رواية عشق الثأر الفصل الثالث عشر 13 بقلم مينة طلال – للقراءة المباشرة والتحميل pdf

حتى من اريد اقبل عذر مااضن ترضى جروحي

ساعتها راح ادخل حرب مابين روحــي وروحي ..

________

دموع …

جمد دمعي من سمعت صوت اسحاق وراي تقرب يمنا بسرعة وهوة يسألنا : شـَڪو ؟…

– هسة تفهميني شصاير دموع لاتخليني ارتكب بيج جريمة ، احجي شـَڪو ..

خزرني وركض لازم يـٰس من ركبتة : شعدك ويا اختي صكط شعدك وياها ؟ صارلك فترة تحوم عليها دزوك عليها مو احجي ، وحق العباس يا يـٰس والسماك هل أسم اذا ما توخر من اختي لشوفك نجوم الظهر تفهم !

دموع : اسحاق خل افهمك ولعباس ماكو شي ، اني بس ردت

قاطعني يس وهوه يحاجي بهدوء عكس اسحاق الي راح ينفجر علينا من العصبية

يـٰس : ماعدنا شي أسحاق هدني لا طلع سالفة على عرضك استحي منا الناس ، انت منك تهوس افهم اول ..

أسحاق : مااعوفك وداعة ذاك العزيز الدفنتة الي تحجي ، يلا شو كلي شـَڪو شعدكم ؟

يـٰس : احجيلك ولله احجيلك بس مو هيج كدام العالم هدني اسحاق ، شجاك ترة اختك عرضي مثل ماهيه عرضك مستحيل أذيها وانت تدري ..

اجت عمة تركض على صوتهم : خير عمة أسحاق ليش لازم اخيك شبيكم ياستار ؟ دموع شـَڪو

هدة اسحاق يمسح على جاكيتة : ماكو شي عمة جنة نشاقة ، اني وابن عمي ..

– شتشاقون عمة منا الناس لاتفضحونا ، صلي على نبيكم حبيبي ..

طبو الناس من ولد عمهم اني استغليتها فرصة وركضت على المطبخ طلعت الجداري كلهن جلفتهن ثرمت كل غراض الصلصة صبيت جاي خمس مرات وهنة كم مرة موجودة بس

ماخليت شغلة مسويتها بس كون ما اوكف بوجه اسحاق ويكعد يستجوبني .. شسويت بروحي شلون اورط روحي بهيج سالفة شجنت افكر اني ماادري ..

نتبهت صباح اجت يمي : شبيج دموع شـَڪو شجاج اليوم رتاحي تركضين لاتوكعين حتى مااكلتي ، كافي عرفي الشغل ما يخلص ترة اهم شي صحتج ، اذكري الله كلنا على هل طريق وين القبلنا كلهم راحو ويجي يوم ونروح كلنا ﴿إِنَّ الْأَرْضَ لِلَّهِ يُورِثُهَا مَن يَشَاءُ مِنْ عِبَادِهِ ۖ وَالْعَاقِبَةُ لِلْمُتَّقِينَ ) ياختي كلنا رايحين ولله والدنيا ماتسوى وداعتج لاضلين تاكلين بروحج ..

– مابية شي ولله بس احب اشتغل ، ونعم بالله حبيبتي مشكورة على حجيج

– ارتاحي ارتاحي ماكو شي عدنا لا تتخربطين خل اجيبلج ريوك ، ضلي كاعدة هنا

– لا اني اسوي يروحي ماعدي شي

– تعبتي هسه ليش تعاندين كعدي واني اسوي عافتني وراحت شوية واجت : تعالي اسحاق باب المطبخ يريدج..

كمت وراها ادعي الله ناسي سالفتي بس شافني ركز عيونة علية جانت صباح تسوي جاي وتحضر صينية الي كالها : خوية من رخصتج عدي حجاية وياها

خطية هيه استحت نصت الجاي وراحت تقرب يمي : من شوكت بينا اسوار دموع وتضمين علية ها ؟ ليش هيج تغيرتي جنتي بنتي الربيتج على ايدي الي الصغيرة قبل الجبيرة تكوليها الي ؟

– اسحاق خفت منك وو مااعرف يعني ماادري شلون صار الموضوع اسحاق ولله مو قصدي اني اني مو هيج انت تعرفني

– انجبي ، من الصبح اركض وراج غير تكولين مرت غايب مضوجتج اله لحيت على يـٰس وحجالي ليش خالتها ترزلج بابا لا ضلين فطيرة احجي بزودج اخوج بظهرج..

دنجت مستحية منة سودا علية مجذب علية يـٰس ومحروك كلبة علية لو يدري اني شمسوية عود شيسوي كلتله : اسحاق اني مو هيج بس الصار الصدك ، يـ؏ـنـʊ̤ شوف اني .

– سكتي سكتي راح اروح يم الولد بعد الي تضوجج دوسي بطنها انتي بيتج افتهمتي ، لاتخلين اي بسر يأذيج واني اشم الهوة ..

هزيت راسي وصاح : خوية صباح

اجت تركض : ها عيني

– ديري بالج على دموع فدوة عينج عليها لحد يضوجها

– بعيوني لا يضل بالك محد يمها لاتخاف

هز راسة اي وراح ضليت اباوع ورة بس طلع وكعت بالكاع ابجي لزمتني خطية : شبيج دموع ؟

– خنتة اني صباح خنتة هوة يوصي علية واني مااستاهل ، امداني عدي هيج اخ واكسرة شـَڪد حقيرة اني

– اسكتي منو مثلج انتي تعوذي من شيطان كومي حبيبتي كومي عيني

– لا ولله مااستاهل هذا حبة اني صباح مااستاهل

شفتي شسوة علمودي

– دكومي كومي صلي على النبي

كومتني بالكوه كعدتني بصالة محد بيها بس عمة تلكط خضرة ويا اخوات صباح الثانيات بس شافني بهذا الوضع وعيوني مورمة صاحن : منو وياج

صباح : اذكرت عمة من شافت اسحاق

سكتن كلهن وعمة كالت : هذا قضاء الله امي شنسوي ادعيلها صليلها وكل على هل درب يايمة .. والدنيا كصيرة والحمدلله شنسوي لو البجي يرد الميت جا شفتي الناس ما طلعت سنها

صباح : اي ولله يمة بس شيصبرها الله يعينها على مصابها بجاه الزهرة ..

سكتن وجابت الصينية الة كلهن صغطن علية اكلت شوية وخرت هنة هم كل وحدة شربت جاي واكلن لفات جبن وكما عاد للمطبخ حضرنا الطبخ للطباخ واجن نسوان

بعد كمنا نودي المي وجاي لحد ما اجة الطباخ ضل يـٰس كساع جاي هوة واسحاق واني صايرة نهاية المطبخ شيسألوني اطيهم لحد ما شو كلهن اختفن يم النسوان واني ضليت ارتب طب يـٰس يحجي ..

– يمة لومي وبصل المثروم وينهن

مارفعت راسي هوه سكت وباوعلي : دموع اطيني الغراض وين راحن امي والبنات ليش وحدج

– ماادري هسه اجيبهن

طلعت اللومي من الكونتر وشلت طاسة البصل وصلت يمة حطيت اللومي وجاي اطي الطاس بس ؏ـيونَي مبعدتهن عنة

مدري مستحية منة مدري كارهة روحــي لان اول مرة اغلط واجذب على اخوية لزم ايدي سحبتها

رفعت عيني اباوع : لا تتجاوز حدودك يـٰس ، دير بالك تلزمني بعد

يـٰس : مو قصدي واذا على الحدود انتي بديتي واعديتي علية اني هم ابن ناس وعالم مااستحيتي مو عدج اخ ترضين بنية تتحرش بي

من فشلتي مكدرت لااحجي ولااتحرك كمت ابجي هوة ضحك من شافني ابجي صدك سكت : ولج اشاقة وياج شبيج

– اني مو هيج والله هاي الحباية هيج خلتني اسوي

– حباية ؟ ياحباية ؟

مسحت دموعي وكلتله : مهدء جاي اخذ مهدئات

– دعوفيهن يمعود لنج يوم طابة على اسحاق تبوسين بي خطية

خزرتة ضحك وطلع هزيت ايدي اغم روحــي على هل موقف البايخ الحطيت روحــي بي حلفت بعد لو اموت مااخذ حباية

اجت الملاية وطببتني صباح بنص بجيت ولطمت شوية رتاح كلبي على الاقل ما اضل كابتة راح اموت

صار الليل لمينا البيت وهم ضلو بس بيت قادر بس تفاجأت بعمي طب يسلم علية ..

قادر : شلونج بنيتي ..

استغربت من وجودة عمة جانت تلبس عباتها هيه وصباح وعينهن علية جاوبتة بصوت ناصي : هلة عمو

– البقية بحياتج بنيتي لا تكولين وحدج احنا يمج واي شي تحتاجين بس كولي هذني اخياتج واحنا هنا اعتبرينا اهلج

– محد اهلي عمو من وعيت واحنا وحدنا اني واخوية بس شكرا على كلامك هذا مشكور ماتقصر ..

قادر : حبيت ابلغج باجر جاي عمج هاشم

– عمي هاشم شجابة ؟..

_______

عائشة : جنت اسولف اني وخولة بس هيه خربتها من جفصت بتفكيرها السيئ وحظها حلو حيل لدرجة سمعها قاسم بنفسة ..

خولة: زين وماحط عينة عليج بنية ممزوجة وحلوة تفرفر كدامة

نداريت اريد ارزلها واشوفة واكف بالباب يسمع : استاذ…

قاسم : خولة اخذي حسابج من الحارس وان شاءالله مااشوف وجهج بعد ، ما تلومين الة روحج اذا شفتج مرة ثانية

المرة من حلاة روحها ركضت نزعت الصدرية وراحت تلم غراضها اني ضليت بمكاني اكمل الغداء ولا عبالك صاير شي رغم كل جسمي يرجف من الخوف فات للمطبخ تقرب مني بس بينا مسافة

قاسم : ماعرفتي تردين هاي الصلفة ؟ لو عجبج حجيها عني ..

– استاذ انت طبيت ملحكت ارد .. ثانياً انت تعرف اني شنو وتفكيري بيك شنو !

– لا مااعرف شنو تفكيرج ؟

قرب وجهه صارن عيوني بعيونة ركزت بلمعتهن الي ماشفتة من عشرين سنة حجيت بهدوء وبطني كامت تمغصني من التوتر : انت اشهم وانقى رجل عرفتة بحياتي ماكو انسان مثلك طيب وخلوق اني مأمنة نفسي يمك نفس البنية التأمن يم اهلها ..

– بس اني خريج سجون وصاحب مافيا ومخدرات ..

– انت يمكن تشوف روحك هيج بس انت بعيني بعدك هذاك الدكتور الي يجي من البعثات الدولية وهوة شايل شهادات التميز مالتة ورافع راسه ورأس بلدة ، الاستاذ الي يفكر بجارة وعمالة باهل خادمتة المريضين الطيب الي مينام على ظلم..

– ليش هيج تشوفيني ؟

– لان وعيت على حقيقتك .. معلية اني بهذا الكفر الحرس والسلاح والهوسة .. بعدني اشوفك هذا الرجال الي اهم شي عدة كتابة وكهوتة وعائلتة ..

– ما ضل لا كتاب ولا عائلة عائشة !

– ليش مكتبتك موجودة .. مروج موجودة .. واني

سكتت خجلانة مااعرف اني شنو بحياتة شنو صفتي شنو موقعي بس حبيت اعبرلة عن مكانتة الجبيرة عدي

– انتي شنو عائشة ؟

– اسفة استاذ مو قصدي اتعدة حدودي وياك قصدي اني

سكتني وهو يلزم ايدي بثتين ايدية : اتعدي حدودج عائشة اني اريدج تتعدين انتي ماتعرفين انت شنو بالنسبة الي ، ماتعرفين شنو قيمتج عدي وشكد مكانتج جبيرة بكلبي ، انتي صاحبة فضل علية وعلى بنت اخوية جان ضاعت بعدنا ..

– استاذ

وخر ايدة من بين ايدية وحطنهن على حلكي يهمس :- اش اش مااريد اسمع كلمة استاذ على حلكج ..

جاوبتة مستحية :- شكول لعد ؟..

– كولي قاسم بس

عائشة : قاسم ..

_____…الماضي …____

– طلعت من المركز الي قاسم جان محبوس بي واخذت تكسي بسرعة للمستشفى الي كالو علية المركز سألت عليها وعلى حالتها كالولي حالتها استقرت بس راسها تاذة يريدون يخلوها كم يوم حتى يتأكدون ماكو نزف داخلي ..

بقيت بالمستشفى ويا مروج ٧ ايام جيب ودي وروحي وتعالي تبهذلت من خابرت اهلي كالو عوفي وتعالي رجعي بس ماقبلت طول هذا الاسبوع بس اطمئن عليها اخذ تكسي واروح لقاسم اخذت الة اكل من البيت ومن ملابسة النظيف ومصرف ..

جانت كل زيارة اشوف الانكسار والحب بعيونة بس مو حب الي لا عبالك حب لنفسة لان اختار انسانة وفية مثلي

او جان يقارن بعقلة بيني وبين الي حبها ووصلتة لهل مواصيل

يمكن اني الوحيدة الي ما لمتة لان شفت بعيوني الي شافة حسيت بالي حس بي يممَڪٰن حتى عشت نفس وجعة ..

مر شهرين واني ازورة وهوه يدليني اختار محامي واني دفعتلة وجبتة اله وكله وكالة عامة وباع بيتة الي صار بي الحادث واشترة بيت صغير بالدورة وعشنا اني ومروج ..

دلاني شلون اكمل شهادت الوفاة مال اهلها ومشيت بكل المعاملات ويا المحامي خلينا قاسم المسؤل عنها قانونية واني نائبة عنة هل فترة ..

ورة شهر نحكم قاسم رغم كل محاولاتي اني والمحامي وضغطنا على القاضي ويا التخفيف نحكم ب ٨ سنوات..

بيوم محكمتة من كال القاضي ثمانية شفت لمعة عين قاسم بس ماشافني من وكعت عبالك ظهري نكسر عبالك شخص غالي علية نحكم ٨ ولله هواي حرمات عمرة وشبابة وضيفتة وشهادتة وحياتة..

استاذ قاسم الادكتور الجامعي العبقري الي اخذ شهادات تقدير من امريكا وبريطانيا وفرنسا والنرويج ينحكم ٨ سنوات ليش بجيت بحركة وهوه ابتسم بوجهي يحاول يطمني بس شيطمن ؟..

طول سنوات حكمة واني والمحامي نسعة بخروجة لحد ما صارت السنة السادسة وطلع عفو وركضنا صبح وليل يلا شملة

بهاي الفترة مُروج جانت مخلصة البكلوريا وناجحة وجاي اجهزها للمتوسطة ماقبل قاسم ابد باي مواجهة الة اجيبها وياي مراد تشوفه هيج ..

واليوم بعد ٦ سنوات سعي وتعب واكفة اني والمحامي كدام باب السجن ننتضر يطلعو بعد ما نحكم افرج ..

؏ـيونَي جانت تراقب الاهالي وهمة يطشون الجكليت على احبابهم وهلاهل النسوان الممزوجة بصوت بجيهن وبجي الزلم على ولدهم بين ماواكفة اني وهذا الرجال الغريب الي ما يسوي شغلة اذا مايقبض اجر مقدم مرات اكرهة ومرات اكول هوة هذا شغلة ..

نفتح بوابة السجن الصغيرة وطلعو قاسم مكلبش اخذ جندي المفتاح من صديقة وفتح ايدة واشرولة يروح

من حلاة روحــي ركضت علية بس وصلت يمة كلتله

– استاذ قاسم ممصدكة ؏ـيونَي انت كدامي بعد كل هل سنوات ، الف حمدلله على سلامتك ولله من فرحتي ودي احضنك ، الدنيا ما واسعتني من فرحتي بيك ..

هوة جان مبتسم يباوع للناس والسمة والشارع شلون شخص جان بمكان وصار بمكان غريب من خلصت فتحلي ايدة حضنتة بقوة اضحك وهوة بادلني بهدوء شوية وخرت منة : حمدلله استاذ حمدلله انتصر الحق واخيرا طلعت وراح تعيش حياتك ..

اجة المحامي يمنا سلم علية وكالة : كل شي من املاك الك صار باسمك وسويت الملف الطلبتة بس اعذرني استاذ

قاسم : شنو ؟

– ما كدرت ارجعلك وضيفتك للاسف ..

– مو مشكلة

حجو شوية ومشينا سوة حجيت اني متحمسة وفرحانة ممصدكة : استاذ مروج راح طير بيك جانت حيل حابة تجي وياي بس انت ماقبلت حضرتلك اكبر غرفة بالبيت ورتبتلك كل كتبك وحضرتلك تبسي الدجاج التحبة وو ..

قاسم : عائشة اريد اروح للمقبرة

نبض كلبي بخوف وراحت ابتسامتي واكلني الخوف كل ضني حاب يزور زوجتة باوعتلة بحيرة كمل : اريد ازور اخوية ذنبة بركبتي مات بسببي .. كل هل سنين ليلي ما نايمة انتضر اللحظات الي اطلع واشوفة..

– استاذ هذا يومة مو بسببك حتى لو هذاك اليوم ماصار جان هوه ونايم بيتة مات لان ربك كاتبله بهل يووم عمرة يخلص ..

قاسم : حاب اروح

– نروح اكيد

اجرنا تكسي وتوجهنا لمقبرة الكرخ كلت للدفان رقم قبورهم وضل يمشي لحد ما وصلنا لمقبرة اهلة المفون بيها جدة وابو وامة وانضاف الهم اخو وزوجتة ..

طب بهدوء مخيف جان وجهه جامد ولاعبالك شخص بداخلة عاصفة ممكن اذا تطلع تكلب المدينة راح لجدة كعد يمة شوية قرة الفاتحة كعد بنص قبور اهلة هم قرالهم الفاتحة من وصل لقبر اخو شمر روحة على الاسم يهتز وبجية وصوتة عبالك صعدنا للسمة

-كام يصرخ من كلبة وهوه يصيح خوووية اسف اني خوية رحت بسببي لو محافظ على بنتك جان انت ما متت اعذرني خوية اعذرني

عبالك صوتة وبجية صعد للسمة الي كامت ترعد بقوة والهوه كب وكفت بعيدة عنة شوية حتى ياخذ راحتة اول مرة اشوفة هيج مكسور هيج يبجي بحركة حتى من شاف مرتة بهذاك الوضع منكسر هيج بس حقة لان يعتبر روحة هوة سبب موت اخو ..

بدت الدنيا تمطر غسلت الكاع والقبور ويا الهوة بدة الهوة الطيب من الكاع الناشفة يطلع واني اذكر الاية ( وَتَرَى الْأَرْضَ هَامِدَةً فَإِذَا أَنْزَلْنَا عَلَيْهَا الْمَاءَ اهْتَزَّتْ وَرَبَتْ وَأَنْبَتَتْ مِن كُلِّ زَوْجٍ بَهِيجٍ ) سبحان الخلق هل بشر وهل ضروف وهل حياة كلها..

شـَڪد ابدع بخلقنا وخلق الارض والسماء

خلق الموت وحياة

هواي جنت اصفن واكول احنا قبل لايخلقنا الله وبن جنا وشلون سواانا منين جبنا كل هل مشاعر ومنين صرنا وين تروح مشاعرنا كلها..

شنو هوة الموت ؟ هل فعلا ً هوة النهاية ولازم نبجي على احبابنا ونلطم ونخرب حياتنا بعدهم ؟ ام هيه البداية لحياتهم الحقيقية ولازم احنا ننبجي على روحنا ؟..

كمت امسح بوجهي من المي وعفت قاسم براحتة كلت لو يضل للصبح مااحجي خل يرتاح ورا دقايق كام واني كلي بديت ارجف واحاول ما ابين بس ندار وشافني مشة بسرعة ومشيت ورة لزم ايدي معبرني الطين والمي البدة يصير تجمعات وطلعنا للشارع اخذنا تكسي للدورة وروحنا لبيتنا ..

جانت منطقتنا حيل هادئة واغلبهم موظفين ومرتبين الجو حلو دافي رغم المطر بس الهوة يكفخني وارجف فتحت الباب اسمي وبس طب قاسم صارت بوجهنا مُروج الي متبللة بالمطر وهيه تنتظرة..

قاسم : مُروج ؟

– عميييي …

_______

الان

فزيت من صفنتي وهوه مركز بعيوني وقربة مني موترني وخالني افقد توازني وتركيزي كحت مُروج وابتعد عني واني اعدل ملابسي وارجع للدجاجة ازرفها كالت : عمو ممكن اطلع ؟

قاسم : يوميا هيه يابتي مو خايف عليج ؟

– عمو حباب حباب مااتاخر ويا الحرس..

– خل اشوفلج الولد

خابر واني كملت التبسي حطيتة بالفرن وبديت بالتمن وهوه خلص اتصالاتة وكال : راح يجي سليم

حجت هيه متفاجئة ومتوترة : منو؟

– اقصد خالد

– ماشي عمو

طلعت للصالة تنتضر يجيها واني اطلع غراض السلاطة بس ايدي ترجف وحتى شغلي كمت مااعرف اسوي بسب وجودة يمي كال ..

وكف بصفي من جديد حاط عيونة بعيني واني اثرم الطماطة مجاهلة وجودة يمي :- شكلتي هسه

– احم .. على شنو ؟

– تقبلين تكونين مستقبلي وبيتي وشريكتي ؟..

_____

يُتبع