وبعدين أنا اللي بسيبك تبوسني بمزاجي..
عشان تركز ف المهمه اللي جايين عشانها_(ويبصو لسامر يلاقوه غرقان ف دموعه)_
_ضحي تواسيه…فيه إيه بس يا رياسه..
وحد الله بقي ما تخلنيش أروح افجر،لك نفسي فيهم..
طب وربنا أنا مجنونه واعملها
_عادل يحط إيده على كتف سامر…هانت
_سامر بدموع…سيبوني لوحدي
_(ضحي لسه هتتكلم..عادل يشاورلها بالسكوت..
وياخدها ويخرجو ويسيبو سامر لوحده)_
_وبعد ما خرجو سامر يصرخ بصوت كله وجع وحرقه…
يا آباااااااااااااااا…يا أمه
____________________________
_(في النيابه)_ (مكتب الظابط)_ (تدخل أخت سامر)_
_الظابط…بطاقتك
_(ويقرأ الإسم نهي نعمان السيد)_
_الظابط…ها يا نهي..إيه اللي حصل بالظبط بعد كتب الكتاب
_نهي بخوف…زي ما بابا قال لحضرتك بالظبط
_الظابط بهدوء…شوفي يا نهي..عشان أجيب حق أخوكي..
لازم أعرف كل حاجه..حتي لو الحاجه دي صغيره..
وأكيد فيه أسرار بين الأخ وأخته..
الأب والأم ما يعرفوش عنها حاجه
_نهي…أخويا كانت كل حياته ف النور..
لا كان عندو أسرار..ولا كان عندو حاجه يخبيها..
لحد ما ظهرت ف حياته البت اللي إتجوزها دي
_الظابط يستدرجها..إيه بقي اللي إتغير..
لما ظهرت ف حياته البت اللي إتجوزها