عندما لا يكون من نصيبك شيء اخترته، تأكد أنه سيكون من نصيبك شيء أجمل اختاره الله لك.
+
صلوا على مَن سكَنَتْ القلوب محبتُه واشتاقت العيون لرؤيته.
+
————-
+
منذ يومين ومسك لم تخرج من غرفتها إلا لدقائق بل وتظل ترمقه بنظرات مشمئزة حانقة، أما راجح فيتابع كل كبيرة وصغيرة في القصر، كما أن علاقته السطحية مع المدعوة فرحة تمكنه من دخول أي مكان في القصر ليبحث عما يريد ويضع ما يريد،
+
قبل أن يصعد الدرج اقتربت منه فرحة بلهفة قائلة:
_ ” راجح ”
+
لعنها داخله لكنه ابتسم لها قائلًا:
_ ” في حاجة يا آنسة فرحة ”
+
لوت فمها وقالت بحنق:
_ ” ايه آنسة فرحة دي!، أومال لو مبقاش بينا عيش وملح ”
+
أردف بلين:
_ ” يعني عشان ماحدش يفهمنا غلط لينقطع عيشنا من هنا ”
+
ضحكت بدلال وقالت وهي تقترب منه بعدما لاحظت خلو المكان من الخدم:
_ ” ما يفهموا اللي يفهموه، انت رايح فين كدة؟! ”
+
رد بمراوغة:
_ ” طالع أسأل مسك هانم عن الناس بتاعة الزينة اللي برا دول، مش هدخل حد القصر كدة وخلاص ”
+
أخرجت نفس ساخر وقالت:
_ ” تلاقي الحلوة عاملة حفلة هي وشوية السُكَرِية صحابها، دا انت هتشوف العجب الليلة دي، خمرة وبنات قالعة وشباب بقى وحاجات تانية أتكسف أقولها ، من الآخر هيقلبوا القصر شقة دعارة “