رواية عاشق زوجتي الفصل الحادي عشر 11 بقلم صباح عبدالله فتحي
الحلقة 11 من “عاشق زوجتي”
بقلم الكاتبة: صباح عبدالله فتحي
في الشركة
في مكتب جاسر تحديدًا، يدخل جاسر وهو يسحب نور خلفه بعنف، ثم يغلق الباب بسرعة. دفعها بقوة نحو الباب المغلق حتى التصقت به، ووقف أمامها مباشرةً يقول بغضب:
ـ هي حصلت تقربي من الزفت ده قدامي يا هانم؟
دفعت نور جاسر بقوة، حتى كاد أن يقع، وقالت بجمود وهي تتظاهر بالقوة:
ـ انت حصل لعقلك حاجة؟! هي حصلت تفكر اني أقرب من واحد تاني؟! ولا إنت مفكر الكل وسخ زي حضرتك…
وقبل أن تكمل نور حديثها، كان جاسر قد أمسكها من رقبتها بعنف، ملصقًا إياها بباب المكتب مرة ثانية، وقال بفحيح يشبه فحيح الأفاعي:
ـ أقسم بالله يا نور، كلمة تانية زي دي لأكون مخلّص عليكي. والمنظر اللي حضرتك شفتيه مع ملك السكرتيرة أكتر من مرة… أنا ما كنتش بعمل فيه حاجة غلط ولا حرام. ملك بتكون مراتي، زيها زيك بالضبط!
نظرت نور إلى جاسر بذهول، وسقطت الكلمات على مسامعها مثل الصاعقة. لم تشعر بنفسها إلا ودموعها تتساقط من عينيها، وقالت بصوت بالكاد يُسمع:
ـ مراتك إزاي؟! أمال أنا مين؟
نظر جاسر إليها بحزن للحظات، ثم ابتعد عنها وتقدّم نحو المكتب، وقال بأسف وهو ينظر إلى الأوراق أمامه ويعطيها ظهره… قال جاسر وهو يشيح بوجهه بعيد عن نور:
ـ للأسف أنا عمري ما كنت بعتبرك أكتر من واحدة اتجبرت عليها. إنما ملك… أنا كنت معجب بيها من أول يوم اشتغلت في الشركة، واعترفت لها، وعرضت عليها إننا نتجوز في السر، وهي وافقت.