لحد لما سمع صوت مصطفى وكان متعصب.. مكنش عارف يمنع نفسه أنه يروحلها لما سمع صوت عياطها..
طلع الدرج بسرعه ودخل الاوضه اللي هي فيها كان مصطفى ماسك دراعها وهو بيزعق فيها إنما هي بتعيط .. بتعيط بحرقه وقهر .
قرب بسرعه وزقه بعيد عنه وقال: انت بتعمل ايه انت اتجننت ..
مصطفى : وانت مالك وايه اللي دخلك هنا..
مصطفى : تمشي فين انا هنتكلم مع اختي
سالم وقف في وشه وقال: لما تعرف تتكلم بالعقل ابقى عدي عليها في بيتها واتكلم هناك برحتك. .. يلاا يا سهام.. وشدها من أيدها وخرج وهو بيقول : ابني فين
سهام مش بترد لحد ما خرجت همسه وهي حامله الطفل خده منها ونزل وهي كانت ماشيه قدامه..
ساكته طول الطريق مش بتتكلم ..
وسالم محاولش يكلمها. يمكن حس انها محتاجه وقت محتاجه للسكوت ده .. لكنها فجأه اتكلمت بهدوء: مش عايزه ارجع البيت..
سالم مردش عليها لحد مارجعت قالت نفس كلامها: انا عارفه انك شايل مني بس وغلاوت ابننا مش عايزه ارجع البيت تاني..
وقف العربيه فجأه وبص ناحيتها وقال: ليه.. مش عايزه ترجعي ليه .