رواية سر تحت الجلباب الفصل الخامس 5 بقلم سلوي عوض
نعيم: وشيعت مرتي لمرت العمده، مكانتش لسه خلفت جليله، كان معاها عرفه بس، وكانت هيا كمان حبلي ف جليله.
نعيم: ولما مرتي راحت لها، وكانت بطنها علي مناخيرها، جامت وهيبه خلتها تحمي الفرن وتخبز العيش.
نعيم: وبعد كده دخلتها الزريبه، وكان عنديهم جاموسه نطاحه، الكل بيخافو يجربو منبها.
نعيم: جامت مرتي المسكينه راحت تحلبها، جامت الجاموسه رفصتها ف بطنها.
نعيم: جامت مرت العمده اللي ينتجم منها ربنا، سابت مرتي سايحه ف دمها وجعدت تفطر.
نعيم: ولما روحت حداهم عشان استعوجت مرتي، ولما سألتها عليها جالتلي خشلها الزريبه.
نعيم: ولما دخلت كانت مرتي خلاص سلمت الروح لخالجها.
نعيم: ولما زعجت بعلو صوتي، جات وهيبه بت الحرام، جالتلي هيا مرتك حلبت الجاموسه وشربت لبناتها.
نعيم: جولتلها مرتي ماتت، راحت باللي ف بطنها، تجوللي تستاهل عشان مبطونه.
نعيم: طاب كانت جالت، وانا كت اديتها اتاره حليب، شوفتي جبروت اكتر من كده؟
ناعسه: طاب انته ليه شغال حداهم؟
نعيم: عشان اخد بتاري، واكيد هاخده.
ناعسه: ياراجل ده عجزت وجلعت سنانك وضروسك.
نعيم: لكن لسه بصحتي، وبحلم باليوم اللي هاخد فيه تار الغاليين اللي راحوا.