رواية القلب بالقلب الفصل السادس عشر 16 بقلم روز الفياض – للقراءة المباشرة والتحميل pdf

احلى فترة بزواجي من خلصت من اماني وحنان وخلصت من السحر وياهن ..

كرم غير كرم جان ..

حب ..

دلال ..

اهتمام ..

صدك حبيت هالكرم اكثر من قبل من عرفت شخصيته الحقيقة صح هو شوية عنده برود بس هالبرود جان محلي شخصيته ..

…………………………..

جنت من تشتعل ماريد اطفيك

كرم: توبة ههه ..

كرم: لاااا هههه ابدا التوبة بعد خليج بمدرستج احسن ..

والحجة هالفترة المدرسة تمر بظروف وقلصوا الكادر علمود المصاريف تقل وهي راح تقوم بشغل المعاونة والكاتبة ..

انقهرت …

وبالبداية ردت اكللها عادي انه مامحتاجة للراتب بس اريد اتعلم واطلع بس ماكتلها اي شي وسديته منها ورحت لعمتي حجيتلها كالت:

اي طبعا يبطلوج لعد شمتوقعه غير حنان صديقتها المفروض تستغربين شلون لهسه خلوج ..

ياس: عابت اي والله على اساس جانوا مخليني بالبرلمان ..

عمتي: ولاتضوجين المدارس الاهلية تارسه البلد ارتاحي كم يوم وعمج يدورلج مدرسة زينه محتاجين موظفة وداومي بيها ..

ياس: الله كريم ..

ومن سولفت لكرم جان نفس رد عمتي بس كلي:

ماجنت اتصورها لهدرجة حاقدة ..