رواية من نظرة عين الفصل السابع 7 هند سعدالدين
نظرة فيها سؤال مش موجه ليا.
فيها حد تاني.
حد مش هنا.
— ماما كانت بتحب البحر برضه.
قالتها فجأة.
السكوت وقع.
مالك ما ردّش.
— تفتكر يا بابا لو كنت بتعرف تفضي نفسك وتهتم بماما، كانت مشيت وسابتك برضه؟
الجملة نزلت تقيلة.
كان هجوم مباشر.
مالك فتح باب العربية.
— اطلعي عند تيتة فورًا يا بيسان.
ادتنا ضهرها..
— تصبحوا على خير.
مشيت.
فضلنا واقفين، الهوا كان ساقع أكتر أو يمكن الموقف..
— هي مش وحشة، هي يمكن مجروحة كن الطريقة اللي أمها مشيت بيها، بيسان كانت متعلقة بمامتها أوي، مش سهل عليها حد ييجي ياخد مكان أمها..
ـ متفهمة جدًا مشاعرها، بس عاوزة اعرفك حاجة، أنا مش جاية أخد مكان حد، أنا فعلاً مش في دماغي خالص أعمل كده، أنا عاوزة أكون زهرة وبس، صاحبتهم، اختهم، لكن عمري ما افكر اهمش دور امهم أبدا يا مالك..
ـ فاهمك يا زهرة، مسك حساسة جدًا بس طيبة خالص وبتحب كل الناس، وبيسان كمان كانت مرهفة بس اتغيرت من يوم اللي حصل..
ـ مش عاوزة أكون إنسانه فضولية، فأنا هستناك لما تحكي لي وقت ما تحب.
لمتابعة باقي الرواية زوروا قناتنا على التليجرام من هنا
جاري كتابة الفصل الجديد للرواية حصرية لعالم اسطورة الروايات