رواية طرح بحر الفصل الرابع عشر 14بقلم الكاتبه ميادة يوسف الذغندى حصريه في مدونة قصر الروايات
#_الحلقة_الرابعة_عشر
#_رواية_طرح_بحر
#_بقلم_ميادة_يوسف_الذغندى
(محمود وراينا نازلين على السلم… فجأة تظهر أم حسام قدامهم، توقفهم بنظرة مليانة شك واحتقار)
أم حسام (بحدة وهي بتبص على رانيا من فوق لتحت):
رايح فين يا محمود؟! وإيه الحكاية دي؟! واخد دي في إيدك على فين؟
محمود (واقف بثبات):
خالتي… دي مراتي، وأم ابني، وبنت عمتي.
(أم حسام تتجمد لحظة، وبعدين تضحك ضحكة قصيرة مليانة سخرية)
أم حسام:
مراتك؟! كده بكل بساطة؟! لا استشارة، ولا كلمة، ولا حتى خبر لينا؟! هو الجواز بقى كده في السر؟
رانيا (تحاول تفضل هادية):
أنا مش داخلة حد، ولا واخدة مكان حد. أنا على سنة الله ورسوله.
أم حسام (تلف لها بعينين نار):
سنة الله ورسوله؟! وانتي فاكرة نفسك كده دخلتي بيت محترم؟! البيت ده فيه ست لسه ما خرجتش من الغيبوبة!
محمود (يرفع صوته لأول مرة):
خالتي! حدودك… نورا على راسي، بس رانيا كمان مراتي، ومحدش ليه يقلّل منها.
أم حسام (بتهكم):
واضح قوي إنك اتعميت. لا شايف وجع مراتك الأولى، ولا شايف الفضيحة اللي جايه علينا كلنا.