رواية عائلة آخر جنان الفصل الثالث والعشرين 23 بقلم مروة طارق
مروة وهاني في الحفلة ……….. مروة مندمجة اوي ……….. في نص الحفلة في دايرة وهي وولد بيرقصوا تانغو على رقص غربي وعملين ميكس بين طريقة الرقصتين ……
خلصت الاغنية وخلصت مروة رقص ……… وراحت لهاني ……….
مروة : هااااااي
هاني : واضح انك مستمتعة
مروة : انا بحب الرقص جدا
هاني : واضح
مروة : انت متضايق
هاني : لا خالص وهضايق ليه ؟
مروة : طيب اصل شكلك كئيب يعني
هاني : انت ليه مش بترقصي معايا
مروة : وارقص معاك ازاي وانت مبتعرفش ترقص
هاني : ومين قالك
مروة : منظرك كيشاري وكئيب وهادي جدا
فضلت مروة تبص على اللى في الحفلة ……… وهاني باصص عليها باستغراب ……..
فيلم …….( step up )…… (till the down )اشتغلت اغنية
مروة نطت وهاني اتخض : اوووووووووه انا بحب الاغنية دي تعرف رقصتها ؟
هاني : رقصة ايه ؟
مروة : مش انت بتعرف ترقص
ابتدت مروة في حركات الرقصة وهي بتلف حوالين هاني وبتتحداه وهي متأكدة انه مش هيتحرك وفجأة الناس بقوا صفوف وخاوا مروة اول واحدة لانها من الصبح غلباهم في البريك دانس ……….
وفجأة جه هاني وقف جنبها ونزل رقص زيها ويمكن احسن منها ……… هي استغربت بس فضلت ترقص جت جزء المفروض فيه تحدي والولاد وقفوا قصاد البنات ……… البنات ابتدوا بالجزء بتاعهم …….. وفي جزء الولاد هاني تقدم الولاد وفضل يرقص بريك …… مروة مستغربة من مرونته في الرقص وكأنه بيرقص بقاله سنين واتجمعوا تاني صفوف البنات ولاولاد لحد الاغنية ما خلصت ………..
*****************************************************
في نفس الوقت اللى مروة وهاني بيرقصوا فيه ………
كانت هبة واقفة بعيد هي ووليد ………
هبة : شوفت مش قولتلك
وليد : يا بت اللذين ايه البت دي دي ماسحة الجو
هبة : عشان تعرف سهلة شوية مع اسلام وشوية مع هاني
وليد : يبقى مبدهاش بقى
هبة : ايه رايح فين ؟ اتقل واستناها يوم لوحدها وكلمها
وليد : صح عندك حق
***********************************************
خلصت الحفلة وهاني وصل مروة البيت ومتكلموش ولا كلمة بعد الحفلة ……….
مروة : انت ازاي كده يعني
هاني : نتكلم بعدين
مروة : اوك براحتك تصبح على خير
هاني باستغراب : وانتى من اهله
مروة سابته ودخلت من البوابة ………
هو في العربية بيقول لنفسه : ايه البت دي ده تقل ده ولا غتاتة ماهو مفيش حد كده الصراحة اقولها نتكلم بكرة تقولى اوك وتسيبني وتمشي ده لو واحدة تانية مكنتش سابتني
********************************************************
مروة دخلت اوضتها غيرت هدومها قعدت على المكتب تفتح اللاب توب …….. قامت قبل ما تفتحه ……. نامت عالسرير …….. حاولت تنام ……. بتتقلب في السرير كل شوية …… فضلت ساعة تقريبا على الحال ده ……….. قامت قعدت بعنف ……..
مروة : لا ماهو مش انت يا هاني اللى تخليني مش عارفة انام انت اخر واحد انا ممكن افكر فيك …….. اكيد عجبني بس اني اكتشفت انه روش مش اكتر
وقامت رمت دماغها عالمخدة وخدت خدادية حطتها فوق وشها …………..
****************************************************
تاني يوم اتفق سهر ومحمد ومحمود ومعاذ ونورهان ومريم وسمر وفريد على ميعاد يتقابلوا فيه قبل ما يقابلوا ناهد …………..
اتجمعوا في كافيه فطروا فيه جنب الشركة …………
محمد ومحمود ومريم بيراجعوا كل الاوراق ……
نورهان ومعاذ بيناقشوا شوية حاجات في الشغل ….
سهر متوترة ……….. سمر مش بتتكلم وفريد سرحان ………….
نورهان : سهر انتي قلقانة ليه كده؟
سهر : مش عارفة متوترة اوي كأني داخلة امتحان بصراحة المشروع اللى احنا داخلين عليه ده كبير مش صغير
معاذ بيمسك ايديها : متقلقيش انا جنبك ومش هسيبك وانا واثق انك هتعملى احلى حاجة في الدنيا
سهر : تفتكر يا معاذ
نورهان : مش وقت رومانسيات في العينات
سهر : في شنطة العربية برة
مريم : على فكرة متهيألى مامتك مكنتش محتاجة عينات هي شافت الفساتين في الحفلة اللى انتى كنتي عملاها
سمر : ايوة صح ماما عارفة شغلك
محمود : احنا مش رايحنلها على اساس انها ماما
محمد : وكمان عشان الموضوع يبقى بروفيشنال شوية كأننا رايحين لحد غريب
فريد : انا واثق انها هتوافق عالمشروع ده ان شاء الله
معاذ : انا رأيي من رأي فريد
نورهان : يلا نقوم يا جماعة كده الياشمهندسة وصلت وخدت قوتها كمان
******************************************************
نورهان ومعاذ داخلين على ناهد المكتب …………….
معاذ : ناهد معلش سيبي الشغل اللى معاكي ده احنا عندنا اجتماع طارئ انا ببلغك بيه دلوقتي
ناهد : خير في ايه ؟
معاذ : مشروع هيتعرض علينا هيكسبنا دهب
معاذ يبص لنورهان : روحي انتي لاوضة الاجتماعات وانا هجيب ناهد واجي وراكي
نورهان تخرجبرة المكتب …………
ناهد: في ايه فهمني
معاذ : والله زي ما قولتلكبصي يا ناهد قبل ما تتهميني بأي حاجة انا عامل دراسة الجدوي بتاعت المشروع ده وانا كرجل اعمال لو عارف انه لو في خسارة ولو بسيطة مكنتش هعرضه عليكي
ناهد : مشروع ايه ؟
معاذ : لا تعالى اصحاب المشروع الاصلين يعرضوه عليكي
معاذ يخرج مع ناهد يدخلوا اوضة بعد مكتبها بأوضتين ……….
ناهد او ما تدخل تشوف الجروب الموجود تندهش …………
ناهد : ايه ده انا مش فاهمة حاجة
محمد بجدية : با شمهاندسة ناهد احب اعرفك بنفسي وبأعضاء الجروب بتاعنا
******************************************************
تعدي ساعتين بيشرحوا لناهد فكرة المشروع ودور كل واحد فيهم ………..
نورهان : متهيألى يا با شمهندسة احنا غطينا كل حاجة في المشروع لو عندك اسألة اتفضلي اسأليها ………. ناهد لسة هتسألهم وهتعملوا ايه لما تسافروا بس سكتت لقتها فرصة انها تربطهم بمصر اكتر ………….
سهر بتوتر : ودلوقتي قرار حضرتك ايه ؟
ناهد : انا هاخد قراري بس انا عايزة معاذ ونورهان على انفراد الاول قبل ما اخد القرار
يبصوا لبعض بتوتر ……….
******************************************************
مروة قاعدة في الاوضة ……… بتفكر في هاني وهي متضايقة اوي ……..
مروة : اووووووووووووف انا هنزل النادي
مروة تنزل لمنار ………… تلاقيها قاعدة على اللاب على السفرة ……….
مروة : منار انا رايحة النادي تيجي
منار تهز راسها يمين وشمال بمعني لا ……..
مروة : طيب
تطلع مروة تغير هدومها وتطلع عالنادي ……………
******************************************************
ناهد في اوضة متصلة بأوضة الاجتماعات ……
ناهد : احيكي يا نور عالفكرة الهايلة دي وانت يا معاذ دراسة الجدوي بارعة
نورهان : انا مش فاهمة حضرتك
ناهد : انا مش عيلة انا فاهمة ان انتى صاحبة الفكرة بالنسبة لدراسة الجدوي كان لازم معاذ يساعدهم بس انتوا عارفين انهم هيسافروا اخر السنة دي ؟
نورهان : اهو عشان كده انا فكرت في المشروع ده اللى يجمع جميع الاطراف عشان محدش يقول انا عايز اسافر ويبوظ على اخوه شغله يعني يبقوا كلهم مشغولين هنا
معاذ : صح هما فاكرين انه هينفع يسيبوا كل حاجة ويمشوا بس انا واثق انهم هيقعدوا
نورهان : انا لما عرضت المشروع كانوا ناسين خالص انهم هيسافروا ووافقوا على طول
ناهد : تفتكروا هيقعدوا
نورهان : انا مش عارفة بس اهي محاولة هو في الاول كانت فكرة اساعدهم بيها وهما قاعدين بس انا فكرت شوية قلت انهم ممكن يتربطوا بالمشروع وكله على ربنا
ناهد : ونعم بالله طيب يلا بينا نرجعلهم
**************************************************
مروة بتلف في النادي حاسة بالزهق بتفكر تكلم هاني يجي …….. وبعدين فاقت وكلمت منة بداله ……………
مروة : الو ……….. منة انتي فين ؟ ………….. طيب ما انا في النادي …………. طيب فين على البيسين ……………. طيب انا جاية
مروة ماشية رايحة ناحية البيسين لقت حد مسكها من ايدها ………..
وليد : ايه يا قمر رايحة فين ؟
مروة بتنفض ايديها بعنف : انت حيوان انت ازاي تمسك ايدي كده ؟
وليد : عادي يعني بصراحة انا عايز اتعرف عليكي من زمان ولما شوفتك بترقصي امبارح عجبتيني اكتر
مروة : واضح انك يا مجنون يا شارب حاجة واطلع من دماغي انا مش نقصاك
وليد : بس انا معجب بيكي وعايز اتعرف انا وليد
مروة : وانا ميفرقش معايا وعن اذنك
وليد يمسك ايدها ويشدها : ايه رايحة فين ؟
مروة تضربه بالقلم ………. وتطلع تجري …………
وليد : بتضربيني بالقلم انا هوريكي وهتجيلي هتجيلي
**************************************************
ناهد تدخل على اوضة المكتب ………………
تقعد على راس ترابيزة الاجتماعات …………………
ناهد : انا قررت ان هنفذ المشروع
يهيصوا ويفرحوا …………..
فريد : انا كنت واثق انك هتوافقى
سهر: ميرسي يا ماما
محمود : هنبدأ من امتى
ناهد : هخلص انا ومعاذ الاتفاق ونور تظبطلنا الاجواعات ونبدأ على طول