رواية ليلي حلم العمر الفصل الثاني عشر 12 بقلم فاطمة الالفي
الفصل الثاني عشر
“ليلى حلم العمر ”
بقلم / فاطمه الالفي ..
انتفض جسدها اثر صراخه القوي وانسابت دموعها بغزاره علي صفيحه وجهها ، منما جعل قلبه يرق لتلك الدموع ، جاهد في كبح غضبه وهمس بصوت حاني : من فضلك ماتعيطيش يا أسيا ، ممكن تهدي ونتكلم ؟
+
ازدادت نوبه بكاءها ، تركهم مروان بهدوء وسار الي حيث الخيمه التي يوجد بها اصدقائه ، اما عن مراد فزفر انفاسه بضيق ثم اقترب منها بهدوء سحبها من يدها ليرغمها علي السير جانبه لكي يتحدث معها بهدوء :
– خلاص بقى ممكن تهدي عشان نعرف نتكلم
مسحت دموعها بصمت ثم نظرت له بعتاب ، تنهد مراد بضيق وهو يتسأل :
– ممكن تفهميني ايه اللي انتي عملتيه ده ؟ وهل ده صح ولا غلط ؟
جف حلقها وهمست بصوت مبحوح : عارفه ان غلط بس انا ماحدش حاسس بيه
قاطعها بحده : انتي كمان مش معترفه بغلطك ، ازاي تيجي هنا من ورا اهلك ، كمان المكان ده خطر وماينفعش يكون في بنات وده تهور منك
– انت كمان يا مراد مش حاسس بيه خالص ، وبعدين انا عارفه خطوره وجودي هنا وياريت اموت واريح الكل مني ومن مشاكلي
تأفف بضجر : اسيا انتي لسه صغيره ومش مدركه اللي بتعمليه وبعدين مين دول اللي مش حاسين بيكي ؟ اهلك ….