رواية عاشق زوجتي الفصل السادس 6 بقلم صباح عبدالله فتحي
السلام عليكم ورحمة الله وبركاته
الحلقة السادسة من عاشق زوجتي – الكاتبة: صباح عبدالله فتحي..
_هي فيها إيه أحسن مني؟ ولا أنا كان ناقصني إيه علشان تعمل كده؟
كان جاسر وقف مصدوم ومش مستوعب أنها وققة قدامه. ما حسش بنفسه غير وهي بزقه بعيد عنها بقرف وابتعدت عنه وهي بتمسح دموعها وتقول. .
_بس تعرف، مش أنا اللي ناقصني حاجة، ولا هي أحسن مني في حاجة. إنت اللي إنسان وسخ وكلب جعان، علشان كده مش بتحب تاكل غير من أوطى قوم… زبالة!
في اللحظة دي، يطلع يوسف وأمه وسمر على صوت نور. وجاسر فقد السيطرة على أعصابه من كلامها ورفع إيده عاوز يضربها بالقلم. وقبل ما يقرب منها يتقدم يوسف ويقف بينه وبين نور، ماسك إيد جاسر جامد وقال بغضب:
_إنت أكيد إنسان مش طبيعي! هتضرب بنت؟ يا متخلف! يا عديم الرجولة!
جاسر بغضب:
_هضربها وهكسر دماغها! وإنت مالك تتدخل ليها؟ يا صايع الرجوله! عاوز تعمل فيها بطل؟ دي مراتي!