لان عصام كان مجهز كلشي البيت ماثث وكامل حتى غرفة النوم جاهزه
من يتصل ونبقى نحجي اني ويااا
حتى إذا اجو زباين للمحل يعوف التليفون مفتوح
يخلص شغل ويرجع نحجي اني ويااا
لان مبين هي ماتريدني وكارهتني وتفضل بتها عليه
خاصه وهو حجالي شلون خالتي اجته للمحل وحاولت
تقنعه يعوفني
وشلون هو بقى متمسك بيه
بس اني ابد ما حجيت شي مهما يكون تبقى خالتي
واني عشت بيتها عشر سنوات
بغض النظر كنت مرتاحه لو لا
بعدين مايصير اكشف كلشي عن حياتي كدامه اني بعدني
ماعشت ويااا
ايجوز نختلف بيوم من الايام
خاف يحس نفسه طلعني من الجحيم ويحسسني بلنقص
ويكعد يعيرني باااهلي
كنت دائما اذكر خالتي وعمي بلخير
بس بلحقيقه اني اذكر عمي اكثر وامدحه
لان هو يستاهل احجي عنه بلخير والطيب
تكله انت الي قويتها عليه
انت الي كبرت راسها وخليتها تطلع من طوعي وتكلب عليه ماغزر بيها الربه