رواية قبيحة لكن ذكية الفصل السادس 6 بقلم جمانة السعيدي
رواية قبيحة لكن ذكية الجزء السادس
رواية قبيحة لكن ذكية البارت السادس
رواية قبيحة لكن ذكية الحلقة السادسة
اسيل بديت اختنك من تصرفات كرم
بدا يتمادى عليه اكثر
يحس نفسه مسيطر لان بعرف اني احبه ومتعلقه بي
أصدقائه كلهم كامو يحششون عليه ويغلطون ويسمعوني كلام
وهو واكف وابد مايحاول يردهم
بلعكس يضحك على كلامهم
واني احس مشاعري عنده ماله قيمه ابد
بلاضافه اني ضميري جاي يانبني لان درجاتي نازله
طول عمري متعوده اخذ أعلى الدرجات
هذا الشي الوحيد الي كان يفرحني ويرفع معنوياتي
منى هم تحجي عليه وتكول مبين كاعد يستغلج
ومايحبج ابد
جمانه السعيدي
بهاي الفتره منى صديقتي انخطبت لابن عمه
يحبه وتحبه من زمان
والولد اموره الماديه كلش زينه ويحبه ومتعلق بيه
عزمتني على حفلة المهر بس مارحت
لان ماعندي ملابس حلوه
ولا اكدر اروح للصالون اعتذرت منه ومارحت
طبعا خطيبه جابله تليفون أحدث شي يخبل
اني جنت منبهره بلتليفون حيل
وهي تشرحي على المكالمات وشلون يتصل بيه
والرسائل الي يدزها اله
الله يسعدها منى حيل حبابه واخلاقه عاليه وتستاهل كل خير
بيوم كاعدين بلحديقه واني ومنى وكم بنيه
جان اصدقاء كرم ولد ثنيين كاعدين بس مانتبهو النا ابد
احنا كم بنيه كاعدين
ورا شويه سمعت اسمي
البنات ملتهيات يسولفن على التليفونات وشنو أحدث شي
وشلون يستعملنه
واني قربت وركزت اسمعهم شيحجون
جمانه السعيدي
الاول يمعود اني لو الكه وحده مثل اسيل شرايحلي
ذاك كرم مخلصه لعب ونسه وطلعات براسه
يوميه مطلعله عذر يضحك عليه
راح يخلص الدوام براسه
وهاي السعلوه مصدكه يحبه
الكل يدري بي يضحك عليه وهي مصدكه
بله هاي من كل عقله وين اكو واحد يحبه جنه فزاعه
شكد غبيه مصدكه بي
هنياله راح يخلص كلشي براسه
والنوب يكول بس اخلص محضرلكم مفاجئه اله اضحك كل المعهد عليه
جمانه السعيدي
الثاني هاي مسكينه محد مقرب عليه وعمرها ماسامعه كلمه حلوه وماصدكت واحد يحجي وياها
الاول هسه لو يعوفه جان اني ضحكت عليه
ولله ماليه خلك ابد اقرا
شفت شلون هو متونس براسه
الثاني هو جاي يحصل درجات أعلى منه بهواي
وهي درجاته تنزل
جمانه السعيدي
اسيل احس الحراره كامت تصعد الراسي
اني فعلا غبيه ليش مسلمته كلشي
طبعا مبين يضحك عليه وعنده بمكان الوحده ميه
اني ليش مصدكه بي
ولله يا كرم اذا مااضحك عليك كل المعهد
واطلع ثاري مربع منك
اريد اشوفك اسيل منو اني تلعب بمشاعري وتضحك عليه
بقيت امثل علي اني مصدكته وكلشي طبيعي
امتحنا اربع امتحانات واني طبيعيه وهو كاعد يمي ومامن بيه واني كاعد امتحن بمكانه
وهو حاس نفسه مسيطر وعادي كلش طبيعي
طلعت النتيجه هو راسب بلامتحانات اربعتهن واني ماخذه درجه كامله
بلامتحانات الاربعه
اجاني عيونه طاكه
كرم اسيل ليش هيج اني راسب
اسيل يااا شلون راسب المفروض درجه كامله
كرم وانتي
اسيل اني نجحت
كرم واني ليش رسبت
اسيل اكيد اكو خطئ بلتصحيح اني اكول تروح تعترض
لان اني وياك نفس الحل
شلون انت ترسب
كرم اي اروح اعترض اني مااقبل بهاي النتيجه ابد
راح وهو عصبي ومايندل دربه
جمانه السعيدي
اسيل اي بعد وبعد اله اندمك على كل ساعه ضحكت عليه بيه
انت تضحك عليه بسيطه
بعدين اجتني فكره وقررت انفذه
اخذت تليفون منى وعلمتني شلون اسجل الكلام
رحت على كرم
اسيل هااا شسويت
كرم يمعوده يكول ماكو اي خطئ بلتصحيح هي هاي نتيجتك
اسيل يله ميخالف الامتحانات الجايه تعوض كلشي انشاء الله
كرم اسوله حبيبتي اريدج تشدين حيلج وياي
مااريد هاي السنه تضيع عليه
لازم اني وياج ننجح سويه ونتخرج سويه حتئ اتقدملج ونزوج
اسيل صحيح نزوج
كرم اكيد شلون قابل اضحك عليج انت الوحيده الي اني مقتنع بيه واحبه وشخصيتج حيل جذبتني
اسيل طبعا اكيد ماعندي اي شك بلموضوع
جمانه السعيدي
بس ردت اسئلك على نجلاء شنو نوع العلاقه بينكم
كرم يمعود هاي وحده لزكه اصلا اني اموت منه ذابه نفسه عليه كلما اريد ابتعد عنه تلزك بلزايد
اسيل هااا زين وساره
كرم هاي المضحكه مال الشله الكل يعرف اني مصادقه علمود فلوسه وله وحده مثل هاي مااشتريه بنعال
اسيل اكيد حبيبي اني مصدكه بيك
زين وحنيبن تكول مواعده بلزواج
كرم هههه حنيين اني مواعده بلزواج يموعده هاي وحده معفنه واني اموت منه ومااطيقه ابد
هاي تحلم واحد مثلي يرتبط بيه
اني احب وحده وبس انتي الي ساكنه كلبي ومعشعشه بعقلي
اسيل هاي هي تمام اني مصدكه بكل كلامك
لاتقرا ولا تعب نفسك انت روح اتونس واني كفيله بنجاحك
اخذت التسجيل ورحت سمعته الكل وحده من البنات
كل وحده سمعت كرم شيحجي عليه
اكد ت عليهن مايكولن اي شي عني
لان اني مقهوره عليهن ومااريد كرم يضحك عليهن
وهنا يستاهل الأحسن من كرم
طبعا نجلاء تعاركة ويااا عركه فرجت علي المعهد كله
وساره زعلت من كلامه وكامت ماتنطي فلوس ابد
اصلا راسا راحت سوت علاقه ويه غيره
جمانه السعيدي
اما حنيين طلع ضاحك عليه وبينهم علاقه غير شرعيه والبنيه مصدكه بي لان مامله بلزواج
بس سمعت هذا الكلام عليه راسا راحت هددته توصل
كلشي الاهله وتخليهم يتصرفون وياااا
هو طرده وكال اي شي يعجبج سوي مايهمني ابد
اسبوع كامل وكرم مامداوم ابد
رحت سئلت صديقه عنه
كال عنده مشكله ضليت اللح علي اريد اعرف المشكله شنو
طلعو اهل حنيين مشتكين علي
واهله جاي يضغطون علي يزوجه ويصحح غلطه
وهو رافض لان سلمته نفسه بسهوله
والمشاكل مستمره وحتى حنيين مجاي اداوم ابد
اسيل حسيت شفيت غليلي منه ولك اني تضحك عليه باسم الحب
قربت امتحانات اخير السنه راح اخلص مرحله أولى معهد
بيوم الامتحان يله بين كرم
اجاني يمثل عليه ضايج
اسيل هااا وينك ليش مختفي يمعود
ضليت بقلق عليك
كرم صارت عندي مشكله وحليته انشاء الله
اسيل اكدر اعرف شنو المشكله
كرم لا ادوخين راسج بيه بعدين احجيلج كلشي اهم شي هسه انتي محضره زين يعني ناخذ درجه عاليه
اسيل ابد لا تشيل هم راح تطلع من الاوائل
انت بس عليك تكعد وتسكت
اني بضهرك لا تخاف ابد
وزعو الاسئله وبقيت اكتب على كيف وهو مطمن اني اخلص وياخذ الاجوبه على الحاضر
الحد ماخلص الوقت وسلمت الورقه كاتبه عليه اسمي
هو بقه كاعد ومستغرب
طلعت برا هو سلم الورقه وكلشي ماكتب بيه ابد
كرم اسيل ليش هيج
اسيل شنو
كرم ماكتبتيلي
اسيل يااا شوف شلون نسيت التهيت بلاسئله لان صعبه
كرم شلون نسيتي اني سلمت الورقه بيضه
اسيل لا تضوج حبيبي باجر اعوضك
كرم بس هذا امتحان نهائي
اسيل واذا نهائي تنجح بكل المواد وبس ماده وحده تعيده