ظلت غفران تحتضن امها ايعقل ان تفقد امها غاليتها رغم صغر سنها ولكنها فطنت بأن اباها سببا فيما حدث ….
خرج اباها من الغرفه يضرب كفا فوق كف يمسك بمرفقي أمينه برفق ويقبل رأسها ثم يخبرها قائلا:. الوليه ماتت وبوظت اليوم …انا مش مكتوبلي افرح
رفعت أمينه احدي حاجبيها واردفت قائله :. مش مكتوبلك ايه يا عينيا …هي ماتت احنا ذنبنا ايه دلوقتي نسيب ال…..
قاطعها يزيد :. لسه اجراءات الدفن والغسل وقصه كبيره مش هعرف انفرد بيكي لحد بكره يا حبيبتي
ارتفع صوت أمينه مهدده :. بص ياحبيبي النهارده ليله دخلتنا والله لو الريس نفسه اللي مات هدخل يعني هدخل والا وقسما عظما لا هروح بيت اهلي وماهخليك تلمس شعره مني …
شعر يزيد بأن جبل أحد قد سكن فوق قلبه ظل صامتا لوقت ليس بالكثير …هل سيدفنها اكراما لها أم سيتركها بعدما ينتهي من مراسم ليله دخلته ..
قطع حبل تفكيره صوت امينه :. انا عارفه انت بتفكر في كلام الناس واللي ممكن يقولوه لو عرفوا انك خبيت خبر موتها بس هقولك حاجه حلوه… شجره الدر لما نجم الدين ايوب مات خبت خبر موته عشان ميحصلش فوضى في البلد انت بقي هتخبي خبر موتها لحد بكره بس
نظر لها متعجبا واخيرا تكلم قائلا :. ليه هو لو دفنتها هيحصل فوضي ؟