رواية انتقام القدر الفصل الثامن 8 بقلم ولاء حامد (الرواية كاملة)

رواية انتقام القدر الفصل الثامن 8 بقلم ولاء حامد

رواية انتقام القدر الفصل الثامن 8

 البارت الثامن

يزن بفضول وانصات شديد :اللي هو  ايه بقى  قرارك

بيجاد بحسم لقراره اللي استهلك منه ايام طويله تفكير وأصبح مفيش مفر منه بصله بهدوء ما قبل العاصفه :اني انا اتجوز قدر 

يزن قام منطور زي اللي قرصه تعبان اييييه بتقول ايه انتا اتجننت 

بيجاد بهدوء وكأنه مش لسه مفجر قنبله في وش يزن بقراره المجنون على حسب نظرهم: اتجننت ليه انتوا كلهم بلا استثناء عمالين تقولولي اتجوز اتجوز  في ايه المشكله دلوقتي لما قولت اتجوز بقت جنون هو اللي بيتجوز دل قتي بقى مجنون

يزن بعصبيه بلاش تلف وتدور عليا  اه قولنا اتجوز بس مش بالطريقه دي ولا بالاسلوب داه  اه انا ولينا قولنالك اتجوز بس كده انتا مش بتختار شريكه لحياتك علشان تعيش وتخلف وتكون اسره انتا هاتقدر تتحملها وتتحمل طباعها ولسانها تالي من مجرد كام موقف جننوك وخرجوك عن شعورك انتوا الاتنين من عالمين مختلفين عاملين زي الشمس تظهر وسط النهار والقمر مبيطلعش غير وسط الليل لو اتقابل معناه دمار انتا مستوعب اساسا انتوا بتقول ايه ولا بتفكر في ايه ولا مقرر بناء على اي اساس فهمني بنيت قرارك داه بناء على ايه 

بيجاد بجمود اقعد يا بابا بدل وقفتك دي اللي لا هاتقدم ولا هتاخر اقعد واسمعني علشان تقدر تفهم دماغي وتعرف انا قررت بناء على ايه زي ما انتا بتقول 

يزن قعد يا برودك يااخي اديني اترزيت قول وخلصني ولو اني عارف مهما ان قولت مش هاقتنع بس مش هاسبق الأحداث و اسمعك للآخر ها كلي اذان صاغيه

بيجاد بجمود في ملامحه مظهرش اي حاجه من ردود أفعاله: انا مش متجوزها فعلا حبا في الجواز ولا تأسيس اسره واستقرار وكل كلام الانشا الفاضي اللي انتا شاغل دماغك بيه داه تؤ خالص انا متجوزها كضمان في ايدي  علشان اضمنها زي ما انا ضامن كف ايدي وعلشان متفكرش انها تطلع عن طوعي ولا افضل قلقان ان شغلي يفضل مهدد داه بيزنس بملايين ومش هاسمح لأي حد انه يهدده او يقرب من كيان عشت سنين وسنين ببني فيه علشان كده مفيش حل غير اني اتجوزها وتبقى في طبقه ايدي وتحت عيني 

يزن بحده وصوت عالي داه اسمه جنون ملهوش تفسير تاني غير كده انتا مش بس مجنون لاء وبتلعب بالنار كمان وممكن بالحركه دي بدل ما تكسبنا تخسرنا كل حاجه انتا غرورك عاميك عن أبعاد قرارك داه 

بيجاد بعنجهيه: لاء اطمن خالص لنا عامل حسابي على كل حاجه هي عايزه ايه من الدنيا آخرها ايه هاتتجوز مصير كل بنت الجواز  وهي مكانتش تحلم اني اتجوزها وتتكتب على اسمي اصلا داه في حد ذاته حلم كان بعيد عنها راجل ومش اي راجل تؤ رجل أعمال وليه اسمه وشنه  ورنه كمام فلوس وشركات  وحياه مكانتش تحلم انها تحلم بيها فصدقني اللي زيها دي فرصه العمر ليها اني اتجوزها 

يزن يخربيت غرورك حاسب لتفرقع من كتر الغرور داه في حد ذاته امبر مصيبه من مصيبه قرارك

بيجاد بهدوء داه مش غرور داه ثقه بالنفس لاني عارف االي قدامي وعارف حجمه وبناء عليه بتعامل معاه 

يزن يا غبي افهم قرارك متسرع ومتهور وغير محسوب بالمره البنت شغاله معانا بقالها شهور وعمرها ما خانت ولا فكرت لانك بتديها االي يكفيها وزياده يبقى ليه تخون من الاساس

بيجاد البحر بيحب الزياده والسوق مليان حيتان وكده اضمن للكل علشان مش هاسيب ولا هاسمح لأي حاجه ولا اي احتمال ان حد يوصلها علشان لو حصل زي ما سبق وحصل اكون مأمن نفسي ومتقدرش تخون لان اللي زي قدر متربيه على نفس تفكيرك كده وكلام الانشا بتاعك متربيين على قيمه البيوت اوووي  الناس دي متربيين على ان الجواز مقدس على ان الراجل داه ليه حقوق مطلقه متربيين في حياه غيرنا وبدماغ وتفكير غيرنا تماما وداه اللي خلاني اخد القرار داه على اساس قوي ومتين

يزن بنفاذ صبر وهل انها متربيه في حياه غيرك وعلى دماغك وأسس غيرك داه يعيبها 

بيجاد لاء خالص داخ في حد ذاته ميزه كويسه جدا وميزه تخليني اضمن ولائها ليا ولشغلي عمرها كله ومعش طول عمري قلقان من احتماليه لو دي خالص لأنها هاتبقى فلوس جوزها يعني جوزها اولى من الغريب  واكون قفلت كل الأبواب دي تماما واقدر اتفرغ لشغلي بدماغ رايقه وتركيز 100% 

يزن بإحباط من اصرار بيجاد اتنهد بتعب :انتا حر بس افتكر كلامي اني قولتلك ان الخطوه دي غلط من البدايه وان انتا بس اللي هاتتحمل عواقبها لوحدك ولما تتهد كل حاجه على دماغك هاتفتكر كلامي داه ووقتها بس هاقولك انك كنت غلط وان غرورك عاميك وسايقك واني حذرتك وانتا مسمعتش الا لنفسك وبس

بيجاد بصله بإصرار وتحدي في عينه :ملكش دعوه انا المسؤل وانا المتحمل لكل حاجه لوحدي يا سيدي تمام خلينا نفكر في اللي جاي

يزن اللي جاي داه يخصك لوحدك بس علشان اعرفك ان غرورك عاميك نسيت تفكر ازاي هاتدخلها بطريقه مناسبه علشان تقدر تتقدملها وهي عامله زي القضا المستعجل اللي واحد اللي في وشه وسكته على طول مبيفرملش  وانتا نفسك مبتتحلمش تقعد تتكلم معاها ساعه على بعضها فإزاي هاتقدر تقعد وتتكلم وتاخد وتدي معاها علشان توصولو لمرحله الجواز  

بيجاد بصله بغموض كل صنف حواء ليه دخله واحده بس الكل بيسلم ويرفع الرايا البيضا قدامها ويقولك شوبيك لوبيك

يزن بسخريه وتهكم وايه هي بقى يا ابو العريف عرفني اللي معرفوش اهو منكم نستفيد

بيجاد اتغاضي عن سخريه يزن وكأنه شيئ لم يكن الرومانسيه مفيش اي ست او انثي مهما ان كانت قوتها وشراستها مبتضعفش قدامها وقلبها يسلم تسيلم أهالي كمان 

يزن الكلام داه في وسطنا اه مع البنات العاديه ممكن مع الأنثى العاطفيه اكيد إنما مع النوع اللي زي قدر مستحيل عارف ليه 

بيجاد ليه يا فيلسوف عصرك 

يزن من غير تريقه وحياتك لان قدر السوق طحنها والدنيا قست عضمها ودماغها تفتكر سهل تصدق ان بيجاد باشا ابن الحسب والنسب ممكن يحب قدر البنت الفقيره الغلبانه داه كلام في الروايات والأفلام الهندي كمان وحياتك إنما في الواقع ومع وحده زي قدر مستحيل ومن اول المستحيلات كمان انك اصلا تقدر تقنعها انك بعد ما مكنتش بطيقها وناقص تولع فيها بقيت عاشق ولهان ومغرم حيران يا عندليب مصر 

بيجاد بتحدي مالكش دعوه ورهان يا يزن هاتشوف بنفسك وبكره ااكدلك لما تلاقيها حرمي المصون وتبقى في ايدي زي حته الصلصال اشكلها زي ما انا عايز وبكيفي وعلى اقل اقل من مهلي كمان 

يزن بخنقه خبط المكتب بإيده انتا حر بس خليك فاكر كلامي كويس اوووي  اني قولتلك بلاش وحذرتك كتير وانتا مصر على قرارك واني عملت اللي عليا علشان متجيش بعد كده وتلوم على حد غير نفسك 

بيجاد بإصرار قولت اللي عندك وانا سمعتك ووضحتلك وانتا شايف الصوره من منظورك انتا وبس انا شايف ابعد منكم بكتير ملكش دعوه انتا انا عارف انا بعمل ايه

بيجاد بداء اول خطط هجومه على حصون قدر وهما قاعدين بيتغدوا 

بيجاد انتي شوفتي قدر انهارده

لينا اه كانت معايا بنجيب شويه حاجات 

بيجاد جبتو ايه 

لينا بإستغراب وانتا من أمته بتسأل يعني عمرك معملتها

بيجاد بتبرير ابدا بس متنسيش ان قدر شغاله معانا ووجهه لينا علشان كده حابب اطمن 

لينا بعدم اقتناع جينا شويه لبس وإنا اخدت منها شويه اكسسوريز تحفه 

بيجاد ودول زوقك ولا زوق قدر

لينا لاء تقدر تقول مشترك ما بينا هي كمان عندها زوق راقي اوووي وسيمبل جدا 

بيجاد كويس وسكت لحظات بقولك ايه انتي مفكرتيش تعزميها في مطعم أو تقعدوا مع بعض شويه يعني كدردشه بنات زي باقي اصحابك

لينا بصتله بإستغراب :لاء بنروح وبقينا بيست فريند جدا كمان 

بيجاد بتسرع وهي بتحب بقى ايه في الأكل يعني اكلها المفضل

لينا بصتله برفعه حاجب نعم

بيجاد بتبرير قصدي انها بتحب الأكل بتاعنا بتعرفه ولا بتحب الأكل الشعبي والحاجات دي يعني 

لينا لاء عادي بتاكل داه وداه وكملت بإبتسامه بس باين عليها مدمنه شاورما وكريب لاحظت انهم اكتر اكلتين بتاكلهم وبتطلبهم كتير 

بيجاد بإنصات وايه كمان 

لينا لاء بقى بجد الحوار داه وراه حاجه متقول على طول في ايه بدل جو وكيل النيابه اللي انتي عامله معايا داخ قول عايز ايه وعايز تعرف ايه وقبل كل داه عايز توصل لايه وانا هجاوبك بمنتهى الصراحه

بيجاد بتهرب اما بسألك عادي لانك لسه قايله انكم بقيتو بست فريند 

لينا وهي بتبصله بحده وركزت عنيها في عنيه بيجاد انا مش موظفه عندك ولا عميل بينكم بيزنس انا اختك يعني اعرفك اكتر من الناس كلها بلاش لف ودوران اسئلتك دي كلها مش اطمئنان دي اسئله وراها هدف فياريت تقوله على طول انتا بقالك كام يوم وانا ملاحظه انك بتسأل كتير جدا وعلى غير العاده عن قدر قدر قدر قدر في ايه متفهمني بقى 

بيجاد بتردد مصطنع بصراحه كده يا لينا يعني حاسس اني معجب بيها مش عارف مجرد احساس ولا فضول 

لينا بصدمه ايييه 

بيجاد بتروي مالك اتصدمتي كده ليه عندك اعتراض عليها وهز راسه بخبث وكأنه بيترقب كلام معين شوفتي حاجه عليها او على اخلاقها 

لينا برفض سريع لا لا خالص دماغك متروحش لبعيد 

بيجاد عمل نفسه بيتنهد الحمد لله خضتيني يا شيخه اومال ايه

لينا بالعكس تماما قدر بنت محترمه جدا وجدعه جدا جدا وانا اشهدلها بكده بنت بلد بصحيح بنت من النوعيه النادره ميكس كده مختلف يعني حموله وقويه صبوره متحمله للمسؤليه 

بيجاد طيب كويس جدا طمنتيني وريحتيني اومال اعتراضك على ايه بقى 

لينا المسأله مش اعتراض مني خالص المسأله مسأله احساس مش حاسه منك بشغف ولا شايفه في عينك لمعه عين حاسه انك بتسأل من باب الفضول تقضيه واجب حاسه ان فيه غموض جوه عنيك يا بيجاد العين اصدق من اللسان 

بيجاد بلوع وتهرب ليه بتقولي كده مع انك انتي بنفسك قولتي انك واخده بالك اني بسأل عليها كتير 

لينا بيجاد ياريت تراعي عقلي وتحترمه ومتنساش اننا اخوات يعني بحس بيك وبعرف اقرائك كويس جدا جدا متقولي وترسيني ايه اللي بيدور في دماغك من غير لف ولا دوران كتير على بعض لانك عارف وواثق ومتاكد اني هاعرفه هاعرفه فياريت نكون صرحه مع بعض

بيجاد صدقني مفيش حاجه اكتر من انكم عمالين تقولولي اتجوز انتي ويزن اتكلمتو في الموضوع داه معايا كتير جدا 

لينا ايوه وايه علاقه كلامي انا ويزن  بقدر اساسا

بيجاد خد نفس بصراحه كده شوفتها بنت كويسه وانتي لسه كنتي بتشكري فيها جدا  وبتقولي فيها شعر وانا كمان شايفها انها مناسبه انها تكون زوجه ليا وتكون ربه اسره 

لينا بقلق ونصحيه اتمني كلامك يكون صح واحساسي غلط علشان متكونش السبب اني اخسر صحبتي ومش بس صحبتي لا دي بقت اعزهم على قلبي لأنها فعلا تستاهل كل خير

لينا وبعدين علي ما اظن يا بيجاد  ان الناس دي ملهاش في شغل التسليه والكلام الفاضي ده هما ليهم بس في الشخص الجد والدوغري اللي عايزهم بيتقدم رسمي وبيدخل البيت من بابه يعني جو اللف والدوران ده هم مالهمش فيه 

بيجاد طيب هو انتي  رايك ايه اكيد مش هتقدم لها دايركت وعلى الاقل لازم احس بقبول من ناحيتها علشان اروح وانا متطمن 

لينا اللي يريحك  أعمله بس اهم حاجه ما تنساش اللي انا قولتلك  عليه ان دول مالهمش في اللف والدوران دول سكتهم دايركت على طول وافتكر دايما ان قدر مش البنت  الاسبور ولا الاوبن مايندد زي اللي انتا بتتعامل معاهم دول حاجه ودي بالذات حاجه تانيه خالص

بيجاد طيب تمام يا لينا هاشوف الدنيا فيها ايه الأول علشان اقدر احدد اخد خطوه جد أمته

اتجمعت لينا معوقدر زي عادتهم الفتره الاخيره 

قدر بحيره وتردد لينا انا كنت عايزه اسالك على حاجه ملاحظاها بقالي فتره بس بكدب نفسي

لينا اتعدلت وبصت لقدر خير يا قدر قولي في ايه اللي انتي ملاحظاه وشاغل بالك كده

قدر بيجاد

لينا اشمعني

قدر لاء بقولك ايه مش هانخش لبعض افيا نتكلم دوغري زي الناس

لينا اوكي اصل انتي بتقولي شاغل بالك وقولتي بيجاد فبحاول اربطهم ببعض مش اكتر 

قدر  بجديه : هو انتي مش حاسه ولا واخده بالك ان اخوكي طريقته اتغيرت معايا ولا انا بتهيالي ولا  ايه الحكايه بالضبط اصل مش معقول يتغير كده فجاه  بين يوم وليله ويمدح ويشكر  وابتسمت بتريقه الا يكون فرمه تروماي الرمل يابت واحنا مش عارفين ولا حد خبطه على نفوخه عمله تربنا فيه

لينا بغيظ يا لهوي عليكي بجد هو يا بنتي انتي  لا كده عاجب ولا كده عاجب يعني لما كان بيعاملك ناشف وجد اوووي 

ماكانش عاجبك غير معاملته معاكي وبقى كلاس وراقي وبيعرف يقدر ويعبر وبردوا مش عاجبك ايه الحكايه معاكي بجد مش فاهماكي والله فين المشكله هنا

قدر يا بنتي انا ما قلتش حاجه  ولا معارضه بس مستغربه بصراحه وحاسه ان الموضوع وراه حاجه اصل اخوكي الله وكيلك طول عمره عامل زي قطر البضاعه واخد في وشه ولا بيقدر ولا بيوعر يبقى ايه اللي جد  وانا مبحبش اكون زي الاطرش في الزفه لا عارفه ولا فاهمه اللي بيدور حواليا ياريت تتكلمي معايا دوغري زي ما اتكلمت معاكي احنا أصحاب واظن حقي اني اعرف

 لينا  اوكي بس فيكي من يكتم السر ولا بناقص

قدر بهزه راس  في بير ملوش ارار بس قولي بقى وفهميني لاني حرفيا على اخري 

لينا هو بصراحه كده من فتره بيجاد كان اتكلم معايا وقالي ان هو معجب بيكي وطلبفرصه يعرفكو لما تحسي بقبول من ناحيته اقوله على طول انا رديت عليكي بمنتهي الصدق

قدر بعدم تصديق  بقا انتي عايزه تقنعيني ان اخوك ابن الحسب والنسب هيسيب بنات العز اللي حواليه  ويتمنوا اشاره منه كلهم و عايز يتجوزني انا .طيب بأنهي عقل ومنطق عايزاني أصدق 

لينا في ايه يا بنتي مالك كده اسلوبك ناشف اوووي ما كلنا واحد وبعدين ما تستقليش بنفسك يا قدر انتي حرفيا ما فيش حد زيك يا حبيبتي انتي لازم تشوفي نفسك غاليه اوووي وعاليه عشان اللي بيقلل من نفسه ما حدش بيشوفه ولا بيديه اهتمام اصلا وبفضل طول عمره قليل فب نظرهم مهما على انتي كشكل زي القمر ومقامك كبير قوي بس انت اللي مش حاسه بقيمه نفسك اوعي في يوم تقولي كده تاني لان قيمه الإنسان بتبان للناس من ثقته بنفسه 

قدر الله يجبر بخاطرك ياحبيبتي تسلميلي  بس علي اي برضو انا اقل من كل اللي حواليكم رحم الله أمراء عرف قدر نفسه وانا عارفه قدري وبناء عليه بتعامل مع الناس علشان مبنيش احلام وتطلع وهم انزل منه على جدور رقبتي تتقطم

لينا على حاجات كتير قوي يا قدر انتي مش واخده بالك منها  ده كفايه جمالك واخلاقك اللي ما بقاش موجود زيها كثير اليومين دول وتربيتك واخلاصك في شغلك اللي بقوا عمله نادره في زمن بيحكمه الفلوس والماده 

قدر مصمصت شفايفها بتريقه  حسدوا الغجر على ضل الشجر وبعدين يا بنتي انا اعرف ناس بتشتغل ليل نهار كانهم مربوطين في ساقيه وما حدش حاسس بيهم يبقى فرقت عنهم ايه انا وانتوا من عالمين مختلفين زي الليل والنهار فكلامك خارج نطاق العقل بالمره 

لينا كل اللي اقدر اقولهولك ان لكل مجتهد نصيب محدش بياخد اكتر من نصيبه او اللي يستحقه

قدر ونعمه بالله مقولناش حاجه  بس يا بنتي انتوا ولاد زوات مولودين في بوقكم معلقه دهب وانا لا مؤاخذه عليت ولا وطيت شغاله عندكم فعارفه حدودي وبتعامل على اساسها فمتجيش تهدي كل داه بكلمتين ميدخلوش عقل عيل صغير 

لينا  اولا اسمها شغاله معانا مش شغاله عندنا يا قدر هرجع واقول لك ما تنزليش من قدر نفسك علشان متعايش طول عمرك صغيره في نظر نفسك قبل الناس ثانيا بقى وداه الأهم انتي شايفة اي ورايك اي في الموضوع ده بمنتهى الصراحه ايه اللي مش مقنع ومحيرك كده 

قدر صدقيني ما اعرفش الكلام كان بينك وبين اخوكي يعني ما اتكلمش معايا فيه فانا مش عارفه بجد  ولا هاقدر احدد واخد قرار فيه بناء على كلامك انتي ولا مؤاخذه يعني ما تزعليش مني في الكلمتين دول انا اللي عايزني بيت اهلي مفتوح يدخل البيت من بابه واهلا وسهلا ويشرف في اي وقت وبعدين يبقى يحلها ربك وافكر واكرر علشان ارد عليكي 

لينا يعني اقوله  يتقدم ويتوكل على الله بقلب جامد

قدر لما يبقى يتقدم  واقعد معاه نتكلم وافهم وقتها  ووقتها بس هبقى اقولك رايي لكن دلوقتي وانا مش فاهمه اي حاجه في اي حاجه خالص 

لينا خلاص تمام ماشي يا قلبي انا هسيبك تفكري وتردي عليا وان شاء الله خير

قدر سيبها علي الله واللي ربك رايده هايكون

رجعت قدر علي البيت وهي شارده وسرحانه وبتفكر في كلام لينا  وصلت البيت ودخلت وهي لسه على حالها 

مريم بستغرب مالك يابت مسهمه كده ليه حصل معاكي حاجه طلعتي بحال وجيتي بحال غير الحال

قدر بتوهان  ولله ما انا عارفه يا ماما  اقولك ايه بس انا مش فاهمه حاجه في حاجه علشان اقولك

مريم اتكلمي يا ضنايا فيكي ايه فهميني  مالك وايه اللي صابك يا بنتي مخليكي مسهمه كده

قدر الموضوع وما فيه بالمختصر المفيد اني كنت قاعده مع لينا النهارده وقالتلي ان اخوها عايز يتقدملي وانا الصراحه من وقت ما هي قالتلي وانا مخي بيودي وبيجيب ومحتاره 

مريم يا الف بركه ان شاء الله يكون ابن حلال ويعوض صبرك خير يا بنتي بس انا مش فاهمه انت مخك بيودي وبيجيب ليه هو حد يقولك للفرح لاء 

قدر صلي على النبي في قلبك يا ماما  لازم مخي يودي ويجيب من كل نحيه كمان هو انت مش ملاحظه الفرق ما بيننا  ده فرق ما بين السماء والارض يبقى ازاي اصلا وبأنهو عقل

مريم يا بنتي الجواز في الاول وفي الاخر نصيب وربنا بعتلك نصيبك عشان يبقالك سند وظهر في الدنيا وما تبقيش بتتلطمي في الدنيا  بطولك وبعد ده كله عايزه تقولي لا يا بت ده البطران اخرته قطران

قدر هو انا اتبطرت على النعمه في ابه بس يا ماما يعني هو كان جه وانا قلت لا عشان تقولي ان انا اتبطرت انا بقولك اللي حصل وبفكر معاكي بصوت عالي عشان اعرف احسم حيرتي اللي خلت دماغي شواكيش بترقع فيها 

مريم لا بس كلام اخته بيقول كده بيقول ان عنده النيه ان هو عايز يجي ويتقدم يبقى ليه لاء بقى وليه مختاره 

قدر ارجع واقولك يا ماما الكلمه اللي لسه  قايلاها للينا لما يبقى يفكر ان هو يجي يبقى لينا كلام تاني ان شاء الله

مريم يا بنتي انت ناويه تجننيني معاك انت مش  لسه  من فتره  جيتي بنفسك وقولتيلي ان هو اتغير معاكي وبقى كويس وربنا صلح حاله 

 قدر ماشي يا ماما ما قلناش حاجه بس برده  داه مش سبب انه يتجوزني  ايش جاب لي جاب احنا فين وهما فين اصل كلامك داه عامل زي القصص بتاع الراجل الغني اللي حب البت الفقيره شويه كلام بحبر على ورق إنما الدنيا مش كده الفلوس طول عمرها بتتجوز فلوس أو نفوذ وسلطه إنما أنا على الله حكايتي يبقى فيه حاجه غلط وحاجه كبيره ناقصه في الحوار داه

مريم ما تقلليش من نفسك يا بت عشان الناس ما تستقلش بيكي خليكي متاكده وعارفه انك غاليه

 قدر تمام ماشي معاكي في كل الكلام ده بس برده يا امي بالعقل كده دول ناس لا مؤاخذه ما كناش نحلم حتى اننا نعدي حتى من قدام بيوتهم 

مريم واهو عدينا وبقت الروس متساويه كمان يا بت ايه مشكلتك بقى لا ومش كده وبس وبقينا نقعد ونتكلم معاهم ولو عايزين ندخل نسلم عليهم هندخل عادي 

قدر ماشي ياما بس برده ايه اللي غير الحوار

مريم يمكن يا بنتي شاف اخلاقك وتربيتك وانك بنت اصول واللي زي دول بيبقى عايز اللي تصونه مش واحده دايره على حل شعرها من هنا لهنا يابت الراجل مهما لف ودار وعرف دي ودي لما ييجي يتجوز عايز البت الخام اللي يشكلها على ايده 

قدر والله يا ماما انا  ما بقيت عارفه وحياتي زادت اكتر بصي   ان شاء الله خير سبيها لوقتها ويحلها الحلال من عنده مش هاسبق الأمور 

رجعت لينا على البيت لقبت بيجاد قاعد في الصالون 

قربت منه على فكره انا كنت مع قدر النهارده واتكلمت معاها لأنها خدت بالها وسألتني فيه 

بيجاد ها طمنيني قالتلك اي ورايها اي في الموضوع 

 لينا حكيتله كل اللي حصل وكل كلمه دارت بينها وبين قدر

بيجاد يعني انتي شايفه ان انا كده اخد خطوه بقلب جامد وانها هتوافق  ولا لاء اكيد من خلال كلامك معاها تقدري تحكمي

لينا من الاخر يا بيجاد هو انت عايز ايه من قدر بالظبط

بيجاد لا اله الا الله يا بنتي ما انا قلتك انا عايز منها ايه 

وقلتلك ان انا عايزه اتجوزها هو انا قلت لك عايزه اصاحبها ولا عايزه ارفقها وامشي معاها

لينا بضيق اتكلم باحترام عنها يا بيجاد بعد اذنك لاني مبحبش الأسلوب داه ولا هاسمح بيه

بيجاد يا بنتي انا مش بتكلم بقله ادب انا بقولك بس ان انا عايزه اتجوزها مش اكتر لان الصراحه مش فاهمك من وقت ما قلتلك ان انا عايزه اتجوزها وانتي تصرفاتك مابقتش مفهومه 

 لينا لاني اختك وعارفاك كويس يا بيجاد وقت ما كنا بنتكلم على الجواز كنت بتقول انك هتتجوز جواز بيزنس جوازه ترفعني فإيه اللي اتغير دلوقتي 

بيجاد وانتي ليه مستقله بقدر اوي كده

لينا انا مش مستقله بيها ولا حاجه انا مستغربه بس انتا 

ماكنتش بتطيقها وكنت بتفضل تتريق عليها وعلى اسلوبها وطريقتها ودلوقتي عايز تقنعني ان انتا حبيتها وعايز تتجوزها

بيجاد تمام انا معاكي في كل الكلام اللي انت بتقوليه ده بس قلوبنا مش بايدينا وغصب عني حبيتها

لينا اتمنى يا بيجاد ان يكون كلامك صح عشان ما اخسرش صاحبتي بسببك عشان انا لو خسرتها بسببك مش هسامحك لان قدر حد نضيفاوووي من جوه وبره وصعب تلاقي زيه في الزمن ده وانا معنديش اي استعداد اخسرها 

بيجاد اهو عشان كده انا متمسك بيها لاني شفت فيها ام عيالي لان صعب تلاقي واحده تحافظ على اسمك وعرضك وشرفك واحده تنام وانت مطمن انها مش هتخونك واحده لو حطيتها بين الف راجل تعرف ازاي تدافع عن نفسها وتكون بالف راجل

لينا اتمنى ان يكون كلامك صح ان شاء الله ربنا يقدم اللي فيه الخير

بيجاد ان شاء الله خير بس اهم حاجه دلوقتي اتصلي بقدر وخديلي ميعاد عشان اروح لهم يمكن داه يأكدلك صدق كلامي ونيتي 

لينا اتصلت على قدر

لينا ازيك يا قمر

قدر ايه وحشتك داحنا لسه كنا مع بعض

لينا يارب نفضل دايما مع بعض المهم بقولك ايه فاضيين بكره نيجي نشرب عندكم عصير

قدر بإبتسامه تنوري داه بيتك يا قلبي

لينا لا انا بقول احنا مش انا

قدر سكتت 

لينا ها 

قدر اظن عارفه طريق البيت 

لينا يبقى على بركة الله بكره على المغرب هايكون عندكم 

تاني يوم جهز بيجاد واخد لينا ويزن وراحوا بيت قدر على حسب وصف لينا اخد معاه علبه شيكولاته وبوكيه ورد واول ما وصل فتحت له غزل او فضلت تبصلهم بتقيم 

غزل ما بينها وبين نفسها بقى المز رجل الاعمال ده ياخذ  قدر اللي كانت بتلف في الشوارع  حافيه ومقيحه اللي زي داه  مش عايز واحده زي قدر ده عايز واحده زيي انا