ابد ما حجتيله عن خالتي وشكران وزيارتهن البيتنا
الزياره الي تكررت خلال شهر واحد اكثر من عشر مرات
وخاصه شكران
كل يومين تجي يوم
المشكله اني عندي شغل اعوفها واروح اشتغل وهي ولا عبالك
ابد ماعدها اي احساس عادي عدها الموضوع
تبقى كاعده وحدها ولا كانما
وبعد ما تجي للبيت
شكران….بعد وكت عليمن مستعجله
رهف….بس الدوام بدا صار اسبوع
شكران…اني عايده هاي السنه الثالثه يعني سهله عليه
وهسه بس لعب بعده الدوام الحقيقي مابدا
بس ماأحب اتأخر من اروح عليهم
زحمه واحد يكعد هواي هو الخطار كون خفيف
ايجوز نص ساعه وارجع
اني صار شهر تقريبا مارايحه عليهم
( كنت اشمر بلكلام عليها بلكت تحس ولله لو يدري عصام هي تجي وتكعد وتأخذ راحتها بلبيت جان شسوه بيه، )
رهف …اي يمكن اروح هسه حتى ارجع بسرعه
لان عصام ما يقبل اطلع من البيت هواي
ولا يقبل اتأخر يم احد
جمانه السعيدي
شكران…اي روحي اني ابقى هنا بلبيت
رهف….تبقين وحدج هنا ليش تبقين
شكران…هنا احسن بلبيت امي كل شويه دازتني اخلص شغله هنا كاعده لا شغل ولا عمل