رواية اقراط الحب كامله وحصريه بقلم امل اسماعيل
روايه اقراط الحب بقلم /امل اسماعيل
الفصل الأول
يدخل الي فيلا في إحدى المناطق الراقيه ويلقى التحيه على كل من يراه بمرح ومشاكسه ويتوقف عندما يرا سيده في الخامس والخميس من العمر ولكن مازالت جميله ترتدي ثوب ازرق فضفاض وحجاب بالون الأبيض زادها جمالاً وابرز لون عينيها الزرقاء جعلت كل من يراها لا يعطيها اكثر من ثلاثين عاماً
نظر إليها وابتسم وتقدم منها بحذر حتى لا تراه ثم قام بالصراخ بصوت عالي من خلفها
شهقت بخوف وقفزت من مكانها وهي تضع يدها على قلبها الذي أصبح يدق بسرعة من كثره الخوف، ثم التفتت لتراي صاحب الصوت، وعندما رأت صاحب الصوت أحمر وجهها من كثره الغضب ثم أمسكت اذنه وقالت بغضب : انتا مش هتكبر أبداً بقى عندك تاسعه عشر سنه ولسه تصرفاتك زي الأطفال ال عندهم خمس سنين هتعقل امتى
حاول افلات اذنه من يدها وهوا يتألم ويقول : خلاص يا عمتوا حرمت بس سيبي ودني بقا
السيده وتدعي هناء : وبعدين انتا لابس ومتشيك كده ليه
الشاب ويدعى أيهاب : اصل احنا هنروح حفله واحد صاحبنا عاملها ثم اكمل بمشاكسه بس ايه رائيك فيا قمر مش كده
كان أيهاب يرتدي سروال اسود وقميص بالون الرمادي الذي يشبه لون عينيه ويصفف شعره الأسود الي الخلف بطريقه جذابه مما زاد من وسامته وتألقه
نظرت اليه هناء بأعجاب حاولت أخفائه ثم قالت بمشاكسه : مش حلو مش عارفه انتا طالع وحش لمين مع ان اخويا ومرات اخويا حلوين
أيهاب بمشاكسه : طالع لعمتي بابا على طول بيقولي اني شكلك يا عمتي
قامت هناء بأمساكه من اذنه مره أخرى وقالت : بقى انا وحشه يا قليل الأدب
أيهاب بألم ومشاكسه : ينقطع لساني لو قلت كده دا انتي أحلى وأجمل ست شوفتها اه لو مكنتيش عمتي
تركته هناء وقالت : كل بعقلي حلاوه كل
أيهاب وهوا ينظر يمين ويسار : أومال فين أبن عمتي
هناء بملل : فوق في المختبر بتاعه
أيهاب بضحك : لسه مصمم على الفكره المجنونه دي بردوا
تنهدت بتعب وقالت : والله انا تعبت وزهقت من الكلام معاه ومعتش عايزه اكلم في الموضوع ده
أيهاب : مع ان ابنك بشهادة الجميع زكي ونبغه الأ اني بحسه انه في الموضع ده بالذات غبي
نظرت له بغيظ وقالت : تقصد ايه
أيهاب : ولا حاجه انا هطلع له احسن علشان منتأخرش على الحفله ثم ذهب وتركها وصعد الي أحدي الغرف وطرق على باب الغرفه ولكن لم يجبه أحد، فعلم انه مشغول في اختراعه وانه لم ينتبه على طرق الباب فدخل دون اذن فوجده جالس على أحدي المقاعد وأمامه طاوله ويوجد عليها الكثير من الأجهزه والمعدات
أقترب منه وظل ينظر اليه قليلاً
ولكن الأخر لم ينتبه اليه، فاقترب من اذنه وقال بصوت عالي : بتعمل ايه
انتفض الأخر مفزوعاً ثم نظر إليه بغيظ وغضب وقال : طب اعمل فيك ايه اقتلك وأريح البشريه منك ولا أعمل إيه
أيهاب بخوف : أهدا يا أدهم يا حبيبي انا كنت بهزر معاك وبعدين انا واقف جنبك بقالي ساعه انتا ال مختش بالك مني
أدهم بغيظ : يبقى تعرف اني مشغول وتسبني اكمل شغلي
أيهاب : لسه شاغل دماغك بالفكره المجنونه بتاعتك
أدهم : بس متقولش مجنونه لأن الفكره دي هي اللي هتخليني الاقي شريكه حياتي المناسبه ليا
أيهاب : وانتا ايه ال يجبرك شاب ذيك غني ووسيم وذكي والبنات كلها هتموت عليك يعني مش محتاج وجع الدماغ ده كله
أدهم بأنزعاج : اقولك ايه ما أنتا غبي كل ال يهمك الشكل والفلوس زي الكل إنما أنا عايز الجوهر الجمال الداخلي
علشان كده انا هصنع اقراط الحب
أيهاب : طب ماتفهمني كده ينوبك ثواب فيا أيه اقراط الحب ال انتا بتعملها دي وازاي هتخليك تلاقي شريكه حياتك ال تمتلك جمال داخلي زي ما بتقول
أدهم بتنهيده : اقولك اقراط الحب دي عباره عن حلق انا هصنعه وهحط فيه جهاز تجسس يخليني اسمع الشخص ال لابسه وكمان اعرف مكانه وله شكل معين يعني مش هيعجب أي حد المميزه بس ال هيعجبها الحلق وهتشتريه ولما تشتريه وتلبسه ساعتها انا هراقبها واعرف تصرفاتها وهي مش هتكون عارفه ان انا سامعها فاهتتصرف على طبيعتها من غير تكلف وهرف اذا كانت جميله من الداخل وجوهرها حلو ولا لأ
أيهاب بذهول : يأبن الأيه قصدق تقول انك هتتجسس عليها
أدهم : وأخيراً فهمت
أيهاب : طب هي هتسمعك زي ما انتا هتبقى سامعها
أدهم : لأ مش هتسمعني الأ اذا انا حبيت انها هتسمعني يعني انا هتكلم في الحلق اخليها تسمعني وقت ما أحب ولو مش عايزها تسمعني مش هخليها تسمعني
ظل أيهاب شارد بعض الوقت يفكر ثم انفجر ضاحكاً
نظر اليه أدهم بتعجب وقال : انا كنت عارف انه مجنون بس مش للدرجادي ممكن اهرف بتضحك ليه
حاول إيهاب أن يتوقف عن الضحك وقال : اصل جه في دماغي الوقتي ان ال اشترت الحلق ده واحده عجوزه وانتا قعدت تحب وفيها وفي الأخر اكتشفت انها قد جدتك
أدهم بغيظ : هقولك ايه ما أنتا متخلف وبعدين انا عامل حسابي علشان كده هعرض الحلق ده في محل خالي محمود وهقوله انه ميبعهوش لحد اكبر من تسعه عشر سنه
أيهاب : وانتا هتعرف بابا بحكايه اقراط الحب
أدهم بعصبيه : أكيد لأ ياغبي
أيهاب بخوف وتردد : طب ممكن اسأل اخر سؤال
أدهم بأنزعاج : اتفضل ويارب ميبقاش سؤال غبي زيك
أيهاب : طب افرض البنت ال اشترته دي طلعت وحشه
أدهم بعصبيه : مش قولت غبي يا بني آدم انا مش بدور على الشكل انا بدور على الجوهر والجمال الداخلي وبعدين انا مقتنع ان مفيش حاجه اسمها انسان شكله حلو وانسان شكله وحش كلنا خلقه ربنا وكلنا حلوين خارجياً بس الحلو والوحش فعلاً بيبقى الجمال الداخلي
أيهاب بسخريه : خلاص ياعم الفيلسوف فهمت روح غير هدومك علشان منتأخرش على الحفله
أدهم بتأفئف : قولتلك مش عايز اروح
أيهاب بغضب : حرام عليك دا معتش غير اسبوع والدراسه تبداء ونرجع للكليه وحضرتك مستكتر علينا اننا نهيص شويه
أدهم : وأنا منعتك متروح أنا مالي ومالك
وضع إيهاب يديه على وجهه دلاله على نفاذ الصبر وقال : يلا يا أدهوما يا حبيبي روح ألبس علشان منتأخرش وبلاش تعصبني احسنلك
أدهم بأنزعاج : طيب ماشي هروح البس اما اشوف اخرتها ايه معاك
ذهب أدهم وارتدي سروال بالون الأسود وقميص بالون الزيتي ساعد على إبراز لون عينيه الزرقاء ووضع عطره وصفف شعره بطريقه جزابه وكم كان وسيم بالرغم من أطلالته البسيطه
ثم ذهب هوا وأيهاب إلى الحفله وبمجرد أن دخلا حتى تعلقت بهم أنظار جميع الفيات الهائمه وانظار الشباب الحاقده
نظر أدهم الي إيهاب بغضب وقال : كله منك انا كنت قاعد في حالي وانتا جبتني لوجع الدماغ،
قاطع حديثهم ذلك الصوت الأنثوي المثير وهوا يقول : أدهم حبيبي
شعر أدهم بالأشمئزاز من ذكر اسمه بتلك الطريقه المقرفه بالنسبه له