الفصل الثاني عشر
+
تم تصميم الحديقه خصيصا لتناسب حفل الزفاف ووقف والدها باستقبال المدعوين وعلى وجهه ابتسامته البشوشه ،،،
وقف نديم على مقربه من والد فيروز وعندما راء صالح تقدم اليه ، يريد ان يتحدث معه ..
وقف جانبه وهو يربت على كتفه بحب : ألف مبروك يا حبيبي ، ربنا يتمم بخير يارب ويسعدكم
– الله يبارك فى حضرتك ، مش عايزك تقلق على فيروزه
– عارف ومتاكد من كده ،انا مسلم بنتي لراجل عارف ان هو هيصونها ويراعي ربنا فيها ، بس انت عارف قلب الاب بيفضل دايما قلقان ، كنت عاوز اقولك خلى بالك منها ، انت عارف حالتها الصحيه
تنهد بهدوء وهو يؤمى براسه مطمئنا اياه : أنا عارف حالتها فيروزه قالتلي ، بس هو أنا ممكن اعرف المرض ده جالها امته ؟ وهو عضوي ولا نفسي ، يعنى ممكن من فوبيا ولا نوبات هلع وفزع هى اللى بتوصلها لكده ؟
هز راسه نافيا وهمس بصوت يكسوه الألم : لا يابني مش فوبيا خالص هو مرض عضوي وأنا والله ماقصرت، وهي دلوقتي بتاخد علاجها والحمد لله قليل لم تزداد عليها حاله الضيق ، والمرض مولوده بيه ، وقت والدتها حصل مضاعفات ونزلت قبل ميعادها فالرئه ماكنتش مكتمله ودخلت الرعايه ووالدتها كانت محتاجه لنقل دم واتنقلها دم بالفعل بس كان دم فاسد واتوفت الله يرحمها بسبب نقل الدم والمستشفى وقتها تم قفلها والمسئولين اتحاسبو على اللى حصل ، راح وقتها ارواح كتير اوي يابني بدون ذنب .