رواية الميراث الفصل السادس عشر 16الاخير بقلم ميادة يوسف الذغندي حصريه في مدونة قصر الروايات
رواية الميراث الفصل السادس عشر 16الاخير بقلم ميادة يوسف الذغندي حصريه في مدونة قصر الروايات
#_الحلقة_الاخيرة
#_بقلم_ميادة_يوسف_الذغندى
#_رواية_الميراث
مر شهرين على الأحداث دى ، وجه يوم المواجهه اللى مؤجله بين حسين وسناء
جرس الباب بيرن ، سناء فتحت الباب
حسين انت
ازيك ياسناء اخبارك ايه
انا الحمد لله تمام انت ايه جابك
ابتسم ابتسامة هادية كلها تنهيدة ، طب قولى اخبارك ايه ، عامل ايه اى سؤال ، أو ادخل اتفضل معقول هفضل على الباب كده
اه اه اتفضل
دخل الانتريه قعد وحط رجل على رجل
قعدت قصاده ، خير ايه فكرك بيا
هو انا كنت نسيت علشان افتكر
بصت له بعيون كلها كلام فاهمينه هما الاتنين
مش كفايه كدة ، وأن الأوان ترجعى بيتك
بيتى هو لسه بيتى ماخلاص
قرب منها ومسك ايدها ، ازاى تقولى كده بيتك وبيت جوزك وابنك وعمك فى الأصل
كان ياحسين ، قولى ايه جابك
جاى ارجعك البيت ياسناء
قولنا خلاص انتهينا واللى بينا مات ، مات يوم مادخلت عليا بواحده تانيه وقولت دى مراتى
طب وانا ايه خلانى اعمل كدة ، مش كدبك انتى وابوكى ، وافتراكى عليا