رواية عداوة بنكهة العشق الفصل الأول 1 بقلم هاجر علي بشري
رواية عداوة بنكهة العشق الجزء الأول
رواية عداوة بنكهة العشق البارت الأول
رواية عداوة بنكهة العشق الحلقة الأولى
عندما يخونك الحب، ويأتي دون سابق إنذار….
هكذا كانت هي…. أتت دون سابق إنذار إلى قلبي لكي تحييه من جديد….
أنتي لستي عدوتي!!
أنتي عشقي الدفين!!
يا من هواكي قلبي، وعشقك فؤادي….
كوني لي ملاذي، والملجأ الأخير….
عشقتك دون إرادتي، وكنتي لي السبيل….
أنت لست بعدوي!!
لكنك كنت منقذي!!
أنا عشقتك ولم أدري؛ فكنت أنت قدري….
يا من هوتك روحي، وتغلبت علي تمردي؛ فكنت لي سندا لا يميل….
أعشقك ولا أبالغ!! لأنك كنت الأمل الأخير…
«عمران محمود الصياد» شاب عصبي ومغرور جداً…. بيكره صنف الستات، وده لسبب هنعرفه مع الأحداث…. متفوق في دراسته، وبيطلع من الأوائل…. في ثانية ثانوي…. عنده 17 سنة….. عيونه فضية دايما بتلمع بالقسوة بسبب اللي عاشه وشعره بني فاتح حريري وبشرته بيضا…. ملامحه باردة مبتعكسش أبداً شخصيته العصبية….
«مسك صالح الدميري» بنت جميلة جداً…. بس فاشلة في دراستها، وده لسبب هنكتشفه مع الأحداث…. في ثانية ثانوي…. عندها 17 سنة…. عيونها خضرا شبه الفصدق وشعرها بني طويل وبشرتها بيضا صافية….. بنت شرسة جداً من المستحيل تسكت لحد…. لسانها سليط…. بس بتخبي سر كبير ورا شخصيتها دي…. ملامحها ملائكية جذابة….
«جواد شعيب المالكي» شاب من أغني عائلات البلد…. متمرد وقوي…. وسيم جداً…. بس فاشل في دراسته….. عنده 19 سنة، ولسة في ثانية ثانوي، وده لسبب هنعرفه مع الأحداث…. عيونه زرقا شبه البحر دايما بتلمع ببريق التحدي وللتمرد وشعره أسود فحمي وبشرته بيضا…. مغرور جداً وطايش…..
«عشق جابر العمراني» بنت قمة في الجمال…. حياتها غامضة جداً…. حتي أصحابها المقربين ميعرفوش عنها حاجة…. متفوقة في دراستها، وبتطلع الأولي علي الدفعة كل سنة…. في ثانية ثانوي…. عندها 17 سنة…. عيونها شبه اللؤلؤ وشعرها أسود ممزوج مع بعض الخصلات البنية وبشرتها بيضا صافية…. ملامحها بريئة بس بتخفي وراها أسرار كثير…. بتعشق التحدي، ومخسرتش في أي تحدي دخلته….
«بدر صفوان العزيزي» شاب وسيم جداً وفرفوش…. بس مبيفتحش كتاب…. في ثانية ثانوي…. عنده 17 سنة…. عيونه سودا شبه سواد الليل وشعره بني غامق وبشرته بيضا…. هو مرح جداً وخفيف الظل…. شخصيته حيوية ومحبوب….
«مهرة فهد النعماني» بنت رقيقة جداً بتخاف من ضلها….. شاطرة جداً في مذاكرتها….. في ثانية ثانوي…. عندها 17 سنة…. عيونها بني شبه القهوة وشعرها كستنائي طويل وبشرتها بيضا صافية…. مرحة زي شخصية بدر تماما…. وملامحها هادية بس جميلة..
اللهم صلي وسلم وبارك عليك يا حبيبي يا رسول الله ♥
_________________________________
في مدرسة ثانوي….
كانت من أرقي المدارس في مصر…..
في واحد من الفصول….
كان في مستر واقف وقال: النهاردة بما أني شايف مستوي طلبة الفصل A بيقل عن باقي الفصول, فأنا هحط طالب دحيح مع طالب فاشل علشان نرفع المستوي، وأه أي طالب من المجموعة هيفشل؛ المجموعة كلها هتفشل، ونبدأ القائمة بعشق أذكي طالبة هنا وجواد أفشل طالب هنا….
جواد بسخرية: ربك ستار يا مستر فضحتني ليه بس؟!
ضحكو كل اللي قاعدين….
المستر بغضب: بس أسكتو كلكم!! وإنت يا جواد المدرسة كلها عارفة إنك فاشل مفيش جديد.
مهتمش جواد للي قاله المستر؛ فكمل المستر بهدوء: مسك وعمران الأول علي الجمهورية، مهرة وبدر….. بالتوفيق يا شباب.
مسك بغيظ: إشمعني أنا أكون مع ده؟!
عمران بسخط: وماله ده بقي إنشاء الله يا مسك هانم؟! ناقص إيد ولا ناقص رجل!!
مسك ببرود: لأ ناقص عقل.
عمران بعصبية: يا بنت ال أنا هوريكي!!
وقفت مسك علي الديسك من فوق وقالت بردح: توري مين يا برص الحيطان يا فار الغيطان يا بقرة من غير ودان يا زفت ومدهون قطاران ياللي قفاك شبه الدرفيل ياللي بتفكر زي الحمير ويا أحمد يا عمر!!
بصلها عمران بغضب وصدمه….
مهرة برقة ومرح: مالكم قلبتوها ساحة حرب كده ليه؟! إحنا كلنا عاوزين ننجح مش نبلط هنا!!
بدر بمرح: والله يا أخت مهرة أنا علي الله مفتحتش المنهج طول الترم.
ضحكت مهرة برقة…..
أما عشق مهتمتش باللي بيحصل حواليها….
بصلها جواد وقال بسخرية: أنتي يا أخت أينشتاين متتوقعيش مني أني هذاكر أنا كده كده مبلط هنا.
مردتش عشق عليه؛ فده عصبه زيادة، وقال وهو بيخبط علي الديسك بتاعها: أنتي أنا بكلمك!!
عشق ببرود وهي بترفع عيونها اللي سحرته من علي الكتاب: أنا ليا إسم وهو عشق، ولو مندتنيش بيه مش هرد عليك!!
إتسحر جواد بعيونها…. بس فاق لنفسه وقال بغضب وهو لسة ساند علي الديسك، ووشه قريب منها: وأنتي مين أنتي علشان تتشرطي عليا؟!
عشق بثقة: أنا مين فده ميخصكش؛ المهم ننجح ونعدي السنة دي!!
جواد بتحدي: بعينك يا عشق!! جواد المالكي مش بيتجبر علي حاجة.
عشق بتحدي أكبر: هنشوف يا أبن المالكي مين فينا اللي هيكسب التحدي ده!!
جواد بثقة وهو بيبص في عيونها: وأنا موافق يا عشق.
في البريك….
قالت عشق وهي بتحط الكتب علي الترابيزة: عندنا بعد أسبوع إمتحان فيزيا أحسنلك تذاكر لحسن تسقط زي كل مره!!
جواد وهو بيلعب في تليفونه: معنديش مانع أسقط.
عضت عشق علي شفتها بغيظ وقالت: أنا مش خايفة علي مستقبلك!! أنا خايفة علي مستقبلي أنا…. واحد فاشل زيك مين هيخاف علي مستقبله؟!
بصلها جواد بنظرة مفهمتهاش عشق؛ بس حست بالوجع…. قلبها إتألم علشانه، وهي متعرفش السبب…
مشي جواد من قدامها، ومفيش علي ملامحه أي تعبير….
أنبت عشق نفسها: ليه بس كده يا عشق؟! من إمتي وأنتي بالقسوة دي؟!
عقلها: كان لازم أعمل كده علشان أنجح!!
قلبها: بس مش بالطريقة دي!! حتي لو كان مستفز وبارد… بس ده في النهاية بشر زينا وعنده مشاعر….
عقلها: مالك بدأت تحب ولا إيه؟!
قلبها: لأ مبحبش بس مبجرحش زيك!!
عشق بعصبية: خلاص كفاية كداا!! كفاية!!
عند مسك وعمران….
عمران بغيظ: بقولك إيه أنا مش عاوز أفشل بسببك!!
مسك: والله محدش قالك توافق تكون معايا!!
عمران: إحنا عندنا إمتحان فيزيا ولازم ننجح فيه فاهمة!!
مسك ببرود: مش لازم طالما هعدي يبقي عادي.
عمران: صحيح ما هو بنت مدلعة زيك متعرفش يعني إيه مسؤلية!!
نغزة قوة إحتلت قلبها…. بس مبينتش وقالت بتحدي: أنا حره!!
عمران بعصبية وهو بيهبد الكتاب علي الترابيزة: لأ مش حره!! أنا مستقبلي مترتب علي واحده فاشلة زيك؛ فعلشان كده لازم تذاكري لإنك لو فشلتي صدقيني هندمك!!
خافت مسك منه…. بس مبينتش وقالت: أعلي ما في خيلك إركبه يا عمران.
وبعدين سابته ومشيت….
عمران بغضب: ماشي يا مسك أنا هعرفك إزاي تتحديني!!
أما ثنائي المرح كانو قاعدين في ركن تحت شجرة….
مهرة بغيظ: يا بدر والله إسمها مش زي ما إنت قولت خالص!! حتي بص في صفحة 141 كده….
فتح بدر الصفحة،