بسرعة كعدت دخل وسد الباب وراه رفع رأسه وباوعلي بهدوء تقدم ناحيتي متت بدمي من الخوف ردت أكون رفع أيده وكال “أبقي بمكانج اجيت اسألج
سلسبيل _اي اسأل بس أبقى بمكانك عفية
رجعت بمكاني جريت البطانية قطيت جسمي كله بس رأسي طالع واباوعله انتظر يطرح اسألته نفخ هوى حسيته متوتر ومتضايق راد يحجي ندك الباب
مناوي_انا فرقد
هجرس_ روحي بعدين تعاي
مناوي_حنونه دزتني
هجرس_انا شكلت مناوي
من طرد مناوي وماهتم لحنونه بكت طن هوى بلعت ريجي حيلي كله صار يرجف فرك حنجه بكف أيده مبين متوتر ومايعرف شلون يبدأ بسألته
سلسبيل _تسأل لو تطلع؟
سلسبيل _يله لعد اسأل
هجرس_شنو نوع العلاقة بينج وبين دلشاد
سلسبيل _علاقة صداقه
هجرس_ طيب هم منطيته كلمة وعد تقبلين
بي بالمستقبل ل؟
سلسبيل _ لا بس شنو هاي الأسئلة؟
هجرس_اجيج من البداية دلشاد وراج وراج باقي وراح يسببلج مشاكل ماتخلص الأفضل الج تبتعدين عنه بأسرع وقت كان و الافضل الج
تبقين هنا عايشة علمود تتفادين المشاكل .
تفاجأت من كلامه بعدت القطه بسرعة ونزلت من فوك الجرباية صبعي صار يوجعني ماهتميت وكلتله بخوف ”
شكو شصاير هجرس ؟
هجرس_ماكو شي بس تنبأت بالمستقبل
سلسبيل _يا مستقبل؟