رواية ثمن اخطائي الفصل الثاني 2 بقلم الاء محمد
قرب منه تلقائي:
_ إنت كويس؟
يوسف بص له بذهول:
_ إنت… إنت اللي خبطت أختي؟
وش يحيى شحب، هز راسه بسرعة:
_ والله ما شفتها، ظهرت قدامي مرة واحدة، حاولت أقف، بس…
الأب قرب، صوته هادي رغم الرجفة:
_ خير إن شاء الله… خير.
وقفوا كلهم قدام باب العمليات، الوقت بيمر تقيل، مفيش كلام، بس عيون مليانة خوف.
وفجأة الباب اتفتح.
الدكتور خرج.
يوسف جري عليه من غير ما يفكر:
_ طمني يا دكتور، أختي عاملة إيه؟
الدكتور قال بهدوء مهني:
_ الحمد لله إننا لحقناها بسرعة، و كويس إنها ما اتحركتش من مكانها، واللي شالها كان حريص جدًا.
تنفسهم خرج شوية، بس الكلمة اللي بعدها وقعت زي السكينة:
_ لكن للأسف… خسرنا الجنين.
الأب اتجمد:
_ جنين؟ جنين إيه يا دكتور؟
اللي جوه بنت.
الدكتور بص لهم بأسف واضح:
_ اللي جوه… مش بنت.
يوسف قال بصوت مكسور، مش طالع:
_ حضرتك متأكد؟
الدكتور سكت ثانية، وهز راسه.
الصمت نزل عليهم تقيل.
ولا حد عرف يتكلم.
ولا حد عرف يبكي.
بس كسر واضح، وحزن دخل المكان كله من غير استئذان.
لمتابعة باقي الرواية زوروا قناتنا على التليجرام من هنا
جاري كتابة الفصل الجديد للرواية حصرية لعالم اسطورة الروايات