رواية الحب بيجمع ناسه الفصل الخامس عشر 15 بقلم هند سعدالدين (الرواية كاملة)

ده أكتر حب بفهمه.

حط الجاكيت على كتافي، وعدّل اللياقة بإيديه.

لمسة قصيرة، محسوبة بس قلبي حسّها أطول من كده.

— بردانة؟

— لأ.. بس محتاجة أقرب منك أكتر.

قربت، راسـي جات عند كتفه.

مش حضن كامل.. حضن آمن.

إيده اتحطت على ضهري، ثابتة..

مجرد وجود بيقول: أنا هنا.

— عابد؟

— روحي؟

— لو الزمن وقف هنا.. مش هزعل.

ضحك بهدوء.

— وأنا هقوله يستنى شوية.

عدّى شاب وبنت، ماسكين إيد بعض، ضحكهم سابق خطواتهم.

حد كبير في السن كان بيشرب شاي لوحده، باصص للمايه.

المكان كله كان شاهد علينا ومش متدخل.

قرب جبينه من جبيني.

— الليلة دي.. مش محتاجة أكتر من كده.

غمضت عيني.

تمتم بهزيان..

— ولا أنا.

فضلنا كده.

لا كلام..

ولا وعود..

قلبين واخدين نفسهم على مهلهم

وتحت الشجرة القديمة، وسط مدينة بتعرف تحب من غير ما تشرح، عرفت إن الحميمية، مش دايمًا في اللمس.

أحيانًا في الطمأنينة.

جاري كتابة الفصل الجديد للرواية حصرية لعالم اسطورة الروايات