رواية الحب بيجمع ناسه الفصل الثامن عشر 18 بقلم هند سعدالدين
هزّيت راسي.
ـــ بس أنا كنت فاكر إن علاقتنا أمتن من أي حاجة، متوقعتش تخبي عليا، أنا منطقة الراحة بتاعتك صح؟ مش ده كلامك؟
طنط إلفان قربت، وقفت بيننا.
— مش هنا.
بصّت لعابد.
— الراجل الحقيقي ما يهدش فرحه قدّام الناس.
بصّت لي.
— والبنت الشجاعة ما تستخباش وما تخافش.
— بحر يمشي.
قالها عابد بهدوء حاد.
— لأ.
قالتها طنط إلفان.
— خليه يتفرج ويتعلّم إن اللي فرط في الجواهر يعيش عمره كله يدور عليها وميجمعهاش.
مسكت إيدي.
— إنتي مراته، وده فرحك، افرحي عشان لما تكبري في العمر ما تندميش على سعادتك اللي اتهدرت عشان خيالات.
رجّعتني الدايرة، الفرقة غيّرت الإيقاع، رقصة slow .
عابد مسك إيدي، شدّني عليه.
— إنتي ليا أنا وبس.
قالها بصوت هادي، ابتسمت.
رقصنا في حضن بعض، مش للناس، مش لبحر، لينا إحنا بس.
وفي آخر الليلة..
بحر كان واقف مع ماما وكانت معاهم سيلين اللي شكلها مش ناوية تجيلها لبر..
وأنا فهمت حاجة واحدة:
الماضي لما يظهر فجأة، مش علشان يرجع، علشان يتأكد إنه خسر، والفرح؟ كمّل.. على أصوله.
لمتابعة باقي الرواية زوروا قناتنا على التليجرام من هنا
جاري كتابة الفصل الجديد للرواية حصرية لعالم اسطورة الروايات