رواية ظلم وتنمر الفصل التاسع 9 بقلم ايسو ابراهيم
رحيم: شكرا يا بوي شكرا ياما، ادهالي أسمع حسها
والدته بعتاب: دلوك لسه فاكر أمك
رحيم: ماتقوليش اكده ياما حقك عليا وعلى قلبي
والدته: ماشي يا ولدي خلي بالك من نفسك
رحيم: حاضر ياما، وقفل معهم وهو فرحان وقرر أول ما يصحى ينزل يستنى والدتها لما تيجي تروح شغلها يكلمها وياخد منها ميعاد
تاني يوم ماكانش عارف ينام من الفرحة، نزل يستنى والدتها وأول ما طلعت مشي ناحيتها وقال: السلام عليكم
ردت أم شروق وقالت: وعليكم السلام يا دكتور عامل ايه
رحيم: الحمد لله، كنت عايز أخد ميعاد عشان نطلب إيد شروق ليا
اتوترت أم شروق وخافت ليحصل زي ما حصل من يومين ونفسية بنتها وحشة فقالت: اديني مهلة لما أرجع وأكلم شروق يا بني
رحيم: مافيش مشكلة هاتي لما أكتبلك رقمي وأخد رقمك وعرفوني ردكوا أهلي جايين من الصعيد ليا النهارده وعشان يجوا يشوفوكوا ونشرب معاكوا الشاي بس هنستنى لما تردوا عليا
أم شروق: تسلم يا بني
واستأذنت ومشيت وهي بتدعي ربنا يسترها
راحت شغلها وماعرفتش شروق بحاجة كانت بتتصل تسأل عليها وبس
كان أهل رحيم وصلوا وكان راح يستقبلهم، وجابهم عالشقة اللي ساكن فيها، دخلوا وهو جاب لهم عصير فريش يشربوه بعد تعب المشوار