رواية قبيحة لكن ذكية الفصل الأول 1 بقلم جمانة السعيدي
رواية قبيحة لكن ذكية الجزء الأول
رواية قبيحة لكن ذكية البارت الأول
رواية قبيحة لكن ذكية الحلقة الأولى
اني اسيل مواليد ٩٣ من اني زغيره كنت اسمع كلمة موحلوه
الكل كان يكول عليه مو حلوه بدون استثناء
عندي اخت ازغر مني وأخ ازغر واحد
الكل كان يكول على اختي حلوه
كنت اسمع دائما
اي هاي احلى من اخته
لعد اسيل عليمن طالعه
ليش موحلوه
اني حنطاويه ووجه طويل اسناني مداخله شعري كيرلي
عيوني زغار
بس رموشي حلوات وحواجبي
جسمي ضعيف
جمانه السعيدي
كبرت واني اسمع عباره موحلوه
هاي شلون لو كبرت
منو راح يزوجه
اذا واحد يزوجه انتم دفعون المهر
كنت اسمع كلمة ولله خطيه موحلوه
حتى اهلي كانو يكولون مو حلوه
ودائما يضحكون عليه على اساس بلشقى
بس اني صارت عندي مناعه من كلام اهلي
صحيح اضوج بس اعدي لان همه اهلي قابل شراح اسوي
ابوي رجال عامل وامي ربت بيت
الحمد لله الله رزقنا من عنده خير ونعمه
بديت اداوم ومن اول يوم بلمدرسه كنت اسمع الطالبات
والمدرسات يحجون على شكلي
كلش ضجت وفكرت اعوف المدرسه
يعني هاي خلقه رب العالمين
هو بيدي الحمد لله كامله الخلقه وماناقصني شي
جمانه السعيدي
بعد سنتين من داومت سجلت رنا اختي وياي
الكل جان يكول شلون خوات
هاي حلوه وهاي مو حلوه
رب العالمين اخذ مني الجمال بس عوضني شي ثاني
كنت شاطره بلمدرسه كلش
يعني المعلمه متعجبه مني
اذا درس جديد وتبدي تشرح اشاركه الشرح
الدرس اقرا مره وحده احفضه
اذا المعلمه كالت اي معلومه كدامي هاي هي انختمت بعقلي
مستحيل انساها
سريعه بالكتابه وخطي حلووو
كنت ذكيه واحفظ بسرعه
من هاي الهوسه كله كانت عندي صديقه مقربه وحده
شكله شويه احسن من شكلي
ووضعهم المادي صعب
كنا اني وياها متفاهمين حيل
اسمه امل امل كانت صديقتي المقربه جدا
الصراحه البنات الحلوات والي أهلهم وضعهم المادي زين
مايقبلون يحجون وياي
وشكد يقلدن عليه
رغم اني اشطر منهن كلهن
بس بأيام الامتحانات كانن يتلوكن اكثر شي على الرياضيات والانكليزي
هذني المادتين كانن صعبات عليهن
كان يطلبن اشرح الهن
بعد ماتخلص مصلحتهن
اسمعهن يحجن عليه
وحده تكوول همزبن عقله يشتغل
وحده تكول منيين جابت هذا الفهم
وحده تكول ليش رب العالمين منطيه هذا العقل
جان انطينيا على الاقل اني حلوه
كنت اسمع واسكت
تعرفون ليش اسكت كله بسبب اهلي
من اني زغيره اسمع موحلوه لمن انهزت ثقتي بنفسي
واي واحد يحجي عليه كلام موحلو اصدكه
لان انطبعت ابالي كلمة موحلوه
حتى امي كانت تبدل الرنا وتاخذه وياها
واذا اني طلبت منه اروح وياها
تكول انتي تفشلين بس يعرفون انتي بنتي اضوج لان مو حلوه
اخذ رنا وياي حلوه وافتخر ببه
كنت اكعد ابجي بلساعات
احساس النقص راح يموتني
كل شويه اعاتب رب العالمين يعني شيصير لو خالقني شويه حلوه
جمانه السعيدي
ماكان عندي ثقه بنفسي ابد
وحتى اخلص من كلام الناس وتنمرهم عليه
كنت اخلص وقتي كله بلقرايه
حتى بلعطله مااطلع ابد
اي كتاب يصادفني مجله جريده قصص اطفال
الزمه واقراها حتى اضيع وقتي
خلصت ابتدائيه وطلعت من الاوائل
بس نجاحي ماكان يعني الاهلي شي
امي مقدمه رنا عليه بكلش
هذا الثوب حلو يلوك الرنا
هذا الطوك حلو شعر رنا سرح يطلع حلو علي
اما اني كانت اجيبلي اي شي
تكول انتي اي شي مايطلع عليج حلو
ليش اتعب نفسي اجيبلج اي شي وخلاص
بس وكت الامتحانات تعاي قري خوانج مو بس انتي تنجحين
جمانه السعيدي
اني مااكره امي بس اكره اسلوبه بلتعامل وياي
لو متعبه نفسه شويه عليه
ومعززه ثقتي بنفسي ماصار كل هذا الشي وياي
على العموم الله يسامحه
امي مخلصه ابتدائيه ومتربيه بيئه شعبيه
يعني عقله على كده
اهم شي عدها تطبخ وتنضف ابد ماعدها طموح اوهدف بلحياة
وابوي انسان ابسط منه
صار عندي كلش عادي اسمع واحد ينتقدني او يحجي عليه
رغم كل الي اسمعهم يحجون عليه
لا اعرفهم ولا يعرفوني
ولا اليه علاقه بيهم ابد
بس الناس تعلمت على التنمر
لازم تحجي وتنتقد
جمانه السعيدي
مره بليل اجيت انام وطفر علينا بزون اسود كلش خفت
منه ورحت الامي كتله تعاي نامي يمي
بزون اسود طفر علينا وكلما اطرده مايروح واكف ويباوع
عليه
امي وابوي كامو يضحكون
امي انتي البزون اذا شافج يخترع
لاتخافين وروحي نامي مستحيل البزون يقرب عليج
اصلا احنا اذا طفر علينا حرامي
لا نركض ورا ولا نتعب نفسنا
بس انطلعج علي راسا ينهزم من البيت
الكل كام يضحك على كلامه
رحت اتغطيت ونمت اذا امي متتحس بيه
بعد المن احجي
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية قبيحة لكن ذكية)