رواية ما بعد الفقد الفصل الخامس 5 أروى
رواية ما بعد الفقد الجزء الخامس
رواية ما بعد الفقد البارت الخامس
رواية ما بعد الفقد الحلقة الخامسة
بصيت بصدمة من اللي انا شايفاه
-ادم!
حسيت بجسمي سقع وبيترعش من الصدمة
وفضلت ساكتة وقت طويل وعيني بدمع من غير ريأكشن عليا زي المغيمة
هو دة حلم ولا انا متهيألي الحاجات دي علشان راجعت في الماضي
بس وقفني تفكيري دة أيديه الدافية وهي بتمسح دموعي
بلعت ريقي وانا مش مصدقة حاجة من اللي بتحصل
بس اتشجعت وحركت ايدي اللي كانت بتترعش وبقرب من ايده اللي بيمسح بيها دموعي بس اتصدمت اني مسكتها فضلت بعدم استعاب لفترة وانا ماسكة ايده ازاي؟
لحد ما فقت من تفكيري كأن ردت فيا الروح وفضلت امسك بأيده بقوة وباخد نفسي بالعافية وبعيط وصوت شهقاتي عالية
-اهدي يا رِوان لو سمحتي
قولت وانا كلامي مقطع ومش عارفة اتكلم
-انت حق……….. حقيقي
هز راسو بالموافقة
-اة بس بالله عليكي اهدي
قالي كدة بس انا مسكت ايدي وضميتها على وشي وانا صوت شهقاتي بتزيد وهو كان بيطبطب عليا ويهديني
عدت ساعات وهو بيهديني بس وانا مش مصدقة
عدى وقت وهديت
-ازاي
هما قالو ان عربيتك اتقلبت ووقعت في البحر ومش لاقين جثتك
-فال الله ولا فالك ما انا قدامك اهو
اتنهدت وهو كمل كلامو
-هفهمك
من اربع سنين اشتركت في مهمة برة مصر بس هما كانوا عايزين يتخلصو مني بأي طريقة وانا كنت عارف ان هما هيعملو كدة فا كان لازم امثل اني موت وغير كدة كان امر ليا من الداخلية اني معرّفش حد علشان محدش يتأذي من القربين مني
فضلت ساكتة وانا بسمع كلامه
اتنهدت وابتسمت بسخرية وقولت
-بالسهولة دي
مسحت دمعتي اللي نزلت
-مش مصدقة اللي انت عملته فيا
هونت عليك يا ادم تعمل فيا كل دة
-يعلم ربنا اني كنت بشتغل فوق طاقتي علشان اخلص في اقرب وقت واجي
-كداب
انا اول مرة في حياتي اشك في حبك ليا
انت فضلت شغلك عليا على مشاعري وانت متأكد اني مقدرش اعيش من غيرك كنت بتمنى كل يوم اني اموت
قولت كدة وفتحت في العياط اكتر
لما شوفتها كدة كان نفسي احضنها واهديها
بس مقدرتش اعمل غير اني اطبطب عليها علشان عارف اني غلطان
بس وانا بحط ايدها على كتفها زقتني وقامت وهي بتمسح عينها
-متكلمنيش تاني وتنسى انك تعرف واحدة اسمها رِوان
قالتلي كدة بس جريت وراها وهي ركبت العربية مشيت
حبيت اسيبها تهدى وبعدين اكلمها
رجت البيت وانا مش مصدقة لسا اللي حصل هو أنا فعلا قابلت ادم كان نفسي اول ما اشوفو اقوله يلا نتجوز وارجع رِوان الهبلة
بس حسيت نفسي لعبة يسيبها ويرجع ياخدها زي ما هو عايز
دخلت اوضتي ورميت نفسي على السرير من غير اغير هدومي مسكت التلفون وفتحت الشات بيني وبين ادم
وفضلت اقلب في الرسايل صعبت عليا نفسي لما فضلت ابعتله اربع سنين وهو محسش بيا
نمت من كتر الاحداث اللي حصلت
__________________________________________
عند رنيم
قومت لبست علشان اروح الشغل وكنت سهرانة طول الليل بتفحص الملفات
طلعت برة وقفلت الباب وأول لما لفيت لقيت ادم واقف قدام باب شقة رِوان
تنحت لما شفت المنظر
-هو انا بقيت اهلوس علشان منمتش ولا ايه؟
بس قطع تفكيري لما ادم قالي
-السلام عليكم
محستش بنفسي غير وانا بصرخ والعمارة كلها صحيت على صوتي من اللي شفته ووقعت الملفات على الارض
طلعت ام رِوان على صوت صريخي ومخدتش بالها من ادم اللي واقف وقالت وهي مستعجلة ليا وبخوف
-اي يا رنيم يا بنتي في ايه؟
شورتلها على ادم اللي واقف قدام الباب وهي ولما شفته وقعت كوباية الشاي اللي بتشربها واغمى عليها
جريت عليها
-خالتو
صحيت على صوت صريخ من برة قومت ونسيت اني مش لابسة الطرحة وطلعت كانت رنيم قاعدة على الارض وبتحاول تصحي ماما اللي اغمى عليها
جريت عليها بسرعة
-في ايه؟
بصتلي رنيم بذعر وخوف وهي بتشاولي على ادم اللي مكنتش واخدة بالي منه
قولت بعصبية
-انت اي اللي جابك؟
بس هو كان باصص في الارض مش عايز يبصلي مسكت راسي وادركت اني طلعت من غير طرحة
وبصتلي رنيم بأستغراب وانا دخلت بسرعة البس طرحة بس لقيت ادم شال ماما ودخلها نيمها على الكنبة
ورنيم بتحاول تفوقها
-خالتو….. خالتو يا وليه قومي بنتك هتوديني في داهية
قولت كدة وشوفت رِوان جابت مياه علشان توفقها فضلت اكوب عليها لحد ماصحيت حمدت ربنا وجريت بسرعة علشان اتأخرت على الشغل لميت الملفات اللي كانت واقعة
جريت بسرعة ولقيت تاكسي بالعافية ودنيا كانت زحمة دخلت الشركة وانا متأخرة وباخد نفسي بالعافية وجريت على مكتب مستر مراد وخبط
-ادخل
دخلت وانا عيني في الارض قبل ما ابدأ اتكلم لقيته زعق بصوت عالي وقال
-دي المرة تانية يا انسه اقولك على موضوع التأخير
وانتي لسا متعينة امبارح
قولت وانا عيني في الارض
-انا اسفة بس المرة دي……
-فين الملفات
قالي كدة وطلعت الملفات وورق التشخيص اللي عملته
-اتفضل
قولتلو كدة واديتلو الورق
اخدت منها الورق
-اقعدي
قعدت وبصيت على الورق
– تشخيك ناقصوا حاجات
قولت كدة وبصيت عليها بس لقيتها ساندة على ايدها ونايمة شكلها تعبان و هادي وحلو اوي وهي ونايمة فضلت سرحان فيها لحد ما لقيتها مش مرتاحه في النومة وقربت تصحى خبط على ايدي في المكتب بتمثيل
وهي اتخضت
-انتي نمتي
-انا….. انا اسفة
اتنهدت بعصبية وقولت
-تشخيصك ناقصوا حاجات وفي غلاطات راجعي عليه وسلمهولي قبل ما متمشي
قولت بهدوء
-حاضر
قولت كدة وكنت لسا هطلع بس وقفني وهو بيقول
-انسة رنيم هتيلي القهوة
اتلفت ليه بهدوء
-نعم!
-هتيلي قهوة
-سكرتيرة بره
ابتسم ابتسامته السمجة بتاعته وقالي
-عارف انا عايزك انتي
ابتسمت بتمثيل وانا بجز على اسناني
-حاضر
نزلت وجبت كوباية قهوة
-قولي على سبب واحد محطلهوش سم
-انُه مديرك مثلا
قالها فؤاد اللي بيشتغل في الكافتيريا
-مش سبب مقنع
قولت كدة ومسكت الكوباية وطلعتها
-اتفضل
-شكرا
-بالسم الهاري
-نعم
-بقول بالهنا والشفا
قولت كدة ومشيت بس وقفني وهو بيتف القهوة
-دي سكرها زيادة انا عايزها سادة
اتلفت ليه بعصبية بكتمها
-حضرتك مقولتش
-معلش هاتيها سادة
نزلت وطلبت قهوة سادة وانا ببرطم على السلم شخص كان نازل بسرعة وقع على ايدي القهوة
صرخت من السخونة وطلعت الحمام غسلت ايدي
بس هي التهبت
نزلت وطلبت قهوة تانية وطلعت بيها وقدمتها
-اي دة
-اتلسعت بس
-القهوة وقعت عليكي
هزيت راسي بالموافقة
لقيتو طلع من درج المكتب مرهم للحروق
-لو حابة تاخدي انهاردة اجازة مفيش مشكلة
بصيتلة بخبث
-الملفات
-هخدها منك بكرة
-مع انُه عرض مغري بس انا هكمل شغلي
قولت كدة وسبتو وطلعت