي من الليلة بتشوفي شغلك مع توفيق …ويا ويلك يشكي منك حتى بحرف
جنات تبكي : سفيان
سفيان غمض اعيونه وطلع من الدار ..وجنات قمعزت تبكي
************************
صالحة فاتحة فمها : واااو هذا كله صار امعاكم ..ومن جنات مش مصدقة بصراحة ..شكلها بنت طيبة
منى تشرب في عصير : اتبان طيبة اول ماتشوفيها ..زي ماخدعت توفيق في البداية …بس هيا حية من تحت تبن ..وبسببها توفيق توا قاعد مريض
هبة أختها امقمعزة وتبحت في منى كيف تكذب على جنات
ملاك : مش مصدقة بصراحة …جنات اتهبل ..وطيبة
منى فنصت فيها : مافيش حد طيب ..الناس كلها تجري وراء مصلحتها وبس حتى ولو على حساب مشاعر ومصالح الناس التانية
ملاك كشت وخافت
صالحة : وأنا انقول ليش سفيان تزوجها بسرعة وهو مايعرفش عنها شي ..وليش ايعامل فيها بقسوة هك ..كنت متأكدة أن سفيان مستحيل يظلم حد …بس ماتخيلتش أن جنات تطلع بنت سئية لدرجة هذه
هبة صبت معصبة : اوووفه أنا نبي نمشي للحوش انشوف معتز ..تبي تمشي منى
منى اتبحت في هبة بتهديد : لا مش متحركة من هنا ..كيف تبيني انسيب خوك مع وحدة كيف جنات
هبة ضحكت بهزوة : اي صاح معاك حق ..أنتي ادرى بمصلحة توفيق
منى اتبحت فيها بحقد
هبة اطلعت ومشت للحوشهم ..وصالحة ومنى وملاك كملن هدرزة
*******************
جنات بعد بكت لعند طيبت خاطرها وفكرت في كل شي …قررت اتساير سفيان وتنفذ كلامه لعند تقدر تثبت لسفيان كذب منى وأنها برئية من ذنب توفيق
صبت غسلت وجهها وتوضت وصلت ودعت من قلبها أن ربي ايساعدها وتقدر تثبت لسفيان أنه ظلمها
خذت ورقة العلاج وبحتت فيها موعد الدواء و اطلعت من دارها ومشت لدار توفيق …وقفت برأ عند الباب تنهدت بخوف غمضت اعيونها وحاولت اتسيطر على نفسها …ودقت الباب وخشت
توفيق كان متكي على السرير بس واعي …اول ماشاف جنات ملامح وجهه تغيرن ..وجنات خشت ترجف وخايف
: السلام عليكم
توفيق بحت فيها وبرم وجه
جنات قربت منه مترددة : مم موعد دواءك توا
توفيق ماردش عليها …وهي مشت كم خطوة بحتت لعلب الدواء ..كل علبة عليها موعد العلاج وكم حبة …حطت في يدها الدواء وصبت كباية امية ..وقربت من توفيق
جنات على اساس توفيق ياخذ منها لكن وهو فتح فمه ..جنات قربت بحذر وحطت الدواء في فمه وايديها يرجفن ..وقربت كباية المية من فمه …شرب توفيق وهو يبحت فيها بطريقة اتخوف …ولما كمل ..جنات حطت الكباية وهو مسك يدها وشد عليها وقربها منه
جنات عيطت مرة وحدة وحطت يدها على فمها مرعوبة موت وحست روحها قريب اطيح
توفيق طول وهوا ايبحت فيها وجه قريب من وجهها ونظرته اتخوف . وبعدها دفها بعيد عنه
جنات امسكت يدها تمسح على مكان يد توفيق ..واعيونها امتلين ادموع ..ويدها اتوجع فيها
طلعت بسرعة من دار توفيق ..وهي حاسة أن رجليها مش قادرات ايشيلوها …ومش عارفة كيف حتقدر اتحمل الوضع هذا أكثر
جنات بعد طلعت شافت دار سليم …وحست أنها محتاجة اتشوفه ..برغم تحذير سفيان لها …بس سليم الوحيد اللي برئ في حوش هذا وجنات مش خايفة منه
مشت شور الدار فتحت بابها ..وخشت وسليم على طول اعيونه ضحكوا لجنات
ومد يده : بوثة بوثة
جنات ابتسمت بألم وقربت منه مسكت يده وطبست اتبوس فيها …وكل مرة سليم يضحك أكثر
وبعد للحظات جنات حست بحد خش للدار التفتت لاقاته سفيان
سفيان واقف واعيونه نار لابس سروال البيجاما ومن فوق مش لابس شي …ومن جسمه اللي يلمع جنات عرفت أنه كان ايتمرن ..قرب منها وهي اتوخر ..لكن سليم كان ماسك يدها وهي معاش عرفت شن ادير …وقفت وغمضت اعيونها
سفيان ايشوف فيها كيف الظل الابيض ..بس ريحتها كانت قوية بالنسبة لسفيان …لانه تعود ايميز بين الناس بصوتهم طريقة مشيتهم ..وريحتهم
قرب منها وهي لاصقت في سرير سليم ..وهو قرب منها واجد ..سليم كان وراءها ..وماسك يدها بالقوة ومش راضي يطلقها .
سفيان لاصق فيها ولف ايديه وراء ظهرها …وحاول ايفك يد سليم من يدها …بس هيا كانت في حالة ثانية ..قرب سفيان منها…ريحة عطره القوية ..صوت انفاسه العالي ..نظرته الحادة
سفيان فك يد سليم ..وقعد ماسك يد جنات ..طبس على سليم وبأس يده وابتسلمه …بضحكة اتجنن
طلع برا الدار وجبد جنات من يدها ..ومجرد ماطلع من دار سليم وصكر الباب ..مسك رقبتها وشدها ليه وقرب همس في وذنها بعصبية : معاش اتجربي حظك أمعايا مرة تانية ..لاني وربي ندفنك بارضك ..ونحسب ربي ماخلقك
جنات :
فكت روحها منه ومشت تجري لدارها وصكرت الباب
طول الليل وجنات كل مرة اتنط طايرة من النوم من الخوف …وتعاود ترقد اخرى
الساعة 3 جانت راقدة حست بحد قاعد امقمعز جنبها ناضت مفجوعة وتبي اتقمعز ..لكن منى طبست عليها وقربت من وجهها .. ومسكتها من رقبتها تخنق فيها
سفيان راقد على سريره ..وكل تفكيره في جنات ..وفجاة باب الدار انفتح وخش فخري
فخري بضحكة كبيرة : وأخيرا يا شيباني
سفيان قمعز : شن في ..وشن جابك هنا عقاب الليل
فخري قمعز جنب سفيان : عندي لك خبر مستحيل اتصدقه وربي
*******نهاية الحلقة #8
جنات ارفعت وجهها وشافت واحد راقد على السرير
جنات اتهز في رأسها وقلبها حست بيه وقف …واطرافها صقعن …ومش امصدقة اعيونها
توفيق راقد على السرير وكان وجه واضح أنه مريض وتعبان
ومنى أخته امقمعزة على كرسي جنب السرير واتبحت في جنات
جنات
سفيان : شوفي شن درتي في الراجل ..دمرتي حياته ..خليتيه مريض ..وماعنداش رغبة في الحياة …هذا كله عشان شنو
…عشان تستري عارك وفضايحك …ليش تزوجتيه من الاول ..وأنتي ماتبيش حد يعرف تاريخك الاسود جنات اتبحت فيهم ومنصدمة ..وأكثر شي صدمها كلام سفيان
منى صبت : ماتعبش روحك امعاها .لانها حقيرة وماتسوى
جنات خافت منها صبت وانطمرت وراء سفيان
سفيان حس بجنات لما جت ورأءه : عليش خايفة ….خايفة من الناس ومش خايفة من ربك على درتيه في ولد الناس ..وهو اللي ستر عليك ..وعلى عارك
جنات مسكت سفيان من كتفه : لا لا كذب ..واقسم بالله كك
سفيان شدها من اكتوفها وبرمها بالقوة : أااااسكتي
..صكري فمك مانبيش نسمع شي ولا حرف منك جنات ترجف وخايفة من سفيان كيف انقلب للشخص ثاني متوحش ويخوف : بببس بس أنا مادرت شي ولا قلت.ش..
سفيان مسك وجهها بيد وحدة وضغط عليه : قتلك أسكتي أنا مانبيش نسمع منك شي
..أنتي وحدة بلا شرف ولا أخلاق ..وياريت وقفتي لعند هنا …مش سأدك العار اللي دايرته ..مشيتي كذبتي على توفيق وطعنتي في رجولته وفي عائلته ..وخليتي اللي يسوى واللي مايسوى يدوي على شرف عائلتي اللي ليا أسنين انحاول انحافظ عليه من الناس اللي زيك ودفها سفيان لعند طاحت ..رفعت رأسها لاقت منى واقفة فوق منها : أنا قتلك حتدفعي ثمن غلطتك وحتندمي على درتيه ..ومازال ماشفتي شي
جنات خافت منها وصبت مسكت يد سفيان اللي كان معصب وجسمه يرجف :وربي تكذب عليك ..والله العظيم ماقلت شي..أنا…
سفيان ضربها كف لعند طاحت : مازال قاعدة تكذبي
..الناس كلها تعرف شن درتي في توفيق ..ولو ناسية أنخليك تذكري جنات يدها على وجهها وتبكي بقهرة
وطلع فونه من جيبه ..وعطاه لمنى : شوفي الفيديو في المحكمة وين بسرعة …منى افتحت الفيديو ..وسفيان خذا منها الفون وطبس على جنات شدها من ذراعها ورفعها لعند وقفت ..أسمعي ..أسمعي وشوفي كأنك ناسية
فتح سفيان على الفيديو
جنات : ههههههه أنتي شن عرفك للتربية …وحدة حيوانة …عدي ربي خوك قبل
منى : خوي متربي خير منك ياساقطة …ومعاش تلقي واحد ايلمك مرة اخرى
جنات : اللي كيف خوك مانبيشي ..خليه عندك
منى : صقع عليك لانك مش عارفة نحن من اي عائلة …نحن من قبيلة ***** من عائلة عيت *****
جنات ضحكت ضحكة مستفزة : هههههههههه عائلة ***** طز فيك وفي عائلتك كلها ….تعرفي لو يبقى معاش في رجالة في الدنيا كلها غير من عائلتكم …انموت ولا نأخذ واحد منكم لانهم مش رجالة ومرضى …عائلة زبالة
منى تعصبت وتبي اترد عليها لكن اتشوف في توفيق كيف تما يرعش من صوت العركة
قربت منها بتهديد : وربي اندمك على كلام هذا ..وتشوفي
كمل الفيديو …
جنات تسمع واتهز في رأسها : لا أنت فاهم غلط هما اللي ااا
سفيان مسك رقبتها : نحنا رجالة وغصبا عنك ..وماتجيش وحدة ساقطة كيفك اتقيمنا …ومكر فيك خذيتي واحد من العائلة اللي قلتي أنموت ولا ناخذ منهم أخرى …ومازال بتكوني خدامة تحت رجلين توفيق …لعند تعرفي قيمة الرجالة ومعاش تفتحي فمك عليهم مرة تانية
وشدها سفيان من رقبتها وطلع من دار توفيق ..وهي مخنوقة وتبي اتموت ..ومشى بيها لعند دارها دفها على الارض
سفيان : وين تليفونك
جنات يدها على رقبتها تمسح فيها من الالم : لل لليش
سفيان طبس وعيط عليها لعند اعروق وجه طلعوا : ووووين الخرا ..قتلك هاتيه
جنات التفت شافت فونها على السرير ..صبت بسرعة وعطاته له
سفيان رفع صبعه : مازال ماشفتي شي مني …تحسابي اللعب على الرجالة والضحك عليهم بيمشي بالساهل ..معاش بنسكت على حقارتكن وكذبكن ..معاش بنسكت على خيانتكن وطعنكن في شرف الرجالة …بندفعك ثمن أخطأءك وثمن أخطأء كل اللي كيفك …ومش حتشوفي من أسمك شي ..لان حياتك من اليوم بتصير نأر
وطلع سفيان وخبط الباب وقفله من برا
وهيا حطت رأسها بين ايديها تبكي ومنصدمة ..اتحاول تستوعب اللي صار …مئة سؤال في بالها ..أخر حد توقعت اتشوفه هنا توفيق ومنى
شن علاقتهم بسفيان ..من وين يعرفهم …شن كذبوا على سفيان عشان انجن بالطريقة هذي وقاعد ينتقم منها **************************
انردوا قبل عشر شهور شن صار
سفيان قاعد في مكتبه الصبح..وخش عليه فخري وفتح باب المكتب بالقوة : شيباني ..أخيرا القيتهم
سفيان رفع وجه مستغرب : من القيت ؟!!
فخري قرب من سفيان : منى وتوفيق ..القيتهم
سفيان صبا : وين ..وين القيتهم ..وين قاعدين خذني لهم توا
فخري حط يده على كتف سفيان : قمعز بالشويا خليني أنفهمك قبل
سفيان : أدوي بسرعة وين القيتهم
فخري : باهي توا انقول ..أهدأ بس …منى وتوفيق في درنة
سفيان : شنووو ..درنة ..شن جابهم لدرنة ..شن تحكي أنت
فخري : والله هذا اللي صار
سفيان : وأنتا من وين عرفت
فخري طبس ويحك في رقبته : شن انقولك …بصراحة هما في المستشفى
سفيان : مستشفى
..شن في… كنهم ..عليش ..؟!!فخري : أهدا مافي شي …اللي فهمته أن توفيق حاول ينتحر ..وشالوه للمستشفى ..والحمدالله هوا بخير ..وقاعد في المستشفى
سفيان : تي هذا شنو …شن تحكي أنت ..كيف في درنة ..امتى طلعوا من بنغازي ..وشن جابهم لدرنة ..وكيف توفيق حاول ينتحر ..شن تخرط فخري ..فايق لكلامك أنتا
فخري : وربي حتى أنا مش فاهم شي ..بالصدفة القيت فيديو على النت ..ولما اتصلت على واحد صاحبي من درنة ..أكدلي الموضوع
سفيان تعصب : فيديو شنو ..ونت شنو ..شن هالتعجين اللي قاعد اتقول فيه ..معاش فمهت شي أنا
فخري : قمعز وأنا انفهمك
وقعد فخري يشرح لسفيان على الفيديو والاشاعات على توفيق في النت …وسفيان ماتحملش …وطلع في نفس اليوم شور درنة …وماوقفش الا في المسستشفى
منى قاعدة اتبحت في توفيق وقلبها نار حاقدة على جنات ..وتبي اتموت خاطرها اتشوفها وتنتقم منها …وناسية أن هيا سبب اللي فيه خوها ومش جنات
انفتح باب الدار وخش سفيان وفخري …ومنى صبت مفجوعة وترتعد من الخوف
فخري : اهم قاعدين هنا
سفيان : منى …توفيق
منى زمطت : ننن نعم
سفيان خش : وين توفيق
منى ترجف : اا اهو راقد على السرير
سفيان قرب من سرير توفيق …لمس رأسه وشعره بس توفيق كان راقد : شن جابكم هنا ..شن وصل توفيق للحالة هذه
منى وخرت خايفة : ااا تعال برا وأنا انفهمك
سفيان : فخري رد بالك منه
فخري قمعز جنب توفيق ويبحت في وجه كيف باين عليه المرض وتاعب ..ويحمد في ربه أن سفيان مش شايف شي
سفيان عض على فمه وطلع من الدار ..ومنى وراءه
سفيان وقف وبرم : أحكي نسمع فيك
منى زمطت : أنت عارف ليش طلعنا من الاول من المزرعة ..عش..
سفيان قاطعها رفع عصاته معصب وقرب منها : فوتي أمه الموضوع هذا ..مانبيش نسمعه مرة تانية ..شن جابكم هنا ..وكنه توفيق ..ليش دار في روحه هكي
منى وخرت خايفة : بباهي خلاص ..خلاص توا نحكي
سفيان تنهد : ادوي نسمع فيك
منى : كنا قاعدين في بنغازي ..وأنا كنت مقررة فترة بس لعند يهدأ الجو وانرد للمزرعة ..لعند بعد فترة توفيق تعرف على بنت ..وقعد يهدرز امعاها كل يوم ..وهيا قالتله تسكن في درنة …وبعد كم شهر ..توفيق جاني يوم وقالي نبي نمشي لدرنة …نحسابه زيارة يعني …لكن توفيق كان امصكر رأسه ينتقل ويعيش في درنة
سفيان ساكت ويسمع
منى : أنا طبعا في البداية رفضت ..وحاولت واجد نمنعه لكن هو طيب وعلى نياته والبنت عرفت تضحك عليه واتخليه ايصكر راسه ويمشي لدرنة
سفيان : كملي نسمع فيك
منى : خلاص أنا بعد حسيت توفيق امصكر رأسه وماعرفتش ننقنعه ..اضطريت نمشي امعاه ..لميت ادبشي أنا وهبة ومعتز (( زوج هبة )) ومشينا لدرنة …لكن ماحصلنش سكن اجار في درنة ..وسكنا في منطقة قريبة من درنة
سفيان خبط عصاته بالارض : وليش ماجيتي من اول يوم حكيتي امعايا قبل تطلعي من بنغازي
منى : سفيان نحن كنا متعاركين لو ناسي ..وبصراحة ماكنتش نبي نحكي امعاك في وقتها
سفيان معصب : كملي شن صار بعدين
منى : خلاص قعدنا كم شهر ..وتوفيق كل يوم يمشي ويشوف في البنت ويحكي امعاها ..وهي عرفت كيف تضحك عليه واتخليه يتزوجها …مشينا خطبنها من كم اسبوع ..ودرتله فرح سمح …والبنت ماكنش باين عليها أنها كذابة ..ووو صايعة
سفيان : لاخصي عطيني الزبدة شن صار
منى : الزبدة البنت طلعت حقيرة وتضحك على توفيق عشان لاقاته طيب و ولد حلال ..وكانت تبي ..تبي ..
سفيان : أحكي منى النم ..شن تبي
منى : تبي تستر فضيحتها …لان توفيق يوم الفرح عرف أنها مش بنت بنوت ..وانصدم المسكين فيها ..وهو اللي كان ايحبها ويموت فيها
سفيان قرب منها : منى متأكدة من كلامك اللي اتقولي فيه
منى : متأكدة ..وعندي حتى تقرير الدكتور اللي كشف عليها وقال أنها مش بنت ..بعد ما توفيق ضربها عشان عرف أنها ضحكت عليه وجبنها للمستشفى عشان انتأكدوا منها
سفيان : وهذا عليش توفيق حاول ينتحر …معقولة يقتل نفسه ويكفر بربه عشان وحدة ساقطة كيف هذه
منى : لا أكيد توفيق في البداية صاح انصدم ..بس بعدها حاول ايلم الموضوع ..لان خاف على البنت هلها يقتولها ..وقرر يستر عليها ويطلقها بالمعروف
سفيان : مافهمتش أنا شن علاقة الكلام هذا بالانتحار
منى : ماهو اللي صار بعد توفيق طلقها البنت يوم المحكمة فضحت بيه وتمت تكذب واتقول أن توفيق مش راجل ومريض..وسباته وسبت العائلة كلها …والناس صورت العركة وانتشرت على النت كله ..وتوفيق مرض من القصة هذه وجاته حالة نفسية ..وأخر شي حاول يقتل روحه عشان يرتاح
سفيان تعصب على الاخر وهو يسمع في كذب منى : من البنت هذه وشن اسمها
منى : أسمها جنات من درنة ..بنت حقيرة وساقطة واللي صار لتوفيق كله من تحت راسها …ضحكت عليه خذت افلوسه ..وخلاته يتزوجها عشان تستر عارها
سفيان ايفكر : كيف تستر عارها وهيا قالت مش راجل ..مافهمتش .. يعني لو تزوجت مرة اخرى زوجها حيعرف أنها مش بنت ..أحكي الحق منى
منى توترت : اا شن عرفني سفيان ..النوعية هذه توقع منها اي شي …وبعدين بعملية وحدة تقدر اترد بنت كيف ماكانت ..مش مشكلة يعني
سفيان مشى كم خطوة وبعدها برم وبحت فيها : خشي لمي حاجتك أنتي وتوفيق عشان نمشوا لبنغازي
منى : ببس نحنا اا
سفيان : مش وقت كلام منى ..بسرعة هيا
منى : حاضر
سفيان : منى
منى : نعم
سفيان : وين أختك ومعتز
منى : كانوا هنا الصبح وعدوا للحوش عشان هبة تغسل دبش توفيق واطيب عشاء
سفيان : كلميها خليها قاعدة في الحوش ..نمشي انشوف الدكتور ..كان سمحلنا ناخذوا توفيق وبكرا الصبح اتلموا دبشكم واتروحوا للمزرعة في بنغازي
منى : حاضر ..ربي يخليك لنا
سفيان طلع توفيق من المستشفى ثاني يوم ..لموا دبشهم وروحوا لبنغازي …واستقروا في حوشهم في المزرعة
طبعا توفيق ايكون ولد عم سفيان بس مش أخ بوه ..ولد عم بوه ..ولان توفيق كان طيب وماعنداش حد غير خواته لاثنين …سفيان قرر ايخليهم تحت عينه عشان يطمن عليه …لان أب سفيان كان هو المسؤل عليهم قبل ايموت …وفي يوم منى وسفيان تعاركوا على قصة ورث ..وقصص ثانية …ومنى خذت توفيق وأختها ..ومشت طلعت من المزرعة …وعشان تختفي من قدام سفيان لان في قصص اخرى توا نعرفوها في الحلقات الجاية طلعت من بنغازي ومشت أجرت في ضواحي درنة
والفترة اللي فاتت توفيق كان في مصر علاج هوا ومنى وهبة ومعتز …
**********************
جلال : غير بلا شورخ وأنتي ديما تتطايري
مودة : وأنت شن دخلك
شن جاي تبي اتباوع في حياش الناسجلال ارتفع وقمعز على السور : ريت هالبرنسيسة اللي خايفة واحد ايشوفها
مودة : بارد خزي عليك وجه
جلال : مودة فكيني من كثر الدوة وتناسيني عليش نبي نسألك
مودة خافت وتبي اتخش جوا : ماعندك عليش تسأل ..مش فاضية نبي نمشي أنشوف أمي
جلال : بت… أنتي يافرخة ..وربي انط عندكم وانجيبك من شعرك ..تعالي هنا
مودة وقفت : تقدر ..بعدها انحرش فيك اجديدة سليمة وجنات
جلال ايدير في حركات ايضحكن : وااااااو ..ياماما خوفتيني اتصدقي
ونط جلال من السور وقرب منها
مودة :
جلال قرب منها وصكر باب المطبخ اللي يفتح على الجنان : شفتي كيف خفت من كلامك
مودة : عطك كسرة في يدك ..توا كيف نبي انخش للحوش ..هالصايع هذا
جلال : مودة شن صار أمس
مودة قلبها طاح في بطنها : اءاء ..شن صار ماصار شي
جلال مسكها من ذراعها وضغط عليه : فكيني من الكذب ..قولي شن صار
مودة : ااه يدي يا بارد وجعتني ..هالخرا …شن تبي
جلال : مودة أمس تهايلي أنك كنتي في حوشنا تبكي ..نبي نعرف شن صار ..وعليش كنتي تبكي
مودة فكت يدها منه : تهااااايلي …شفت أنت غير تخرط ومش فاطن لروحك ..ماندري عنك شن اسمسمت ..وقاعد تخرف بيه
جلال ايبحت فيها بشك : يعني ماصار شي امعايا أمس
مودة : : وأنا شن عرفني ..اتشوف فيا انتبع فيك …كل يوم تطلع ماتجي الا اوجه الصبح ..عدي اسأل الصياع اللي ادور امعاهم
جلال : باهي خلاص صكري فمك ..راني انتش شعرك ..يا شتشوتا
مودة انحرجت واتلم في شعرها : وأنت شن دخلك بيا
جلال ضحك على منظرها :
مازلتي مضحكة وتصدقي في اي حاجةمودة تعصبت منه : امشي ..اطلع برا جلال خير من انكلم أمي اتهزبك
جلال قرب منها : باهي عطيني بوسة
مودة ضربته على كتفه : تف عليك ..ياحقير ..والله انقول لجنات
جلال ضحك عليها كيف انحرجت
..طبعا هما يعرفوا بعضهم من لما صغار ..وجلال لما يبي يعصبها ايقوللها عطيني بوسة وهي وجهها ديما يبقى أحمر وتعصب جلال : أسمعي عارف أن في حاجة صارت أمس وأنتي ماتبيش اتقولي . لكن أنا نعرف كيف انخليك تحكي
مودة :
جلال مشى ورقى على السور وقبل ينزل : أنحبك يا شتشوتا وايجي يوم ونأخذ منك بوسة
ونزل بسرعة لان مودة تبي تضربه : حقير
بس مودة مش خايفة من شي الا أن جلال يعرف شن صار مع عيسى ويتعاركوا والمشكلة تكبر ويسمعوا هلها بالقصة
مودة مواليد : 92 اصغر من جنات لكن صحبتهن قوية ..لكن طبعها يختلف عن جنات ..مودة طيبة بكل وخوافة
***********************
جنات بكت بكت ورأسها صداع من التفكير…كل اللي اقدرت تفهمه أن توفيق وسفيان في صلة قرابة بينهم ..بس شن هيا مش عارفة …باهي ليش سفيان حاقد عليها ومتهمه بمرض توفيق وقال كلام واجد هيا مش عارفة شن يقصد بيه
الحاجة الوحيدة اللي قاعدة واضحة بالنسبة لجنات أن منى مهما كانت قايلة لسفيان فكلامها كله كذب
بس كيف تقدر جنات اتخلي سفيان يصدقها وهو مش راضي حتى يسمع صوتها
في الليل بعد العشاء جنات امقمعزة على الارض ومتكية على طرف السرير …انفتح الباب وخش سفيان
جنات صبت :
سفيان قرب منها ومدلها ورقة : من الليلة بابك حيكون مفتوح …هذه قائمة فيها علاج توفيق بالكامل و مواعيد الدواء …أنتي مسؤلة عنه وعن علاجه
جنات فكرة أنها اتكون مع توفيق مازال اتخوف فيها
..مشت بسرعة ومسكت يد سفيان : لا لا فكني منه كل حاجة الا توفيق ومنى انخاف منهم…الله ايخليك مانبيش انشوفهم ..واللي تبيه انديرا سفيان نفض يدها من عليه : توا خايفة من توفيق …وما خافتي من ربك لما كذبتي عليه ودمرتي حياته …ماعليش هذا الجزاء من جنس العمل …تحملي نتيجة تصرفاتك ..وكذبك ..بالك تقدري اتعوضي ..وتبقي أنسانة مرة وحدة في حياتك
جنات : وربي يكذبوا عليك ..والله مظلومة سفيان ..خليني انفهمك شن صار من الاول
سفيان : شن مازال تبي تكذبي الزح ….بعد كل هذا ومازل عندك وجه تحكي وتبرري …مقوى عزمك الصراحة
جنات تعصبت : يكذبوا عليك سفيان يكذبوا عليك …وأنا مش مضطرة نسمع كلامك …طلقني خليني نمشي لاهلي …وكان في حق عليا ..انتفاهموا بالقانون ..ولو كنت غالطة انتحاسبوا
سفيان ضحك على الجنب : اي قانون يام قانون …هيا لبلاد فيها قانون …فيقي لروحك وين عايشة …وبعدين أنتي مضطرة وغصبا عنك …والا أنتي عارفة شن بيصير في خوك …ومش هذا بس بنحول حياتك لجحيم …وفي لاخر اتروحي لاهلك وأنتي شايلة عارك اللي حاولتي تستري عليه بزواجك من توفيق وكذبك عليه
جنات عارفة أن سفيان يقدر فعلا ايحول حياتها لجحيم …هيا من قصة طلقها الاولى والناس بدأت تطمع فيها ..كيف لو روحت مرة اخرى بفضيحة نفس هك ..أكيد مافيش حد ايصدقها
جنات : اي عار حرام عليكم والله حرام عليكم
..وربي أنا مظللومة ياويلكم من ربي سفيان مش قادر يسمعها تبكي ..وزاد عصب : باللهي خلاص بطلي كذب وجو دراما …هن كلمتين ..أنا منى طلبت منها اتريح وأنتي من الليلة بتشوفي شغلك مع توفيق …ويا ويلك يشكي منك حتى بحرف
جنات تبكي : سفيان
سفيان غمض اعيونه وطلع من الدار ..وجنات قمعزت تبكي
************************
صالحة فاتحة فمها : واااو هذا كله صار امعاكم ..ومن جنات مش مصدقة بصراحة ..شكلها بنت طيبة
منى تشرب في عصير : اتبان طيبة اول ماتشوفيها ..زي ماخدعت توفيق في البداية …بس هيا حية من تحت تبن ..وبسببها توفيق توا قاعد مريض
هبة أختها امقمعزة وتبحت في منى كيف تكذب على جنات
ملاك : مش مصدقة بصراحة …جنات اتهبل ..وطيبة
منى فنصت فيها : مافيش حد طيب ..الناس كلها تجري وراء مصلحتها وبس حتى ولو على حساب مشاعر ومصالح الناس التانية
ملاك كشت وخافت
صالحة : وأنا انقول ليش سفيان تزوجها بسرعة وهو مايعرفش عنها شي ..وليش ايعامل فيها بقسوة هك ..كنت متأكدة أن سفيان مستحيل يظلم حد …بس ماتخيلتش أن جنات تطلع بنت سئية لدرجة هذه
هبة صبت معصبة : اوووفه أنا نبي نمشي للحوش انشوف معتز ..تبي تمشي منى
منى اتبحت في هبة بتهديد : لا مش متحركة من هنا ..كيف تبيني انسيب خوك مع وحدة كيف جنات
هبة ضحكت بهزوة : اي صاح معاك حق ..أنتي ادرى بمصلحة توفيق
منى اتبحت فيها بحقد
هبة اطلعت ومشت للحوشهم ..وصالحة ومنى وملاك كملن هدرزة
*******************
جنات بعد بكت لعند طيبت خاطرها وفكرت في كل شي …قررت اتساير سفيان وتنفذ كلامه لعند تقدر تثبت لسفيان كذب منى وأنها برئية من ذنب توفيق
صبت غسلت وجهها وتوضت وصلت ودعت من قلبها أن ربي ايساعدها وتقدر تثبت لسفيان أنه ظلمها
خذت ورقة العلاج وبحتت فيها موعد الدواء و اطلعت من دارها ومشت لدار توفيق …وقفت برأ عند الباب تنهدت بخوف غمضت اعيونها وحاولت اتسيطر على نفسها …ودقت الباب وخشت
توفيق كان متكي على السرير بس واعي …اول ماشاف جنات ملامح وجهه تغيرن ..وجنات خشت ترجف وخايف
: السلام عليكم
توفيق بحت فيها وبرم وجه
جنات قربت منه مترددة : مم موعد دواءك توا
توفيق ماردش عليها …وهي مشت كم خطوة بحتت لعلب الدواء ..كل علبة عليها موعد العلاج وكم حبة …حطت في يدها الدواء وصبت كباية امية ..وقربت من توفيق
جنات على اساس توفيق ياخذ منها لكن وهو فتح فمه
..جنات قربت بحذر وحطت الدواء في فمه وايديها يرجفن ..وقربت كباية المية من فمه …شرب توفيق وهو يبحت فيها بطريقة اتخوف …ولما كمل ..جنات حطت الكباية وهو مسك يدها وشد عليها وقربها منه جنات عيطت مرة وحدة وحطت يدها على فمها مرعوبة موت وحست روحها قريب اطيح
توفيق طول وهوا ايبحت فيها وجه قريب من وجهها ونظرته اتخوف
. وبعدها دفها بعيد عنهجنات امسكت يدها تمسح على مكان يد توفيق ..واعيونها امتلين ادموع ..ويدها اتوجع فيها
طلعت بسرعة من دار توفيق ..وهي حاسة أن رجليها مش قادرات ايشيلوها …ومش عارفة كيف حتقدر اتحمل الوضع هذا أكثر
جنات بعد طلعت شافت دار سليم …وحست أنها محتاجة اتشوفه ..برغم تحذير سفيان لها …بس سليم الوحيد اللي برئ في حوش هذا وجنات مش خايفة منه
مشت شور الدار فتحت بابها ..وخشت وسليم على طول اعيونه ضحكوا لجنات
ومد يده : بوثة بوثة
جنات ابتسمت بألم وقربت منه مسكت يده وطبست اتبوس فيها …وكل مرة سليم يضحك أكثر
وبعد للحظات جنات حست بحد خش للدار التفتت لاقاته سفيان
سفيان واقف واعيونه نار لابس سروال البيجاما ومن فوق مش لابس شي …ومن جسمه اللي يلمع جنات عرفت أنه كان ايتمرن
..قرب منها وهي اتوخر ..لكن سليم كان ماسك يدها وهي معاش عرفت شن ادير …وقفت وغمضت اعيونها سفيان ايشوف فيها كيف الظل الابيض ..بس ريحتها كانت قوية بالنسبة لسفيان …لانه تعود ايميز بين الناس بصوتهم طريقة مشيتهم ..وريحتهم
قرب منها وهي لاصقت في سرير سليم ..وهو قرب منها واجد ..سليم كان وراءها ..وماسك يدها بالقوة ومش راضي يطلقها .
سفيان لاصق فيها ولف ايديه وراء ظهرها …وحاول ايفك يد سليم من يدها …بس هيا كانت في حالة ثانية ..قرب سفيان منها…ريحة عطره القوية ..صوت انفاسه العالي ..نظرته الحادة
سفيان فك يد سليم ..وقعد ماسك يد جنات ..طبس على سليم وبأس يده وابتسلمه …بضحكة اتجنن
طلع برا الدار وجبد جنات من يدها ..ومجرد ماطلع من دار سليم وصكر الباب ..مسك رقبتها وشدها ليه وقرب همس في وذنها بعصبية : معاش اتجربي حظك أمعايا مرة تانية ..لاني وربي ندفنك بارضك ..ونحسب ربي ماخلقك
جنات :
فكت روحها منه ومشت تجري لدارها وصكرت الباب
طول الليل وجنات كل مرة اتنط طايرة من النوم من الخوف …وتعاود ترقد اخرى
الساعة 3 جانت راقدة حست بحد قاعد امقمعز جنبها ناضت مفجوعة وتبي اتقمعز ..لكن منى طبست عليها وقربت من وجهها .. ومسكتها من رقبتها تخنق فيها
سفيان راقد على سريره ..وكل تفكيره في جنات ..وفجاة باب الدار انفتح وخش فخري
فخري بضحكة كبيرة : وأخيرا يا شيباني
سفيان قمعز : شن في ..وشن جابك هنا عقاب الليل
فخري قمعز جنب سفيان : عندي لك خبر مستحيل اتصدقه وربي
*******نهاية الحلقة #8
فصول الرواية: 1 2