رواية ابن عمي دمر حياتي الفصل الرابع 4 بقلم جمانة السعيدي
رواية ابن عمي دمر حياتي الجزء الرابع
رواية ابن عمي دمر حياتي البارت الرابع
رواية ابن عمي دمر حياتي الحلقة الرابعة
ساعتين وطلعنا للبيت
بس اني شنو حجي مااكدر احجي ابد
احس كلبي يوجعني
المن احجي والمن اكول وشراح اسوي بنفسي
بس وصلنا للبيت
بابا راد يخابر عمو يعتذر منه
لان مايكدر يعوفني
بس امي كالت لا زينب مابيه شي تكدر تروح
عيب هو هليوم خابرك لاتعتذر بس حاول ترجع باسرع وقت
بابا راح واني ودي اخذ قنبله يدويه وافجره بيتهم
وعليه وعلى اعدائي
جمانه السعيدي
ثاني يوم ماكدرت اروح للامتحان
اصلا نسيت كلشي قريته
ماما وبابا ما اعترضو ابد بلعكس كالو براحتج
شنو يعجبك سوي
من هاي اللحضه ماكدرت الزم كتابي واقرا ابد
حسيت نفسي ضايعه
وما اندل طريقي ابد
حتى من الزم كتابي ما اكدر اقرا واركز
ماعندي تركيز بلقرايه ابد
كل فكري بهاي المصيبه
واكثر شي حارك كلبي ليش عافني
معقوله جان يكذب عليه
زين كلهم يكولون هو يحب هاي البنيه وهو الي مختاره للزواج
شلون يحبه واني
ليش خلاني اتعلق بي
ليش ضحك عليه وجرجرني لمن سلمته نفسي
ما اكول غير حسبي الله ونعم الوكيل
جمانه السعيدي
قررت أواجه واشوف رد فعله
اريد سبب مقنع ليش عافني
لازم يتحمل هاي المصيبه وياي ما اكدر اني اتحمله وحدي
اخير يوم بلامتحانات قنعت اهلي اريد اروح امتحن
بلكوه امي وافقت كالت ضاعت عليج الامتحانات
عوفي وامتحني دور ثاني
بس اني صممت
مو كاتله نفسي على الامتحان اريد اروح اشوف احمد
هاي المصيبه هو وكعني بيه وهو يخلصني منه
المشكله بعدني احبه
ويمكن لو اسمعه يعتذر راسا اسامحه
شسوي الكلبي الي متعلق بي ومايكدر يتحمل فراكه
بابا اخذني بلسياره ونزلنا باب المدرسه
بقيت انتضر لمن بابا راح واني قررت اروح البيت عمو
ما اكدر اصعد تكسي وحدي
قررت اروح مشي
تقريبا عشر دقايق مشي عن المدرسه
رحت البيت عمو وصلت واني كلبي كام يدك على السريع
دكيت الباب فتحتلي زوجت عمو
شافتني وتفاجئت
لان اني ما اروحلهم ابد
صار بيتهم بعيد
بس شافتني استغربت وكالت زينب
زينب اي عمه شلونج
…اهلا وسهلا تفضلي سمعت مريضه شلون صرتي
زينب الحمد لله احسن
..تفضلي ليش واكفه بلباب منو جابج
…دخلت وحرت شراح اكلله
هااااا اني اجيت وحدي
…شعجب اجيتي وحدج اجيتي مشي بسياره
لا اجيت مشي مااكدر اصعد سياره وحدي
كعدت كبالي واني احس الساني صار ثكيل وادور حجه
جمانه السعيدي
….خاف عندج شغل تردين عمج عمج طلع
زينب لا اريد احمد
…احمد ليش شصاير
زينب لا مصار شي ابد بس اكو مدرس يعرفه واريده
يحجي ويا لان تعرفين جنت مريضه وماكدرت امتحن
…اي اني اكله لان هو هسه نايم
…لا اني اريد احجي ويااا من رخصتج حتلو نايم هنه كلمتين
.ام احمد ..هو بغرفته فوك اصعد اكعده
.زينب. .لا اني اصعد ما اريد اتعبج
…بكيفج اصعدي
صعدت وفتحت باب الغرفه وشفته نايم ومتغطي
كعدت بصفه وكلت احمد احمد
وهو مغطي راسه صاح شكووو خير اني مو كلت محد يكعدني
زينب اني زينب عندي شغله مهمه وياك اكعد
من سمع اسمي رفع الغطه
احمد زينب شعندج هنا
زينب تريد نحجي هنا لو نطلع برا خاف امك تسمعنا
اني ماعندي مانع امك تسمع
وانتضر عمي هم احجيله انت شسويت بيه
واكيد عمي مراح يقبل بلي صار ابد
كعد على حيله وكنما مامصدك الي صار ابد
زينب يله بسرعه جاوب ماعندي وقت
احمد امشي نطلع ونحجي برا
نزلت قبله ومبين عليه التوتر
ام احمد هااا كعد
زينب اي عمه كعد وراح يوصلني ويوصي الاستاذ عليه
هو نزل وسمعني
احمد ماما اني راح اوصل زينب وارجع
جمانه السعيدي
بس طلعنا من بابهم
اني دموعي خانني وراحت كل قوتي
امشي كدامه والتفت علي وكتله ليش ليش هيج تسوي بيه
ودموعي ينزلن مثل المطر
ماكدرت أبين قويه حبه ضعفني وخلاني ما اتحمل كلشي
احمد اني شسويت
زينب ماتدري شنو سويت بعد ما خليتني فقدت عذريتي
باسم الحب والزواج
اتخليت عني ورحت خطبت غيري
احمد مو بكيفي امي ماقبلت بيج
زينب ليش تجذب الكل يعرف هاي البنيه عندك علاقه بيه وانت اختاريته
احمد لا تصدكين امي نشرت هاي الاشاعه عني
اني احبج وما اعوفج ابد
زينب راح تضحك عليه مثل كل مره مو
احمد واني شبيدي ماعندي فلوس زواج واهلي الي راح يزوجوني بكيغهم
وهمه الي اختارو العروسه
زينب واني شنو مصيري بعد هاي المصيبه
احمد اي انتضري خل ازوج وبعدين اشتغل والملي كم فلس واتزوجج
زينب انت تضحك عليه لو على نفسك
شنو بعدين تزوجني
احمد ماعندي غير حل
زينب لا اني ضاع مستقبلي ومستحيل اسكت اني راح احجي كلشي وافضح الدنيا
احمد انتي شنو اتخوفيني ترا ماعندج اي دليل عليه
واني راح انكر
ومراح تكدرين تثبتين اي شي عليه
جمانه السعيدي
زينب انت مو تحبني ليش هيج هنت عليك
احمد مو كتلج هذا الزواج مو بكيفي
زينب ولله كذاب لو متمسك بيه جان كدرت تقنعهم
احمد باعي زينب من الاخير اني وياج مايصير واحد للثاني
زينب مسحت دموعي وروحي مليانه حزن وخذلان
ليش مانرهم البعض
انت موتحبني واني احبك
والمصيبه الي سويته شلون راح اكدر انسا ها
احمد شوفي حياتج ويه واحد غيري اني ما أأمن بيج
انتي سلمتيني نفسج بكل سهوله
بعد ما اثق بوحده مثلج ابد
ولا اكدر اامنه على بيتي وعرضي
جمانه السعيدي
زينب لا ياحقير اني سلمتك نفسي لان احبك
وانت ابن عمي يعني اني عرضك
وكنت واثقه منك وماعندي شك واحد بلميه راح تعوفني
احمد هذا الي عندي وديري بالج اجيبين طاري
لو تكولين قربلي لان راح انكر
اشكك بيج وبسمعتج واكول شوفو منو اعتدى عليه وتريد اذب هاي السالفه براسي
بعدين مراح تكدرين تثبتين شي
هيج شغلات لازم بساعته ياخذون عينه ويحللونها يله يعرفون منو اعتدا عليج
مو صار سنتين ونص وهسه متذكره
اني حذرتج ديري بالج تذكرين اسمي فهمتي
زينب رفعت اديه وسديت اذاني وكمت اصرخ لا ما اصدك مستحيل تكون انت الانسان الي حبيته
وصدكته
انت حيوان حتى ما تستاهل تكون انسان
روح واني راح ابقه ادعي عليك طول عمري
وانشاء الله حوبتي ماتتعداك
الله ياخذلي حقي منك
جمانه السعيدي
حسبي الله ونعم الوكيل على كل واحد نذل مثلك
يلعب بعرض العالم
وماعندا مخافة الله
صدك حوبتي مراح تتعداك
اذكر الي سويته بيه رب العالمين راح يرجعه بيك
وبزوجتك واطفالك
عفته ومشيت واني ما اشوف الطريق من البجي
همزبن وصلت قبل لايخلص الامتحان بدقايق
بس وصلت لكيت بابا