رواية اضاءت قلبي بعد ظلمته الفصل السادس عشر 16 بقلم رباب احمد
١٦
الكل طلع يجرى على المستشفى
وامينه جوه الدكتور بيكشف عليها والكل مستنى الدكتور يخرج ويطمنهم
والبنات كانت بتعيط جامد
سيف كان واقف ماسك ايد جومانا بيطمنها ويهديها
وعدى كان واخد جورى ال مش موقفه عياط وقلبه بيتقطع عشانها
اما فيروز كانت واقفه ساكته خالص وكأنها فى مكان تانى ودموعها نازله على خدها فى سكون
رعد شافها بالمنظر ده مستحملش وراح عليها
ممكن تهدى ان شاء الله خير
رفعت فيروز عنيها وبصتله
ماما هتروح منى وهتسبنى لوحدى
رعد اخدها فى حضنه جامد
ماتخافيش ان شاء الله خير
فيروز فضلت فى حضنه وماسكه فيه جامد وكأنها بتقله ماتسبنيش انا محتجالك انت الامان بنسبالى
رعد كان حاسس انو ملك الكون كله بقربها وحضنها
شويه وطلع الدكتور والكل جرا عليه
عثمان
خير يا دكتور
الدكتور
والله الحاله مش كويسه يا عثمان بيه
البنات اتخضت وصوت عياطهم زاد
رعد
ممكن تهدوا عشان نفهم
الدكتور
هيا محتاجه عمليه ضرورى فى القلب باسرع وقت
عثمان
ماشى احنا نسفرها بره احسن
الدكتور
تمام يكون افضل بره هيكون كل حاجه مجهزه اكتر من هنا وفى امريكا العمليات دى سهله هناك جدا وان شاء الله ربنا يقومها بسلامه
عثمان
تمام يا دكتور جهز كل حاجه ونسافر على طول
الدكتور طيب هيا عوزاكوا جوا بس حاولوا متخلهاش تتعب وتجهد نفسها بالكلام
مشى الدكتور والكل جرى دخلها الاوضه
فيروز وجورى جريوا عليها وحضنوها جامد وبيعيطوا
امينه بتعب طبطبت على رسهم انا كويسه يا حبايبى متقلقوش
رعد
متتعبيش نفسك يا عمتى بكلام
عدى
حمدالله على سلمتك
سيف
سلمتك يا عمتى
حنان
بدموع سلمتك يا امينه
امينه
انا كويسه ما تقلقوش عثمان
عثمان قرب منها
نعم يا حبيبتى
امينه
الدكتور قلك ايه
عثمان ماتقلقيش عمليه صغيره وهنسافر نعملها بره
امينه لا
الكل ايه لا لازم تعمليها
امينه
مش قبل ما اطمن على البنات وشفهم بالفستان الابيض
عثمان
لما نرجع يا حبيبتى نعملهم اكبر فرح
امينه لا انا مش ضامنه اقوم من العمليه عوزه افرح بيهم
حنان بدموع غزيره
متقليش كده هتفرحى بيهم وتشيلى عيالهم
امينه
من غير ما تتعبونى مش هسافر قبل ما يعملوا فرحهم
رعد بثقه
خلاص يا عمتى ال عوزاه هيكون
فيروز رفعت عنيها ال كلها دموع وبصتله بمعنى ازاى يعنى
بصلها وشورلها بمعنى هنتكلم بعدين
امينه بفرحه على وشها خلاص جهز كل حاجه يا رعد عوزه افرح بيكم
عثمان بيحاول ميدمعش
هعملك ال انتى عوزاه
امينه وبتكلم بصعوبه
تعرف انا فرحانه انى جوزت البنات ل رجاله بجد هيقدرو يحافظوا عليهم رعد عدى سيف
نعم
امينه
خلى بالكم من البنات وحطوهم فى عنيكم دى وصيتنى
الشباب
بعد الشر عنك يا ست الكل
حنان
عثمان خد البنات وروحوا وانا هفضل معاها ل بكره
عثمان طب افضل معاكوا انا كمان
حنان لا روح انت معاهم ومتقلقش لو حصل حاجه هكلمك
فيروز
انا هفضل مع ماما
حنان
فيروز اسمعى الكلام وروحى مع خواتك وانا هفضل ما ماما
فيروز
طيب بس لو حصل حاجه كلمينى يا طنط
واخد عثمان الكل وروحوا الفيلا وفضلت حنان مع امينه فى المستشفى
وصل الكل الفيلا وطلعوا البنات يرتاحوا وفضل عثمان قاعد مع سيف ورعد
فيروز فى الاوضه
هو مافيش مايه هنا
جورى لا
فيروز
طب هنزل اجيب مايه من المطبخ حد فيكم عاوز حاجه من تحت
جورى
ياريت نسكافيه دماغى هتفرتك
جومانا
وانا كمان يا فيرى
فيروز خلاص هنزل اعمل
وهيا نازله من على السلم سمعت عثمان بيتكلم مع رعد
انت عرفت منين ان قلب عمتك تعبان
رعد
صدفه سمعتها هيا وطنط حنان فى المطبخ كانت تعبانه ورافضه تقول ل حد عشان تطمن على البنات الاول وكانت قلقانه على فيروز لان جومانا وجورى اتخطبوا وكان نفسها ان انا اخطب فيروز
فيروز بصدمه على السلم وبتقول ل نفسها خطبنى عشان ده ال ماما عوزاه يعنى مغصوب من كل اتحاه ولقت الدموع بتنزل منها
سيف
يعنى انت اتجوزت فيروز عشان عمتك مش عشان بتحبها
رعد
لا انا مش بحب حد
عثمان
اه قلتلى فرحان ب البتجرى وراك تانى بعد ما باعتك وخانتك
رعد بعصبيه
بابا دى حياتى وانا حر فيها
عثمان بزعيق ليه
انت مش حر وعلى فكره فيروز خساره فيك وقسما بربى يا رعد لو ضيقتها وعملتلها حاجه ماهتكون ابنى ولا اعرفك وبكرا تندم عليها
رعد بتريقه
اندم معتقدش اصلا كلهم زى بعض
كل ده وسيف ساكت وبيبصله وعارف انو اخوه بيكدب
ومره واحده سمعوا صوت عياط وحاجه وقعت
طلعوا يجروا رعد شاف فيروز اغمى عليها حس ان قلبه طلع من مكانه وجرى عليها يفوقها واخدها فى حضنه بلهفه شافها ابوه واخوه وبصوا ل بعض
سيف ميل على ابوه
ده بيعشقها بس بيكابر
عثمان عارف
رعد شال فيروز ودخل بيها اوضته عشان الاقرب
حطها على سريره بهدوء وحنيه وفصل يخبط على وشها براحه
جومانا وجورى سمعوا صوت الخبطه طلعوا من الاوضه ونزلوا على السلم شافوا سيف واقف على باب الاوضه وخالهم عثمان واقف جوه الاوضه
جورى فى ايه يا سيف
سيف
متخافيش فيروز بس اغمى عليها ورعد بيفوقها
جورى بخضه ووراها جومانا فيروز ودخلوا يجروا عليها
كان رعد جاب البرفان بتاعه ورشلها عشان تفوق
فيروز بدات تفوق وماسكه دماغها اه
رعد بلهفه
انتى كويسه
فيروز وعيونها كلها دموع
عادى وبتحاول تقوم من على السرير
عثمان
استنى يا بنتى لحد ما تفوقى بس
فيروز
معلش يا خالو عوزه اطلع اوضتى
عثمان
طب اهدى بس سبونا لوحدنا
رعد
بس يابابا
عثمان بحده
قلت كله بره وسبونى مع فيروز
خرجوا كلهم تحت انظار رعد ال هيموت من القلق عليها
سيف
لما انت قلقان وخايف عليها كده بتجرحها ليه وبتقول انك مش بتحبها
رعد بتوتر
بطل هبل انا نازل
سيف بابتسامه ده انت شكلك واقع ل شوشتك
اما عند عثمان وفيروز
عثمان
تعالى يا حبيبت خالك
فيروز قعدت جمبه وفضلت ساكته
عثمان
انتى سمعتى ال قاله رعد صح
فيروز بعياط جامد
ايوه سمعته هو بيعمل فيا كده ليه عملتله ليه مغصوب لدرجه دى عليا
عثمان بابتسامه
بصى يا بنتى انتى دلوقتى عندى اغلى واهم منه وصدقينى رعد مش كده بس منها لله ال كانت السبب
فيروز بدموع
قصدك ريتاج
عثمان
ايوه دمرته رعد كان بيحبها جدا وهيا كسرته ودمرته
فيروز بوجع
بس هو لسه بيحبها وبيجرى وراها
عثمان بضحك
يبقى متعرفيش رعد عمر ال كسره وباعه يرجعله تانى انا عارف ابنى
فيروز وبتحاول تمثل الجمود
وانا خلاص يا خالو مش هكمل الجوازه دى وهنهيها النهارده
عثمان بنظرت خبث
بجد الكلام ده من قلبك يعنى
فيروز بتوتر
اه مش هكمل
عثمان
ومامتك هنقولها ايه وهيا تعبانه ممكن يجرلها حاجه
فيروز
بعد الشر خلاص هكمل العبه دى لحد ماما تقوم بسلامه واخلص منه
عثمان بمكر
يعنى انتى وافقتى عشان خاطر ماما بس
فيروز بتوتر
تقصد ايه يا خالو
عثمان
بصى يا حبيبتى انا عارف انك بتحبيه
فيروز بتوتر اكبر
انا انا لا مستحيل
عثمان
لا بتحبيه وباين فى شكلك لما بتشوفيه وصوتك وفرحتك لما عينك بتشوفه
فيروز
هو باين عليا كده بس هو يا خالو بيكرهنى وبيقولى كلام جارح
عثمان
رعد بيعشقك
فيروز بصدمه
انت بتقول ايه يا خالو
عثمان
بقول الحقيقه رعد بيعشقك مشفتهوش وهو هيموت عليكى من القلق دلوقتى ونظرته ليكى كل لما بيشوفك وغيرته عليكى يعنى ملحظتهاش يوم ما مصطفى ابن عمك فاضك بصلك ده رعد كان عوز يقلعله عنيه
فيروز
لحظتها امال بيعمل كده ليه معايا وليه بيظهر فى كل حته مع ريتاج دى وبتكلمه على طول
عثمان
بصى ال متأكد منه ان رعد عمره ما يرجع ليها تانى بس فى سر فى الموضوع وهنكشفه بس عوزك تصبرى على رعد لانه بجد بيحبك ومسيره يعترف
فيروز بخجل
حاضر يا خالو
عثمان
تسلمى يا حبيبت خالو وصدقينى هنسوهولك على نار هاديه وخليه يقولك بحبك ومجنون بيكى
فيروز بضحك
شرير انت يا خالو
عثمان
الله على الضحكه دى والغمزات ال تجنن بصى دلوقتى من غير كسوف عوزاكى تجننيه وتخلى الغيره تنهش فى قلبه عشان يفوق ل نفسه احنا هنعمل عليه عصابه وهنتكلم مع سيف وعدى
فيروز وبتحضن خالها
ربنا يخليك ليا
عثمان وبيطبطب عليها
انتى بنتى يلا بينا ننزل نشوفهم تحت ونرتب الخطه هههههههه
فيروز بابتسامه
يلا
نزل عثمان وفيروز الرسبشن تحت لقوا سيف وجومانا وجورى وعدى وصل بعد ما راح يغير هدومه ورجع يطمن عليهم وعرف من سيف ال حصل
عثمان
رعد فين
سيف
خرج
عثمان
طب كويس تعالوا كلكم ورايا على المكتب
ودخلوا كلهم المكتب
سيف
خير يا بابا
عثمان
اولا قبل ما ندخل فى الموضوع ال عوزكم فيه سيف انت ورعد تحضروا جناحكم عشان الفرح كمان يومين
سيف بسعاده وبيغمز ل جومانا
حاضر خلال يومين هيكون جنه لاحلى عروسه
عثمان اتلم
عدى بيضحك وميل عليه
هو ده وقت سهوكه
عثمان
عدى
عدى
نعم يا عمى
الجناح ال جنب جناح رعد وسيف تاخده وتجهزه
عدى
بس يا عمى انا عندى شقتى وهجزها زى ما جورى تحب
عثمان بهدوء
انا عارف يا حبيبى انت قدها وقدود بس انتم لازم الفتره دى تبقوا سوا خصوصا ان انا وحنان هنسافر مع امينه عشان العمليه ولازم تكونوا سوا فى مكان واحد لاننا مش عارفين فاضل ممكن يعمل ليه
عدى بغضب
ده لو عمل حاجه هدفنه حى
عثمان
عشان كده بقول انتوا تبقوا سوا عشان تخدوا بالكم من البنات وبعدين انت هتروح الشغل وتسبها ل وحدها ممكن يبقى فى خطر عليها لكن هنا تبقى وسط خواتها ومعاهم وبعدين انا ابوك وققرت وانت تنفذ على طول مفهوم
عدى بابتسامه
حاضر يا بابا ال تؤمر بيه
عثمان
تمام خلينا فى المهم بصوا بقا و٠٠٠٠٠٠٠
يتبع