رواية حب صدفه الفصل الثاني 2 بقلم أمل عثمان (الرواية كاملة)

رواية حب صدفه الفصل الثاني 2 بقلم أمل عثمان 

رواية حب صدفه الفصل الثاني 2

 ـــــــــــــــــــــــــــــ((2))ــــــــــــــــــــــــ

في يوم 

اتصل بيها عمها و قالها أنه عايزها ضروري هيا و اخوها في مكتبه

قفلت مريم و هيا مستغربه و قلقانه في نفس الوقت

بلغت مراد و ركبوا العربيه و راحوا علي شركة ابوهم الي مسكها عمهم عماد الكبير من بعده

وصلوا الشركة و خبطت مريم و دخلوا

عماد:

-اهلا اهلا حبايب قلبي وحشتوني

قام سلم عليهم و طلبلهم قهوه

عماد:

-بصوا انا مش عايزكم تقلقوا 

انا هقولكم انا جبتكم النهارده ليه

بصولوا بتركيز 

عماد:

زي ما انتو عارفين اني شايل الشركه دي 15 سنه بحالهم

و انا تعبت و كبرت 

ف انا شايف أن جه الوقت انك يا مراد تورث ورث ابوك الله يرحمه

مراد بصله ب صدمه

وهوا مش عارف يقول ايه

حمحم مراد و هوا بيقول بتوتر:

بصراحه يا عمي انا مش مستعد لحاجه زي كده

او بمعنى اصح، مش عايز

عماد وشه اتغير وهوا بقوله:

-يعني ايه الكلام ده

 مراد كمل و قال:

انا شايف أن مريم اكتر واحده تستحق انها تبقا رئيسة الشركه دي

مريم بصتلوا بصدمه

و عماد كذالك

عماد:

-يا مراد يابني، انت عارف ان الورث عادة بيكون للولد

مراد بتفهم:

انا عارف بس انا حابب اشتغل الشغلانه الي انا عايزها 

انا تعبت سنين عشان اوصل للجامعه دي و اتخرج منها كمان

و ابقى في حاجه احسن

لكن مريم اكتر واحده بتفهم في الشغلانه دي و انا متاكد انها هتقدر تشيلها و تكبرها اكتر كمان

قال كده و هوا بيبص ل مريم بابتسامه 

عماد بعدم اقتناع:

-لو ده اختيارك، ف انا مش هقف ضدك

بص ل مريم

-ها يا مريم ايه رايك

مريم بصتلوا بتوهان لأنها لسه مصدومه من كلام مراد

-مش عارفه والله يا عمي ممكن تسبني كام يوم افكر.

“حست قلبها وقع، هيا مكنتش مستعده للقرار ده، بس جزء منها كان بيقول انها قادره”

عماد:

-مفيش مشكله خدي وقتك يا حبيبتي

انا مش عايز اغصب عليكم حاجه يا ولاد

انتو ولاد اخويا يعني ولادي بالظبط

فضلوا يتكلموا شويه لحد ما استأذن مريم و مراد عمهم و مشيوا

في العربيه

مريم بهدوء:

-ليه

مراد:

-مش عايز

غير كده كمان، انا عارف انك اكتر واحده هتكوني فرحانه وانتي بتشوفي شقى عمر ابوكي بيكبر قدامك

و اسم شركة J_prime بتكبر و بتشتهر اكتر و اكتر بسببك

دمعت مريم و هيا مركزه علي الطريق

وصلوا البيت و دخلوا

مراد كان متجه علي اوضته وقفته مريم

بصلها مراد

حضنته مريم بهدوء

ضمها مراد جامد لانه كان محتاجه من زمان

مريم من وهيا صغيره، كانت بتجري عليه اول ما الدنيا تبوظ

بس المره دي كانت مختلفه.

الدموع كانت بتنزل من مريم بصمت

خرجت مريم من حضنه وهيا بتحاول متبينش انها بتعيط

 قالت بابتسامه:

-ربنا يخليك ليا

ابتسم مراد و هوا ماسك كتفها و بيقولها:

وافقي يا مريم 

دي فرصة بمليون جنيه

قال اخر جمله وهوا بيضحك

ابتسمت مريم و هزت راسها بايجاب

اليوم اللي بعده 

كلمة مريم عمها 

كانت متوتره، بس لنا رد قالت القرار بصوت ثابت. 

فرح عمها بالقرار ده و رحب بيه جدا

قالها تيجي الشركة بكره عشان يفهمها كل حاجه و يعلمها

بعد فترة تدريب طويله

مريم اتعلمت و اتعينت و رسمياً بقت “رئيسة شركة J_prime”

علي الناحية التانيه بقا

مراد اتخرج و بقا بيتدرب و في وقت قصير بقا يشتغل في شركه لمدة 5 شهور لحد ما اترقى و راح الاداره و بقا يشتغل Team leader (مدير فريق)

و كريم صاحبه بقا يشتغل في شركة ابوه، كريم كان من الفتره الي فاتت ما بيسبش شغل غير لما ينجزه، ومرتين اتكرم جوه الشركه

و يارا صاحبة مريم اشتغلت في شركة مريم و بقت موظفه 

ملحوظه!!!

 مراد كان بيحكي كل حاجه ل كريم و يعتبر كل أسرارهم مع بعض و كريم عارف قصة حياة مراد و تصرفات مريم أخته كمان

لانه لما بيكون مضايق لما بيشوف أخته وهيا في الحاله دي

كان كريم بياخد باله حتى لو بيكلمه في التليفون

ف كان بيغصب علي مراد أنه يحكيله و يفضفضله 

ف بكده كريم عارف كل حاجه عن مريم و الصدمه الي حصلتلها في طفولتها بقت مأثره عليها ازاي دلوقتي 

نرجع ل قصتنا

كريم:

-بركولي يا جدعان 

احمد:

-خير

مراد:

-خير ياعم 

كريم بفرحه:

-انا بقيت وكيل إدارة الشركه

احمد و مراد سقفولوا و احمد راح مزغرط بهزار

ضحكوا كلهم علي الي احمد عمله 

مراد:

-مالنا متفاجاين ليه كده ما ابوه صاحب الشركه مستنى ايه يعني 

كريم بغيظ:

-لا يا حبيبي انا اترقيت لأجل شطرتي و نجاحي

مراد بضحك:

-لا ما انا عارف

فضلوا يضحكوا و يتكلموا في كذا موضوع في بعض

بعد اسبوعين

في مكتب كمال الرفاعي ابو كريم

يتبع

تفاعل و هنزل البارت الجاي بدري♥️♥️

مستنيه توقعاتكم في الي جاي🙈

#حب_صدفه