رواية ظلم وتنمر الفصل الثامن 8 بقلم ايسو ابراهيم
ابنه قاله اسم والدها ووالدتها، فبصوا هما الاتنين لبعض بصدمة، فقالت والدته: دي أمها عاملة نظافة يا بني
والده: استني بس يا حاجة نفهم
أنت يا بني مش كنت قايل عايز واحدة أهلها ليهم مكانة ومستواهم المادي كويس
ابنه: ما هو لما شوفت شروق واتكلمت معها عرفت إن تفكيري كان سطحي مش كل حاجة فلوس
والدته: بس يا بني ما في بنات فيهم الصفات اللي فيها ومستواهم حلو
ابنهم: بس روحها حلوة كلامها موزون بيجذب كدا مش الاسم معها شهادة وخلاص شروق دي مختلفة خالص
والدته: بس يا بني أنا مش موافقة عليها مش هعرف أتعامل معاهم
والده: اللي هو شايفه يتعمل هو مش صغير وطالما مرتاح ليها يبقى على بركة الله ونروح نطلب إيدها أهم حاجة راحته وهو اللي هيعيش معاها يبقى يختار اللي قلبه يرتاح لها
ابنهم: حبيبي يا بابا، وبص لوالدته وقال: هتحبيها لما تعرفيها مش تقلقي
بصتله بضيق وماردتش عليه
في اليوم التالي كانوا بينصفوا البيت وبعتت أخوها محمد يجيب حلويات مشكلة وساقع
بعد العصر كانوا صلوا وجهزوا ومستنينهم
كان رحيم عمل قهوة وطلع يقعد في البلكونة يشربها عشان يفكر إزاي يقنع أهله بشروق
لكن لمح ناس رايحين على بيت شروق ومعهم علبة جاتوه