روايه اذوب فيك موتًا الفصل السابع والاربعون بقلم الكاتبة فريدة الحلواني
روايه اذوب فيك موتًا الفصل السابع والاربعون بقلم الكاتبة فريدة الحلواني
أذوب فيك موتا
الفصل السابع والأربعون
صباحك بيضحك يا قلب فريده
إحنا كُلنا بنعدّي بأيام بِنحس فيها إن مفيش فايدة….وإن اللي بنعمله قُليل ومش بيجيب نتيجة….
بس لما تهدي شوية وتفتكري نفسك من 6 شهور أو سنة…
هتلاقي إنك اتغيّرتي وإتعلمتي وعدّيتي حاجات كُنتي حاسه إنها هتكسرك…..
يمكن لسه موصلتيش….
بس أكيد مش واقفه في نفس النقطة اللي بدأتي منها.
محدش بيشوف شغلك و وجعك اللي جواكي …
ولا التعب اللي محدش سمع عنه…
بس ده أكتر جزء بيأثر فيكي… و هو ده اللي هيوصلك لحلمك … أنا واثقه
و بحبك….
تدور داخلنا معارك طاحنه… بل ونٌجهّز كلمات حاده مثل نصل السِكين كي نُلقيها على من نٌحب فتجرحه مثل ماجرحَنا
نقول ونقول ونقول…. لكن حينما نجده أمامنا لا نجد أياً من كٌل هذا
نشعر فقط بتلك الخفقات التي تكاد أن تُزهِق روحَنا… إهتزازاً
وأجسادنا وكأنها تٌطالب بالوقوف على أرض صلبه
وأخيراً روح خائنه تتركنا وتُلقي بحالها داخل أحضانه
هذا ما حدث مع كليهُما بعد أن أُغلِق عليهم باباً واحدً
تنظٌر له بعتاب يملأه الحُزن…. فيُقابلها بنظرات أكثر إشتياقاً يُغلفها الغضب من فكره رحيلها
هٌنا….. قرر أن يكون البادئ تلك المرّه وأن يمسك بزمام الأمور بعد أن يُحكم عقله فقط في ذلك الموقف
كاد أن يقترب منها بضع خطوات إلا أنها صرخت فجأه بصوت مرتعش
-إياك تقرب مني…. إوعى تفكر عشان بقيت في أوضتك هسمحلك تعمل اللي إنت عايزه
إبتسم بهدوء ثم قال برزانه
-متخافيش…. مش هعمل حاجه يا سما انا بس حابب أتكلم معاكي… بالعقل .
نظرت له بِشك بينما إقترب منها ثم أمسك كفها بِحنو وسحبها نحو الأريكه ثم جلسا سوياً دون ان يتفوه أحداً منهُم بحرف
هذا الصمت إستمر لبضع لحظات ثم تحدث هو أولاً بتعقُل
-عايزك تنسي كل اللي حصل قبل ماندخل من الباب ده .
تطلعت له بعدم فِهم وحُزن يصرخ داخل عيناها لكنه أكمل بما أراح قلبها وعقلها معا