رواية الهجرس الفصل الثامن 8 بقلم رواء هادي
بقيت اباوعلها مصدوم فاتحة ايديها وتضحك ويتجاهي جاي تركض بسرعة بعدت من كدامها حضنت جديتي حلوة كل قوتها وصاحت
سلسبيل _العشق مالتي اممممح
حلوة_ من خبال الخبلج جدة اكو واحد يصيح ويركض مثل المخبل
جدي موسى _غير مشتاقتلج
سلسبيل _اي والله حيل حيل مشتاقه أني امممح أحبك ههه قصدي أحبج حلوة امممح
باوعت الحنونه اعيونها صاروا بكصتها والكل يضحك على تصرفها الطفولي وانا أحسيته طايش وغير لائق منها تجي تركض مثل العاشق الولهان
على جديتي وبوكتني طن هوى عبالي علية “سلمت على الكل وكفت كدامي تضحك ” شلونك فرقد؟
فكيت اعيوني متفاجأ تكلي فرقد رجعت كالت “
شبيك فرقد ماترد السلام ؟
هجرس_زين وأنتي شلونج
سلسبيل _مدامك بخير أني بخير .. يله تفضلوا جوه عليش واكفين بره تفضلوا
حنين طبكت بصفي وكرصتني من زندي قوي شيطت روحي لزمت مكان الكرصة وخزرتها ” شبيج؟
حنونه _ شلونك فرقد مكيف البربوك تسأل عنه وتفتح ايديها وتجي تركض وتصيح كدامك
انا اعلمك واعلمها
هجرس_تخبلتي ؟
حنونه _انا الها بسيطة سلسبيل ام الولد انا الج
هجرس_شنو هالالفاض؟
حنونه_ طبعآ تدافع للحب مالتك سلي
بعدت عني متعصبه .. دخلنا جوه سلسبيل كعدت بصف جديتي حلوة ومخليه ايد جديتي بحضنها وتلعب بصابعها حنين من مكانها كالتلها .
حنونه _سلسبيل راح تكسرين ايد جديتي هههه
سلسبيل _من شوقي الها حايرة شسوي والله
حنونه _ اي صح
جديتي جرتها لعدها وباستها برأسها بقيت اباوعلها وابتسم أصلا نسيت غيرة حنين انتبهت على بارق كاعد بصف جديتي حلوة رفع لي تك حاجب
بسرعة جريت انظاري وصرت احجي ويه فاروق أخوها حجي عادي وراها اذن كمنا توضينه وصلينه هم صبوا الغدا بالاستقبال كعدنا حنين اجت كعدت بصفي
وهمست لي”
فرقد نكمل الغدا ونطلع نبات بره بالفندق
هجرس _ اممم
حنين _ماعندي أمان بسلسبيل أخاف تستغل فرصة أنت نايم وتجيت عليك
كتمت ضحكتي بالكوه ماتحملت وعضيت شفايفي كل قوتي حابس الضحكة ماريدها تطلع وانفضح
على سفرة الأكل
شوي هديت وبلشوا يأكلون أكل وانظاري على بارق يأكل ويحجي ويه سلسبيل ومناوي ويضحكون جنت أتمنى أنضم وياهم بس مابي
حيل ويه حنونه كملنا أكل كعدنا شوي وجابت الجاي مناوي قدمته سأل جدي موسى عن سلسبيل
” وين سلي لعد ؟
مناوي_جاي تغسل بالماعين
جدي موسى _تعرف ؟
مناوي_لعد شبيها جدي ماتعرف
جدي موسى _وانا عبالي برتقال ماتعرف تكشر
مدت رأسها سلسبيل من الباب وكالت لجدي “
جدي الحصوة لماتعجبك
تفشخك هههه
امها _هاي شنو سلي عيب ماما
جدي موسى _عوفيها أحب سوالفها .. شتعرفين بعد
صارت تفكر وخلت صبعها على رأسها ضحكت بلطافة وكالت ” اعرف أطبخ وأعرف أنظف وأعرف ارسم
أصلا كلشي أعرف جدي
جدي موسى _شاطرة ماينخاف عليج جدي
سلسبيل _اي طالعة على جديتي حلوة كلشي أعرف اسوي وماخلي شي يعبر من بين أيديه
جدي موسى _عفية بالشاطرة كملي شغلج وتعاي لعندي
سلسبيل _ثواني واكون عندك جدي
راحت بقيت مبتسم …الوجه حنين ماتتت وجهها نكلب ازرك عيونها برأسها صاروا مرت فاروق كالت ” سلسبيل ذكية وشاطره كلش وتحب تتعلم كلشي
حنين _لو شاطرة جان كملت السادس
فاروق_حلمها فنون الجميلة وإذا تحجين عن الشطارة فاشطارة مو بالدراسة شطارة بالأفعال والطباع
الحلوة بالشخص
هجرس_صح لسانك فاروق
فاروق_الله يسلمك
حنين همست لي “
وانت ايد بي
_تره كلامج مخزي جان
_شنو مخزي ؟
_من كلامج جاي تبينين تغارين منها غيري سلوبج لو ماتحجين أحسن حنين ماريدج
تتفشلين كدامهم
_هسه صرت افشل
_كلامج ليفشل مو أنتي
ماردت بقيت اباوعلها …. روحها بخشمها صاير دخلت سلسبيل جانت لابسة ترك طويل وساتر كعدت بصف جدي موسى صار يحجي وياها
ويلعب بخصلات شعرها الناعمة قترب مني بارق وهمس
دباع الجمال دباع الرقة دباع اليكاتة مو مثل
مرتك جنها دعبل
مديت ايدي وكرصته من صفحته قوي وهمست له”
مرتي تشرفك وتشرف راس هالحلوة
لكدامك افتهمت لو لا
زرك من الوجع شلت أيدي ورجعت كلتله “
آخر إنذار لك بارق
_اااخخ شلت لحم صفحتي شيل امدك هو أنت مال شقة
كام بسرعة من يمي راح كعد كدام سلسبيل ويباوعلها بصفنه جاء ابن أخوها جان بالصف الأول وكف كدام سلسبيل وكال ” سلي عمو دلشاد جاء
سلسبيل _دلشاد ؟
عموري_اي
سلسبيل _خير شعنده
عموري_وزهراء السميمة هم
سلسبيل _السميمة مالتي جاية لعندي
دخل أخوها سعد وكال ” اي يردونج بره روحي شوفيهم شيردون منج
ابوها _ليش مادخلتهم
سعد _ماقبلوا كالوا بس صيح لسلي
سلسبيل _أكيد بشغلة ضرورية ترخص أني
شوي وارجع
ترخصت وكامت ماعرف شجاني قلبي صار ينغزني من جابوا طاري دلشاد صاروا يحجون سوالف عادية تلفوني رن طلعته شفت المتصل ضابط من المركز
ترخصت وكمت اخابره بره طلعت بره البيت فتحت خط وحجيت ويا جان يحاجيني عن مهمة إلقاء القبض على تجار مخدرات وكال المهمة
راح تتوكل الك ولياسر ولازم باجر نريدك بالمركز من وجه الصبح انتهيت الاتصال توني ردت ادخل وشفت ولد لابس برمودة سوده
وتيشيرت نصردان أحمر وابنية سمينة لابسة نفنوف جوزي قصير جوه الركبة بنصردان مورد بورد أبيض يحجون ويه سلسبيل جوه شجره
النبك بقيت اباوع للولد بنظرات الغضب هو صافن بيها ماتحملت المشهد وصحت على سلسبيل “
هيي عيني سلي ماكملتي ؟
انتبهوا علية هي التفتت بسرعة مستغربة سلوبي وياها “
هاا فرقد ؟
هجرس_ يله أرجعي يمنا
سلسبيل _لحظة وارجع ماراح أطير
هجرس_مو احنا راح نرجع
سلسبيل _مو تباتون ؟
هجرس_هسه اتصلوا بي من المركز وكالوا نريدك من وجه الصبح ولازم نرجع
سلسبيل _لاااا فرقد لاا عليك الله والله كلشي ماشفت منك اسفة قصدي منكم
أبتسمت بخباثة هاي صارت تفلت بالكلام الولد مبين من ملامح وجه انزعج اسمع سلسبيل كالتلهم ” بالليل تعالوا هسه عندي خطار وعزاز على قلبي
اسمع الولد كاللها “
منو هذا ؟
التفتت علية تضحك رجعت التفتت على الولد وكالت “
هذا فرقد حفيد عمت أبوي وصديق الطفولة
وأني كلش أحبه واحترمه
دلشاد_هاا مو هذا لعرس هذاك اليوم؟
سلسبيل _اي هو
زهراء_سلي هذا شطوله
سلسبيل _ههههه فرقد زهراء تكول شطولك ههههه
هجرس_هههه أعوذ بالله من اعيون صديقتج
ضربت سلسبيل على جتفها وكالت “
هسه كلتلج خوما تفضحيني
كدامه
سلسبيل _ههه عادي تره فرقد مايزعل وروحة رياضية تعال فرقد تعرف عليهم
هجرس _ خل نشوف زملائج سلي شلونهم بله
وصلت يمها غيرت ملامح وجي صارت حادة خزرت الولد ومديت ايدي له ” السلام عليكم
مد ايده وصافحني وكال ” وعليكم السلام
كل قوتي مردت أيده وعفتها وكلتله “
اعرفك بنفسي أسمي فرقد وائل
ضابط بالشرطة
زهراء_اهلا وسهلا بيك فرقد
دلشاد_هلأ بيك سياتك
هجرس_وبيكم أكثر عرف عن نفسك
دلشاد _اسمي دلشاد سمير طالب بالمعهد فنون
الجميلة ويه سلي
هجرس_ عاشت الأسامي دلشاد … مرخصتكم لازم أخذ الحلوة سلي عندي موضوع وياها وأنتو تكدرون تكملون حجيكم بغير يوم مادامكم يمها عايشين
دلشاد _أخذ راحتك باي سلي
زهراء_باي سلي راسلج على انستا عود
سلسبيل _ماشي بايات
مشوا صحت على الولد “
سد الباب وراك وليدي
دلشاد_تدلل سياتك
وكفت البنية ودارت وجهها علينا وكالت “
أكيد رتبتك نقيب
هجرس_ملازم
دلشاد_تشاقه أكيد
سلسبيل _ههه والله صغير تره عمره ٢٣ سنة
زهراء _ماشاءالله ليشوفه يكول عمره ٣٠ سنة وفوك
دلشاد _ربي يحفظك
هجرس_ويحفظك
طلعوا وسد الباب وراه سلسبيل تباوعلي وتضحك خزرتها وكتله ” شسوين طالعة يم هذا الولد ؟
سلسبيل _صديقي هذا
هجرس_من يمتى بناتنه تصادق ولد ؟
سلسبيل _أني مو بتكم
هجرس_غلطانة أنتي بتنه وأول مرة وآخر
مرت تلتقين بهذا الولد
سلسبيل _ليش شبي الول…
خزرتها خليت صبعي كدام شفايفها في حيث طخوا شفايفها بصبعي ” اشششش كلمة وحدة ماريد منج كلت
ماتلتقين بي يعني ماتلتقين
ويله كدامي للبيت أريد
جريت صبعي تعصبت وكالت بعناد “
مالك سلطة علية أنت عندي اهل هم المسؤولين بي وهذا صديقي من زمان وأني أحبه
ومستحيل اتخلى عنه
أبتسمت تك خد وكتلها “
تردين تشوفين وجه هجرس الحقيقي سلي ؟
_لا اريد اشوف وجه فرقد ولا اريد اشوف
وجه هجرس اريدك تحل عني
_هو انا لازك بيج لو أنتي
_شنو قصدك أني لازكة بيك ؟
_اسألي نفسج منو لسوتلي سحر يوم الحنة ومسحته بظهري وقت جنتي تأخذين صور وياي
علمود اعوف حنونه
بسرعة عيونها نترسوا دموع وكالت “
احلف بالامام الكاظم مامسويه سحر
_كشفتت حقيقتج للأسف طلعتي مثل قسيمة وربعها
_فرقد بالقرأن أني موهيج
_كافي جذب سلي
لزمت أيدي ودموع تنزل منها باوعتلها بطرف عيني وجريت ايدي قوي منها ” شيلي ايدج القذرة لتلمسيني اقرف منج صرت أكثر من قبل
_والله العظيم مو أني
_الحلف سهل عندج والتمثيل بعد أسهل بس خل اكلج جم كلمة وخليهن بالج ” انا حبيت حنين وختاريتها هي ماختاريتج أنتي ولاغيرج شريكة لي
ولا تتوقعين بيوم اباوع لشكولاتج …وهاي سوالف السحورة بطليها ماتمشي وياي ولتخليني افضحج يم اهلج
عيب عليج هيج تسوين
ماتهتمين الكرامتج على أقل اهتمي بكرامه ابوج واخوانج قليله تربية والاخلاق طلعتي
ماردت بس بقت تبجي مانكسر قلبي عليها أبد لأن تأكدت هي لسوت السحر مادام ماعدها جواب مقنع وبقت ساكته حنين قتربت لعندي رادت تحجي
مخليتها جريتها من ايدها ودخلت .
المهم دقائق وكلت لازم نرجع عندي دوام باجر الصبح عاد ودعناهم وجدي وجديتي يسألون على سلسبيل ماكو مجانت موجودة بالبيت
امها كالت “أكيد خذوها زهراء ودلشاد
مناوي_حنا كلشي ماشفنه منها
بارق_ حرام إذا شفته منها شي ليش هيج سوت
عافتنه وراحت ؟
امها_والله مادري هسه من ترجع ارزلها
مناوي_لاخاله لترزليها خطية يجوز عدهم شغل
امها_حتلوه عدهم شغل المفروض
ماتعوف الخطار وتشرد
ودعناهم وصعدنا …..بالسيارات مشيت مسافة وشفتها تمشي الواحدها اعيوني صاروا برأسي من شفتها الواحدها حنين مجانت منتبهه
وكفت كدام باب دكته انفتح الباب طلعت هاي صديقتها السمينة حضنتها من الباب مبين عليها جاي تبجي أبتسمت على مكرها وحركت السيارة
سريع.
سلسبيل جنت فرحانة بيهم كلش وبجيتهم لعدنا لأن هاي اول مرة فرقد يدخل بيها لبيتنه ماتوقعت يطلع حاقد علية ويتهمني أني مسوي
السحر من رزلني كدام مرته تمنيت …. الكاع تنشك وتبلعني طلعت ركض على بيت صديقتي زهراء دكيت الباب
طلعتلي اول ماشفتها
حضنتها قوي وصرت ابجي “
سلي شبيج تبجين ؟
_رزاني زهورة
_ابوج؟
_فرقد
_ليش رزلج ؟
بعدت عنها وكتلها “
جوه احجيلج كلشي
_تمام فوتي بس مسحي دموعج
مسحت دموعي ودخلت من باب المطبخ مادخلت من باب الاستقبال علمود لايشوفني عمو شاكر ومرته عمه ماري ويعرفون بي جنت ابجي
عدل لغرفتها كعدنا فوك الجرباية دموعي صاروا ينزلون مثل الشلالات مسحت دموعي ” كافي تبجين واحجيلي
شسوالج عامود الكهرباء
_رزلني رزالة مال كحاب مو مال شريفات
ضربت خدها بيدها وكالت “
عززززة مال كحاب ؟
_اي
_ليش هيج سوه وياج مو جاء ويحجي وياج كلام يخبل شجاه وتغير ؟
_مابين كدامكم هو يكرهني
_اكو وحد يكره هيج ملاك مثلج
_اي هو
وطكيتها بعيطة جرتني الحضنها الدافي وصارت تطبطب على ظهري وتواسي بي “مو كتلج خل يولي مايفيدج هذا المخبل خل يولي
لتشغلين بالج بي وتنطينه أهمية أكبر من حجمة
_أحبه زهورة
_من حبته الحية ام سبع روس اكون ولج شحبيتي بي
_ماعرف
بعدت عنها مسحت دموعي بصابعها وكالت “
هو مو تزوج بعد عليش تحبي ؟
_والله مو بيدي طفلة وجنت أحبه بعدت عنها حبي زاد له بدل ماينقص تزوج ونفس الشي بعدني احبه شوفيلي حل زهورة اريد اخلص نفسي
منه ماريد أبقى طول عمري أحبه
_الحل الوحيد حبي غيره وراح تنسي
_ماكدر أتقبل رجال ثاني بقلبي
_هسه شلون ويه قلبج العار
_هو لما عار ماراح وحب هجرس ابو الشياطين
_أدري هم مسكون من الجن وهم كاتلات نفسجن علية أنتن البنات ولجن شفتن منه
_الحب أعمى
_ادري أعمى خيه وهسه شلون
_مادري
_زين هو عليش رزلج رزالة مال كحاب ؟
_يكول أنتي سويتيلي السحر يوم العرس علمود ماقترب لمرتي وارجعها لأهلها
_صخام براسه هذا دا يحجي
_خبلته حنين الزركة
_وشكتيله أنتي ؟
_حلفت مو أني هو ماصدك ورزلني وجان واثق من كلامه أني أحبه ولاحكته ونزل بي دوسة ونص لو تشوفين شصار بي لساني ربط
واجيت لعندج ركض مثل المخبلة .
_حسبي الله ونعم الوكيل بي هو ومرته الزركة .. هذا شايف نفسه شوفة خل يولي ودوسي على قلبج برجلج وروحي بادلي دلشاد الحب
احسلج وبعدي عن ابو الشياطين يمعودة لايروح يطب بيج شيطان منه ويخبلج .
_ أنتي هيج تكولين
_من صخام براسج وراس الخلفوج تحبين رجال متزوج وفوك كلشي يحب مرته مو حب شلون مجان حب طفولة ..وج أنتي غبية وج انتي ثولة
وج انتي زماله بس كليلي شلون خليتي قلبج يحبه ويتعقل بي هو يحب وحدة بس فهميني شلووون ؟
_ولج مادري مادري شلون حبيته والله ؟!
_صوج منج خليتي قلبج يحبه ويتعلق بي المفروض من شفتي يحب بت عمه تنسحبين بهدوء هسه حلوة تزوج ورزلج رزاله ماكحاب مو مال شريفات
وهسه تلكين مرته الزركة تضحك عليج
_لتخليني أروح أسوي سحر له واخلي يبوس القنادر
_هلاووو تريد تسحب الرجال وراها مثل الجلب
_اي
_بارك الله بيج بله شنو ختلافج عن الكحاب
_زهورة شنو هاي ؟
_مجذبه لعد الكحاب تطلع عن طاعة الله من تكو…وأنتي تروحين للسحار تسوين سحر هم طلعتي عن طاعة الله ورسوله وصرتي بمثاب
الكحبة وهاا يمكن الكحبة اشرف منج تصير
_هسه شلون ؟
_بدون زعل الصوج منج كلما شفتي تنثولين وتصيرين مثل الزمال توزعين صفات هو عرف بيج من صفنات الزمال أنتي تحبي وحب يبعدج عنه
وعن حياته مبين الرجال يحب مرته ويكرهج
يالزماله ام الصفنات
_محد طيح حظي غير صفنات الزمال
_اي والله
_باعي من اليوم أروح أحرك كل الذكريات لتذكرني بي والرسمات هم احركهن ومافكر بي مو احسن
_اي كلشي عندج يخصه تخلصي منه بسرعة وبطلي تفكرين بي وخلي بالج دلشاد غيره المهم تبعدين من هذا الصاك علمود للكهرباء
_سالمين انوب صاك صار
_الصراحة الولد حلو حلو ويكتل كتل بلاخص طوله يمووووت وعضلاته تسطر واعيونه جنها اعيوني الصقر حادة وحلوة من صخام براسج
الزركة شبر مابيج اخذتي هيج واحد مدة حظج وحظي وياج ماكو هيج واحد يتفل بوجهنا ويجينه لااا ونوب ضااابط.انعل ابوها يابو
الخلفوها ماتموت وتاخذيه بدالها .
بقيت صافنه بيها واعيوني كلها دموع هي من تحجي ماتدري بحلكها وين زادت الطين بله بكلامها صرت ابجي وضميت رأسي بالمخدة
_لتهيجين جروحي زهورة
_امدة حظي امدة حظي من احجي ماندل حلكي وين لتزعلين قلبي والله مادري بنفسي من حجيت تدرين بي من احجي ماندل حلكي وين يله
فرديها عاد وخل يولي هذا الضابط الصاك
_تعرفين سحارة
_شلج بيها
_اريدها تسويلي سحر أكره فرقد بي
_ستري علينا يمعودة أنوب سحورة علينا كومي غسلي وكعدي ستراحي شوي ودعي الله يشيل حبه من قلبج مثل مازرعه بقلبج … يله رفعي راسج
وكافي بجي والله مايستاهل الزرك تبجين علمودة
رفعت رأسي من المخدة وابجي واشهك ماتدري قلبي دا يتقطع هسه واحس سجين ودا تقطع بي قطعة قطعة ماتدري شكد عانيت منورة هذا الحب
حب من طرف واحد مثل السرطان وياكل بالقلب أكل وماله علاج أبد وأني حبي غلط في غلط حبيت الشخص الغلط وبعمري ماراح أخذه
أمي أتصلت بزهورة وكالتلها عندي اشرتلها …وشاورتها كتلها كوليلها تعاركت ويه أهلي وأخذتها وياي عاد كالتلها وكالتلها راح تبات عندي اليوم
_ديري بالج عليها زهورة
_ بعيوني الأثنين اخليها اصيرلها عين قطة وعين
وفراش خاله
_أدري بيج وكوليلها الخطار راح زعلان
أخذت تلفون من ايد زهورة وكتلها “
ماكو داعي يزعلون
_شلوت تطلعين بدون ماتكولين وتسلمين على الخطار
_طريت اطلع
_حتلوه تصرفج غلط
_يله عاد فرديها قابل هم غربة
_سلي تصرفج غلط جديتج وجدج وبارق ومنى طلعوا زعلانين منج وكالوا كلشي ماشفنه منها شلون تروح هيج واحنا بالسنة حسنه نجي
_أتصل بيهم وأعتذر
_تلفونج بالبيت
_دزي بيد عموري العصر
_ماشي ديري بالج على نفسج
_اي باي
حجيت شويه وياها هل مرة كلامها جدي جان وياي كالت انسي خل يولي أنت مو تكولين مستحيل أحب شخص متزوج لو عنده حبيبه ِ
والله أخذت بكلامها وللعصر رجعت لبيتنه اكلت رزالة من أمي ماهتميت صعدت فوك شكو صورة راسمتها لفرقد
كعدتو شككتها بيديه
وقلبي سود عليه سواد مو طبيعي صار يتهمني بالسحر وأني أصلا ماعرف السحر شنو وشلون يسووه خليتهم بكيس زبالة أسود وشمرتهم بالحاوية
بره الباب ورجعت للبيت والله مر شهر وأتصل جدي موسى بأبوي وكاله عازمكم على خطوبة ابني وائل راح نخطبله مرة فرحت كلش العمو وائل خوش إنسان
وقلبه طيب مو مثل ابنه قلبه أسود أبوي كال نجي باجر من الصبح اجيب العائلة واجي فرحت كلش العصر أخذت فلوس من أبوي ورحت ويه
جنتنه مرت فاروق شتريت بنطرون…. وقميص القميص جان طويل وفوك الركبة بشوي ومستور وحذاء وجنطة ورجعت للبيت ثاني يوم رحنا
بس اخوي سعد بقى بالبيت هو وعائلته كال عندي شغل وماكدر اروح وصلنا الصبح عالساعة بال٩ونص اول مانزلنه بوجهي هجرس جان
سلم عليه مارديت السلام ولاعبرته ولاباوعت لشكله جاء بارق يركض اول ماسلم عليه رديتله السلام وضحكة مافارقت وجي
من يباوعلي هجرس ادير وجي عنه دخلنا للبيت سلمت على الكل وحنين ماسلمت عليها وباركت لعمي
وائل وكعدت بصفه
سلسبيل_عمو منو زوجتك ؟
وائل_خاله صديق فرقد
سلسبيل _هاا بيها الخير عمو
وائل_الخير بوجهج بنيتي
صاحلي بارق من الباب “
سلي تجين ويانه نفتر على الكيعان ونصيد سمج للغدا
هجرس_وين ماخذهن؟
بارق_اخواتي رادوا يشمون هوى وكلت
أخذ سلي وياي
سلسبيل _اي اجي يابة أروح
ابوي_روحي يابة .. دير بالك عليها بارق
بارق_بعيوني الأثنين اشيلها يله سلي تعالي
كمت خليت الجنطة بجتفي أصلا ماباوعت بوجه هجرس مناوي اجت لابسة عباية هاي هم من يطلعون يلبسون
عبي جبيرة لو جبب
بارق_ سلي راح اتزوج
سلسبيل _والله
بارق_اي والله حجيت ويه جدي وكال زوج وتعال عيش ويانه بالبيت لما يصير عندك فلوس
وانا اجملك ابنيلك بيت
سلسبيل _وشوكت تزوج
بارق_ وره مايزوج عمي وائل
سلسبيل _هذا الشهر كله أعراس ههههه
بارق_اي
سلسبيل _صدك حبيبتك شكبرها ؟
بارق_بكدي
سلسبيل _٢٥ سنة
بارق_اي
سلسبيل _بقت تنتظرك مو صح
بارق_اي هواي يجونها وترفض علمودي
سلسبيل _غير تستاهل الأنتظار أنت
بارق_اي والله أستاهل واحبها كلش هباوي
سلسبيل _اسمها هبه مو صح
بارق_اي
جانت سيارتهم ستاركس بيضة صعدت بالصدر وأخواته تلاثه وأخوه ضياءصاح بي هجرس
هجرس_دير بالك توصل ليغاد
بارق_لاحدنا لهذا الصوب مانوصل لهذاك الصوب
هجرس_مو تتأخر
بارق_ماتاخر ساعة زمان
هجرس_انتظرك ساعة ولما رجعت تصير مو زينة
بارق_شبيك متعصب
هجرس_ماخذ بنات وياك
بارق_وهل بنات اخواتي مو غريبات
هجرس_وحدة غريبة وياك
بارق_مو غريبة اقاربي وحالها من حال أخواتي
هجرس_ساعة وترجع
بارق_اهووو شكد تلح
هجرس_وجععع
شغل السيارة بارق متعصب وحرك شكد كرهت سلوب هجرس ويا عبالك زعطوط كدامه مو شاب
وعمره ٢٥ سنة
بارق_شكد مكروه صاير
سلسبيل _تره عيب يتدخل بكلشي
منى_هذا هو بالصغيرة والجبيرة يتدخل مثل جدي
رباب _قابل جديد عليكم
وصلنا الكاع أنت مكروبة ” محروثة ” ماكو خظار يادوب أشوف خظار نزلنا من بعيد شفت كاع
مسيجة سألت بارق عنها
سلسبيل _هذيج الكاع شنو ؟
بارق_كاع هجرس
سلسبيل _هي هاي
بارق_اي هي
سلسبيل _شعجب مسيجينها وعازلينها عن الكاع
بارق_ من مس فرقد جاء الشيخ سيجها وربط هجرس بمكانه علمود لا يتنقل وصار سنوات محد يوصل لحد الكاع باعي كاع لبصفها ١٠ دوانم متركة
ومحد يزرها.
سلسبيل _اي أحسن …اشو ماكو خظار؟
بارق_الدنيا صيف وحارة وماكو زروع الزروع بالشتاء تصير والربيع تصير الزروع تفتح النفس
سلسبيل _لعد اجي بالربيع
بارق_هلأ بيج سلي .. تعالوا اوديكم لحقل السمج
منى_يله ههههه
سلسبيل _راح تصيد سمج
بارق_على نسوي على الغدا سمج يله تعالوا اصيدلكم بس بشرط سلي تنظف
سلسبيل _اي انظف والله
رباب_عبالي راح تتنكسين مثل حنين
سلسبيل _هاي عيارة مال اتنكس من نعمة الله
منى_وبالاكل تأكل بكد عشر زمايل
بارق_هاا مناوي متعاركة
منى_من عابتلها خبثت عليه يم فرقد ورزلني
بارق_عليش ؟
منى_هي خبيثة مثل امها وكدام فرقد تسوي روحها ملاك الصالح تفوو عليها انا راح أرجع بس عمي وائل يتزوج مستحيل ابقى بعد
بارق_ختولي لتخلين بالج يمها وابقي انا منو
الي بعد ماتزوج
منى_مرتك الك
بارق_مو أنتي اخيتي لو تردين مرتي تصادق الزركة بت السحارة ام السحورة
منى_ اعذرني بارق ماكدر أبقى أرجع وأنت هم هم ايدك وابنيلك بيت حتلوه مشتمل واطلع بسرعة لتبقى هناك تره تخبل مرتك بالقران وتعلمها على
كل الدروب
بارق_والله يمكن راح أغير رأيي
رباب_بشنو ؟
بارق_ابني غرفة خارج البيت واخلي بابها على الصالة لما يصير عندي فلوس وبني بيت احسن ماتزوج بيت جدي وهاي الخبيثة هناك موجودة
سلسبيل _أفضل الك بارق
منى_ويه سلي انا يله أمشي
رحنا صعدنا بالسيارة أخذت وياهم صور وراها وصل حقل السمج جان جبير كلش نصفه بي قصب والنصف
الثاني مابي قصب
نزلنه نزل شبكة جبيرة بيده وكال “
رباب شمري علف بسرعة
سلسبيل _علف شنو ؟
بارق_هذا اكل له من راح يشوف الاكل الكل راح تجمع علمود الاكل وانا يجي دوري هنا امشر الشبجة
سلسبيل _والصغار شلون ؟
بارق_نرجعه للحقل
سلسبيل _حلو انطيتي رباب مناوي هاج صوري كلشي
مناوي _انطيني حبيبتي
نزلت رباب سطل صغيرون جان منكع بي علف اخذت بيدي وشمرت بالحقل ورباب وياي شوي وصار لبط بالماي كومه سمج طلع ليفوك يأكل ويتطافر
شفت كم سمجة لونهم برتقالي وبيهن خطوط ذهبية اشرت عليهم بارق واكف وعاض طرف
من الشبجة بسنانة .
سلسبيل _باعي هذولة يخبلون
رباب_هذني امايات
سلسبيل _شنو امايت ؟
رباب_ أمهات السمج كله هذولة مايأكلونهن
سلسبيل _ليش عود ؟
منى_بوسطتهم يتكاثر السمج شتراهم جدي العالم من الديوانية جابوهن له
سلسبيل _ياربي يخبلون وكبار كلش اطول
من عموري هههه
شمر بارق الشبجة وكال “
وحدة بيهن طولها مترتين وهاي نصادت وحدة منهن شراح يجرها لي ولجن تعالن
وياي سحبن
مناوي بقت تضحك وتصور وأني وأخوه ورباب واخته الثالثة رحاب جرينه شبجة ويا جانت ثكيله كلش
كوه كدرنا نطلعها خارج الحقل
وسمكة برتقالية جبير كلش في حيث لازمة نصف الشبجة ومن عده الصغار طلعها بارق شالها بحضنه صحت بمناوي تصوره صورته راح رجعها
وأني كعدت اطلع بالصغار وشمر بالحقل اخذنه بس ثمانية متوسطة الكبر والباقي رجعنا للحقل توسخت متت من الضحك اباوع لشكلي
البنطرون كله ماي صار وطحالب …بشعري وبقميصي البيج صار كله بقع وسخ وماي وكلي زفر سمج ماهتميت
أبد رجعنا للبيت
خرشني هجرس جان واكف بره باب المظيف يحزر بارق وصاح بي ” ساعة ونص صارلكم بره ..وأنت
كلت ساعة وأرجع
بارق_جنت اصد سمج للغدا
مارد خله أيديه وراه ظهره ودخل للبيت دخلنا السيارة وراه للحوش ونزلنا هو بقى واكف بالطرمة أيديه وره ظهره ويباوع لنه نزلت بقى يباوعلي من فوك
ليجوه الظاهر ماعجبه مظهري مبلله درت انظاري عنه رجعت باوعت ملكيته نزلوا السمج راحت مناوي جابت سجاجين واجت دزيت جنطتي والتلفون بيد
ضياء اخو بارق وداهن لأمي كعدت انظف وياهن سمج بارق ورحاب راحوا شجروا”خلوا حطب ” تنور الطين
يشوون بي سمج
حسيت شخص واكف فوك راسي رفعت رأسي جانت حنين كالت ” عود صايرة نادرة بت بغداد
سلسبيل _أولا مو بت بغداد أني ثانيا بنات بغداد مو مثلج جايفات ويتنكسن من نعمة الله ثالثا جري
منا وعوفنه بشغلنه
حنين_من كبر الياخذج وياخذ شكولاتج الزفرة
سلسبيل_خلي شكولات الطيبة الج وعوفينه احنا اهل الشكولات الزفرة لبعضنا
شجابج علينا
حنين _ وييععع تلعبون النفس
سلسبيل _بالأكل هم كولي ويععع يلعب النفس ام العيارة
حنين _تره ادفرج
سلسبيل _دفري وشوفي شلون اكطع اركبتج
منى_جري منا حنين لتسوين مشاكل ادري بيج
تدورين مشاكل
حنين _أمهات الوسخ
رحاب_شجابج علينا لعد وليييي
حنين_انا العلمجن إلا اكل الفرقد
سلسبيل _من انعال على راسج وراس فرقد وياج جررري منا لو اذبحج بالقراان جررري
حنين _لتغلطين
سلسبيل _شلون روحي طفرت وراح اطفر الها واخلي السجين تشرب من دمها الخابط وج ولي منااااا مالنا خلكج وخلك شكولاتج ولللي
صاح هجرس من بعيد “
شنو هالصياح
حنين _فرقد يحجون علية ؟
هجرس_عليش يحجون عليج ؟
سلسبيل _ بدت العيارة والمكر.. كملتي رحاب
رحاب_ اي وأنتي
سلسبيل _كملت أثنين عليجن
منى_اي شطورة أنتي
حنين _اجيت عاونه…
هجرس_وانتي من شوكت تخلين ايديج بالسمج علمود تعاونين امشي فوتي جوه
حنين_اءء
هجرس _كلت فوتي جوه
شكد فرحت من طردها من عدنا باوعتلها بطرف عيني مشت راحت تتكلب ونوب سمنانة أكثر من قبل وقايصة
بالكاع وكف فوك رأسي
خنسيت من الخوف وكال”
اجيت اكللجن باليل الحفلة راح تصير ؟
مناوي_مو اكون باجر العصر
هجرس_علمود ابو ياسر باجر يلتحق لدوام
وكال اليوم نسويها باليل
رحاب_ بعد أحسن.. سلسبيل شجبتي ملابس
سلسبيل _جبت قميص طويل فوك بنطرون
مناوي_شوفينياهن عود
سلسبيل _اي وره الغدا
أختفى ظله من فوك رأسي اشرت لرحاب كالت “
راح يمك بارق
سلسبيل _اخذ قلبي شعنده واكف فوك رأسي
مناوي_ياخذ مراد ههههه
رحاب _هههه اي
كمت اضحك وياهن بسرعة كملنا وخلينه السمج بالشوايات ونطيناهن البارق وضياء هجرس كاعد فوك دجه التنور ويباوع علينا كرهت نظراته كلش
ترخصت ورحت أسبح سبحت وطلعت لبست دشداشة كشمير حمرة بورد اصغار اسود ربع اردان وشديت شعري ذيل احصان صار صغيرون بس المهم
رفعته طلعت من الغرفة بوجهي هجرس كاعد وكاعدة بصفة المسعدة من اجينه لحد الان هي مكابلته وكاعدة لاكامت اشتغلت ولا كامت سوت شي
حجيت ويه مناوي جانت تشيل بستكاين الجاي “
شعندج شغل
مناوي_طرشي مامثروم
سلسبيل _هسه أني اثرمة كمل بارق
مناوي_لا بعده
سلسبيل _أروح أشوفه وارجعلج
مناوي_ماشي حياتي
قبل لا اطلع جدي موسى صاح بحنين “
أدري أنتي خطار اهلج عايفة الخطار يشتغل واكعدة وساكتة بصف رجلج كومي اشتغلي
حنين_انا شعلي هي تشتغل وياهم احد عاتب عليها
وكايللها اشتغلي
سلسبيل_ محد عاتب بس عيب علية أشوف غيري يشتغل واني ابقى تفرج بدون ماحرك نفسي
حنين _قصدج انا…
جدي موسى _انتي جايفة مثل امج من تزوجتي لليوم ماشايفج غاسلة ستكان جاي كله على مناوي ومناوي راح تروح بس يتزوج وائل
واريد بعد من الصبح تكعدين تشتغلين بالبيت
خلت وكامت زعلت المحروسة دخلت للمطبخ اباوع فرقد يخزر بي عود كله بسببج من طز بيك وبيها مكيف مزوج مرة هي هاي هم مرة لاشغلة ولاعمله
رحت يم بارق ماباقيتله غير ثنين سمجات اخذت الصايرات ودخلت شفت حنين تثرم طرشي وتحجي علية خليت صينية السمج فوك الميز
وكلت ” مناوي حبيبتي انطيني المشاحيف من يمج
مناوي_هسه
رفعت رأسها تباوعلي “
عوفي انا ارتبهم
سلسبيل _مو تتنكسين من السمج شلون ترتبين
حنين _راح اكوم اخلي نجانة الطرشي براسج
سلسبيل _ تدورين مشاكل روحي وتعاركي ويه زوجج مو جاية علية أني.. شكرأ حياتي
انطتني مناوي المشاحيف أخذتهم صاحت بي “
جاي تبينين كدام الكل أنتي شاطرة
سلسبيل _هو أني شاطرة بدون مابين المقابيلي
حنين _ واضح شاطرة
سلسبيل _ هاي كملت
كملت ورحت أحضر زلاطة ويه مناوي كمل بارق دخل وشاف حنين تخلي الطرشي بالكاسات وكال ” اللهم صل على محمد وآل محمد القمر منين طالع اليوم
حنين _انجب بارق
بارق_من عمت عينج حتى اسلوب حلو ماكو عندج
حنين _عاد سلوبك شلونه
بارق_على اقل محترم المقابيلي تعال اكلج ايام عرسج جنتي خوش ادمية اشو هسه صايرة فدمرة اقل زلة تكبين بالوجه وتدورين مشاكل
حنين _انا موخوش ويه الموخوش وياي
بارق_قصدج احنا الموخوش وأنتي الخوش ؟
حنين _هم يعرفون نفسهم
يارق_اشو هواي تمضرطين صايرة
حنين _الزم حدك لو أروح اكول لهجرس
بارق_بله شتكليله صليت على محمد من شفتج تشتغلين وانتي صرتي تمضرطين ؟
حنين _اروح اكله أنت تغلط علية كدام سلسبيل وخل
يتعارك وياك ويطردك من البيت
دخل هجرس المطبخ وصاح بيها “
كدامي للغرفة حنييين
ماتت بدمها وكعت الكاسة من ايدها للكاع كلنا انتبهنا متعصب كلش اعيونه بكصته صايرة”
حنين _بالقرأن جنت اشاقه
هجرس_كدامي للغرفة انطيتج مجال انجلبتي
حنين _ هو
هجرس_جاي احجي انا أريد
قلبي انخطف من الخوف حيلي كله صار يرجف رجلي صاروا اخيوط طلعت بسرعة طلع وراها خفت لايضربها
كلت لبارق “هسه يضربها ؟
بارق سحب الكرسي وكعد خله رجل فوك رجال “
هسه تقشمرة هل قزمة هههه
منى_ مبين متعصب منها من جنه ننظف سمج هم طردها وهسه هم يمكن عرف بيها جاي
تخلق مشاكل بالعائلة
رحاب_مثل الماما بس مال مشاكل
سلسبيل _ان شاءالله يمر هذا اليوم بدون مشاكل
بارق_امين كملتوا
رحاب راحت تنظف الكزاز شوي وطلع هجرس كالب خلقته دخل للمطبخ فتح باب الثلاجة حسيته شلعه شرب ماي وطلع كعد بالصالة يمهم دخلت حنين اضحك
واحنا وحدة تباوع للثانية كملنا كلشي اذن رحنا صلينا رجعنا لكينه حنين مادة السفرة وجاي تدير بالأكل كتمنه ضحكة بارق واكف ويضحك
ماعاونت بعد أني رحت كعدت بصف أمي كملوا صاحولنا كعدنا كلنه على سفرة وحدة هم لازكة بهجرس أكل وأضحك بصفي مناوي ورحاب ورباب .
كملنا أكل حنين كالت ” انا اغسل الماعين بس
لموهن لي
المهم بس نكلت ماعين مامديت ايدي بعد همزين حست على نفسها وصارت تشتغل باليل لبست ملابسي وخليت مكياج وطلعت أخذ صور بالحديقة
جنتي حنين متمكيجة ولابسة نفنوف فوك بنطرون سمائي ملايكلها أبد هي قصيرة مو مال هيج لبس راح يطلعها أقصر ماحبيت اعلق هسه تكول تغار مني
حنين _ متغيره هالمرة
سلسبيل _شنو؟
حنين_صايرة ماتباعين لفرقد وماتحجين ويا
سلسبيل _أول مرة اجيت لعدكم بعد غياب وجنت مشتاقتلكم والحمدالله والشكر تهمنوني مسوية سحورة وأني مو بيها ورزلني رزالة مال كحاب مو مال
شريفات وعبالك أني أحبه ولاحكته مثل الجلبة من مكان المكان وهذا لتصرف جان من رجلج غير لائق ونزل قيمتة كلها من اعيوني وصرت لا اعرفه
ولا يعرفني .
حنين_يعني ماتحبين فرقد من جنتي صغيرة
سلسبيل _هاي شبيج أحب فرقد شنو هو أني من شوكت جنت ويا ربع علمود أحبه اشو كلما يشوفني يرزلني ويغلط يايوم أني ويا مصافين علمود أحبه
حنين _ليش تجذبين نظراتج فضحتج تره
سلسبيل _ياناس افهموها ماحب فرقد احب دلشاد
ارتاحيتي هسه
حنين _صدك تحجين متحبين فرقد
سلسبيل _اي ماحبيت فرقد بيوم ولاراح أحبه أني احب دلشاد صديقي وعن قريب راح نخطب كافي لعبتوا نفس يافرقد ويافرقد هسه فرقد شنو ومنو
علمود اكتل نفسي عليه على كوله امج ” ابو الشياطين والهجارس شنو واحبه .
حنين _ شوكت تنخطبين
سلسبيل _وره ماتخرج
حنين_توج كتي عن قريب
سلسبيل _خطبة عادية عن قريب بس شكل اما رسمي وره ماتخرج علمود بسرعة نتزوج ونطلع خارج العراق ومحتمل جبير نبقى بألمانيا يم عمه
حنين _ ملعونة طلعتي مخطة لكلشي
سلسبيل _مثلج أنتي مو جنتي مخططة لكلشي ويه فرقد وحالي من حالكم هم اريد اشوف حياتي ويه انسان أحبه ويحبني خوما أبقى هيج ياهو
ليجي يحجي عني ويلطشني بابو الشياطين والهجارس
حنين_لتحجين على زوجي
سلسبيل _دحلي عني أنتي وزوجج ولتقتربون صوبي
حنين _عمي لا نعرفج ولا تعرفينه كملي شغلج
راحت من يمي تضحك روحي نعصرت عصر جذبت عليها وأخاف تروح تفضحني كدام الكل ‘ طلعوا الكل هجرس طلع آخر وأحد رفع رأسه
وباوعلي بنظره طويلة بيقيت اباوعله بالعمدة أبتسم بخفه ومشى صعدت ويه أهلي ساعة زمان وصلنا اهل العروس جان بيت قاطين جبير
كلش وبناء حديث تلكونا بالباب زلم مناوي طبكت وياي حنين تصيح عليها “تعاي هنا مناوي
منى_ماجي عوفيني
حنين _امداج يالعوبة
سلسبيل _شبيها وياج ؟
منى_تبقى تصنف علية
سلسبيل _عاد هي شلونها وتصنف على
العالم يله أمشي
الزلم دخلوا بالاستقبال واحنا دخلنا بالصالة جانت كلش جبيرة وكلها كرويتات بيت مرتب لدرجة جنه بيوت الأتراك همست لي منى
منى_مبينين طاكين
سلسبيل _اي الله يرزقهم ويرزقنا
منى_أمين
شوي وطلعت العروس لابسة فستان ابيض طويل للكاع سلمت على الكل وكعدت بالنص بصف جديتي حلوة
باوعتلها صدك جميلة المظهر
سلسبيل _جميلة
منى_كلش جميلة وجمالها الداخلي بعد أجمل من الخارج
سلسبيل _هو دائما تشوفين شخص جميل من الخارج تلكين جميل من الداخل مثل أني ههههه
منى_أنتي ماكو منج أبد سلي
سلسبيل _ايي بس أني هههه
شوي وصاحوا كالوا راح نكطع مهر كامت العروس خلولها كرسي يم الباب وخلوا جوه رجلينها انجانة ماي وخلوه قطاوة فوك رأسها بحضنها
قرأن كريم وفتحوا وخلت ايديها وخلوا بين اصابعها حبات هيل همست لمنى ” هاي شنو ؟
منى_احنا ماعدنا هيج يمكن عاداتهم وتقاليدهم هيج
سلسبيل _اي ولا أحنى بس حلو
منى_اي حلو
سلسبيل رحت أخذت اذن أختها بالتصوير “
لو سمحتي خاله عادي اصور
ام ياسر_شتقربين للعريس ؟
سلسبيل _أني بت ابن اخو ام العريس
ام ياسر_ هههه صوري بنيتي والله ضحكتيني
سلسبيل _دوم ان شاءالله خاله
رحت من يمها أضحك فتحت تصوير وصرت اصور بالعروس من صار يكطع الشيخ مهر رحت يم الباب وكفت واصور من فتحه الباب والصدمة لي
طلع ولد بالتصوير وشافني اصور سوالي ضحكه السنجاب سحبت نفسي بسرعة كاتمة ضحكتي شافتني
مناوي “هاا رجعتي
_شفت سنجاب ههههه
_هههه وين .؟
_هاج شوفي هذا خرب التصوير وشافني
شوفتها المقطع شافت الولد وضحكت “
هذا ياسر ابن اخت العروس
_هذا
_اي هو ضابط ويه فرقد
_مدري وين شايفته
_هاي شبيج مو بعرس فرقد جاء وصادفنه من رحنا انا وياج جبنه غراض من البيت تذكرتي
_اييي عفية تذكرت جان بس يباوعلج هههه
_اوووي لتصيرين مثل حنين
_ليش هم تجيب طاريه
_اي فدمرة
_ختولي لتاخذين بكلامها وديري بالج منها لتقشمرج
_لا مستحيل أخذ بكلامها جنت ماخذه غير نظره عنها اما هسه لا عرفتها على حقيقتها
_لتامنين بياهو الجان
_اي كملي تصوير
رجعت أصور كملوا كامت العروس وأني أصور كلشي مافوتت لقطة وحدة أحب التصوير وأكثر شي أصور علمود زهورة حبيبتي رجعت بمكانها
شوي ودخل عمي الواحدة سلم على … العروس وكعد بصفها طالع كشخة عمي وائل وقاط أسود طلعوا الذهب لبسها ذهب ولبسها الحلقة رجعت لبسته
الحلقة واني اصور كلشي
وراها قطعوا الكيك واحد وكل الثاني شكلهم كلش حلو يستاهل عمي وائل كل خير انوب واحد شرب الثاني
عصير استغليت الفرصة و
انطيت تلفون لمناوي تاخذلي صور وياهم
رحت كعدت بصف عمي وائل قبل الزركة وأخذت صور ويا وحدة جرني الحضنه وباسني بكصتي اباوع لحنين الزركة زركت هي الزركة ههههه
دخل هجرس وبارق وياسر وأني …. جنت بحضن عمي وائل ماكمت بقيت كاعدة على عناد الهجارس الخبيثين هجرس اعيونه صاروا برأسه وياشرلي
اكوم عاندت وماكمت ياسر ….بقى صافن بي أبتسم وقترب بارك لخالته بوسها بخدودها ورجع سالم عمي
وائل وصل لعندي وكال
ياسر_هاي بتكم هههههه
وائل _اي بتي ههههه
باوعتلي العروس وكالت بضحكة “
اروحلها فدوة ههه
الكل صارت تضحك الا هجرس اعيونه بكصته صارت صار ياشرلي اكوم ماهتميت له بقيت كاعدة طول الحفلة بيقت كاعدة بصف عمي
وائل قبل لا تنتهي الحفلة كمت وجتي بصفي حنين “
شنو معنى حركتج هاي ؟
_بدينه حنين
_كاعدة بصف عمي علمود تلفتين الإنتباه
_هو أني ملفته للانتباه بدوم ماسوي علانات
_حقيرة
_اووي
كتلها اووي بدلع ورفعت جتفي الها والصدمة لي هجرس وراها خازرني بعدت شعري بيدي ومشيت رحت يم مناوي كعدت خليت رجل فوك رجال
منى_الله عليج شنو هالجرئة العندج
سلسبيل _مو جرئة بالعمدة سويتها
منى_ليش ؟
منى_حبيت اضغط عالم
منى_منو
سلسبيل _ الهجارس هههه
منى_منو الهجارس
سلسبيل _هجرس ومرته الزركة باعي مشتعلين بالنار
منى_يمة انا خفت من فرقد واجيت كعدت هنا تخبل من شافج كاعدة بصف ابوه ودخل ابن خت العروس وبقى يباوعليج ويضحك
سلسبيل _اي خطية هجرس زوجي هههه
منى_على مرته مايغار مثل مغار عليج هسه هههه
سلسبيل _دخليولي شايف نفسه شوفه باعي راح
كعد بمكاني وياخذ صور هههههه
منى _اي هههههه
أنتهت الحفلة قبل لا نطلع نسوان اجوي سألوا علية وعلى مناوي خفت أني كلش اخت العروس كالت على
مناوي هاي محجوزة
أني سمعتها بترس أذاني كالت هاي محجوزة وأني أدري مناوي مو محجوزة ومحد خاطبها ليش
جاي تسد بقسمة البنية ؟
طلعت بره شفت ياسر يحجي ويه ابنية سمعته كاللها ‘
صورتيها ؟
ترد تكله ” اي صورتها
ياسر_ خوما حست عليج ؟
_لا
_تمام دزيلي المقاطع والصور على التيليكرام
_تمام
بيدها تلفون وكالته “
وصلوا مو ؟
_اي وصلوا صدك هاي البنية لجانت كاعدة
بصف عمي وائل منو ؟
_هاي بت ابن اخو امه
_هاا مومحجبة ؟
_اي عايشة بغداد مو هنا
_اي واضح عليها مو منا ماشاءالله عليها تخبل وجنها لعابة تعرفين من دخلت عبالي
مرت فرقد هههههه
_خرر. بيومك ياسر
_اي والله من شفتها كاعدة بصف ابوه وابوه حاضنها وباسها بكصتها عبالي مرته من شفت مرته
غميت روحي
_صدك مرته نشاز علية
_هو وين هي وين انوب توصل لصرته ادري
شلون يدبرها هههههه
_ كافي طلعت على ترابي ههههه
_اووف مناوي اخذتلي عقلي من يوم الي شفتها بي
_اويلي عليك ياسر وكعت بالحب من أول نظره
_اي سحلتني مناوي هههههه
فصول الرواية: 1 2