متنسوش التفاعل على الفصل والتفاعل عليه
ـــــــــــــــــــــــــــــــــــــــــــــــــــــ
قد أكون رجلا ولكن….
من قال ان ليس للرجل قلب!!
فانا املك قلب يهفو للحب
وجسد يشتاق لضلعه
ومشاعر مرهفة تنظر الحب
وان تعطي ببذخ
شعر بجفاف حلقه من ذلك الجو الحار والخانق، بالاخص بعد طول تلك المكالمة التي انهكته ليزفر انفاسه بضيق وهو يصف سيارته جانبًا مستعمًا لحديث شقيقه والذي جعل الصداع يصيب رأسه.
زفر انفاسه بغيظ للمرة التى لا يعلم عددها اليوم ليقلب عينيه بملل وهو يجيب شقيقه بضيق:
_هشام، ممكن يا حبيبي تخليك في حالك وتنزل عن دماغي وملكش دعوة بيا؟
انا مش طفل صغير للي انت بتعمله ده، ولا انا بنت بضفاير خايفين عليها
تنهد شقيقه على الجانب الاخر من الهاتف وهو يجيبه بضيق:
_مش يمكن لنفس الاسباب اللي انت بتقولها دي هي اللى مخليانا قلقانين عليك؟
انس يا حبيبي، انت مش طفل فعلا انت راجل في التلاتين من عمرك، هتفضل عازب لحد امتى!! العمر بيعدي قدامك وانت مش واخد بالك؛ فلازم تلحق تتجوز وتجيب طفل تفرح بيه ويشيل اسمك