رواية اسيرة عشقه المميت الفصل العشرين 20 بقلم حبيبة خالد
البارت العشرين كانت الشنط بتتحط في العربيات سلطان وقف قدام جابر ورؤوف عدل شاله الأبيض بوقار الصعايدة ومد إيده يسلم سلام الرجال:
— أستودعكم الله يا رجالة.. كفيتم ووفيتم ومصر كانت منورة بأهلها الصعيد وحشنا ….والناس هناك مستنية الهوارة يعاودوا بالسلامة
رفيف كانت واقفة جنب العربية عيونها مدمعة وهي بتبص لميساء وشروق بامتنان:
— مش هنسى وقفتكم جنبي واصل.. يا مري هتوحشوني قوي ميساء.. هتوحشيني يا شروق يا مجنونة
سلطان نادى بصوته الرجولي: يلا يا رفيف.. الطريق قدامنا سد
وقبل ما العربية تتحرك رؤوف حط إيده على كتف سلطان وقال بلهجة حاسمة:
— اتفقنا يا ولد العم.. فرحي أنا وميساء الجاي ومش هقبل إنك متكونش أول الحاضرين إنت ورفيف.. الصعيد كله لازم ينورنا
سلطان ابتسم وهز راسه بكلمة شرف:
— وعد يا ولد العم.. في أمان الله
اتحركت العربيات سلطان ورفيف في طريقهم لقلب الصعيد ……وسراج وحنان في طريقهم لحلمهم الصغير ورؤوف وميساء فضلوا واقفين يراقبوا أثر الطريق