رواية الطيف الذي عبر الفصل الرابع 4 بقلم مريم نعيم
قمت بعد إصرار منها، غسلت وشي، واتوضيت، وصليت الضحى، ودعيت إن اليوم ده يعدي على خير.
فرح مكنتش مأثرة في حاجة، شغلت أغاني، وكانت بتساعدني شوية، وتساعد ماما شوية.
قالتها وهي بتصفق بإيدها:
“وادي آخر لمسة!”
لبست دريس بينك، وخمار أوف وايت.
وفرح — وبكامل قواها العقلية — قررت هي اللي تلبسلي الخمار، وفعلاً طلع شكلي جميل جدًا فيه.
قالت وهي بتضحك:
“ما شاء الله يا سناء، مُزّة أوي!”
“يا بت اتلمي!”
“بجد، شكلك حلو أوي!”
“إنتِ بتعيّطي يا فرح؟”
“من الفرحه.”
ضحكت وأنا باخدها في حضني.
العريس وأهله وصلوا، وماما وبابا استقبلوهم، وقعدوا يتكلموا شوية.
بعدها ماما جت وأخدتني أسلم عليهم بالأحضان وكنت بحضن العريس بضمير، طبعا بهزر.
بعد شوية، كلهم قاموا، ومفضلش غيري أنا وهو بس أمي اشترت من أمتي السجاده دي شكلها حلو أوي وقال بخفة:
“بس لون السجادة حلو برضو.”
“ها؟”
رفعت عيني، ولقيته بيبصيلي، اتكسفت من نظراته، ضحك بخفة، وحمحم قبل ما يتكلم:
“معاكِ أيهم…”
لمتابعة باقي الرواية زوروا قناتنا على التليجرام من هنا
جاري كتابة الفصل الجديد للرواية حصرية لعالم اسطورة الروايات