رواية لعلنا نلتقي يوما ما الفصل السابع 7 بقلم هند ايهاب
ماما بصيت لي وأنا ربعت أيدي وقُلت:
– صدقيني بعد اللي حصل منك مش هستبعد أي حاجه هتقوليها بعد كده، ودلوقتي بقى أطلعي برا
– أنتِ بتطرُديني!!
ابتسمت بسخُريه وقُلت:
– دي أقل حاجه مُمكن أعملها فيكي، وأحمدي ربنا أني لسه لحد دلوقتي باقيه علي العيش والملح اللي كان بينا
بصت لماما ومن غير ولا كلمه فتحت الباب ومشيت.
ماما بصت ناحية الباب وبعدين بصيت لي وكأنها مستنيه تفسير علي كُل اللي حصل.
بكُل هدوء دخلت المطبخ، شغلت الكاتل وبدأت أعمل نيسكافيه، وكأن محصلش حاجه.
ماما دخلت المطبخ وسندت نفسها علي الحيطه، كانت واقفه بتتأمني.
كُنت بهرب بعيوني منها، مكُنتش عايزه أبان متأثره باللي حصل، كُنت عايزه أبان مش فارق معايّ حاجه.
كان ضهري ليها ومع ذلك كُنت حاسه بنظراتها وقُلت وأنا بملي مج النيسكافيه:
– عايزه تقولي أيه يا ماما!!
– عايزه أعرف أيه اللي حصل خلاكوا كدا
هزيت راسي وقُلت:
– محصلش حاجه، بس الظاهر كده أن بابا كان معاه حق يوم ما قال أني مليش بخت في الصحاب
– بس دي نانسي يا هند!! ده أنتوا كُنتوا زي الأخوات
خدت المج وابتسمت وانا ماشيه وقُلت:
– عادي مش فارقه
لمتابعة باقي الرواية زوروا قناتنا على التليجرام من هنا